- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ჩეხეთი-პორტუგალია 0:1 - კრიშტიანო რონალდომ ბრჭყალები გამოაჩინა [+VIDEO]
![ჩეხეთი-პორტუგალია 0:1 - კრიშტიანო რონალდომ ბრჭყალები გამოაჩინა [+VIDEO]](images/new_photo/UCXOURI/2012/SOCCER/euro2012/ronaldo-09845645ksdafas.jpg)
<p>ევროპის 2012 წლის ჩემპიონატი. მეოთხედფინალი</p><p><br> ჩეხთა ბოლო ორმა გამარჯვებამ და გამართულმა ფეხბურთმა სპეციალისტებს იმის იმედი გაუჩინა, რომ ეს მეოთხედფინალური დაპირისპირება მეტ-ნაკლებად თანაბარ ბრძოლაში წარიმართებოდა და მიხალ ბილეკის გუნდი კრიშტიანო რონალდოსა და კომპანიას ღირსეულ წინააღმდეგობას გაუწევდა, მაგრამ მსგავსი არაფერი მომხდარა.</p><p>პორტუგალიამ ნათლად დაამტკიცა, რომ ტყუილად არ განიხილებოდა წყვილის ფავორიტად და საგოლე მომენტების ნაწილი მაინც რომ გამოეყენებინა, სოლიდური ანგარიშით გაიმარჯვებდა.</p><p>ჩეხეთმა კი ის დაგვიმტკიცა, რომ A ჯგუფის დონე დანარჩენი ჯგუფებისას არათუ მცირედით, არამედ კატასტროფულად ჩამორჩებოდა.</p><p><strong><span style="color: #ff0000;">ტაქტიკა/სტრატეგია</span></p><p></strong>წინა დღეებში დიდი სჯა-ბაასი იყო გაჩაღებული იმის შესახებ, შეძლებდა თუ არა ამ მატჩისთვის მომჯობინებას ჩეხთა კაპიტანი ტომაშ როსიცკი.</p><p>როგორც გახსოვთ, მან სამკურნალოდ სამშობლოსაც კი მიაშურა, მაგრამ ექიმთა ყველა მცდელობა ფუჭი აღმოჩნდა - როსიცკი არც ძირითად შემადგენლობაში გვინახავს და, როგორც ჩანს, არც შეცვლაზე გამოსასვლელად იყო მზად.</p><p>ჩეხეთის ნაკრების მარცხს მის არყოფნას ნამდვილად ვერ დავაბრალებთ, მაგრამ ფაქტია, რომ აღმოსავლეთევროპელთა შემტევი პოტენციალი როსიცკის გარეშე გვარიანად შესუსტდა. ევრო 2012-ზე ჩეხთა შემადგენლობაში პირველად გამოჩნდა ახალგაზრდა ვლადიმირ დარიდა, რომელიც საყრდენი ნახევარმცველის პოზიციაზე გაამწესეს.</p><p>რაც შეეხება პორტუგალიელთა სასტარტო შემადგენლობას, აქ ყველაფერი უცვლელად იყო - პაულუ ბენტუმ არჩევანი ზუსტად იმ 11 ფეხბურთელზე შეაჩერა, რომლებსაც ჯგუფური ეტაპის სამივე მატჩზე ენდო.</p><p>ორივე გუნდმა თითო გამოკვეთილი ცენტრფორვარდით ითამაშა - პორტუგალიელთაგან ამ ფუნქციებს ელდერ პოშტიგა ასრულებდა, რომელიც პირველი ტაიმის მიწურულს დაშავდა და უგო ალმეიდათი შეცვალეს, ჩეხები კი წინა ხაზზე მასზე არანაკლებ გამოცდილ მილან ბაროშს ენდნენ.</p><p><strong><span style="color: #ff0000;">საუკეთესო ფეხბურთელი</span></p><p>კრიშტიანო რონალდო (პორტუგალია)</p><p></strong>ვფიქრობთ, 21 ივნისის საღამოს შემდეგ უკვე ვეღარავინ იტყვის, რომ კრიშტიანო რონალდოს ნაკრებში ყველაფერი არ გამოსდის, ან იქ საქმეს გულგრილად ეკიდება. ჰოლანდიასთან შეხვედრის მსგავსად, “რეალისა” და პორტუგალიის ეროვნული გუნდის ლიდერმა მოედანზე სული და გული დადო, ყველა საუკეთესო თვისება გამოავლინა და ზუსტად ისე მოქმედებდა, როგორც ამბიციური გუნდის სუპერვარსკვლავ კაპიტანს შეეფერება.</p><p>რონალდომ ჩვეული ინდივიდუალიზმითაც აღგვაფრთოვანა და ამჯერად მას თანაგუნდელებმაც აუბეს მხარი - პორტუგალიის ნაკრები აღარ ჰგავდა ერთი კაცის გუნდს, რაც, ბუნებრივია, წარმატების მიღწევის შანსს ერთიორად ზრდის.</p><p><strong><span style="color: #ff0000;">ფეხბურთელი-იმედგაცრუება</span></p><p>თეოდორ გებრე სილასიე (ჩეხეთი)</p><p></strong>ჩეხეთის ნაკრები, უბრალოდ, პორტუგალიაზე დაბალი დონის გუნდია და აქედან გამომდინარე, ძალიან ძნელია, ამ მარცხში რომელიმე კონკრეტული ფეხბურთელი დაადანაშაულო. ამას არც ვაპირებთ, უბრალოდ, მაინც თეოდორ გებრე სელასიეს გამოვყოფთ, რომელიც უმძიმეს დავალებას ვერ გაუმკლავდა - რონალდოს განეიტრალება ვერ შეძლო და ამისთვის ნუ დავძრახავთ.</p><p><strong><span style="color: #ff0000;">მსაჯი</span></p><p></strong>ვერ გამოდგა ისეთი შეხვედრა, რომლის ბედიც, შესაძლებელი იქნებოდა, მსაჯის ხელში მოქცეულიყო. ამის მიუხედავად, <strong>ჰოვარდ უებს</strong> გარჯას ნუ დავუკარგავთ. შეგვიძლია ვთქვათ, რომ ინგლისელმა არბიტრმა მატჩი სერიოზული შეცდომების გარეშე ჩაატარა.</p><p>შეიძლება გავიხსენოთ შეხვედრის მიწურულს ჩეხეთის ნაკრების საჯარიმოში რონალდოს წაქცევა მეტოქის მცველთან კონტაქტის შედეგად, თუმცა ამ დროისთვის პორტუგალიას უკვე გატანილი ჰქონდა და, შესაბამისად, ვების გადაწყვეტილებას თამაშის შედეგზე გავლენა არ მოუხდენია.</p><p><strong><span style="color: #ff0000;">მწვრთნელთა დუელი</span></p><p></strong>ვერ დავიჩემებთ, რომ <strong>პაულუ ბენტუ</strong> <strong>მიხალ ბილეკზე</strong> უკეთესი სპეციალისტია, თუმცა ისიც ფაქტია, რომ მეტოქეზე ძლიერი ფეხბურთელების სათანადოდ გამოყენებასაც შნო უნდა. პორტუგალიელთა თავკაცმა აბსოლუტურად მართებული გადაწყვეტილება მიიღო, როცა თავის გუნდს შემტევი ფეხბურთის თამაში დაავალა; ბილეკს კი, ალბათ, “მეორე ნომრობის” გარდა, სხვა ალტერნატივა არც ჰქონია.</p><p>ბუნებრივია, სამწვრთნელო დუელიც პორტუგალიელის გამარჯვებით დასრულდა.</p><p><strong><span style="color: #ff0000;">ანალიზი</span></p><p></strong>ჩეხები თავიდანვე მასირებულ დაცვაში ჩადგნენ და შესვენებამდე მეტოქის შეტევებს წარმატებით იგერიებდნენ. პირველი ტაიმის მიწურულს რონალდომ ბურთი ძელს გაარტყა, მანამდე კი პორტუგალიელებს დაწინაურების რეალური შესაძლებლობა არ ჰქონიათ.</p><p>სამაგიეროდ, შესვენების შემდეგ პირინეელთა უპირატესობა აშკარა გახდა. ჩეხებს სულ უფრო და უფრო უჭირდათ საკუთარი კარის მშრალად შენახვა.</p><p>პორტუგალიელთა ყველა მომენტს არ გავიხსენებთ, მხოლოდ ყველაზე სახიფათოებს აღვნიშნავთ - რონალდოს დარტყმას ძელი კიდევ ერთხელ აღუდგა წინ, ჟოაუ მუტინიოს პეტრ ჩეხმა არ გაატანინა, ნანის დარტყმისას კი ხიფათი მცველმა განმუხტა.</p><p>ჩეხეთის ნაკრებს კონტრშეტევებზეც არაფერი გამოსდიოდა და მთელი მატჩის განმავლობაში მეტოქის კარის ჩარჩოში ერთხელაც კი არ დაურტყამს. იქმნებოდა შთაბეჭდილება, რომ ჩეხთა პროგრამა-მაქსიმუმი საქმის თერთმეტმეტრიანების სერიამდე მიყვანა და იქ ჩეხის ოსტატობის იმედად ყოფნა იყო, მაგრამ 79-ე წუთზე მათ იმედებს რონალდომ ცივი წყალი გადაასხა - მუტინიომ შეტევის მარჯვენა ფლანგზე დიდი სისწრაფით გაინავარდა და თავისი გუნდის კაპიტანი მოძებნა, რომელმაც თავურით მიწიდან ასხლეტილი ბურთი გაახვია ჩეხის კარში.</p><p><strong><span style="color: #ff0000;">დასკვნა</span></p><p></strong>ფეხბურთი იმითაა საინტერესო, რომ ზოგჯერ შეიძლება მოულოდნელი და ალოგიკური შედეგით დასრულდეს, მაგრამ გუშინ მსგავსი არაფერი მომხდარა - უფრო ძლიერმა მინიმალურად, მაგრამ მაინც ძალიან ეფექტურად და დამაჯერებლად გაიმარჯვა.</p><p><span style="color: #ff0000;"><strong>ევროპის 2012 წლის ჩემპიონატი. მეოთხედფინალი</strong></span></p><p>21.06. ვარშავა. ნაციონალური სტადიონი</p><p><strong><em>ჩეხეთი-პორტუგალია 0:1 </em></strong>(<a href="/mtavari/video.html?view=video&video=1388" target="_blank"><span style="color: #ff0000;"><strong>იხილეთ ვიდეო</strong></span></a>)<strong></p><p></strong>ჩეხეთი (4-2-3-1): ჩეხი - გებრე სელასიე, სივოკი, კადლეცი, ლიმბერსკი - ჰიუბშმანი (86. პეხარტი), პლაშილი -იერაჩეკი, დარიდა (61. რეზეკი), პილარი - ბაროში.</p><p>პორტუგალია (4-3-2-1): რუი პატრისიო - ჟოაო პერეირა, პეპე, ბრუნო ალვეში, ფაბიო კოენტრაო - რაულ მეირელეში (88. როლანდო), ველოზო, მუტინიო - ნანი (84. კუშტოდიო), რონალდო -პოშტიგა (40. ალმეიდა).</p><p>გოლი: 0:1 რონალდო (79)</p><p>კუთხური: 6-11; ჯარიმა: 12-7; თამაშგარე: 1-3; კარში დარტყმა: 2(0)-20(6); ბურთის ფლობა: 57%-43%.</p><p>გაფრთხილება: ლიმბერსკი - ნანი, ველოზო</p><p>არბიტრი: ჰოვარ უები (ინგლისი)</p><p>მაყურებელი: 55 590</p><p><em>ორი სხვადასხვა წონითი კატეგორია (იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ძალიან ყინჩად კი იყვნენ - "იბერია 1999"-ის მძლეველი "მალმიო" "კოპენჰაგენმა" გააბითურა
"ბარსელონას" 8 წლიან კონტრაქტზე უარი ვუთხარი და ყველაფერი დავკარგე" - მესის ბავშვობის თანაგუნდელის ინტერვიუ
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
"რატომ ის? რადგან ბოსი მე ვარ" - რა თქვა ლუის ენრიკემ "ანჟესთან" მატჩის შემდეგ?
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
მატჩის დღე! ხვიჩა კვარაცხელია განაცხადში არაა