- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ევრო 2012-ის ტენდენციები - კარგიც და ცუდიც
<p>გულშემატკივართა აბსოლუტური უმრავლესობა ევროპის მიმდინარე ჩემპიონატის დადებითად აფასებს <br> <strong></strong>ევროპის ჩემპიონატის დასრულებამდე ერთი მატჩია დარჩენილი და უკვე გვაქვს საშუალება, რომ გადავავლოთ თვალი განვლილ ბატალიებს და გარკვეული დასკვნებიც გამოვიტანოთ.</p><p>გულშემატკივართა აბსოლუტური უმრავლესობა დადებითად აფასებს ევრო 2012-ს, თუმცა არიან ისეთებიც, რომლებსაც კონტინენტის მიმდინარე პირველობაზე ახალი და საინტერესო არაფერი უნახავთ.</p><p>ვეცდებით, იმ დადებით და უარყოფით ტენდენციებზე გავამახვილოთ თქვენი ყურადღება, რომლებიც სახეზეა და თანაც, არა მარტო მოედნებზე, მის გარშემოც...</p><p><strong><span style="color: #ff0000;">დადებითი</span></p><p>გუნდების საერთო დონე</p><p></strong>ევროპის მომდევნო ჩემპიონატი უკვე 24-გუნდიანი იქნება და როგორც უეფა-ს პრეზიდენტი მიშელ პლატინი აცხადებს, პირველ რიგში, ეს ნაკრებთა საერთო დონის გათანაბრებით გახლავთ განპირობებული.</p><p>მუსიე მიშელი სადღაც მართალიც არის, ევრო 2012-ის ოთხი ჯგუფიდან სამი, ფაქტობრივად, სიკვდილის იყო...</p><p>მართალია, ნახევარფინალში ევროპული ფეხბურთის გრანდები მოხვდნენ, მაგრამ ნამდვილად არ დარჩენილა ისეთი შთაბეჭდილება, რომ ეს ოთხი გუნდი ორი თავით აღემატება სხვებს.</p><p>მაგალითად, ხორვატიის ნაკრებს რომ ესპანეთისთვის ბოლო წუთებზე გოლი გაეტანა, იტალიის ეროვნული გუნდი დღეს სახლში იქნებოდა და ოთხეულშიც მის ნაცვლად სხვა გუნდი ამოჰყოფდა თავს; თუნდაც ხორვატია, რომელიც ისე ეთამაშა ევროფორუმის ფინალისტს, რომ მასაც შეეძლო გადამწყვეტ მატჩამდე მიღწევა.</p><p>რიგ ეპიზოდებში შესანიშნავ შთაბეჭდილებას ტოვებდა რუსეთის ნაკრები და რომ არა არასტაბილურობა, დიკ ადვოკაატის გუნდსაც შეეძლო წარმატების მიღწევა - ვგონებთ, ერთი კონკრეტული მატჩის მოგება სლავებს ნებისმიერ მეტოქესთან შეუძლიათ. იგივე შეიძლება ითქვას ჯგუფში ჩარჩენილ შვედებზე და თუნდაც დანიელებზე.</p><p>თავი მხოლოდ ორმა გუნდმა შეირცხვინა: ერთი ჰოლანდია გახლავთ, ხოლო მეორე ირლანდია.</p><p>"ნარინჯისფერებს" რომ გაცილებით უკეთ შეუძლიათ თამაში, ეს ყველამ კარგად ვიცით; აი, კელტებმა კი ნამდვილად გაგვიცრუეს იმედი - ამ გუნდმა ვერც ითამაშა და ვერც პოტენციალი დაგვანახვა.</p><p>თუმცა ირლანდია გამონაკლისი იყო და როგორც ზემოთ აღვნიშნეთ, მთლიანობაში გუნდების საერთო დონე თანაბარი და რაც მთავარია, ერთობ მაღალი გახლდათ.</p><p><strong>გოლები</p><p></strong>ევროპის ჩემპიონატის მეოთხედფინალური ეტაპის უკანასკნელი შეხვედრა ინგლისსა და იტალიას შორის გაიმართა და სწორედ ეს იყო პირველი დაპირისპირება, რომელიც ნულოვანი ფრეთი დასრულდა.</p><p>მართალია, არც ესპანელებსა და პორტუგალიელებს გაუტანიათ გოლი პირველ ნახევარფინალურ პაექრობაში, მაგრამ მთელ ჩემპიონატზე ორადორი ნულოვანი ფრე მაინც ძალიან ცოტაა.</p><p>უკრაინა-პოლონეთის მოედნებზე გოლები ბლომად გადის და თანაც, ერთობ ეფექტური... მარტო ზლატან იბრაჰიმოვიჩის შედევრი რად ღირს, როდესაც ვარდნაში დაურტყა ფრანგებს და ულამაზესი გოლი გაიტანა.</p><p>შეგვიძლია მარიო ბალოტელის გოლი გავიხსენოთ, რომელიც ეფექტური დარტყმით ირლანდიას გაუტანა.</p><p>მოკლედ, გოლები გადის და ამ მხრივ, გულშემატკივრებს საწუწუნო არაფერი აქვთ.</p><p><strong>ბურთი</p><p></strong>ბოლო პერიოდში დიდ საფეხბურთო ფორუმებზე ბურთებთან დაკავშირებით არაერთი ექსპერიმენტი განხორციელდა, რომელთა უმეტესობამაც აშკარად არ გაამართლა.</p><p>რა დაგვავიწყებს "ჯაბულანს" თუ "ჯამბულანს", რომელიც ისე იცვლიდა მიმართულებას ჰაერში, ვერც მეკარე იგებდა მის ტრაექტორიას და ვერც მინდვრის მოთამაშეები. მუდმივად იყო პროტესტი ფეხბურთელთა მხრიდან, განსაკუთრებით კი, მეკარეები აქტიურობდნენ.</p><p>პორტუგალიაში 2004 წელს გამართულ ევროპის ჩემპიონატზე საერთოდ შეღებეს ბურთი და ვერცხლის ფერი მისცეს - შედეგად, ბურთი კარგად არ ჩანდა, რამაც, პირველ რიგში, ისევ მეკარეების ინტერესებს დაარტყა. ვერცხლისფერი ბურთი ტელეეკრანიდანაც რთული გასარჩევი იყო, რამაც გულშემატკივართა დიდი ნაწილის საფუძვლიანი აღშფოთება გამოიწვია.</p><p>ევროპის მიმდინარე ჩემპიონატზე ახალი ტანგოთი თამაშობენ, რომელიც თეთრია, კარგად ჩანს და ჰაერშიც ბუნებრივი ტრაექტორიით დაფრინავს. დავიტოვოთ იმედი, რომ საფეხბურთო ფორუმებზე ყოველთვის თეთრი ბურთით ითამაშებენ, რომელსაც "ჯაბულანი" თუ "ჯამბულანი" არ ერქმევა.</p><p><strong>მსაჯობა</p><p></strong>ევროპის მიმდინარე ჩემპიონატზე მსაჯობის დონე საკმაოდ მაღალია და ამ მოსაზრებას უკრაინელების გარდა, ყველა ეთანხმება.</p><p>სლავთა პოზიცია აბსოლუტურად გასაგებია, მათი ნაკრები არბიტრთა შეცდომის, პრაქტიკულად, ერთადერთი მსხვერპლი გახლავთ - მაგრამ სწორედ მაგიტომ, რომ საწუწუნოდ მხოლოდ უკრაინელებს აქვთ საქმე, მსაჯობის საერთო დონეს მაღალი შეფასება უნდა მივცეთ.</p><p>როგორც უეფა-ს მსაჯთა კომიტეტის ხელმძღვანელმა პიერლუიჯი კოლინამ განაცხადა, ჯგუფურ ეტაპზე 302 თამაშგარე მდგომარეობა დაფიქსირდა და აქედან მხოლოდ 13 იყო შეცდომით; ანუ ლაინსმენები 95.7%-იანი სიზუსტით მუშაობენ, რაც მართლაც რომ შესანიშნავი შედეგია.</p><p>თანაც, ამ ჩემპიონატზე მსაჯებს არ დაუშვიათ ისეთი ფატალური შეცდომები, როგორსაც წინა ფორუმებზე უშვებდნენ - ამ მხრივ, ყველაზე გამორჩეული მაინც 2002 წლის მუნდიალი გახლდათ, როდესაც შავოსნებმა თავზე ხელი აიღეს და უკადრებელი იკადრეს.</p><p><strong>სატელევიზიო ჩვენება</p><p></strong>თამამად შეიძლება ითქვას, რომ მიმდინარე ევროპის ჩემპიონატი ნამდვილი გარღვევაა სატელევიზიო ჩვენების კუთხით და ამაში განსაკუთრებით ისინი დაგვეთანხმებიან, რომლებიც პირდაპირ ტრანსლაციებს HD-ხარისხში ადევნებენ თვალს.</p><p>ვერ გეტყვით, ზუსტად რამდენი კამერა მუშაობს თითოეულ თამაშზე, მაგრამ ფაქტია, რომ სატელევიზიო პროდუქტს სრულიად ახალი სახით ვიღებთ, რომელიც საყოველთაო მოწონებას იმსახურებს.</p><p>როგორც უეფა-ს პრეზიდენტმა, მიშელ პლატინიმ განაცხადა, ეს არის ახალი სტანდარტი, რომელიც სამომავლოდ ჩემპიონთა ლიგის გათამაშებაშიც დაინერგება.</p><p><strong><span style="color: #ff0000;">უარყოფითი</span></p><p>მოედნის საფარი</p><p></strong>უკრაინელებმა და პოლონელებმა რაღაც ვერ გათვალეს, რადგან ფაქტია, რომ ერთი შეხედვით შესანიშნავ, ულტრათანამედროვე სტადიონებზე მოედნის საფარი უკეთესის სურვილს ტოვებს.</p><p>ერთი შეხედვით, ამის შემჩნევა შეუძლებელია, მაგრამ ფაქტია, რომ უხარისხო მინდვრების გამო უკვე არაერთმა ფეხბურთელმა დაიწუწუნა.</p><p>მეტიც, ესპანელები სულაც აღშფოთებულნი იყვნენ, ასეთ მინდვრებზე თამაში წარმოუდგენელიაო. ფაქტია, რომ რამდენიმე სტადიონის გაზონმა დატვირთვებს ვერ გაუძლო და მალევე შეილახა - ამ მხრივ, პოლონელებისა და უკრაინელების მიერ გაწეულ სამუშაოს მაღალ შეფასებას ვერ მივცემთ.</p><p><strong>ტრიბუნები და გულშემატკივრები</p><p></strong>კონტინენტის პირველობის უკრაინა-პოლონეთში ჩატარებას ბევრი მოწინააღმდეგე ჰყავდა და მათი უმთავრესი არგუმენტი ის გახლდათ, რომ აღმოსავლეთ ევროპაში ცხოვრების დონე ასეთი მასშტაბის ტურნირის მოთხოვნებს ვერ აკმაყოფილებს.</p><p>ვერ გეტყვით, ამის ბრალია თუ არა, მაგრამ ფაქტია, რომ ჩატარებული მატჩების აბსოლუტურ უმრავლესობაზე ტრიბუნები პირთამდე არ გავსებულა. თქვენ წარმოიდგინეთ, ანალოგიური სურათი გახლდათ ესპანეთი-პორტუგალიის ნახევარფინალურ პაექრობაზე, როდესაც 50 000-იან "დონბას არენაზე" 48 000 გულშემატკივარი შეიკრიბა.</p><p>პარადოქსია, მაგრამ ფაქტია, რომ ევროპის ჩემპიონატის ნახევარფინალური მატჩის ბილეთის შეძენა თამაშის დაწყებამდე ერთი საათით ადრეც შეგეძლოთ და არა გადამყიდველთან, არამედ სტადიონის სალაროებში.</p><p>გასაგებია, რომ უკრაინა დასავლეთ ევროპის ქვეყნებს განვითარების დონით ბევრად ჩამოუვარდება, მაგრამ მაინც გასაკვირია, რომ 50-მილიონიან ქვეყანაში 50 000 გულშემატკივარი არ მოიძებნა, რომელიც "დონბას" არენას გაავსებდა - თუმცა, რომელ 50 000-ზეა ლაპარაკი, ნახევარი სტადიონი ხომ ესპანელმა და პორტუგალიელმა ქომაგებმა დაიკავეს.</p><p>სხვათა შორის, ამ მხრივ, არც პოლონეთში ყოფილა იდეალურად საქმე. არადა, გულშემატკივართა დასწრების თვალსაზრისით, დასავლეთ ევროპის არცერთ ქვეყანაში ასეთი პრობლემები არ შექმნილა.</p><p><strong></p><p>მოსაწყენი ტიკი-ტაკა</p><p></strong>თქმა არ სჭირდება, რომ "ბარსელონამ" და ზოგადად, ესპანელებმა ცნობილი სტილით - ტიკა-ტაკას თამაშით - ფეხბურთი განვითარების ახალ ეტაპზე აიყვანეს. თამამად შეიძლება ითქვას, რომ ტიკი-ტაკამ სპორტის უპირველესი სახეობა კიდევ უკეთესი თვალით დაგვანახვა და როგორც ბევრი აცხადებს, საერთოდ სრულყო.</p><p>ამიტომ ვისაც ფეხბურთი უყვარს და დღევანდელ "ბარსელონას" ან ესპანეთის ნაკრებს ადევნებს თვალს, თავი შეუძლია ბედნიერ ადამიანად ჩათვალოს, რადგან გულშემატკივართა თაობები ისე წავიდნენ, რომ მსგავსი არაფერი უნახავთ.</p><p>მოკლედ, ტიკი-ტაკა საფეხბურთო ზეიმთან, ფიესტასთან ასოცირდება... თუმცა იქნებ უკვე ასოცირდებოდა კიდეც, რადგან როგორც მიმდინარე ევროპის ჩემპიონატი გვიჩვენებს, ტიკი-ტაკა შეიძლება იყოს მოსაწყენი და თან როგორი მოსაწყენი...</p><p>ულამაზესი, საოცარი ფეხბურთიდან მოსაწყენ სანახაობამდე ერთი ნაბიჯი ყოფილა და დავიტოვოთ იმედი, რომ ესპანელთა გადადგმული ეს მეტად უსიამოვნო ნაბიჯი მხოლოდ ფრაგმენტი იქნება და სექტემბრიდან ძველებურ ტიკი-ტაკას ვიხილავთ - ისეთს, რომელმაც "ფურია როხა" და მთლიანად ესპანური ფეხბურთი მსოფლიოს შეაყვარა.</p><p><strong>ყოველდღიური სპორტული გაზეთი "ლელო"</strong></p>
-
BOO
24 გუნდიანი იქნება მაგარი კვერცხობა, წელს რომელი 8 გუნდი ეკლდა ჩემპიონატს ერთი. ვინც იყვნენ ზოგიერთი ზედმეტიც იყო.
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ძალიან ყინჩად კი იყვნენ - "იბერია 1999"-ის მძლეველი "მალმიო" "კოპენჰაგენმა" გააბითურა
"ბარსელონას" 8 წლიან კონტრაქტზე უარი ვუთხარი და ყველაფერი დავკარგე" - მესის ბავშვობის თანაგუნდელის ინტერვიუ
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა