- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
გერმანია VS იტალია - ტიტანების ჯახი
<p>ევროპის 2012 წლის ჩემპიონატი. ნახევარფინალის წინ <br> გერმანიისა და იტალიის დაპირისპირებას თამამად შეგვიძლია ვუწოდოთ ტიტანების ბრძოლა, რადგან ერთმანეთის პირისპირ ევროპის ყველაზე ტიტულოვანი გუნდები წარსდგებიან.</p><p>ბუნდესგუნდი მსოფლიოსა და ევროპის ჩემპიონი სამჯერ იყო - მართალია, იტალიელებს კონტინენტის პირველობა მხოლოდ ერთხელ აქვთ მოგებული, მაგრამ სამაგიეროდ, მუნდიალი 4-ჯერ მოიგეს და ამ მხრივ, მხოლოდ ბრაზილიელებს ჩამორჩებიან.</p><p>გერმანელებს და იტალიელებს ურთიერთდაპირისპირებათა უდიდესი ისტორია აქვთ, უპირატესობას კი აპენინელები ფლობენ - მარტო იმის თქმა რად ღირს, რომ ბუნდესგუნდს "სკუადრა აძურა" ოფიციალურ მატჩში ჯერ არ დაუმარცხებია.</p><p>28 ივნისს ობიექტური მიზეზების გამო უმეტესობა ფავორიტად გერმანიას მიიჩნევს, მაგრამ არ უნდა დაგვავიწყდეს, რომ ანალოგიური ვითარება იყო 2006 წლის მუნდიალის ნახევარფინალური მატჩის წინაც - გემახსოვრებათ, ის შეხვედრა იტალიელებმა დამატებით დროში, ორი უპასუხო გოლის წყალობით მოიგეს.</p><p>ნებისმიერ შემთხვევაში, წინ უაღრესად საინტერესო მატჩი გველოდება.</p><p><strong></strong><strong><span style="color: #ff0000;">წარსული</span></p><p></strong>ამ გუნდებს ურთიერთდაპირისპირებათა იმდენად დიდი ისტორია აქვთ, რომ ასე ორი სიტყვით ვერ შემოვიფარგლებით. გერმანიამ და იტალიამ რამდენიმე ეპოქალური მასშტაბის მატჩი გამართეს და შეგვიძლია, გავიხსენოთ ეს თამაშები...</p><p>როგორც უკვე აღვნიშნეთ, ბოლო ოფიციალური მატჩი ბუნდესგუნდმა და "სკუადრა აძურამ" 2006 წლის მუნდიალის ნახევარფინალურ ეტაპზე გამართეს; მატჩის წინ ფავორიტად გერმანია გახლდათ მიჩნეული, რადგან ეს გუნდი ფანტასტიკურ ფეხბურთს თამაშობდა და თანაც, საკუთარ კედლებში იღებდა ნებისმიერ მეტოქეს.</p><p>მაშინ გერმანიის ნაკრებს იურგენ კლინსმანი წვრთნიდა, მისი ასისტენტი კი ბუნდესგუნდის დღევანდელი თავკაცი, იოახიმ ლიოვი იყო. იტალიას კი მაესტრო მარჩელო ლიპი ედგა სათავეში.</p><p>ყველასათვის მოულოდნელად, შეხვედრა აპენინელთა უპირატესობით წარიმართა და მომენტებიც გერმანელთა კართან გაცილებით მეტი შეიქმნა; გატანა შეეძლოთ ალბერტო ჯილარდინოს, ჯანლუკა ძამბროტას, ანდრეა პირლოს, სიმონე პეროტას...</p><p>მოკლედ, იტალიელებმა კარგად უბრახუნეს იენს ლემანის კარის მიმართულებით და საწადელს დამატებითი დროის დასრულებამდე ერთი წუთით ადრე მიაღწიეს - საბედისწერო დარტყმა ანდრეა პირლოს პასის შემდეგ ფაბიო გროსომ შეასრულა.</p><p>იქვე, იტალიელებმა მეორე გოლი შეაგდეს. თავი ალესანდრო დელ პიერომ გამოიჩინა და დასრულდა კიდეც ყველაფერი.</p><p>დაუვიწყარია 1982 წლის მსოფლიოს ჩემპიონატის ფინალი, სადაც გერმანიის ფედერაციული რესპუბლიკის გუნდი იტალიამ მიწასთან გაასწორა და ერთმანეთზე უკეთესი გოლები გაუტანა. "სკუადრა აძურამ" ის თამაში 3:1 მოიგო, გოლები კი როსიმ, ტარდელიმ და ალტობელიმ გაიტანეს - ტარდელის ფიესტა კი დღემდე დაუვიწყარია და თითქმის ყველა საფეხბურთო ვიდეორგოლში გვხვდება.</p><p>ცალკე სალაპარაკო თემაა 1970 წლის მუნდიალის ნახევარფინალური ჯახი, რომელშიც იტალიელებმა გერმანელები 4:3 დაამარცხეს - იმ შეხვედრის ძირითადი დრო 1:1 დასრულდა, დანარჩენი გოლები კი დამატებით ტაიმებში გავიდა.</p><p>ბევრის აზრით, ეს არის ყველა დროის საუკეთესო მატჩი და ამით ყველაფერია ნათქვამი.</p><p><strong><span style="color: #ff0000;">დღეს</span></p><p></strong>ტრავმირებული ფეხბურთელები ორივე მხარეს გამოჯანმრთელდნენ და ნახევარფინალური პაექრობისთვის სრულ მზადყოფნაში არიან. ეს ეხება როგორც ბასტიან შვაინშტაიგერს გერმანიიდან, ისე ერთბაშად რამდენიმე ფეხბურთელს იტალიიდან: დანიელე დე როსის, ინაციო აბატეს, ტიაგო მოტას და ჯორჯო კიელინის. ანუ, ამ მხრივ, ყველაფერი რიგზეა და გუნდები ოპტიმალური შემადგენლობით დაუპირისპირდებიან ერთმანეთს.</p><p>ერთი ეგაა, კრისტიან მაჯოს აქვს დისკვალიფიკაცია და ამ უმნიშვნელოვანეს მატჩს გამოტოვებს.</p><p>თუ გერმანულ პრესას დავუჯერებთ, იოახიმ ლიოვი მარიო გომესს კვლავ სათადარიგოთა სკამზე დატოვებს და ძირითად შემადგენლობაში მიროსლავ კლოზეს გაამწესებს.</p><p>ვეტერან ფორვარდს უკნიდან მესუთ იოზილი, თომას მიულერი და ლუკას პოდოლსკი დაეხმარებიან. ანუ საბერძნეთთან მატჩის ერთ-ერთი გმირი, მარკო როისი რეზერვს დაუბრუნდება. ყოველ შემთხვევაში, "კიკერი" ასე ვარაუდობს და არ გვაქვს საფუძველი, რომ არ დავუჯეროთ.</p><p>რაც შეეხება იტალიის ნაკრებს, სავარაუდოდ, მეტოქეს 4-4-2 ტაქტიკით შეერკინება, რომელიც საჭიროების შემთხვევაში, ნებისმიერ სქემად შეიძლება გადაკეთდეს; ჩეზარე პრანდელიმ, ამ მხრივ, ყველა სხვა მწვრთნელს აჯობა და 4-4-2-ის გარდა, კიდევ ორი ტაქტიკური მონახაზი გამოსცადა: 3-5-2 და 4-5-1.</p><p>მოკლედ, აპენინელები ჩვეულ სტიქიაში არიან და მათი ჩანაფიქრების გამოცნობა ერთობ რთული საქმეა.</p><p>"გაძეტა დელო სპორტის" ვარაუდით, დაცვის ცენტრში კვლავაც ანდრეა ბარცალი და ლეონარდო ბონუჩი იმოქმედებენ, მარჯვნივ ისევ ინაციო აბატე გაირჯება. აი, მარცხნივ კი ჯორჯო კიელინი ითამაშებს და არა ფედერიკო ბალცარეტი.</p><p>მიუხედავად იმისა, რომ ტიაგო მოტა გამოჯანმრთელდა, ძირითადში მაინც რიკარდო მონტოლივო მოიაზრება, რომელიც დე როსის, მარკიზიოს და პირლოს დაუმშვენებს გვერდს.</p><p>შეტევაში ისევ ანტონიო კასანო და მარიო ბალოტელი გაირჯებიან და ვნახოთ, ამჯერად როგორ წარმოაჩენენ თავს.</p><p><strong><span style="color: #ff0000;">მთავარი დუელი</span></p><p>ანდრეა პირლო VS მესუთ იოზილი</p><p></strong>მესუთ იოზილს არ მოსწონს, როდესაც მას ანდრეა პირლოს ადარებენ, მაგრამ ფაქტია, რომ რაღაცით მართლაც ჰგავს - მაგალითად, მოედნის შესანიშნავი ხედვით, ბურთთან ტექნიკური მოპყრობით და პასის კულტურით. რაც ასევე უმნიშვნელოვანესია, ორივე თავისი ნაკრების ლიდერად ითვლება და მთავარი იმედებიც მათზეა დამყარებული.</p><p>მესუთი უფრო გამთამაშებელია, ანდრეა უფრო საყრდენი და შესაბამისად, მათ ერთ ზონაში მოუწევთ მოქმედება.</p><p>თამამად შეგვიძლია ვთქვათ, რომ პირლოსა და იოზილის დუელი უდიდეს გავლენას იქონიებს შეხვედრის მიმდინარეობაზე და სასწორიც იქით, ანუ იმ გუნდისკენ გადაიხრება, რომლის ლიდერიც უკეთესად გაირჯება.</p><p>მოკლედ, მესუთსა და ანდრეაზე ბევრი რამ არის დამოკიდებული და მათი დუელიც, წესით, ძალიან საინტერესო უნდა გამოვიდეს.</p><p><strong><span style="color: #ff0000;">პრესკონფერენცია</span></p><p>იოახიმ ლიოვი</strong></p><p><em>"გერმანიის ნაკრები ერთ მუშტად შეკრული გუნდია, რომელსაც ნებისმიერი ამოცანის გადაჭრა შეუძლია.</p><p>წინა შეხვედრებში ნათლად გამოჩნდა, რომ როტა</em><em>ციის საშუალება გვაქვს. ამიტომ სასტარტო შემადგენლობას თამაშის დაწყებამდე რამდენიმე საათით ადრე დავასახელებ.</p><p>ჩვენ გუნდი ვართ და იტალიასთან ამას კიდევ ერთხელ დავამტკიცებთ".</p><p></em></p><p><strong>ჩეზარე პრანდელი</strong></p><p><em>"გერმანიის ნაკრები ძალიან ძლიერი გუნდია, მაგრამ არა დაუმარცხებელი. საერთოდ, დაუმარცხებელი გუნდები არ არსებობენ და ეს ყველამ კარგად უნდა ვიცოდეთ.</p><p>მეტოქეს პატივს ვცემ, მაგრამ მჯერა, რომ გამარჯვება ჩვენ დაგვრჩება. იტალიის ნაკრები მზად არის უმნიშვნელოვანესი მატჩისთვის, რომელმაც ფინალის საგზური უნდა მოგვიტანოს".</p><p></em></p><p><strong></strong><strong><span style="color: #ff0000;">ფრაზები</span></p><p>მესუთ იოზილი:</strong> "ძალიან მინდა, ისევე გამოვადგე ბუნდესგუნდს, როგორც ანდრეა პირლო ადგება "სკუადრა აძურას".</p><p><strong>მარიო გომესი:</strong> "იმედია, აღარასოდეს ვიქნები ისეთი გაოცებული, როგორიც საბერძნეთთან თამაშის წინ".</p><p><strong>დანიელე დე როსი:</strong> "შეტევით თამაშში მხოლოდ ესპანეთს ჩამოვრჩებით, სხვებს კი ვჯობივართ, მათ შორის, გერმანიას".</p><p><strong>ანტონიო კასანო:</strong> "გერმანელებმა ორი დღით მეტი დაისვენეს. ეს მათი ერთადერთი უპირატესობაა".</p><p><strong>ჯანლუიჯი ბუფონი:</strong> "შეგვიძლია თუ არა გერმანელების დამარცხება? - გადახედეთ ისტორიას".</p><p><strong><span style="color: #ff0000;">იცით თუ არა, რომ...</span></p><p></strong>* ფეხბურთელობის პერიოდში იოახიმ ლიოვი ორჯერ გადაეყარა იტალიურ გუნდს და ორივეჯერ დამარცხდა: 1998/99 წლების სეზონში მისმა "ფენერბაჰჩემ" ორი მატჩის ჯამში "პარმასთან" წააგო - 2:3; 2001/02 წლების სეზონში კი მისი "ინსბრუკი" "ფიორენტინასთან" დამარცხდა, ასევე ორი მატჩის ჯამში - 2:4.</p><p>* 2008/09 წლების სეზონში ჩეზარე პრანდელის "ფიორენტინა" ჩემპიონთა ლიგის ჯგუფურ ეტაპზე მიუნხენის "ბაიერნს" ორჯერ შეხვდა; გერმანიაში მიუნხენელებმა მეტოქეს სამი უპასუხო გოლი გაუტანეს, რომლებიდანაც თითო მიროსლავ კლოზესა და ბასტიან შვაინშტაიგერის ანგარიშზეა; ფლორენციული შეხვედრა კი ფრედ დასრულდა, 1:1.</p><p>* "ბაიერნი" და "ფიორენტინა" მომდევნო სეზონშიც გადაეყარნენ ერთმანეთს და ამჯერად ჩემპიონთა ლიგის მერვედფინალურ ეტაპზე - მიუნხენში "ბაიერნმა" კლოზეს გადამწყვეტი გოლით 2:1 მოიგო, ფლორენციაში კი იტალიელებმა გაიმარჯვეს (3:2), მაგრამ მომდევნო ეტაპზე სტუმრად გატანილი მეტი გოლის წყალობით გერმანელები გავიდნენ.</p><p>* რიკარდო მონტოლივოს დედა გერმანელი ჰყავს და როგორც თავად განაცხადა, "სკუადრა აძურას" შემდეგ სწორედ ბუნდესგუნდს გულშემატკივრობს.</p><p>* 2009 წლის ევროპის ახალგაზრდულ ჩემპიონატზე გერმანიის ნაკრებმა ნახევარფინალში სწორედ იტალიას მოუგო, 1:0. იმ მატჩში მონაწილეობა მიიღეს მანუელ ნოიერმა, მესუთ იოზილმა, ბენედიკტ ჰიოვედესმა, ჟერომ ბოატენგმა, მატს ჰუმელსმა გერმანიიდან და ინაციო აბატემ, სებასტიან ჯოვინკომ და მარიო ბალოტელიმ იტალიიდან.</p><p>* 2008 წლის ევროპის ჩემპიონატზე 18-წლამდელთა შორის, გერმანელებმა იტალიას ფინალში მოუგეს, 3:1 - ერთ-ერთი გოლი ლარს ბენდერმა მიითვალა აქტივში.</p><p>* იტალიის ეროვნულმა ნაკრებმა გერმანიასთან ბოლოს 1995 წელს წააგო, როდესაც ციურიხში გამართულ ამხანაგურ მატჩში ორი უპასუხო გოლი გაუშვა.</p><p>* იტალიისა და გერმანიის ეროვნულ ნაკრებებს შორის გამართული ბოლო ორი ამხანაგური მატჩიდან ერთი "აძურამ" მოიგო, მეორე კი ფრედ დასრულდა - 2006 წლის მარტში იტალიამ ფლორენციაში მეტოქე 4:1 გაანადგურა, 2011 წელს კი დორტმუნდში 1:1 დაფიქსირდა.</p><p><span style="color: #ff0000;"><strong>ევროპის 2012 წლის ჩემპიონატი. ნახევარფინალი</strong></span></p><p>28 ივნისი. ვარშავა. ეროვნული სტადიონი. 22:45</p><p><strong><em>გერმანია-იტალია</em></strong></p><p><em>სავარაუდო შემადგენლობები</em></p><p>ნოიერი-ბუფონი</p><p>ბოატენგი-აბატე</p><p>ჰუმელსი-ბარცალი</p><p>ბადშტუბერი-ბონუჩი</p><p>ლამი-კიელინი</p><p>შვაინშტაიგერი-პირლო</p><p>ხედირა-დე როსი</p><p>მიულერი-მარკიზიო</p><p>იოზილი-მონტოლივო</p><p>პოდოლსკი-კასანო</p><p>კლოზე-ბალოტელი</p><p><em>ტრავმა</em></p><p>არავინ-არავინ</p><p><em>დისკვალიფიკაცია</em></p><p>არავინ-მაჯო</p><p><em>მსაჯი</em></p><p>სტეფან ლანუა (საფრანგეთი)</p><p><span style="color: #ff0000;"><strong>მიმდინარე სტატისტიკა</strong></span></p><p><strong>გერმანია</strong></p><p><em>ჯგუფური ეტაპი</em></p><p>გერმანია VS პორტუგალია 1:0 (<a href="/fexburti/euro-2012/33901-germania-portugalia-10-sadaa-is-tempi-ioakhim.html" target="_blank">იხილეთ ვრცლად</a>)</p><p>გერმანია VS ჰოლანდია 2:1 (<a href="/fexburti/euro-2012/34094-holandia-germania-12-gomesma-germanias-kloze-daavitsya-video.html" target="_blank">იხილეთ ვრცლად</a>)</p><p>გერმანია VS დანია 2:1 (<a href="/fexburti/euro-2012/34290-dania-germania-12-ai-vinaa-udzleveli-video.html" target="_blank">იხილეთ ვრცლად</a>)</p><p><em>1/4-ფინალი</em></p><p>გერმანია VS საბერძნეთი 4:2 (<a href="/fexburti/euro-2012/34620-germania-saberdznethi-42-gaseirneba-nakhevarfinalshi-video.html" target="_blank">იხილეთ ვრცლად</a>)</p><p><em>გუნდი</em></p><p>მეკარე: მანუელ ნოიერი (4 თამაში)</p><p>მცველები: ჰოლგერ ბადშტუბერი (4), ჟერომ ბოატენგი (3), მატს ჰუმელსი (4), ფილიპ ლამი (4, 1 გოლი).</p><p>ნახევარმცველები: ლარს ბენდერი (3, 1), მარიო გიოტცე (1), სამი ხედირა (4, 1), ტონი კროოსი (3), თომას მიულერი (4), ლუკას პოდოლსკი (3, 1),</p><p>მარკო როისი (1, 1), ანდრე შურლე (2), ბასტიან შვაინშტაიგერი (4).</p><p>თავდამსხმელები: მარიო გომესი (4, 3), მიროსლავ კლოზე (4, 1).</p><p><strong>იტალია</strong></p><p><em>ჯგუფური ეტაპი</em></p><p>იტალია VS ესპანეთი 1:1 (<a href="/fexburti/euro-2012/33909-espanethi-italia-11-italiam-qula-da-simpathiebi-daimsakhura-video.html" target="_blank">იხილეთ ვრცლად</a>)</p><p>იტალია VS ხორვატია 1:1 (<a href="/fexburti/euro-2012/34157-italia-khorvatia-11-qadzuramq-rogorc-yovelthvis-saqme-gairthula-video.html" target="_blank">იხილეთ ვრცლად</a>)</p><p>იტალია VS ირლანდია 2:0 (<a href="/fexburti/euro-2012/34354-italia-irlandia-20-qskuadra-adzuraq-akhla-ukve-favoritia-video.html" target="_blank">იხილეთ ვრცლად</a>)</p><p><em>1/4-ფინალი</em></p><p>იტალია VS ინგლისი 0:0 პენ: 4:2 (<a href="/fexburti/euro-2012/34686-inglisi-italia-00-pen-24-namdvili-fekhburthi-es-iyo-video.html" target="_blank">იხილეთ ვრცლად</a>)</p><p><em>გუნდი</em></p><p>მეკარე: ჯანლუიჯი ბუფონი (4 თამაში)</p><p>მცველები: ინაციო აბატე (2), ფედერიკო ბალცარეტი (2), ანდრეა ბარცალი (2), ლეონარდო ბონუჩი (4), ჯორჯო კიელინი (3), კრისტიან მაჯო (3).</p><p>ნახევარმცველები: დანიელე დე როსი (4), ალესანდრო დიამანტე (2), ემანუელე ჯაკერინი (2), კლაუდიო მარკიზიო (4), რიკარდო მონტოლივო (2), ტიაგო მოტა (3), ანტონიო ნოჩერინო (2), ანდრეა პირლო (4, 1 გოლი).</p><p>თავდამსხმელები: მარიო ბალოტელი (4, 1), ანტონიო კასანო (4, 1), ანტონიო დი ნატალე (3, 1), სებასტიან ჯოვინკო (2).</p><p><strong><span style="color: #ff0000;">სტატისტიკური შედარება</span></p><p></strong><em>გერმანია კატეგორია იტალია</em></p><p>9 გოლი 4</p><p>60 დარტყმა 87</p><p>33 ზუსტი 50</p><p>27 არაზუსტი 37</p><p>8 ბლოკი 9</p><p>1 ძელი 2</p><p>20 კუთხური 27</p><p>12 თამაშგარე 11</p><p>3 გაფრთხილება 11</p><p>0 გაძევება 0</p><p>36 ჯარიმა 60</p><p>45 ჯარიმა (მათზე) 68</p><p><strong><span style="color: #ff0000;">ურთიერთშეხვედრები</span></p><p>30 თამაში</strong></p><p>14 იტალია, 7 გერმანია, 9 ფრე, 45-34 (იტა.)</p><p><em>ბოლო ოფიციალური დაპირისპირება</em></p><p>04.07. 2006 გერმანია-იტალია 0:0 დ.დ. 0:2 მუნდიალი 2006</p><p>* დღევანდელ პაექრობაში გერმანელები შეეცდებიან, რომ თვით ისტორიის საწინააღმდეგოდ წავიდნენ და იტალიის ნაკრები პირველად დაამარცხონ ოფიციალურ შეხვედრაში.</p><p>* როგორც უკვე აღვნიშნეთ, იტალიელებს არცერთი ოფიციალური მატჩი არ წაუგიათ გერმანელებთან, გამარჯვებები კი არაერთი შეგვიძლია გავიხსენოთ - "სკუადრა აძურამ" ბუნდესგუნდი ორჯერ დაამარცხა მსოფლიოს ჩემპიონატის ნახევარფინალში: ერთხელ 1970 წელს, მეორეჯერ კი 2006 წელს. 1982 წლის მუნდიალზე ეს გუნდები ფინალში შეხვდნენ ერთმანეთს და ის მატჩიც იტალიელთა გამარჯვებით დასრულდა, 3:1.</p><p>* გერმანიის ნაკრებს ევროპის ჩემპიონატის ნახევარფინალში აქამდე 6-ჯერ უთამაშია და აქედან მხოლოდ ერთხელ დამარცხდა. იტალიის ნაკრები ამ სტადიაზე მხოლოდ სამჯერ იყო და იქიდან ორჯერ გავიდა ფინალში.</p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ:</p><p></strong></span><a href="/fexburti/euro-2012/34924-jorjo-kielini-athi-dghis-tsin-vfqrobdi-rom-evro-2012-chemthvis-dasrulebuli-iyo.html" target="_blank">ჯორჯო კიელინი: ათი დღის წინ ვფქრობდი, რომ ევრო 2012 ჩემთვის დასრულებული იყო</a></p><p><a href="/fexburti/euro-2012/34923-mario-gomesi-imedi-maqvs-nakhevarfinals-sastartoshi-davitsyeb.html" target="_blank">მარიო გომესი: იმედი მაქვს, ნახევარფინალს სასტარტოში დავიწყებ</a></p><p><a href="/fexburti/euro-2012/34922-bastian-shvainshtaigeri-mtsyobrshia.html" target="_blank">ბასტიან შვაინშტაიგერი მწყობრშია</a></p><p><a href="/fexburti/euro-2012/34920-andreas-mioleri-italiis-nakrebma-sasiamovnod-gamaoca.html" target="_blank">ანდრეას მიოლერი: იტალიის ნაკრებმა სასიამოვნოდ გამაოცა</a></p><p><a href="/fexburti/euro-2012/34915-alesandro-del-piero-italia-mesuth-iozils-thomas-miulers-da-mario-gomess-unda-ufrthkhildes.html" target="_blank">ალესანდრო დელ პიერო: იტალია მესუთ იოზილს, თომას მიულერს და მარიო გომესს უნდა უფრთხილდეს</a></p><p><a href="/fexburti/euro-2012/34844-andrea-pirlo-dartsmunebuli-var-rom-germanelebs-italiis-nakrebis-eshiniath.html" target="_blank">ანდრეა პირლო: დარწმუნებული ვარ, რომ გერმანელებს იტალიის ნაკრების ეშინიათ</a></p><p><a href="/fexburti/euro-2012/34927-mesuth-iozili-chveni-mizani-evropis-chempionobaa.html" target="_blank">მესუთ იოზილი: ჩვენი მიზანი ევროპის ჩემპიონობაა</a></p><p><a href="/fexburti/euro-2012/34930-chezare-prandeli-yru-dacvashi-chajdomas-ar-vapirebth.html" target="_blank">ჩეზარე პრანდელი: ყრუ დაცვაში ჩაჯდომას არ ვაპირებთ</a></p><p><a href="/fexburti/euro-2012/34931-dino-dzofi-germanelebs-sul-vugebdith.html" target="_blank">დინო ძოფი: გერმანელებს სულ ვუგებდით</a></p><p><a href="/fexburti/euro-2012/34934-marko-roisi-andrea-pirlo-thavisi-saqmis-ostatia.html" target="_blank">მარკო როისი: ანდრეა პირლო თავისი საქმის ოსტატია</a></p><p><a href="/fexburti/euro-2012/34937-robi-faulerma-germaniis-20-gamarjveba-da-mario-gomesis-goli-itsinastsarmetyvela.html" target="_blank">რობი ფაულერმა გერმანიის 2:0 გამარჯვება და მარიო გომესის გოლი იწინასწარმეტყველა</a></p><p><a href="/fexburti/euro-2012/34938-andre-shiurle-italia-dzlieria-magram-germanias-misi-damarckheba-sheudzlia.html" target="_blank">ანდრე შიურლე: იტალია ძლიერია, მაგრამ გერმანიას მისი დამარცხება შეუძლია</a></p><p><a href="/fexburti/euro-2012/34956-jenaro-gatuzo-italiis-nakrebs-thavisi-kozirebi-aqvs-da-finalshi-gasvla-sheudzlia.html" target="_blank">ჯენარო გატუზო: იტალიის ნაკრებს თავისი კოზირები აქვს და ფინალში გასვლა შეუძლია</a></p><p><a href="/fexburti/euro-2012/34957-karlos-tevesi-italielebs-evropis-chempionatis-mogeba-sheudzliath.html" target="_blank">კარლოს ტევესი: იტალიელებს ევროპის ჩემპიონატის მოგება შეუძლიათ</a></p>
-
zura
ეს იქნება პირველი ოფიც შეხვედრა, რომელსაც გერმანია მოიგებს.
ძალიან ყინჩად კი იყვნენ - "იბერია 1999"-ის მძლეველი "მალმიო" "კოპენჰაგენმა" გააბითურა
"ბარსელონას" 8 წლიან კონტრაქტზე უარი ვუთხარი და ყველაფერი დავკარგე" - მესის ბავშვობის თანაგუნდელის ინტერვიუ
რიო ფერდინანდმა თავისი ყველა დროის საუკეთესო თერთმეტეული დაასახელა
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია