- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ტორპედო-აქტობე 1:1 - ფრე ყაზახების სასარგებლოდ [VIDEO]
![ტორპედო-აქტობე 1:1 - ფრე ყაზახების სასარგებლოდ [VIDEO]](images/new_photo/QARTULI/SOCCER/Clubs/torpedo/matches/torpedo-aqtobe 1-1 05072012 01.jpg)
<p>სტუმართა თავდამსხმელებს მეტი ფხა რომ გამოეჩინათ, ქუთაისიდან შინ გაცილებით კომფორტული ანგარიშით გაემგზავრებოდნენ</p><p><br> რაც ქართული ფეხბურთი დამოუკიდებლად არსებობას შეუდგა, ევროთასებზე ქართული და ყაზახური გუნდების გზები უკვე მეოთხედ გადაიკვეთა.</p><p>წინა სამი დაპირისპირებიდან ყაზახების ბარიერი მხოლოდ ერთხელ გადავლახეთ, როცა რუსთავის "მეტალურგმა" გასულ წელს ორრაუნდიან ბრძოლაში "ირტიში" გამოთიშა ასპარეზობიდან. ამიტომაც იყო, რომ "აქტობეს" შეფასებისას ქუთაისელი ფეხბურთელები ფრთხილობდნენ და ამბობდნენ, რომ წინ რთული ბრძოლა მოელოდათ.</p><p>მათი ვარაუდი გამართლდა. "აქტობე" "ტორპედოსთვის" მართლაც უხერხული მეტოქე აღმოჩნდა. სამწუხარო რეალობაა, რომ სტუმრები შეხვედრის უმეტეს ნაწილში უპირატესობას ფლობდნენ და მათ თავდამსხმელებს მეტი ფხა რომ გამოეჩინათ, შინ გაცილებით კომფორტული ანგარიშითაც გაემგზავრებოდნენ. თუმცა 1:1-იც მათ აქტივში უნდა ჩაიწეროს.</p><p>მონდომებას ტორპედოელებსაც ნუ დავუკარგავთ. ქუთათურები ბევრს ეცადნენ, საგოლე მომენტებიც საკმაოდ შექმნეს და გოლიც გაიტანეს, მაგრამ შეხვედრა სასურველი ანგარიშით ვერ დაასრულეს.</p><p>გია გეგუჩაძის შეგირდებს განმეორებით შეხვედრაში დიდი ძალისხმევა დასჭირდებათ, რომ ორრაუნდიან ბრძოლაში "აქტობეს" ბარიერი გადალახონ.</p><p><strong>* * *</strong></p><p>ევროთასებზე ასპარეზობას მონატრებულ ტორპედოელებს მოტივაცია ნამდვილად არ აკლდათ. გია გეგუჩაძეს შემადგენლობაში რაიმე განსაკუთრებული სიახლეები არ შეუტანია. თუმცა გამოკვეთილ ფორვარდ რევაზ გოცირიძეს ფლანგებიდან დოლიძე და საბანაძე დაახმარა და ამით აქცენტი აშკარად შემტევ ფეხბურთზე გააკეთა.</p><p>ვლადიმირ მუხანოვმა "ტორპედოს" ბოლომდე ოპტიმალური შემადგენლობა ვერ დაუპირისპირა. "აქტობეს" დისკვალიფიკაციის გამო ძირითადი მეკარე სიდელნიკოვი და ტრინიდადელი ლეგიონერი პრიმუსი აკლდა. ამას მატჩის მიმდინარეობისას მათი გამოკვეთილი ფორვარდის, ალექსანდრ გეინრიხის ტრავმაც დაერთო.</p><p>მატჩის დაწყებამდე გუნდებმა წუთიერი დუმილით ლეგენდარული ქართველი ფეხბურთელის, რამაზ შენგელიას ხსოვნას მიაგეს პატივი.</p><p>შეხვედრა ორივე გუნდმა აქტიურად დაიწყო. პირველად ნიკოლოზ საბანაძემ გაამწვავა ვითარება, როცა საჯარიმოს გარედან სახიფათოდ დაარტყა, თუმცა მისი გარჯა უშედეგო გამოდგა.</p><p>ყაზახებმა მალევე მწვავედ უპასუხეს, თუმცა მარატ ხაირულინმა ემილ კენჟისარიევის შესანიშნავი გადაცემა ვერ გამოიყენა და ხელსაყრელი პოზიციიდან უხეიროდ დაარტყა.</p><p>თვალშისაცემი იყო სტუმრების უკეთესი ფიზიკური მომზადება, რისი წყალობითაც ისინი უფრო სწრაფად გადადიოდნენ მეტოქის ნახევარზე და საწყის ნახევარ საათში ტერიტორიულ უპირატესობასაც ფლობდნენ.</p><p>დროის ამ მონაკვეთში მუხანოვის გუნდი უფრო გამართულ ფეხბურთს უჩვენებდა, თუმცა კარში დარტყმები ყაზახებსაც უჭირდათ.</p><p>37-ე წუთზე "ტორპედო" აშკარა გოლს გადაურჩა. მეკარესთან პირისპირ შეყრილმა ბიკმაევმა კარში დარტყმას ხაირულინისათვის გადაცემის გაკეთება ამჯობინა და მცველებმა მდგომარეობა განმუხტეს.</p><p>ტაიმის ბოლოს ქუთათურებიც გააქტიურდნენ და გოლის გატანასთანაც ახლოს იყვნენ. მასპინძელთაგან მდგომარეობას უმეტესად გიორგი კუხიანიძე და საბანაძე ამწვავებდნენ, რომლებიც თავიანთი ტექნიკური არსენალის გამოყენებას არ ერიდებოდნენ და ყაზახებს მუდმივ დაძაბულობაში ამყოფებდნენ.</p><p>ტაიმის ბოლო წუთზე კუხიანიძემ შესანიშნავი პასით საჯარიმოს შიგნით რევაზ გოცირიძე მოძებნა, რომელსაც კარგი პოზიციიდან გატანა მართებდა, მაგრამ ხეირიანად ვერ დაარტყა.</p><p>მეორე ტაიმში გია გეგუჩაძემ გადაადგილებებს მიმართა. პასიური გოცირიძის ნაცვლად მოედანზე ვალერი ბოლქვაძე გამოჩნდა, რის შემდეგაც კუხიანიძემ ცენტრიდან მარცხენა ფლანგზე გადაინაცვლა, ცენტრფორვარდის პოზიცია კი საბანაძემ დაიკავა. ცვლილებამ გაამართლა და "ტორპედო" გააქტიურდა. ბოლქვაძემ მოედნის ცენტრში ბურთი "დაიჭირა" და თანაგუნდელებს კარგი პასებითაც ამარაგებდა.</p><p>მასპინძელთა აქტიურობამ შედეგი მალევე გამოიღო და საბანაძემ საჯარიმოს გარედან გამოზომილი დაბალი დარტყმით საკუთარი გუნდი დააწინაურა.</p><p>გაშვებულმა გოლმა სტუმართა რიგებში გარკვეული დაბნეულობა შეიტანა, თუმცა მუხანოვის შეგირდებმა თამაში მალე დაალაგეს და ანგარიშის გასათანაბრებლად გაიწიეს. ომარ მიგინეიშვილს რამდენჯერმე მოუხდა თამაშში ჩართვა. მან ჯერ ზემლიანუხინის მოჭრილი დარტყმა მოიგერია, შემდეგ სამატ სმაკოვის სახიფათო საჯარიმოც გააუვნებელყო.</p><p>მაგრამ, სამწუხაროდ, "ტორპედო" გაშვებულ გოლს მაინც ვერ გადაურჩა. სტუმრებმა მასპინძლების შეცდომით ისარგებლეს, სწრაფი კონტრშეტევა განახორციელეს. კენჟისარიევმა მარცხნიდან საპირისპირო მხარეს გამჭოლი გადაცემა გააკეთა, სადაც ბიკმაევმა მცველებს დაასწრო და ანგარიში გაათანაბრა.</p><p>დარჩენილ დროში ქუთათურები ბევრს ეცადნენ, მაგრამ ანგარიშის შეცვლის შანსი აღარ მისცემიათ. მათ ახლა საპასუხო შეხვედრაში მოუწევთ იმის დამტკიცება, რომ მომდევნო ეტაპზე გასვლას იმსახურებენ.</p><p><span style="color: #ff0000;"><strong>ევროპის ლიგა. პირველი საკვალიფიკაციო ეტაპი</strong></span></p><p>05.07. ქუთაისი. ცენტრალური. 8500 მაყურებელი.</p><p><em><strong>ტორპედო-აქტობე 1:1</strong></em> (<a href="/mtavari/video.html?view=video&video=1408" target="_blank"><span style="color: #ff0000;"><strong>იხილეთ ვიდეო</strong></span></a>)</p><p>1:0 საბანაძე (62), 1:1 ბიკმაევი (82. კენჟისარიევის პასით)</p><p><em>ტორპედო აქტობე</em></p><p>4-3-2-1 4-5-1</p><p>მიგინეიშვილი ნარზიკულოვი</p><p>რიგვავა კლიმიავიჩუსი</p><p>გამეზარდაშვილი სმაკოვი</p><p>კვახაძე ლოგვინენკო</p><p>გ. გურული კენჟისარიევი</p><p>დიღმელაშვილი ბიკმაევი</p><p>გ. დათუნაიშვილი კოვალჩუკი</p><p>კუხიანიძე კაპაძე</p><p>დოლიძე ხაირულინი</p><p>საბანაძე ბაიერი</p><p>გოცირიძე გეინრიხი</p><p><em>მწვრთნელები:</em></p><p>გ. გეგუჩაძე ვ. მუხანოვი</p><p><em>ტორპედო</em></p><p>58. გოცირიძე - ვ. ბოლქვაძე</p><p>74. დოლიძე - იოსელიანი</p><p>81.კუხიანიძე - ფანცულაია</p><p>სათადარიგოები: ქვილითაია, გიგაური, ზ. ჭელიძე, ფირცხალავა</p><p><em>აქტობე</em></p><p>30.გეინრიხი - ზემლიანუხინი</p><p>75. კლემიავიჩუსი - ბადლო</p><p>90. ბაიერი - ლისენკოვი</p><p>სათადარიგოები: პავლოვი, დარაბაიევი, კუატი, კურმაშევი</p><p>გაფრთხილება: ლოგვინენკო (40), რიგვავა (43), დიღმელაშვილი (47), კლიმავიჩუსი (61)</p><p>არბიტრი: თოლგა ოზკალფა (თურქეთი)</p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ:</strong></span></p><p><a href="/fexburti/qarthuli-fekhburthi/skhvadaskhva/35376-gia-geguchadze-gpirdebith-qtorpedoq-sakmaod-kargi-simpathiuri-gundi-iqneba.html" target="_blank">გია გეგუჩაძე: გპირდებით, "ტორპედო" საკმაოდ კარგი, სიმპათიური გუნდი იქნება</a></p><p><a href="/fexburti/qarthuli-fekhburthi/skhvadaskhva/35374-vladimir-mukhanovi-quthaisis-qtorpedosq-gatanili-goli-arcthu-ise-logikuri-iyo.html" target="_blank">ვლადიმირ მუხანოვი: ქუთაისის "ტორპედოს" გატანილი გოლი არცთუ ისე ლოგიკური იყო </a></p><p><a href="/fexburti/qarthuli-fekhburthi/skhvadaskhva/35370-teuta-metalurgi-03-rusthavelebma-saqme-ukve-moamthavres.html" target="_blank">ტეუტა-მეტალურგი 0:3 - რუსთაველებმა საქმე უკვე მოამთავრეს</a></p>
-
odala
მართალია, ის რაც ქუთაისურმა გუნდმა ითამაშა თანამდროვე დროში ფეხბურთი არ ჰქვია.
-
ramo
რატომ არ თამაშობს ტორპედო პასებით? რატომ არ იხსნებიან ბურთზე? როგორც კი შემტევი ბურთს მიიღებს მარტო უნდა შედეგის მიღწევა. ეგრე გინდა სეზონის დასაწყისი იყოს გინდა ბოლო, შედეგი ნოლია. პლიუს უაზროდ გაფლანგული ძალა.
-
zviadi
ჟურნალისტი ისე წერს თითქოს მართლა ფეხბურთი ითამაშა ტორპედომ. ეს არ იყო ფეხბურთის თამაში, ეს იყო წვალება. რისი გერიდებათ ამ ჟურნალისტებს ვერ გავიგე, სათქმელი უნდა ითქვას
-
zaza
სამწუხაროდ ძალიან სუსტად ჩაატარ გუნდმა შეხვედრა. ასეთი თამაშით არანაირი შანსი არ გააჩნია ტორპედოს შემდეგ ეტაპზე გასვლისა. აშკარად იგრძნობოდა სათამაშო პრაქტიკის უქონლობა.
"ასე რთულია. გუნდში 9 ახალი ტვინი მყავს" - კონტემ "ნაპოლის" მარცხის მიზეზებზე ისაუბრა
"ასე არ შეიძლება" - "კაირათის" მწვრთნელი მეკარისთვის გადაცემული საჩუქრით უკმაყოფილოა
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
შენგელიას 13 ქულა და "ბარსელონას" საშინაო მარცხი "ჟალგირისთან"
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"თოფურია ყალბია. ის ქართველიც კი არ არის, გერმანიაში დაიბადა და გერმანელია" - პიმბლეტმა Marca-ს ეთერიდან თოფურია გამოიწვია
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს