- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
სასწაულმოქმედი კოლხური მალამო
<p>შაბათს, "კოლხეთმა" "ფაზისზე" სასწაულების კასკადი მოახდინა და საბოლოოდ, ერთი დიდი სენსაციაც გამოაცხო...</p><p><br> შაბათს, "კოლხეთმა" "ფაზისზე" სასწაულების კასკადი მოახდინა და საბოლოოდ, ერთი დიდი სენსაციაც გამოაცხო, რაც საკუთარი ქომაგების გარდა გალიდერებულ "ზესტაფონსა" და "ოლიმპის" სხვა მდევრებს უთუოდ მალამოდ მოეფინებოდა.</p><p>არადა, ქვემო ქართლელები ფოთს უთუოდ მოსაგებად სტუმრობდნენ - წინა დღეს თანაკუთხელი "სიონის" საჩუქარს ("დინამოსთან" მოგება) თუ 3 ქულას დაუმატებდნენ, ისინი ერთპიროვნულად გალიდერდებოდნენ. თუმცა, არც ის გვგონია, თემურ მახარაძეს ფოთში იოლი გამარჯვება დაეგეგმა. ლიგის დებიუტანტ კოლხებს გარდა ქულების მნიშვნელობისა, ისიც უნდა დაემტკიცებინათ, რომ პირველობის სტარტზე მთლად შემთხვევით არ ეკავათ "ოლიმპის" ადგილი და ლიდერებთან თამაშიც ძალუძს, თანაც მეგრული დერბის წინ კარგი განწყობისთვის მინიმუმ ქულა მისწრება იქნებოდა.</p><p>თუმცა, როგორც გამოჩნდა, მხოლოდ ქულაზე არ ფიქრობდა კოლხთა თავკაცი ბესიკ შეროზია, ვინც მეტოქეს სივრცეები მოუსპო, მაგრამ ისიც არავის წარმოედგინა, ასე თუ დაჯაბნიდა ლიგის დებიუტანტი მოქმედ ჩემპიონსა და პოტენციურ ლიდერს. ამაში ერთგვარად "დამნაშავეები" თავადაც არიან - კოლხებმა მთავარი ფორვარდი რეზო ჯიქია არ ათამაშეს. მართალია, ნამატჩევს "ლელოს" კითხვაზე კოლხთა თავკაცმა კორექტული კომენტარი გააკეთა და ჯიქიას უთამაშებლობა ტაქტიკური მონახაზით ახსნა, თუმცა, როგორც პირადი საუბრებიდან გავიგეთ, ასეთი იყო კლუბებს შორის შეთანხმება - თავდამსხმელი ხომ "კოლხეთში" სწორედ "ოლიმპიდან" გადავიდა. მისმა "შემცვლელმა" დავით ციცხვაიამ კი, შეიძლება ითქვას, ააწიოკა მეტოქის დაცვა - ორ გოლისა და საგოლე გადაცემის გარდა, ორი კიდევ ისეთი მომენტი ჰქონდა, 100%-იანს რომ ეძახიან.</p><p>თამაშის დასაწყისში გუნდები ხიფათს ვერ ქმნიდნენ, თუმცა კლასში სხვაობა თვალშისაცემი იყო - სტუმრები უფრო ლაღად თამაშობდნენ. ისიც უნდა ითქვას, რომ ამით ხეირი არ უნახიათ - გოლამდე შექმნილი ორი ხიფათიც მასპინძლების ანგარიშზეა: ჯერ მახვილაძემ დაარტყა სახიფათოდ და დაცვამ მოიგერია, ხოლო შემდეგ სიჭინავას მეკარემ აუღო.</p><p>მე-19 წუთზე ანგარიშიც გაიხსნა: დათა სიჭინავამ ჩინებული გადაცემა გაუკეთა ციცხვაიას, ვინაც მასპინძელი მცვლების შეცდომით ისარგებლა, სიტუაციაშიც კარგად გაერკვა და უკვე საჯარიმოში მყოფმა ბედიაშვილის კარისკენ აუღებელი გაისროლა - 1:0.</p><p>ხუთიოდ წუთში მასვე შეეძლო მატჩის გმირი უკვე პირველ ტაიმშივე გამხდარიყო - ფორვარდი საჯარიმოს ხაზთან ისევ კარგად გაერკვა სიტუაციაში, კვლავ შეცდა "ოლიმპის" დაცვის ცენტრალური ზონა, თუმცა კოლხს ოსტატობამ უმტყუნა - წინ გამოსული მეკარისთვის თავზე გადაგდების ნაცვლად შეყოვნდა, დაგვიანებული დატყმული კი მცველის გავლით კუთხურზე გადავარდა. ციცხვაია პენალტსაც ითხოვდა, თუმცა ამისთვის მინიმუმ დაცემა იყო საჭირო.</p><p>28-ე წუთზე სტუმრებმა პირველად დაარტყეს მასპინძელთა კარის მიმართულებით - ღონღაძის ფლანგურ ჩაწოდებულზე ბერიაშვილს თავურით ცოტათი დაუცდა. იქვე კარგი კომბინაცია გაითამაშეს რუსთაველებმა, მაგრამ ბოლო მომენტში ჭითანავამ ხიფათის განმუხტვა შეძლო.</p><p>მეორე ტაიმის დასაწყისშიც ხიფათს მხოლოდ კოლხები ქმნიდნენ, ოღონდ, უნდა ითქვას, რომ ამ დროსაც უფრო ლამაზ და სანახაობრივ ფეხბურთს სტუმრები თამაშობდნენ, მაგრამ ბურთისა და მოედნის დათმობის პარალელურად მასპინძლები ორგანიზებულად იცავდნენ თავს და გონივრულად უტევდნენ. ერთ ეპიზოდში სიჭინავამ დაარტყა შორიდან, რასაც სტუმართა კიპერი ბედიაშვილი, ალბათ, არ ელოდა - შედეგად, ბურთი მისი ხელიდან ძელს, შემდეგ ისევ მეკარეს და კვლავ ძელიდან კუთხურზე გადავიდა.</p><p>კიდევ ერთ წუთში კი ის დაუწერელი კანონი ამოქმედდა - არ გაიტან, იქით გაგიტანენო: კუთხურიდან ბოლქვაძემ მოაწოდა და ირაკლი მოდებაძემ თავურითა და დაცვის მოდუნებით ანგარიში გაათანაბრა - 1:1.</p><p>თითქოს ფსიქილოგიური უპირატესობა სტუმრებისკენ უნდა გადასულიყო, თანაც გოლამდე 3 წუთში მახარაძემ ორი შეცვლა გააკეთა და საქმე იქითკენ უნდა წასულიყო, გამოცდილ სპეციალისტს გამარჯვებაზე ეფიქრა, მაგრამ...</p><p>გოლიდან ორ წუთში ციცხვაიამ დუბლი შეასრულა - მან ისევ სიჭინავას პასი, ამჯერად კუთხურიდან შეირგო და სტუმართა დაცვის მორიგი შეცდომად გოლად აქცია - 2:1.</p><p>ეს კი შეხვედრაში გადამწყვეტი გამოდგა - კოლხეთმა მეტოქის სისწრაფესა და სანახაობრივ თამაშს კონტრშეტევაზე აწყობილი გამართული ფეხბურთი დაუპირისპირა და შედეგი მიიღო: მეორე გოლიდან 10 წუთიც არ იყო გასული, როცა უკვე ციცხვაია მოგვევლინა საგოლე პასის ავტორის როლში - მან სიჭინავას ფლანგური გადაცემა სილაგავას საჯარიმოში ერთ-ერთზე გასასვლელად გაუგრძელა, თანაგუნდელმაც არ დააღალატა და ფაქტობრივად, აქ გადაწყდა მატჩის ბედი.</p><p>თუმცა სტუმრები დანებებას ასე იოლად არ ფიქრობდნენ, მათ ისედაც შეცდომებით მოთამაშე დაცვის ხაზს შეტევის გასაძლიერებლად ერთი წევრი დააკლეს, რამაც რუსთაველებისთვის საბოლოოდ კატასტროფული შედეგი გამოიღო. აქვე გეტვით, რომ მესამე გოლამდე წუთებით ადრე, სტუმარმა ბერიაშვილმა მწვავე კონტრშეტევისას ჩინებული რეიდი განახორციელა, რომელიც ინწკირველმა ყვითელი ბარათის ხარჯზე შეაჩერა. მართალია, არბიტრს მისი გაძევებაც შეეძლო, თუმცა აღსანიშნავია, რომ კოლხმა მცველმა დიდი ხიფათისგან გადაარჩინა საკუთარი გუნდი.</p><p>აქვე გეტყვით, რომ მესამე გოლზე სტუმრები თანამსაჯს შეედავნენ და თამაშგარეს დაფიქსირებას თხოვდნენ, ხოლო ზემოთ ნახსენები ინწკირველის გარდა, მახვილაძეც დააკლდებათ ფოთელებს მორიგ შეხვედრაში, რომელსაც ზუგდიდში გამართავენ.</p><p>73-ე წუთზე ჩინებულად გაისარჯა სიჭინავა, კარგადაც გაისროლა, მაგრამ ცოტათი ააცილა. რამდენიმე წუთში კიდევ ერთი გოლის გამტანი მოგვევლინა საგოლე პასის ავტორად - სილაგავას გადაცემა გვალიამ გამოიყენა - 4:1.</p><p>ამის შემდეგ ქვემო ქართლელებმა ორიოდ ხიფათი შექმნეს, ჯერ შენგელია დროულად ჩაუვარდა პირისპირ შეყრილ მეტოქეს ფეხებში, ხოლო შემდეგ "კოლხეთი" ძელმა გადაარჩინა. ბოლო წუთზე, სტუმრები პენალტსაც ითხოვდნენ, მაგრამ სადავო სიტუაციაში, არბიტრმა თამაშის გაგრძელება ამჯობინა.</p><p>ამ დროისთვის კოლხებს უკვე გატანილი ჰქონდათ მეხუთე გოლიც - გულუამ შორეულ კუთხეში ბედიაშვილს მატჩის ულამაზესი გოლი გაუტანა, 5:1.</p><p>"ძალიან უსუსურად ვითამაშეთ, გაოგნებულები ვართ. თავიდან თითქოს კარგად დავიწყეთ, მაგრამ მეტოქემ სამართლიანად მოგვიგო, რასაც "კოლხეთს" ვულოცავ და წარმატებას ვუსურვებ. შედეგი ასახავს დღევანდელი მატჩის სურათს" - ეს კომენტარი ნამატჩევს პრესკონფერენციაზე თემურ მახარაძის ნაცვლად მოსულმა მისმა ასისტენტმა არმაზ ჯელაძემ გააკეთა.</p><p><strong>კოლხეთი 5</p><p>ოლიმპი 1</strong></p><p>25.09. ფოთი. ფაზისი. 1 300 მაყურებელი</p><p><strong>1:0 ციცხვაია (19. სიჭინავას პასით), 1:1 მოდებაძე (58. ბოლქვაძის პასით), 2:1 ციცხვაია (60. სიჭინავას პასით), 3:1 სილაგავა (69. ციცხვაიას პასით), 4:1 გვალია (81. სილაგავას პასით), 5:1 გულუა (89)</strong></p><p><strong>კოლხეთი ოლიმპი</p><p>4-5-1 4-3-3</p><p></strong>გ. შენგელია ბედიაშვილი</p><p>ჭითანავა ღონღაძე</p><p>მახვილაძე ა. კვახაძე</p><p>ინწკირველი რეხვიაშვილი</p><p>გველესიანი ჯაფარიძე</p><p>თედიაშვილი ქავთარაძე</p><p>ჯოჯუა რაზმაძე</p><p>სილაგავა გეწაძე</p><p>სიჭინავა ბოლქვაძე</p><p>გვალია ი. მოდებაძე</p><p>ციცხვაია ბერიაშვილი</p><p>მწვრთნელი მწვრთნელი</p><p>ბ. შეროზია თ. მახარაძე</p><p><strong>კოლხეთი</p><p></strong>78. ციცხვაია - გულუა</p><p>85. ჯოჯუა - ცხვიტარია</p><p>86. ჭითანავა - წიქარიშვილი</p><p><strong>სათადარიგოები: </strong>სტურუა, ბუკია, გოგონაია, ექონია</p><p><strong>ოლიმპი</p><p></strong>55. ქავთარაძე - გ. ჭელიძე</p><p>57. ჯაფარიძე - ხოჭოლავა</p><p>75. ღონღაძე - ახალკაცი</p><p><strong>სათადარიგოები:</strong> ბათიაშვილი, უგულავა, დობროვოლსკი, ყაზაიშვილი</p><p><strong>გაფრთხილება:</strong> მახვილაძე (40), ჯოჯუა (45), ინწკირველი (65), გულუა (79)</p><p><strong>არბიტრი: </strong>თ. გვანცელაძე</p><p><strong>მამუკა ქანთარია</p><p>ფოთოდან</strong></p><p><strong>ყოველდღიური სპორტული გაზეთი</p><p>"ლელო"</strong></p>
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
ლიდერი ისევ "დილაა"; "ტორპედომ" კი იბერიელებს აჯობა
"გაგრას" ლიუბენოვიჩი ჩაუდგა სათავეში
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
სასიხარულო ამბავი - შეიქმნა სპორტული ფონდი, რომლის მთავარი მიზანიც სპორტული ინფრასტრუქტურის განვითარებაა
"კვარა" - ზღაპრის გმირობა, რწმენა და ლიგის ზედიზედ მოგება
"მაშინ დავკარგე ფეხბურთელი, რომელთან მუშაობაც კიდევ 10 წლით მსურდა" - კლოპმა კოუტინიოს "ბარსელონაში" ტრანსფერი გაიხსენა
"მისით არ ვინტერესდებით" - "სპორტინგმა" საფონოვთან დაკავშირებული ჭორები უარყო
"გადაცემის შემდეგ ჩემს ნომერს გამოგიგზავნი" - ტიერი ანრიმ ვიქტორ იოკერეშს მიმართა
"ასე რთულია. გუნდში 9 ახალი ტვინი მყავს" - კონტემ "ნაპოლის" მარცხის მიზეზებზე ისაუბრა
"ვილიარეალთან" თამაში ძალიან რთულია, რადგან ტოპ გუნდია" - გვარდიოლას კომენტარი გამარჯვების შემდეგ
[VIDEOS] სუპერმატჩი ოკლაჰომაში და დონჩიჩის 43 ქულა - NBA ხმაურიანად დაიწყო!
რას ნიშნავს კვარაცხელიას გოლის აღნიშვნა? - Le Parisien-ი განმარტავს
კვარაცხელია: მეგონა, ბურთი კარს ავაცილე და ცოტა შემეშინდა
ლიდერი ისევ "დილაა"; "ტორპედომ" კი იბერიელებს აჯობა
"არსენალის" და "ინტერის" დამაჯერებელი გამარჯვებები და "ნაპოლის" განადგურება პსვ-სთან
როგორი შეფასებები მიიღეს კვარაცხელიამ და მიქაუტაძემ ჩემპიონთა ლიგის მესამე ტურში?
მიქაუტაძის 66 წუთი - "მანჩესტერ სიტიმ" "ვილიარეალი" უშანსოდ დაამარცხა