<p>დორტმუნდის "ბორუსიის" ერთ-ერთი ლიდერის თქმით, მისი გუნდი ჩემპიონთა ლიგაში მინიმუმ ჯგუფიდან უნდა გავიდეს <br> გერმანელი ექსპერტების საკმაოდ დიდი ნაწილი ფიქრობს, რომ ევროპის ჩემპიონატზე, გერმანიის ნაკრებში ლუკას პოდოლსკის ადგილზე დორტმუნდელ კევინ გროსკროიტცს რომ ეთამაშა, შესაძლოა, ბუნდესგუნდს იტალიასთან არც წაეგო.</p><p>ჩვენი გერმანელი კოლეგები იმაზეც ბჭობენ, რომ ბუნდესნაკრების ძირითადში თამაშის ახალი დორტმუნდელი და ბუნდესლიგის გასული სეზონის საუკეთესო ფეხბურთელი მარკო როისიც იმსახურებდა - თომას მიულერის ნაცვლად.</p><p>მართალია, იოახიმ ლიოვმა სხვანაირად გადაწყვიტა, მაგრამ როისსა და გროსკროიტცს თავიანთი შესაძლებლობების კიდევ ერთხელ დამტკიცების შანსი ახლა უკვე ერთად, "დორტმუნდში" მიეცემათ.</p><p>გერმანიის ჩემპიონისა და თასის მფლობელის ერთ-ერთ ლიდერს "ბილდის" კორესპონდენტი გაესაუბრა - გთავაზობთ ინტერვიუს 23 წლის კევინ გროსკროიტცთან.</p><p><strong>- იაკუბ ბლაშჩიკოვსკი, მარიო გიოტცე, ივან პერიშიჩი და ახლა უკვე მარკო როისიც, რომელშიც 17 მილიონი ევროა გადახდილი - </strong>"<strong>ბორუსიას</strong>"<strong> ოთხი მაღალი დონის შემტევი ნახევარმცველი ჰყავს, ძირითად შემადგენლობაში კი მხოლოდ სამი ასეთი ფეხბურთელის ადგილია. ჰერ გროსკროიტც, ხომ არ გეშინიათ, რომ სათადარიგოთა სკამზე ჯდომა მოგიწევთ?</p><p></strong>- სამი წელია, "ბორუსიას" სასტარტო შემადგენლობაში ვთამაშობ. ამ სამი სეზონიდან ორჯერ გერმანიის ჩემპიონები გავხდით და ვფიქრობ, თუ მაქსიმალურად დავიხარჯები, ძირითადიდან ამოვარდნის არ უნდა მეშინოდეს. ხომ იცით, მე ყოველთვის მოტივირებული ვარ და თავს არასდროს ვზოგავ. ამიტომაც მჯერა, რომ სკამის ხეხვა არ მომიწევს.</p><p><strong>- მიუხედავად იმ ყველაფრისა, რაც ახლა თქვით, გერმანიის ნაკრების მთავარმა მწვრთნელმა იოახიმ ლიოვმა ევროპის ჩემპიონატზე არ წაგიყვანათ. კიდევ გიხილავთ ბუნდესგუნდში?</p><p></strong>- პირადად ჩემი აზრი თუ გაინტერესებთ, ვფიქრობ, რომ ევროპის ჩემპიონატზე გერმანიის ნაკრების განაცხადში ყოფნას ვიმსახურებდი, თუმცა მწვრთნელმა ჩემი წაყვანა საჭიროდ არ მიიჩნია.</p><p>ჯერ ახალგაზრდა ვარ და რა თქმა უნდა, მაქვს იმის იმედი, რომ ლიოვი გამომიძახებს ხოლმე. იოგის ზარს ნაკრების ყველა თამაშის წინ დაველოდები და მე ჩემი მხრიდან ყველაფერს გავაკეთებ იმისათვის, რომ ბუნდესგუნდში თამაში დავიმსახურო.</p><p><strong></p><p>- </strong>"<strong>დორტმუნდი</strong>"<strong> როისთან ერთად უფრო ძლიერია?</p><p></strong>- ორი აზრი არ არსებობს: მარკო ბრწყინვალე ფეხბურთელია, მაგრამ არც ის უნდა დაგვავიწყდეს, რომ ჩვენ შინჯი კაგავა დავკარგეთ...</p><p>თუმცა როისის ტრანსფერი ძალიან მიხარია, რადგან დარწმუნებული ვარ, რომ ჩვენს გუნდს იდეალურად მოერგება. "დორტმუნდი" მასთან ერთად, რა თქმა უნდა, უფრო ძლიერი იქნება.</p><p><strong></p><p>- ანუ, ბუნდესლიგას თქვენი მომავალ სეზონშიც უნდა ეშინოდეს?</p><p></strong>- ფაქტია, რომ ისევ ძალიან მაგრები ვართ და ამ სეზონშიც გულრწფელ, ვნებიან და ემოციურ ფეხბურთს ვითამაშებთ. ამასთან, "ბორუსიას" ახალწვეულებიც გააძლიერებენ.</p><p><strong></p><p>- ბოლოს და ბოლოს ჩემპიონთა ლიგაშიც უკეთ ითამაშებთ?</p><p></strong>- იმედი გვაქვს, რომ ჯგუფიდან ამჯერად მაინც გავალთ. მეტიც: ახლა უკვე ვალდებულები ვართ, რომ მინიმუმ მერვედფინალში გავაღწიოთ, რადგან გერმანიის ჩემპიონი ზედიზედ ორჯერ ჯგუფში არ უნდა ჩარჩეს.</p><p>ვფიქრობ, უკვე საკმარისად ძლიერები ვართ იმისათვის, რომ ევროპის ტოპ-კლუბებიც გავამწაროთ. გასულ სეზონში ჩემპიონთა ლიგაში სირცხვილი ვჭამეთ, მაგრამ, სამაგიეროდ, ბუნდესლიგა რეკორდული შედეგით დავიპყარით - სურათებს რომ ვათვალიერებ ხოლმე, თმები ყალყზე მიდგება. 81 ქულით გავხდით ჩემპიონები და თასიც მოვიგეთ - ეს ისტორიული მიღწევა იყო.</p><p><strong></p><p>- სულით ხორცამდე დორტმუნდელი მათიას ზამერი </strong>"<strong>ბაიერნის</strong>"<strong> სპორტულ დირექტორად დაინიშნა. რეკორდმაისტერს BVB-ს გენებს ხომ არ გადაუნერგავს?</p><p></strong>- ზამერი ბრწყინვალე ადამიანი და საუკეთესო პროფესიონალია, რაც ავტომატურად ნიშნავს იმას, რომ "ბაიერნი" მის ხელში გაცილებით ძლევამოსილი იქნება.</p><p>ბავშვობაში მათიასი ჩემი საყვარელი ფეხბურთელი იყო - პირველ რიგში იმიტომ, რომ ყოველთვის უდიდესი თავდადებით იბრძოდა და არცერთ ორთაბრძოლას არ გაურბოდა.</p><p><strong></p><p>- ამას წინათ განაცხადეთ, შეიძლება </strong>"<strong>ბორუსიას</strong>"<strong> ლოგო ამოვისვირინგოო...</p><p></strong>- ამაზე მართლაც ვფიქრობ, რადგან "დორტმუნდი" ყოველთვის ჩემი უსაყვარლესი გუნდი იყო და სიკვდილამდე ასე იქნება.</p><p><strong>ყოველდღიური სპორტული გაზეთი "ლელო"</strong></p>
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
ბუნდესლიგის გუნდებმა მიმდინარე სეზონში 3 ტურის შემდეგ უკვე მეორე მწვრთნელი დაითხოვეს
ერიკსენი კარიერას "ვოლფსბურგში" გააგრძელებს
PFL-ის ვარსკვლავური ბრძოლა - ნურმაგომედოვმა ჰიუზი მეორედ დაამარცხა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება
"მამარდას" დებიუტი "ჩელსისთან", "ჟორჟი" "რეალის" წინააღმდეგ და ხვიჩა გოლების ასათვლელად
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
კონფერენს ლიგა: სიგუას ლამაზი სოლო-რეიდი და საგოლე პასი
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
19-წლამდელები ბოსნია და ჰერცეგოვინას დაუპირისპირდებიან - შემადგენლობა
21-წლამდელთა შემადგენლობა ოქტომბრის მატჩებისთვის
კიტეიშვილი და დვალი დაბრუნდნენ - ოქტომბრის მატჩებისთვის საქართველოს ნაკრების შემადგენლობა ცნობილია
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა