- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ესპანეთი VS საფრანგეთი - ლორან ბლანის ბანაკში არეულობაა?!
<p>ევროპის 2012 წლის ჩემპიონატი. 1/4 ფინალის წინ</p><p><br> 23 ივნისს ევრო 2012-ზე პირველი ნახევარფინალური წყვილი შედგება: პორტუგალიელები ელიან, ვინ მოიპოვებს მათთან დაპირისპირების უფლებას, ევროპისა და მსოფლიოს ჩემპიონი ესპანელები თუ ფრანგები.</p><p>ერთი შეხედვით ამათ დაპირისპირებაში ესპანელებს დიდი უპირატესობა აქვთ, მაგრამ ეს მხოლოდ ერთი შეხედვით...</p><p><strong><span style="color: #ff0000;">ამხანაგურებში ლომები, ოფიციალურში?</span></p><p></strong>ორი მეზობელი ქვეყანა, რომ ხშირად შეხვდებოდა ერთმანეთს, ცხადია. აქამდე ესპანეთი და საფრანგეთი 30-ჯერ დადგნენ პირისპირ.</p><p>ესპანელებმა 13 მოიგეს და 11 წააგეს, ბურთების სხვაობა კიდევ უფრო სოლიდურია, მაგრამ: 13-ვე გამარჯვება "ფურია როხამ" "მამლებზე" ამხანაგურ მატჩებში მოიპოვა.</p><p>ოფიციალურ მატჩებში კი ბალანსი ასეთია, ფრანგებმა 6-დან 5 მოიგეს და ერთი ფრედ დაასრულეს.</p><p>ყველაზე ბოლოს იყო მსოფლიოს 2006 წლის ჩემპიონატი, ჰანოვერის მატჩი, როცა მერვედფინალში კარლეს პუიოლმა სულელური ჯარიმა "აიკიდა", რასაც მოყვა კიდევაც ფრანგების გადამწყვეტი გოლი. საბოლოოდ, ის მატჩი რიბერის, ვიეირას და ზიდანის გოლების წყალობით ფრანგებმა 3:1 მოიგეს.</p><p>ორივე ნაკრები მეოთხედფინალამდე ცოტა უხასიათოდ მივიდა, ესპანეთის ნაკრებმა ბევრი ინერვიულა და ქომაგიც ანერვიულა, საბოლოოდ, კი მაინც შეძლო უნიათო თამაშით ხორვატების ძლევა. აი, ფრანგებმა კი სულაც 0:2 წააგეს შვედებთან.</p><p>ამბობენ, ამას ფრანგთა ბანაკში განხეთქილება და ჩხუბიც კი მოყვაო. პრინციპში, ეს ხმები თავად ლორან ბლანმა დაადასტურა: <em>"იყო არეულობა, მაგრამ ახლა სრული სიმშვიდეა. ეს ერთი მხრივ კარგია. გამოდის, რომ ბიჭები წაგებას ვერ ეგუებიანო". </em></p><p>ასეა თუ ისე, ფაქტია - ფრანგთა ბანაკში იდილია ნამდვილად არ არის.</p><p><strong><span style="color: #ff0000;">ცრუ თუ ნაღდი?</span></p><p></strong>ვისენტე დელ ბოსკე ისევ ძიებაშია: როგორც ჩანს, ერთი კარგი თამაში არ კმარა, ფერნანდო ტორესმა ჯერაც ვერ დაამტკიცა, რომ ნაკრების შეუცვლელი წევრია. 61 წლის დელ ბოსკე ჯერაც ფიქრობს, ნაღდი 9 ნომრით ითამაშოს, თუ ცრუ ცენტრფორვარდით.</p><p>მოკლედ, ფერნანდო ტორესი იქნება სასტარტოში თუ სესკ ფაბრეგასი, ჯერ შეიძლება თავად დელ ბოსკემაც არ იცის.</p><p>შვედებთან მარცხზე უარესი იმ მატჩში ფრანგებს ფილიპ მექსეს გაფრთხილება შეხვდათ. ეს ცენტრალური მცველის მეორე ყვითელი ბარათი იყო და ახლა დაცვის ლიდერი უმნიშვნელოვანეს დაპირისპირებას გამოტოვებს. ლორან ბლანს კი მექსეს და ადილ რამის გარდა, მხოლოდ ერთი ცენტრალური მცველი ჰყავს ევროპის ჩემპიონატზე წაყვანილი - ლორან კოშელნი.</p><p>უნდა თუ არ უნდა, ბლანი უნდა ენდოს კოშელნის, მას სხვა გზა არა აქვს. სხვა მხრივ, ბლანი ალბათ დააბრუნებს ჟერემი მენეზს ძირითად შემადგენლობაში.</p><p>რამდენიმე ფრანგს ტრავმები აწუხებს, თუმცა სამირ ნასრი, იოან კაბაი და ფრანკ რიბერი თამაშს მაინც შეძლებენ. რიბერიმ და ნასრიმ ოთხშაბათის ვარჯიშები სრულად გამოტოვეს.</p><p><strong><span style="color: #ff0000;">მთავარი დუელი</span></p><p>ანდრეს ინიესტა VS ალუ დიარა</p><p></strong>სიმართლე გითხრათ, დუელი მთლად ზუსტი არ გამოვა, რადგან, როგორც წესი, ანდრეს ინიესტა ერთ კონკრეტულ მეტოქეზე ხშირად მთელ ჯგუფს ებრძვის.</p><p>ვფიქრობთ, მთელი მსოფლიო შემოიარა ფოტოებმა, როცა ანდრესი 5 იტალიელის, ან ამდენივე ხორვატის გარემოცვაშია.</p><p>მოკლედ, მხოლოდ ალუ დიარამ თუ იყოჩაღა, საფრანგეთი შვებით ვერ ამოისუნთქავს, სხვებმაც მაღალ დონეზე უნდა ითამაშონ, რათა ესპანეთის სუპერ-შუახაზი როგორმე გააჩერონ.</p><p>რა გამოვა აქედან ძნელი სათქმელია, ერთდროულად ჩავის, ინიესტას და სილვას გაჩერება ვერ წარმოგვიდგებია...</p><p><strong><span style="color: #ff0000;">იცით თუ არა, რომ...</span></p><p></strong>* ირლანდიის ნაკრებთან მატჩში ჩავიმ ევროპის რეკორდი დაამყარა, როცა 127 პასი გააკეთა. მან ჰოლანდიელი რონალდ კუმანის 20 წლისწინანდელი რეკორდი დაამხო.</p><p>* შვედებთან წაგებით ფრანგებმა 23-მატჩიანი წაუგებელი სერია დაასრულეს.</p><p>* საფრანგეთის ნაკრები უკანასკნელი გუნდია, რომელმაც შეძლო ესპანელთა გაძევება, ევროპის ან მსოფლიოს ჩემპიონატების ფინალური ეტაპებიდან. ეს 2006 წლის მუნდიალზე მოხდა.</p><p><strong><span style="color: #ff0000;">პრესკონფერენცია</span></p><p>ლორან ბლანი</p><p></strong><em>"ესპანეთის ნაკრების სათამაშო ფილოსოფია მთლიანად ეყრდნობა "ბარსელონას" ფილოსოფიას. მთავარი პრობლემა ისაა, რომ ესპანეთის ნაკრები დაახლოებით 70%-ით აკონტროლებს ბურთს და შენ ასეთ თამაშს უნდა შეეგუო, რადგან ჯერ არ ჩანს გუნდი, რომელიც ესპანეთის ნაკრებს ბურთს წაართმევს.</p><p>კოშელნის შესანიშნავი შანსი მიეცა, დაამტკიცოს, რომ ნაკრებისთვის მნიშვნელოვანი ფიგურაა. ჩემი აზრით, რაც უფრო გახურდება თამაში და დასკვნისკენ წავა, მით უფრო მეტი შანსი მოგვეცემა.</p><p>რიბერის და ნასრიც ჰქონდათ მცირე პრობლემები, მაგრამ ახლა თამაშისთვის მზად არიან"</em>.</p><p><strong>ვისენტე დელ ბოსკე</strong></p><p><em>"საბოლოო შემადგენლობა ჯერ არ გადამიწყვეტია, განსაკუთრებით შეტევაში. მე მყავს 23-კაციანი, თანაბარძალოვანი გუნდი, სადაც ყოველ პოზიციაზე კონკურენციაა. ეს კი ძალიან მახარებს. ესპანეთის ნაკრები უნდა იყოს მაგალითი ყველასთვის.</p><p>არ მჯერა, რომ მეტოქე დაცვაში ჩაიკეტება, მათ ძალიან ბევრი ინიციატივიანი ფეხბურთელი ჰყავთ, რომელთაც უყვართ იმპროვიზაცია.</p><p>საფრანგეთის ნაკრებს ძალიან ძლიერი მწვრთნელი ჰყავს, ასე რომ, მძიმე ბრძოლა გველის. აქედან ესპანეთი შორსაა, თუმცა 2 ათასი ფანიც დიდი ძალაა, რომლებიც ხვალ გაგვამხნევებენ.</p><p>ოთხი წლის წინათ, ევროპის ჩემპიონატი მოვიგეთ, ორი წლის წინათ - მსოფლიოს. ამიტომ ყველა ფავორიტად გვთვლის, თუმცა ოფიციალურ მატჩებში უპირატესობა ფრანგებს აქვთ.</p><p>ვნახოთ, იქნებ ხვალ ისტორია შევცვალოთ..."</em></p><p><span style="color: #ff0000;"><strong>ევროპის 2012 წლის ჩემპიონატი. 1/4 ფინალი</strong></span></p><p>23 ივნისი. დონეცკი. დონბას არენა. 22:45</p><p><strong>ესპანეთი-საფრანგეთი</strong></p><p><em>სავარაუდო შემადგენლობები</em></p><p>კასილიასი - ლორისი</p><p>არბელოა - დებიუში</p><p>ს. რამოსი - კოშელნი</p><p>პიკე - რამი</p><p>ალბა - კლიში</p><p>ბუსკეტსი - დიარა</p><p>ჩ. ალონსო - მ'ვილა</p><p>ჩავი - მენეზი</p><p>სილვა - ნასრი</p><p>ინიესტა - რიბერი</p><p>ტორესი - ბენზემა</p><p><em>ტრავმა</em></p><p>არავინ - კაბაი (?)</p><p>ნასრი (?)</p><p>რიბერი (?)</p><p><em>დისკვალიფიკაცია</em></p><p>არავინ - მექსე</p><p><em>მსაჯი</em></p><p>ნიკოლა რიცოლი (იტალია)</p><p><strong><span style="color: #ff0000;">ჯგუფური ეტაპის სტატისტიკა</span></p><p>ესპანეთი</strong></p><p>ესპანეთი-იტალია 1:1</p><p>ესპანეთი-ირლანდია 4:0</p><p>ესპანეთი-ხორვატია 1:0</p><p>მეკარე: იკერ კასილიასი (3 თამაში)</p><p>მცველები: ჟერარდ პიკე (3), სერხიო რამოსი (3), ალვარო არბელოა (3), ხორდი ალბა (3), ხავი მარტინესი (1)</p><p>ნახევარმცველები: სესკ ფაბრეგასი (3, 2 გოლი), ანდრეს ინიესტა (3), ჩავი ერნანდესი (3), ჩაბი ალონსო (3), სერხიო ბუსკეტსი (3), დავიდ სილვა (3, 1), ხესუს ნავასი (2, 1), სანტი კასორლა (1).</p><p>თავდამსხმელები: ფერნანდო ტორესი (3, 2), ალვარო ნეგრედო (1).</p><p><strong>საფრანგეთი</strong></p><p>საფრანგეთი-ინგლისი 1:1</p><p>საფრანგეთი-უკრაინა 2:0</p><p>საფრანგეთი-შვედეთი 0:2</p><p>მეკარე: უგო ლორისი (3 თამაში)</p><p>მცველები: მატიო დებიუში (3), ადილ რამი (3), ფილიპ მექსე (3), გაელ კლიში (2), პატრის ევრა (1).</p><p>ნახევარმცველები: სამირ ნასრი (3, 1 გოლი), ფანკ რიბერი (3), ალუ დიარა (3), იოან კაბაი (2, 1), ჟერემი მენეზი (2, 1), ფლორან მალუდა (2), იან მვილა (2), მარვინ მარტენი (2), ჰატემ ბენ არფა (2).</p><p>თავდამსხმელები: ქარიმ ბენზემა (3), ოლივიე ჟირუ (2).</p><p><strong><span style="color: #ff0000;">ურთიერთშეხვედრები</span></p><p>30 თამაში</strong></p><p>13 ესპანეთი, 11 საფრანგეთი, 6 ფრე, 57-35 (ესპ.)</p><p><strong><span style="color: #ff0000;">ბოლო ოფიციალური დაპირისპირება</span></p><p></strong>27.06. 2006 ესპანეთი-საფრანგეთი 1:3 (ევრო 2006)</p><p>* ამ გუნდების ურთიერთშეხვედრების ისტორია ბორდოში დაიწყო. 1922 წელს ამხანაგურ მატჩში ესპანელებმა მასპინძლები სასტიკად გაანადგურეს - 4:0.</p><p>* ბოლო ოთხი დაპირისპირებიდან ესპანელებმა 3 მოიგეს, ფრანგებმა 1.</p><p>* 1929 წელს ამხანაგურ მატჩში ესპანეთმა 8:1 გაანადგურა საფრანგეთი.</p><p><em>ისტორია მამლების მხარეს (იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
"ასე რთულია. გუნდში 9 ახალი ტვინი მყავს" - კონტემ "ნაპოლის" მარცხის მიზეზებზე ისაუბრა
"ასე არ შეიძლება" - "კაირათის" მწვრთნელი მეკარისთვის გადაცემული საჩუქრით უკმაყოფილოა
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"კვარა" ისევ როტაციაში და ორი მნიშვნელოვანი მატჩი პარალელურად
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"ბარსელონამ" შეიძლება ტერ შტეგენი სხვა კლუბში გაუშვას
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
კატასტროფულმა ზაბარნიმ უნიკალური ანტირეკორდი გაიმეორა