- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
NBA. ფინალი: "მაიამი ჰიტი" ჩემპიონია, ეს ლებრონის ტრიუმფია!
<p>"მაიამიმ" ფინალური სერიის ხუთ მატჩში სძლია "ოკლაჰომა-სიტის" და მეორედ გახდა NBA-ის საუკეთესო გუნდი <br> ეროვნულ საკალათბურთო ასოციაციაში ყველა დროის ერთ-ერთმა საუკეთესო კალათბურთელმა ლებრონ ჯეიმსმა მესამე ცდაზე შეძლო საჩემპიონო ბეჭდის მოპოვება, "მაიამი" კი მეორედ გახდა NBA-ის საუკეთესო გუნდი.</p><p>მან ფინალურ სერიაში ხუთ მატჩში სძლია "ოკლაჰომა-სიტის".</p><p>დომინირება - ეს ის სიტყვაა, რომელიც ყველაზე კარგად აღწერს ფინალური სერიის მეხუთე მატჩის ხასიათს. შეხვედრის წინ ბევრს ლაპარაკობდნენ იმაზე, რომ სტუმრად ერთი მატჩის მოსაგებად "ოკლაჰომას" ტაქტიკის შეცვლა სჭირდებოდა, თუმცა სკოტ ბრუქსმა არ შეცვალა სასტარტო ხუთეული და პირველივე წამებიდან გამოიყვანა თავისი "მაღლები" - იბაკა და პერკინსი.</p><p>არადა, წინა მატჩებში დამტკიცდა, რომ ამგვარი ხუთეული ვერ უმკლავდებოდა ფლორიდელთა სწრაფ თამაშს.</p><p>ერთადერთი უპირატესობა, რომელიც სტუმრებს 22 ივნისს გამართულ მატჩში ჰქონდათ, პირველი მეოთხედის შუაში დაფიქსირდა და ის ორ ქულას უდრიდა, მაგრამ მილერმა და კოულმა ზედიზედ სამი სამქულიანით "ჰიტი" 10 ქულით გაიყვანეს წინ.</p><p>თუმცა ამ სერიიდან ჩვენ ვიცით, რომ მსგავსი ჩამორჩენა არც ერთი გუნდისთვის პრობლემა არ ყოფილა. ახლაც, დურანტის აქტიურობით "ოკლაჰომა" 4-5 ქულით უახლოვდებოდა მეტოქეს და ერთი მინი-სპურტი სჭირდებოდა წონასწორობის აღსადგენად, მაგრამ ეს გაქცევა ვერცერთხელ ვერ ვიხილეთ.</p><p>რაც დრო გადიოდა, "მძიმე" "ოკლაჰომას" სულ უფრო უჭირდა ბურთის დევნა, რითაც ფლორიდელი სნაიპერები იოლად იხსნებოდნენ სამწამიანის ხაზთან.</p><p>მთელი მატჩის განმავლობაში "ჰიტმა" 14 სამქულიანი გამოიყენა, რითაც NBA-ის ფინალური სერიის რეკორდი გაიმეორა. შვიდი სამქულიანი იყო მილერის ანგარიშზე.</p><p>"ოკლაჰომამ" ვერ გააკეთა საჭირო დასკვნები წინა მატჩიდან და აგრძელებდა ლებრონის აქტიურ პრესინგს, რითაც სხვა მოთამაშეები იოლად იხსნებოდნენ. ჯეიმსიც მათ უხვად ამარაგებდა გადაცემებით. ლებრონმა 13 შედეგიანი პასი ჩაიწერა აქტივში (ის მეორეა მაიკლ ჯორდანის შემდეგ, ვინც ფინალური სერიის ზედიზედ ორ მატჩში დააგროვა 20-ზე მეტი ქულა და 12-ზე მეტი პასი) და აქედან რვამ "მაიამი" ზუსტ სამქულიანამდე მიიყვანა. გარდა ამისა, 11 მოხსნამ ჯეიმსს ფინალურ სერიაში მეორე სამმაგი დუბლი შეასრულებინა. აქამდე, მხოლოდ მეჯიქ ჯონსონს ჰქონდა ერთზე მეტი ტრიპლ-დაბლი ფინალებში.</p><p>და კიდევ, ლებრონი ფინალური სერიის MVP (ეს ტიტული მატჩის შემდეგ ერთხმად მიანიჭეს) გახდა და შესაბამისად, ის არის მეოთხე მოთამაშე ისტორიაში, ვინც ერთ სეზონში რეგულარული ჩემპიონატისა და ფინალური სერიის საუკეთესო მოთამაშის სახელი დაისაკუთრა (ორჯერ ეს გააკეთა ჯორდანმა, თითოჯერ ო’ნილმა და რიდმა).</p><p>მესამე მეოთხედის სტარტზე "ოკლაჰომას" 10-ქულიანი ჩამორჩენა მეტნაკლებად მისაღები იყო, მაგრამ ამ 12-წუთეულის შუაში "თანდერი" უბრალოდ გაჩერდა როგორც დაცვაში, ასევე შეტევაში. უკვე მაშინ გახდა ცხადი, რომ სტუმრებისგან სასწაული მოსალოდნელი არ იყო.</p><p>"თანდერმა" კაპიტულაცია საფინალო სირენამდე ხუთი წუთით ადრე გამოაცხადა, როცა დურანტისა და უესტბრუკის ნაცვლად მოედანზე სათადარიგოები - კუკი და ოლდრიჩი შემოვიდნენ. "მაიამის" ვარსკვლავები კიდევ წუთნახევარი დარჩნენ მოედანზე და შემდეგ ტრიუმფის აღნიშვნა დაიწყეს.</p><p>სეზონი, რომელიც შეიძლება არ ყოფილიყო, ფენომენაური ლებრონ ჯეიმსის პირველი ტიტულით დასრულდა. ერთ კვირაში NBA-ში ახალბედების დრაფტია, მანამდე კი "მაიამის" ვარსკვლავებს შეუძლიათ ოცნების ასრულება იზეიმონ.</p><p><em>"მე ბედნიერი ვარ, რადან ახლა, NBA-ში მოსვლიდან ცხრა წლის თავზე, როგორც იქნა, შემიძლია საკუთარ თავს ჩემპიონი ვუწოდო,</em> - ბედნიერებისგან ბრწყინავდა მატჩის შემდეგ ლებრონი. - <em>ამისთვის უდიდესი ძალისხმევა დამჭირდა, ბოლომდე დავიხარჯე მიზნის მისაღწევად. როცა ასე ცდილობ, ყოველთვის გამარჯვებული გამოხვალ"</em>.</p><p><em>"ეს მტკივნეულია,</em> - მწუხარებას ვერ ფარავდა დურანტი. - <em>ამ გუნდში ყველანი ძმებივით ვართ და ჩვენთვის მძიმეა სეზონის ასე დასრულება. ფინალამდე მივაღწიეთ და ეს დიდი ამბავია, მაგრამ ამაზე გაჩერება არ გვინდოდა".</em></p><p>დურანტს ყველაფერი წინ აქვს. ის ახალგაზრდაა და მის გარშემო "ოკლაჰომაში" ახალგაზრდა ვარსკვლავები არიან შეკრებილნი: რასელ უესტბრუკი, სერჟ იბაკა, ჯეიმს ჰარდენი, რომლებსაც ჯერ 24 წელი არ შესრულებიათ. მათი დრო აუცილებლად მოვა...</p><p>მანამდე კი ლებრონის ტრიუმფის ჯერია!</p><p><strong>მაიამი-ოკლაჰომა 121:106</p><p></strong>31:26, 28:23, 36:22, 26:35</p><p>მ: ჯეიმსი (26+13 პასი+11 მოხსნა+2 დაფარება), ბოში (24+7 მოხსნა+2 დაფარება), მილერი (23+5 მოხსნა), უეიდი (20+8 მოხსნა+3 დაფარება+3 პასი), ბატიე (11), ჩელმერსი (10+7 პასი), კოული (3), ჰარისი (3), ჰასლემი (1).</p><p>ო: დურანტი (32+11 მოხსნა+3 პასი), უესტბრუკი (19+6 პასი), ჰარდენი (19+5 პასი), ფიშერი (11+3 პასი), იბაკა (9+2 დაფარება), აივი (6), კოლისონი (2), კუკი (2), ოლდრიჩი (2), პერკინსი (2), ჰეივორდი (2).</p><p>რეალიზაციის პროცენტი: თამაშიდან (51.9/41.4), სამქულიანები (53.8/39.3), საჯარიმოები (81.8/88.5).</p><p>სერია: 4-1</p><p><strong><span style="color: #ff0000;">საგულისხმო სტატისტიკა</span></p><p></strong>ლებრონ ჯეიმსი პირველი მოთამაშეა ბოლო ცხრა წლის განმავლობაში, ვინც სეზონის MVP-ის ტიტულის მიღების შემდეგ, NBA-ის ჩემპიონატი მოიგო.</p><p>ბოლო ასეთი რამ "სან ანტონიოს" ლეგენდამ ტიმ დანკანმა გააკეთა 2002-03 წლების სეზონში.</p><p><strong>* * *</strong></p><p>ლებრონმა 26 ქულა, 11 მოხსნა და 13 შედეგიანი პასი დააგროვა ჩემპიონის ტიტულის მომტან მატჩში. ჯეიმსი მეხუთე მოთამაშეა NBA-ის ისტორიაში, ვინც გადამწყვეტ შეხვედრაში სამმაგი დუბლი შეასრულა.</p><p>თითოჯერ ეს გააკეთეს ტიმ დანკანმა (2003), ჯეიმს უორთიმ (1988) და ლარი ბერდმა (1986), ორჯერ - მეჯიქ ჯონსონმა (1982, 1985).</p><p><strong>* * *</strong></p><p>მაიკ მილერმა შვიდი სამქულიანით დაასრულა შეხვედრა. NBA-ის ფინალურ მატჩებში სათადარიგო მოთამაშეს ამდენი შორეული ტყორცნა არასოდეს ჩაუგდია.</p><p>წინა რეკორდი "ლეიკერსის" მოთამაშეს მაიკლ კუპერს ეკუთვნოდა, რომელმაც 1987 წლის ფინალის მეორე მატჩში ექვსი სამქულიანი მოათავსა კალათში.</p><p><strong>* * *</strong></p><p>"მაიამიმ" ისე მოიგო ჩემპიონობა, რომ ბოლო სამი სერიის ("ინდიანასთან", "ბოსტონთან", "ოკლაჰომასთან") მსვლელობისას მდევრის როლში იყო. აქამდე NBA-ის ჩემპიონი ასეთ სიტუაციაში არასოდეს ყოფილა.</p><p>1979 წელს "სიეტლი"აგებდა ნახევარფინალსა და ფინალს და შემდეგ მაინც გახდა ჩემპიონი.</p><p><strong>ყოველდღიური სპორტული გაზეთი "ლელო"</strong></p>
იქ, სადაც განსაკუთრებულად უყვართ - დემიენ ლილარდი "პორტლენდში" დაბრუნდა
იოკიჩმა "დენვერს" შეატყობინა, რომ კონტრაქტს არ გაახანგრძლივებს
"NBA-ის ისტორიაში საუკეთესო მექულე ვარ" - პოლ პირსი
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა