- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
შორს აღარ არის ის დრო, როცა ქართული კლუბები ევროთასების გათამაშებაში ჩაებმებიან
<p>ქართული რაგბის "შიდა სამზარეულოს" სიახლეებზე, პრობლემებსა და სამომავლო გეგმებზე საქართველოს რაგბის კავშირის საშეჯიბრო კომიტეტის ხელმძღვანელი ნიაზ მამრიკიშვილი საუბრობს <br> ქართული რაგბის ბოლო წლების წარმატებებთან ერთად, სპორტის ამ სახეობის პოპულარობა ჩვენს ქვეყანაში დღითიდღე იზრდება. შესაბამისად, იზრდება რაგბის გეოგრაფია, კლუბებისა და მათში მოვარჯიშე ბავშვების რაოდენობა.</p><p>საქართველოს რაგბის კავშირი დღესდღეობით 6 სხვადასხვა რანგის შეჯიბრებას მართავს. ესენია: საქართველოს ჩემპიონატის უმაღლესი, პირველი, ესპუართა, ჭაბუკთა A და B ლიგები, ასევე - შვიდკაცა რაგბის ჩემპიონატი, რომელიც სამ ეტაპად ტარდება.</p><p>ქართული რაგბის "შიდა სამზარეულოს" სიახლეებზე, პრობლემებსა და სამომავლო გეგმებზე საქართველოს რაგბის კავშირის საშეჯიბრო კომიტეტის ხელმძღვანელი ნიაზ მამრიკიშვილი გვესაუბრება.</p><p>- წლევანდელი სეზონი უწინდელისგან ძალიან ბევრი რამით იყო გამორჩეულ-განსხვავებული. ყველაზე მთავარი კი ის არის, რომ საქართველოს ჩემპიონატი შემოდგომა-გაზაფხულის სისტემით გაიმართება.</p><p>ამასთან ერთად, გაიზარდა გუნდების რაოდენობა თითქმის ყველა ლიგაში. მაგალითად, უმაღლეს ლიგაში რვის ნაცვლად ათ გუნდს ვიხილავთ. სერიოზული ნამატი გვაქვს პირველ ლიგაშიც. იქ 16 გუნდი ითამაშებს.</p><p>გადავწყვიტეთ, პირველი ლიგა რეგიონული პრინციპით ორად გაგვეყო. მართალია, დასავლეთ ზონაში უფრო ნაკლები, ექვსი გუნდი მოხვდა, მაგრამ დასავლეთ საქართველოში რაგბის განვითარების ტემპი იმდენად სწრაფია, რომ მალე კიდევ ველოდებით ნამატს.</p><p><strong>- ორ წელიწადზე მეტია, უმაღლესი ლიგის კლუბებს დუბლშემადგენლობაც, ანუ ესპუართა გუნდებიც ჰყავთ. წლეულსაც თუ ჩატარდება მათ შორის შეჯიბრება?</p><p></strong>- დუბლშემადგენლობათა ტურნირი წლეულსაც აუცილებლად ჩატარდება, თუმცა ჯერჯერობით უცნობია რამდენი გუნდი მიიღებს მონაწილეობას. სამაგიეროდ, უკვე ვიცით, რომ სამ ეტაპად ჩატარდება შვიდკაცა რაგბის საქართველოს ჩემპიონატი, რომელშიც 12 გუნდი მიიღებს მონაწილეობას.</p><p>აქ პრინციპი ასეთია, უმაღლესი ლიგის ათ გუნდს ემატება პირველ ლიგაში რეიტინგით ორი საუკეთესო გუნდი. თუ რომელიმე უმაღლესლიგელი ასპარეზობაზე უარს იტყვის, მაშინ მას მესამე პირველლიგელი ჩაანაცვლებს.</p><p><strong>- გუნდებს უფლება აქვთ, ასპარეზობაზე უარი თქვან?</p><p></strong>- "არმიამ" უარი თქვა შვიდკაცა რაგბის ჩემპიონატში მონაწილეობაზე. ამ გუნდის ხუთი მორაგბე საქართველოს ახალგაზრდულ ნაკრებშია, რომელიც სოლტ ლეიკ სიტიში "მსოფლიოს ახალგაზრდულ ალაფზე" იასპარეზებს. ამდენივე მოთამაშე ჰყავს მივლინებული ეროვნულ ნაკრებშიც. ფაქტობრივად, უკანა ხაზიდან გუნდში აღარავინ დარჩა და ამიტომაც თქვა უარი.</p><p><strong>- რით იყო გამოწვეული საქართველოს ჩემპიონატის ფორმატის ცვლილება და შემოდგომა-გაზაფხულის სისტემაზე გადასვლა?</p><p></strong>- ერთ-ერთი მიზეზი ის იყო, რომ შორს აღარ არის ის დრო, როცა ქართული კლუბები ევროთასების, კერძოდ კი, პირველ ეტაპზე "ემლინ ჩელენჯ კაპის" გათამაშებაში ჩაებმებიან. ამას დაუმატეთ ეროვნული ნაკრების საერთაშორისო მატჩების განრიგი.</p><p>ყოველივე ამის გამო იძულებულნი ვიყავით, საქართველოს ჩემპიონატის გამართვის ვადები საერთაშორისო გრაფიკზე აგვეწყო, რაც ხშირ და დიდხნიან პაუზებს იწვევდა. შემოდგომა-გაზაფხულის სისტემაზე გადასვლის შემდეგ ასე აღარ იქნება. ერთადერთხელ, ნოემბრის ტესტებისთვის მოგვიწევს ორკვირიანი შესვენების გამოცხადება.</p><p>ამრიგად, საქართველოს ჩემპიონატი პირველ სექტემბერს დაიწყება და 2013 წლის გაზაფხულის ბოლოს დასრულდება. ვფიქრობ, ეს ცვლილება ჩვენი რაგბის განვითარებისთვის დადებით ტენდენციებს გამოიწვევს.</p><p><strong>- მამა</strong><strong>კაცთა შეჯიბრებების გარდა, რაგბის კავშირი ჭაბუკთა ტურნირ</strong><strong>საც ატარებს...</p><p></strong>- დიახ, ჭაბუკთა A და B ლიგებში შეჯიბრება ამჟამად მიმდინარეობს. ფორმატის ცვლილება ამ ტურნირებს არ შეეხება, ანუ აქ ისევ გაზაფხული-შემოდგომის სისტემით იასპარეზებენ გუნდები.</p><p>ორივე ლიგაში გუნდების რაოდენობა საგრძნობლად გაიზარდა, მოიმატა თამაშების რაოდენობამაც, რომლის მომსახურებასაც საკმაოდ დიდი ადამიანური რესურსი სჭირდება.</p><p>ამასთან ერთად, თავი იჩინა სრულიად ბუნებრივმა პრობლემამ. მოგეხსენებათ, ამ ლიგებში მოთამაშე მორაგბეები სკოლის მოსწავლეები არიან. ახლახან მათ გამოსაშვები გამოცდები ჰქონდათ, რის გამოც შეჯიბრება დროებით შევაჩერეთ. მათი დაახლოებით 70 პროცენტი სწავლის გაგრძელებას აპირებს და ახლა მისაღები გამოცდების გამო მოგვიწევს ისევ პატარა პაუზა.</p><p><strong>- როგორი მომზადებული შეხვდა რაგბის კავშირის ინფრასტრუქტურა გუნდების რაოდენობის ზრდას?</p><p></strong>- ჯერჯერობით თავს ვართმევთ. მატჩების უმრავლესობა ვარკეთილის მეურნეობის სარაგბო მოედანზე იმართება.</p><p>დიდად გვეხმარება დიღმის მასივში "ლოკომოტივის" და ვარკეთილში "ლელოს" სარაგბო ბაზები. რომ არა მათი თანადგომა, ვერც კი წარმომიდგენია, რა უნდა გვეღონა.</p><p>მომავალი წლიდან ისევ ველოდებით გუნდების რაოდენობის მატებას. ამაზე უკვე ნაფიქრი გვაქვს, გარკვეული ღონისძიებებიც დავსახეთ, თუმცა უნდა დაველოდოთ, როგორ განვითარდება მოვლენები.</p><p>"საქველმოქმედო ფონდი ქართუს" დახმარების პროგრამით, მწყობრში მალე კიდევ რამდენიმე ბაზა უნდა ჩადგეს. ჯერჯერობით კი თბილისში ორი მაღალი დონის სარაგბო კომპლექსი გვაქვს.</p><p><strong>- როგორი მდგომარეობაა ჭაბუკთა ლიგებში დისციპლინის მხრივ?</p><p></strong>- ასაკიდან გამომდინარე, ჭაბუკთა ლიგების გუნდებთან მუშაობა ყველაზე რთულია. ბიჭები 15-17 წლისანები არიან.</p><p>ეს გარდატეხის პერიოდია. სწორედ ამ დროს ხდება ადამიანის პიროვნებად ჩამოყალიბება. მოზარდები გაუწონასწორებელნი არიან, როგორც ფსიქოლოგიურად, ისე ემოციურად.</p><p>თანაც, სწორედ ახლა უწევთ პირველი შეხება სერიოზულ სარაგბო შეჯიბრებასთან, სხვა გუნდების მორაგბეებთან, რომლის დროსაც ბევრ პრობლემებს ვაწყდებით.</p><p>ვერ ვიტყვი, რომ ბრძოლა გვაქვს გამოცხადებული, მაგრამ მდგომარეობის გამოსწორების მიზნით გარკვეულ სამუშაოს, ცხადია, ვატარებთ. მინდა აღვნიშნო, რომ შარშანდელთან შედარებით, წლეულს მდგომარეობა უკეთესობისკენაა შეცვლილი.</p><p><strong>- როგორ შეაფასებდით ჭაბუკთა ლიგაში მოასპარეზე გუნდების თამაშის დონეს და ხარისხს?</p><p></strong>- თამაშის ხარისხზე, მოდით, სექტემბრიდან ვილაპარაკოთ. როგორც უკვე ვთქვი, დღესდღეობით არსებული პრობლემები გუნდების მომზადების დონეს სერიოზულ დაღს ასვამს.</p><p>მორაგბეები არ არიან ბოლომდე კონცენტრირებულნი. ამიტომ ამ თემაზე უმჯობესია სექტემბერში ვისაუბროთ. სწორედ ამ პერიოდში მოახერხებს ყველა გუნდი, მაქსიმალურად კარგად მოემზადოს, როგორც ტაქტიკური, ისე ტექნიკური თვალსაზრისით.</p><p>ყველაზე კარგი ბარომეტრი ჩვენი ჭაბუკთა ნაკრებების საერთაშორისო ასპარეზზე მიღწეული წარმატებებია. აქედან გამომდინარე, მიმაჩნია, რომ პროგრესს განვიცდით. ცხადია, ადამიანის ბუნება ისეა მოწყობილი, რომ მუდმივად უკეთესისკენ ილტვის.</p><p>მიღწეულით დაკმაყოფილება კი მოდუნებას და რეგრესს იწვევს. ესე იგი, კმაყოფილნი არასდროს უნდა ვიყოთ, რათა განვვითარდეთ და კარგ შედეგებს მივაღწიოთ.</p><p>ერთი სიტყვით, ყველაფერი ერთმანეთზე ჯაჭვის რგოლებივითაა გადაბმული. მორაგბეების რაოდენობის ზრდა შეუქცევად პროცესად უნდა იქცეს, აისახოს ხარისხის ამაღლებასა და ეროვნული ნაკრების შედეგებზე.</p><p><strong>ყოველდღიური სპორტული გაზეთი "ლელო"</strong></p>
-
Qartveli
ევრო ასპარეზზე კი არა ჯერ იმდენი შეძელით,რომ ბიჭებმა 300 და 400 ლარი აიღონ ხელფასი! მათხოვრული როა!
"შავი ლომი" ჩელენჯ თასს "მონპელიეთი" იწყებს
"შავი ლომი" | ტოპ 14-ისა და ჩელენჯ თასის ორგზის ჩემპიონი თბილისში
ოთხი მსაჯით ჩემპიონთა თასზე!
"ტოტენჰემის" მეკარემ შესაძლოა, კარიერა "ინტერში" გააგრძელოს
"ახლა გუნდებს სჯერათ, რომ ჩვენთან დადებითი შედეგის მიღწევა შეუძლიათ" - სლოტმა "სანდერლენდთან" მატჩი შეაფასა
კიტეიშვილის "შტურმი" სახლში დამარცხდა და ვერ გალიდერდა
ფუტსალის ნაკრები საერთაშორისო ტურნირზე იასპარეზებს
[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა
პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა
[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ
[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ
სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან
"შავი ლომი" ჩელენჯ თასს "მონპელიეთი" იწყებს
[VIDEO] "ბარსელონამ" სახლში "ატლეტიკოს" მოუგო
20 წ. | დიდი სხვაობით "კუდუსთან"
"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს
"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა
მამის ნაკვალევზე - ისაგო სილვამ "ჩელსისთან" კონტრაქტი გააფორმა
"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა
იტალიაში საუკეთესოები აღიარეს - მაკტომინეი, "ნაპოლი", კონტე
რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს
"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა
"ბაიერნის" პრეზიდენტმა ჰარი კეინის მომავალზე ისაუბრა