- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ევრო 2012-ის შეჯამება: ანდრესი, ანდრეა და სხვები
<p>ევროპის 2012 წლის ჩემპიონატის სიმბოლური ნაკრები გაზეთ "ლელოს" ვერსიით <br> ესპანეთის მორიგმა, ზედიზედ მესამე ტრიუმფმა ავტომატურად გამოიწვია ის, რომ ევრო 2012-ის სიმბოლურ ნაკრებში ყველაზე მეტი, ექვსი ფეხბურთელი სწორედ "ფურია როხადან" შევიყვანეთ.</p><p>ევროპის ვიცე-ჩემპიონი იტალია კი ტურნირის სიმბოლურ ნაკრებში მხოლოდ ორი მოთამაშითაა წარმოდგენილი და მათ შორის არ არის ჯანლუიჯი ბუფონი, რომელიც ფინალამდე იკერ კასილიასზე ოდნავ უკეთ გამოიყურებოდა, მაგრამ ფინალში "სკუადრა აძურა" ვეღარ იხსნა და 4 გოლი გაუშვა, კასილიასი კი მოწოდების სიმაღლეზე დარჩა.</p><p>სიმბოლურში გერმანიის ნაკრებიდანაც ორი ფეხბურთელი მოვახვედრეთ, ერთი კი პორტუგალიელია - ოღონდ არა კრიშტიანო რონალდო...</p><p><img src="/media/images/new_photo/QARTULI/karikaturamontaji/euro 2012 simbol all 001.jpg" border="0" alt="Sportall.Ge" title="ევრო 2012-ის შეჯამება: ანდრესი, ანდრეა და სხვები " width="580" height="899" /></p><p><span style="color: #ff0000;"><strong>მწვრთნელი: ჩეზარე პრანდელი (იტალია)</strong></span></p><p>სათადარიგოები: ჯანლუიჯი ბუფონი, ჟერარდ პიკე, ჩავი ერნანდესი, კრიშტიანო რონალდო, ზლატან იბრაჰიმოვიჩი</p><p><span style="color: #ff0000;"><strong>1. იკერ კასილიასი (ესპანეთი)</strong></span></p><p>ესპანეთის ნაკრებისა და მადრიდის "რეალის" მეკარემ ევროპის ჩემპიონატი უმაღლეს დონეზე ჩაატარა, აბსოლუტურად უშეცდომო გახლდათ და როცა ვისენტე დელ ბოსკეს გუნდს კარგი მეკარე სჭირდებოდა, კასილიასი თითქმის ყოველთვის ახერხებდა გუნდის გადარჩენას.</p><p>იკერი ძლიერი იყო როგორც ხაზზე, ასევე ერთი-ერთზე სიტუაციებსა (თუ არ ჩავთვლით ანტონიო დი ნატალეს გოლს) და საჯარიმოს კონტროლის დროსაც. აღსანიშნავია მისი სიმშვიდე და თავდაჯერებულობაც, რაც მთელ გუნდზე, განსაკუთრებით კი, დაცვის ხაზზე პოზიტიურად აისახებოდა.</p><p>ამ ყველაფერს თავი რომ დავანებოთ, კასილიასის გენიალურობაზე მისი სტატისტიკაც მეტყველებს: იკერს 2006 წლის მუნდიალის მერვედფინალის მერე დიდი ტურნირის პლეი ოფის არცერთ მატჩში გოლი არ გაუშვია და მასთან ერთად ესპანეთის ნაკრებმა 137-იდან 100 მატჩი მოიგო...</p><p><span style="color: #ff0000;"><strong>2. სერხიო რამოსი (ესპანეთი)</p><p></strong></span>ევროპის ჩემპიონების მცველი ჯგუფურ ეტაპზე საუკეთესო არ იყო, მაგრამ მეოთხედფინალში (საფრანგეთთან), ნახევარფინალსა (პორტუგალიასთან) და ფინალში (იტალიასთან) იდეალურად ითამაშა.</p><p>საბოლოო ჯამში სერხიო რამოსს საშუალოდ ერთ მატჩში 10 მძიმე ორთაბრძოლა გამოუვიდა და 70 პროცენტი მოიგო. გარდა ამისა, რამოსი კარგი იყო შეტევების დამწყების რანგშიც - გაგიკვირდებათ და, პასების სიზუსტით თვით ჩავის მაჩვენებელს (86 პროცენტი) არ ჩამორჩა.</p><p><span style="color: #ff0000;"><strong>3. ხორდი ალბა (ესპანეთი)</strong></span></p><p>მარცხენა მცველს, რომელიც უკვე ბარსელონელია, სენსაციური ტექნიკა და სისწრაფე აქვს. ვინც ფიქრობდა, რომ მას მხოლოდ ანდრეს ინიესტას დამზღვევის ფუნქცია დაეკისრებოდა, შეცდა - ხორდი ალბა ესპანელთა მარცხენა ფლანგზე გენიალური ინიესტას მშვენიერ პარტნიორად მოგვევლინა.</p><p>მართალია, დაცვითი ფუნქციების შესრულების დროს ყოველთვის არ იდგა მოწოდების სიმაღლეზე, მაგრამ მაინც: ალბა ევრო 2012-ის აღმოჩენაა.</p><p><span style="color: #ff0000;"><strong>4. პეპე (პორტუგალია)</p><p></strong></span>პორტუგალიის ნაკრების დაცვის ბურჯმა ევრო 2012 უმაღლეს დონეზე ჩაატარა. პეპე ჯგუფურ ეტაპზეც ერთ-ერთი საუკეთესო და გამორჩეული მცველი გახლდათ, პლეი ოფში კი კიდევ უფრო მოუმატა და როგორც ჩეხეთთან, ისე ესპანეთთან წაგებულ მატჩშიც მოედანზე ერთ-ერთი საუკეთესო იყო.</p><p>პეპე ფიზიკურად უაღრესად ძლიერი, მცველის უტყუარი ალღოც აქვს და პორტუგალიელთა ლიდერად მოგვევლინა.</p><p><span style="color: #ff0000;"><strong>5. მატს ჰუმელსი (გერმანია)</p><p></strong></span>მოდი, ნუ დავსჯით გერმანიის ნაკრების ახალგაზრდა ცენტრალურ მცველს მხოლოდ იმის გამო, რაც მას ნახევარფინალში ანტონიო კასანომ დამართა. ჰუმელსმა ჯგუფურ ეტაპზე იდეალურად ითამაშა (შეგახსენებთ, რომ ბუნდესგუნდი სიკვდილის ჯგუფში იყო) და მეოთხედფინალშიც ძალიან საიმედო გახლდათ.</p><p>დორტმუნდელმა განსაკუთრებით ჰოლანდიასა და პორტუგალიასთან იასპარეზა კარგად, ნახევარფინალში დაშვებული შეცდომა კი, პირველ რიგში, მისი გამოუცდელობის ბრალია. ერთი რამ ფაქტია: მატსს დიდი მომავალი აქვს!</p><p><span style="color: #ff0000;"><strong>6. სამი ხედირა (გერმანია)</p><p></strong></span>ერთადერთი გერმანელი, რომელიც ყველა მატჩში გამორჩეული და ერთ-ერთი საუკეთესო იყო - იტალიასთან წაგებულ შეხვედრაშიც მხოლოდ ხედირა იბრძოდა მედგრად და რაც მთავარია, უშეცდომოდ. მეტიც: თამამად შეიძლება იმის თქმა, რომ "რეალის" საყრდენი ნახევარმცველი ევროპის ჩემპიონატზე საუკეთესო გერმანელი გახლდათ.</p><p><span style="color: #ff0000;"><strong>7. დავიდ სილვა (ესპანეთი)</p><p></strong></span>დავიდ სილვა ჯგუფურ ეტაპზე საუკეთესო იყო, საფრანგეთსა და პორტუგალიასთან მატჩებში კი დაიკარგა, თუმცა ფინალში თავი ისევ გაგვახსენა.</p><p>მართალია, დავიდი ერთი-ერთზე სიტუაციებში ან შეტევების ორგანიზების თვალსაზრისით ანდრეს ინიესტას დონის ფეხბურთელი ჯერ არ არის, მაგრამ, სამაგიეროდ, ინიესტაზე უკეთესი საგოლე ალღო აქვს და მუდმივად კარისკენ ისწრაფვის.</p><p>ფინალში გატანილი გოლი, რომლითაც ესპანელებმა ანგარიში გახსნეს, ამ მოსაზრების საუკეთესო არგუმენტია.</p><p><span style="color: #ff0000;"><strong>8. ჩაბი ალონსო (ესპანეთი)</strong></span></p><p>კიდევ ერთხელ და ვინ მოთვლის, მერამდენედ გვიწევს იმის გამეორება, რომ ესპანეთის ნაკრები ჩაბი ალონსოს გარეშე წარმოუდგენელია.</p><p>"ფურია როხას" საყრდენი ნახევარმცველი დაუღლელი მორბენალი, ბურთის სამაგალითო მომპოვებელი, მებრძოლი და ამასთან ერთად, აზრიანი მეპასე და სტრატეგიცაა.</p><p>ევრო 2012-ის სიმბოლური ნაკრები მის გარეშე ვერ შედგებოდა და თანაც, ჩაბი ალონსომ საფრანგეთთან დუბლის შესრულებაც კი შეძლო. მოედნის ცენტრში ყველა შეხვედრაში იდეალურად გაისარჯა.</p><p><span style="color: #ff0000;"><strong>9. მარიო ბალოტელი (იტალია)</strong></span></p><p>ფეხბურთელი, რომელზეც ბევრს ვსაუბრობდით, ვსაუბრობთ და ფაქტია, რომ მომავალშიც ძალიან ბევრს ვისაუბრებთ. იტალიას მისი იმედი არ ჰქონდა, თუმცა არ ჰყავდა ალტერნატივაც, მაგრამ მარიომ დაამტკიცა, რომ ამ ნდობას იმსახურებდა.</p><p>პირველ მატჩში ძალიან უსუსურად გამოიყურებოდა, ესპანეთთან რამდენიმე სისულელე ჩაიდინა, მაგრამ მერე გონს მოეგო. თუმცა, მიუხედავად იმისა, რომ ირლანდიას ფენომენალური გოლი გაუტანა, ჯგუფურ ეტაპზე მაინც არ იყო საუკეთესო.</p><p>სამაგიეროდ, ბალოტელი ევროპის ჩემპიონატზე სრულად და ძალიან კარგად პლეი ოფიდან ჩაერთო. ინგლისთან მცველები მედგრად დაწნეხა და ანერვიულა, გერმანიასთან კი აფეთქდა და მანუელ ნოიერს ორი ერთმანეთზე უკეთესი გოლი გაუტანა. რაც ყველაზე საინტერესოა: არ დაგვავიწყდეს, რომ ბალოტელი სულ რაღაც 22 წლისაა.</p><p><span style="color: #ff0000;"><strong>10. ანდრეა პირლო (იტალია)</p><p></strong></span>იტალიის ნაკრების სული, გული და ტვინი - ევრო 2012-ის ერთ-ერთი საუკეთესო ფეხბურთელი, ინიესტასთან ერთად, სრულყოფილი გამთამაშებელი, რომელიც თამაშს საოცრად გრძნობს, მოედანს თავდახრილიც მზაკვრულად ზვერავს და ყოველთვის შეუძლია გამაოგნებელი პასის გაკეთება.</p><p>ხორვატიას გენიალური ჯარიმა გაუტანა, ინგლისს დაუჯერებელი პენალტი დაურტყა, აკონტროლებდა იტალიელთა თამაშის ტემპს და შეტევების მიმართულებებს. აღარაფერს ვამბობთ უთვალავ საოცარ პასზე. ანდრეა პირლომ მხოლოდ ფინალი ჩააგდო, მაგრამ იტალიელთა მხრიდან ფინალშიც საუკეთესო იყო.</p><p><span style="color: #ff0000;"><strong>11. ანდრეს ინიესტა (ესპანეთი)</strong></span></p><p>არცერთი გოლი, მხოლოდ ერთი საგოლე პასი და მიუხედავად ამისა, უეფამ ევრო 2012-ის საუკეთესო ფეხბურთელად მაინც ინიესტა დაასახელა.</p><p>ჩვენ არა ერთ, არამედ ორ საუკეთესოს ვასახელებთ - ინიესტასთან ერთად, პირლოც ასეთად მიგვაჩნია.</p><p>სწორედ ინიესტა იყო ის ფეხბურთელი, ვინც ესპანეთის ნაკრების შეტევებს მოულოდნელი და ბრწყინვალე იდეებით იწყებდა ან აგრძელებდა და მოულოდნელი აჩქარებებით თავზარს სცემდა მეტოქეებს.</p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ</strong></span></p><p><a href="/fexburti/uckhouri-fekhburthi/12-evro-2012/35014-evro-2012-12-finalis-shejameba-aghvirakhsnili-mario-da-italia.html" target="_blank">ევრო 2012. 1/2-ფინალის შეჯამება: აღვირახსნილი მარიო და იტალია </a></p><p><a href="/fexburti/euro-2012/34750-evro-2012-14-finalis-shejameba-pirloa-thu-da-vinchi-andrea-khatavs.html" target="_blank">ევრო 2012. 1/4-ფინალის შეჯამება: პირლოა თუ და ვინჩი? ანდრეა ხატავს! </a></p><p><a href="/fexburti/euro-2012/34483-evro-2012-is-jgufuri-etapis-shejameba-da-simboluri-nakrebi.html" target="_blank">ევრო 2012-ის ჯგუფური ეტაპის შეჯამება და სიმბოლური ნაკრები</a></p>
-
Leo Rey
ამის შემდგენელს ფეხბურთი სწორად ესმის? რა ბალოტელი, რის ჰუმელსი. სად არიან რონალდუ, ტორესი...
-
zvidev
ძალაინ უცნაური ვერსია კი დაგიდიათ. ესპანეთს, რომელმაც მთელი ტურნირის განმავლობაში მხოლოდ ერთი ბურთი გაუშვა, ამ დაცვას მოშლა იქნებოდა არაესპანელებისგან? გოლეადორი ტორესი გახდა და ბალოტელით ჩავანაცვლებდი?
-
kuotue
ვიგაც ძაან ნიჩიერის შედგენილია ეს შემადგენლობა... რონალდო და ხავი სათადარიგოებში :D:D:D
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
U17 | საქართველო 3:0 ლიეტუვა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ