- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ნერვების თამაში კეიპტაუნში
<p>გერმანიისა და არგენტინის ნაკრებ გუნდებს შორის ფსიქოლოგიური ომი ოთხშაბათს დაიწყო და ამის ინიციატორი ბუნდესგუნდის ლიდერი ბასტიან შვაინშტაიგერი გახლდათ, რომელმაც პრესკონფერენციაზე თქვა, რომ "ალბისელესტეს" ფეხბურთელები პროვოკატორები არიან, ბინძურ ფეხბურთს თამაშობენ და რომ...</p><p><br> 3 ივლისი. კეიპტაუნი. გრინ პოინტი. 18:00</p><p>არგენტინა-გერმანია</p><p>სავარაუდო შემადგენლობები</p><p><strong>არგენტინა (4-4-1-1): </strong>რომერო - ოტამენდი, დემიკელისი, ბურდისო, ჰაინცე - ტევესი, ვერონი, მასკერანო, გუტიერესი (ან დი მარია) - მესი - იგუაინი.</p><p><strong>გერმანია (4-2-3-1):</strong> ნოიერი - ლამი, მერტეზაკერი, ფრიდრიხი, ჟ. ბოატენგი - ხედირა, შვაინშტაიგერი - მიულერი, იოზილი, პოდოლსკი - კლოზე.</p><p><strong>არბიტრი:</strong> რავშან ირმატოვი (უზბეკეთი)</p><p><span style="font-size: medium;"><strong>არგენტინას შურისძიება უნდა, გერმანიას ძირითად დროში მოგება</p><p></strong></span>გერმანიისა და არგენტინის ნაკრებ გუნდებს შორის ფსიქოლოგიური ომი ოთხშაბათს დაიწყო და ამის ინიციატორი ბუნდესგუნდის ლიდერი ბასტიან შვაინშტაიგერი გახლდათ, რომელმაც პრესკონფერენციაზე თქვა, რომ "ალბისელესტეს" ფეხბურთელები პროვოკატორები არიან, ბინძურ ფეხბურთს თამაშობენ და რომ გერმანიის ნაკრების ყველა ფეხბურთელი ფრთხილად უნდა იყოს. ზოგადად, ამ ორ საფეხბურთო ქვეყანას შორის ომი დიდი ხანია დაწყებულია და მას დიდი ისტორია აქვს, მაგრამ ახლა არგენტინისა და გერმანიის ძველი</p><p>დაპირისპირებების გახსენებას არ ვაპირებთ, რადგან გულშემატკივრებისთვის ყველაფერი კარგად არის ცნობილი. ამ შემთხვევაში, მხოლოდ 2006 წლის მუნდიალი უნდა გავიხსენოთ, სადაც გერმანელები და არგენტინელები ერთმანეთს ასევე მეოთხედფინალში დაუპირისპირდნენ და ის მატჩი გერმანიამ პენალტების სერიაში მოიგო. სწორედ ამ თამაშიდან გამომდინარე საუბრობდა შვაინშტაიგერი იმაზე, რომ არგენტინელებისგან პროვოკაციებია მოსალოდნელი. 2006 წელს, საფინალო სასტვენის შემდეგ მოედანზე დიდი შეხლა-შემოხლა იყო, რაც არა მარტო შვაინშტაიგერს, არამედ დღეს მოედანზე გასასვლელი ფეხბურთელებიდან საკმაოდ ბევრს ახსოვს.</p><p>"ალბისელესტეს" მთავარმა მწვრთნელმა დიეგო მარადონამ შვაინის და ზოგადად მთელ საფეხბურთო გერმანიას პასუხი ორი დღის დაგვიანებით გასცა. დიეგომ თქვა, რომ გერმანელი ფეხბურთელის, ვინმე "სვეინსტეიგერის" მოსაზრებები საერთოდ არ აინტერესებს და თანაც, ბუნდესგუნდის ლიდერს მიმართა, რა იყო, ხომ არ ნერვიულობ, სანერვიულო კი ნამდვილად გაქვსო. მარადონამ ისიც თქვა, რომ არგენტინის ნაკრები შვაინშტაიგერს და მთელ გერმანიას საკადრის პასუხს დღეს, ქეიფთაუნის სტადიონ "გრინ პოინტზე" გასცემს. მარადონა დაიქადნა, არგენტინა შურს იძიებს გერმანიაზე იმისათვის, რომ ბუნდესგუნდმა 2006 წელს "ალბისელესტე" დაამარცხა.</p><p>ამის მეტი, ფეხბურთელებს და მწვრთნელებს ერთმანეთზე ცუდი არაფერი უთქვამთ. გერმანიის ნაკრების მთავარმა მწვრთნელმა იოახიმ ლიოვმა წინასამატჩო პრესკონფერენცია გუშინ გამართა და "ალბისელესტე" ძალიან აქო. მან ისიც აღნიშნა, რომ შვაინშტაიგერმა თავისი მოსაზრებები გამოთქვა და რომ გერმანიის ნაკრებში თავისი აზრის გამოთქმა ნებისმიერ ფეხბურთელს შეუძლია.</p><p>"ის, რაც შვაინშტაიგერმა თქვა, მისი აზრია, ჩვენს გუნდში კი აზრის გამოხატვის თავისუფლებაა. ეს იმას არ ნიშნავს, რომ გერმანიის ნაკრები არგენტინის ეროვნულ გუნდს პარტივს არ სცემს. ბასტიანს ვეთანხმები იმაში, რომ არგენტინელები თამაშის დროს ხშირად აგრესიულები არიან და მთელ რიგ მომენტებში, ასე ვთქვათ, "არალეგალურად" თამაშობენ, მაგრამ ეს ზოგადად არგენტინის ნაკრების ერთ-ერთი პლუსია. ფეხბურთი ომია, ომში კი ყველაფერი მოსულა. მთავარი ის არის, რომ ჩვენ ყველაფრისთვის მზად უნდა ვიყოთ," - განაცხადა ლიოვმა.</p><p>ზოგადად, ლიოვი გუშინდელ პრესკონფერენციაზე ძალიან განტვირთული, მშვიდი და ასი პროცენტით კონცენტრირებული ჩანდა. მან თქვა, რომ ამ მატჩს გერმანიის ნაკრების თითოეული ფეხბურთელი მოუთმენლად ელის. ერთადერთი გერმანელი ფეხბურთელი, ვისი თამაშიც დღეს საეჭვოა, თავდამსხმელი კაკაუ გახლავთ. ლუკას პოდოლსკი და მესუთ იოზილი კი სრულიად ჯანმრთელები არიან.</p><p>ბუნდესმწვრთნელმა არგენტინის ნაკრების შემტევი სტილი შეაქო. მისი აზრით, დღევანდელ მატჩში მაყურებლები უაღრესად საინტერესო, ორმხრივ შეტევებს და საერთო ჯამში, ძალიან თვალსასეირო ფეხბურთს იხილავენ. "არგენტინის ნაკრები მხოლოდ მესი არ არის. "ალბისელესტეში" ყველა ფეხბურთელი უმაღლესი კლასისაა," - თქვა ლიოვმა. მატჩის წინ, არგენტინული პრესა წერდა, რომ მარადონა დღეს გაცილებით ფრთხილ ტაქტიკას აირჩევს. ლიოვს არ სჯერა, რომ დიეგოს სტრატეგია დღეს უფრო ფრთხილი იქნება, ვიდრე წინა მატჩებში.</p><p>ლიოვმა და მისმა თანაშტაბელებმა არგენტინის ნაკრების მატჩების ვიდეო-ჩანაწერები დეტალურად გაანალიზეს და იოგის თქმით, იმ დასკვნამდე მივიდნენ, რომ დღევანდელი "ალბისელესტე" ოთხი წლის წინანდელზე უფრო ძლიერი გუნდია. იოგი არც იმას მალავს, რომ დამატებითი დროისა და თერთმეტმეტრიანების სერიის პერსპექტივა არ ხიბლავს. მისი თქმით, ბუნდესგუნდი ყველაფერს გააკეთებს საიმისოდ, რომ თამაში ძირითად დროში მოიგოს.</p><p>რაც შეეხება არგენტინის ნაკრებს: "ალბისელესტეს" ბანაკიდან გუშინ კომენტარები არ გაკეთებულა. მარადონამ თავისი სათქმელი ჟურნალისტებს გუშინწინ უთხრა და ზემოთაც შეგახსენეთ, თუ რაზე ისაუბრა დიეგომ უმეტესად, გუშინ კი მიიჩნია, რომ ახალი არაფერი ჰქონდა სათქმელი. მას არც არგენტინული პრესის მიერ გავრცელებულ ცნობებზე (მარადონა გერმანიასთან უფრო ფრთხილ ტაქტიკას აირჩევსო) გაუკეთებია კომენტარი. ასე იქნება, თუ ისე, ფაქტი ის არის, რომ მარადონას გუნდი დაცვაში არ დადგება - ეს ასი პროცენტით გამორიცხულია. "ალბისელესტე" შეუტევს და აშკარაა, რომ არც გერმანიას სურს "მეორე ნომრობა". შესაბამისად, თამაში ძალიან საინტერესო უნდა გამოვიდეს. დიდი შანსია, რომ ეს იყოს ყველა დროის ერთ-ერთი საუკეთესო მატჩი მსოფლიოს ჩემპიონატების ისტორიაში.</p>
ძალიან ყინჩად კი იყვნენ - "იბერია 1999"-ის მძლეველი "მალმიო" "კოპენჰაგენმა" გააბითურა
"ბარსელონას" 8 წლიან კონტრაქტზე უარი ვუთხარი და ყველაფერი დავკარგე" - მესის ბავშვობის თანაგუნდელის ინტერვიუ
რიო ფერდინანდმა თავისი ყველა დროის საუკეთესო თერთმეტეული დაასახელა
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია