 
    
    
    <p>გია გეგუჩაძის შეგირდებმა ყაზახეთში გამგზავრებამდე ქუთაისის ცენტრალურ სტადიონზე ივარჯიშეს და კომენტარები გააკეთეს <br> ვროპის ლიგის საწყის საკვალიფიკაციო ეტაპზე ყაზახურ "აქტობესთან" პირველ შეხვედრაში ნაჩვენები ფრეს (1:1) შემდეგ ქუთაისის "ტორპედო" 12 ივლისს, პეტრე-პავლობის დღესასწაულზე, განმეორებით შეხვედრას სტუმრად გამართავს.</p><p>აქტობეში ჩასატარებელი მატჩისთვის ქუთაისური გუნდი ჩვეულ რეჟიმში ემზადება. 10 ივლისს "ტორპედომ", გია გეგუჩაძის ხელმძღვანელობით, ქუთაისის ცენტრალურ სტადიონზე ვარჯიშისთვის განკუთვნილი დროის ძირითადი ნაწილი ბურთთან ყოფნას დაუთმო.</p><p>მცირე ტრავმის გამო ქუთაისელთა რიგებში სათუოა ნახევარმცველი გიორგი კუხიანიძის თამაში, რომელმაც ინდივიდუალურად ივარჯიშა და სავარაუდოდ, 11 ივლისს გაირკვევა, მიიღებს თუ არა იგი მონაწილეობას "აქტობე"-"ტორპედოს" დაპირისპირებაში.</p><p>ქუთაისის "ტორპედო" ყაზახეთში 11 ივლისს, დილით, ჩარტერული რეისით გაფრინდება."აქტობესთან" საპასუხო შეხვედრა საქართველოს დროით 19:00 საათზე დაიწყება და მის პირდაპირ ტრანსლაციას საზოგადოებრივი მაუწყებლის პირველი არხი უზრუნველყოფს.</p><p>მომავალი მატჩის შესახებ "ტორპედოს" ფეხბურთელებს კომენტარის გაკეთება ვთხოვეთ:</p><p><strong> დავით გამეზარდაშვილი:</strong></p><p>"რაც შეეხება წინა შეხვედრას, სიმართლე გითხრათ, ჩვენი თამაში, როგორც შეგვეძლო, ისე ვერ წარმოვაჩინეთ, რაც მხოლოდ ჩვენი ბრალია.</p><p>მეტოქემ დალაგებულად და მიზანმიმართულად ითამაშა. მონდომება ჩვენც არ გვაკლდა, მაგრამ ფეხბურთია და ბევრი რამ არ გამოგვდიოდა.</p><p>გოლიც გავიტანეთ და ურიგო შედეგი არ იქნებოდა მინიმალური სხვაობით გამარჯვება, თუმცა მე ვფიქრობ, რომ ფეხბურთის ზოგიერთი კანონის მიხედვით - ჩვენ ეს თამაში არ უნდა მოგვეგო.</p><p>დაკარგული არაფერია. 12-ში გოლი აუცილებლად გვაქვს გასატანი და არც უნდა გავუშვათ. ღმერთის წყალობით, იმედია, ყველაფერი კარგად იქნება".</p><p><strong> ომარ მიგინეიშვილი:</strong></p><p>"პირველ თამაშში ვერ ვიყავით სათანადო სიმაღლეზე, მომავალ მატჩში კი უკეთესად ვითამაშებთ.</p><p>ყველაფერს გავაკეთებთ იმისთვის, რომ მოვიგოთ და გავახაროთ ქუთაისელი გულშემატკივრები".</p><p><strong> გივი იოსელიანი:</strong></p><p>"სამწუხაროა, რომ ის მოლოდინი ვერ გავამართლეთ, რასაც გულშემატკივრები ჩვენგან ელოდნენ. საკუთარი თავისგან ჩვენც მეტს ველოდით.</p><p>მართალია, თამაში არ იყო სასიამოვნო საცქერი, თუმცა შედეგი არც ისე ტრაგიკულია და უიმედო. დავინახეთ მეტოქის ძალა, უკვე ვიცით მისი შესაძლებლობები, ვიცით, ჩვენ რა შეგვიძლია და მგონი, მზად ვართ "აქტობეს" ბარიერი გადავლახოთ და გავიდეთ შემდეგ ეტაპზე.</p><p>ყველაფერი გაანალიზებულია და ჩვენ უნდა გავაკეთოთ ყველაფერი იმისთვის, რომ გულშემატკივრების წინაშე მოვახდინოთ რეაბილიტაცია.</p><p>"ტორპედოს" ყველა ფეხბურთელი ღირსეულია და იმსახურებს ევროპის ლიგის შემდეგ და შემდეგ ეტაპებზე თამაშს".</p><p><strong> გიორგი ფანცულაია:</strong></p><p>"პირველ შეხვედრაში ჩვენთვის არასასურველი შედეგი დაფიქსირდა. ძალიან ძნელი თამაში გამოვიდა. ამ მატჩში ჩვენ, ალბათ, საკუთარი შესაძლებლობების 10 პროცენტიც ვერ გამოვავლინეთ, თუმცა წინ გვაქვს საპასუხო მატჩი და ყველანაირად მოტივირებულები ვართ მიზნის მისაღწევად.</p><p>ბრძოლის და რწმენის ხარჯზე ყველაფერს შევძლებთ".</p><p><strong> დავით დიღმელაშვილი:</strong></p><p>"მოგება გვინდოდა და არ გამოგვივიდა, რასაც თავისი მიზეზები ჰქონდა. უნდა დავივიწყოთ გასული თამაში, უნდა ვიფიქროთ 12 ივლისის შეხვედრაზე და ვეცადოთ, რომ ისეთ შედეგს მივაღწიოთ, რომ გავიდეთ შემდეგ ეტაპზე.</p><p>მეტოქეზე გვქონდა ინფორმაცია და ვიცოდით, რომ ძლიერი გუნდია, თუმცა დაუძლეველი ბარიერი ნამდვილად არ არის.</p><p>ისე არ ხდება ყოველთვის, როგორც ჩვენ გვინდა, თუმცა აღვნიშნავ, რომ სტუმრად მოგება სავსებით შესაძლებელია - სწორი ტაქტიკური თამაშის ჟინის და მონდომების ხარჯზე".</p><p><em>(იბეჭდება მცირე ცვლილებით)</em></p><p><strong>www.fctorpedo.ge</p><p></strong><span style="color: #ff0000;"><strong>ასევე იხილეთ:</strong></span></p><p><a href="/fexburti/qarthuli-fekhburthi/skhvadaskhva/35594-quthaisis-qtorpedosthanq-frem-qaqtobeq-khasiathze-moiyvana.html" target="_blank">ქუთაისის "ტორპედოსთან" ფრემ "აქტობე" ხასიათზე მოიყვანა</a></p><p><a href="/fexburti/qarthuli-fekhburthi/skhvadaskhva/35523-yazakhebi-gadidguldnen-quthaisshi-fres-ar-veloditho.html" target="_blank">ყაზახები გადიდგულდნენ - ქუთაისში ფრეს არ ველოდითო </a></p><p><a href="/fexburti/qarthuli-fekhburthi/skhvadaskhva/35371-torpedo-aqtobe-11-fre-yazakhebis-sasargeblod-video.html" target="_blank">ტორპედო-აქტობე 1:1 - ფრე ყაზახების სასარგებლოდ [VIDEO] </a></p><p><a href="/fexburti/qarthuli-fekhburthi/skhvadaskhva/35376-gia-geguchadze-gpirdebith-qtorpedoq-sakmaod-kargi-simpathiuri-gundi-iqneba.html" target="_blank">გია გეგუჩაძე: გპირდებით, "ტორპედო" საკმაოდ კარგი, სიმპათიური გუნდი იქნება </a></p><p><a href="/fexburti/qarthuli-fekhburthi/skhvadaskhva/35374-vladimir-mukhanovi-quthaisis-qtorpedosq-gatanili-goli-arcthu-ise-logikuri-iyo.html" target="_blank">ვლადიმირ მუხანოვი: ქუთაისის "ტორპედოს" გატანილი გოლი არცთუ ისე ლოგიკური იყო </a></p>
ramo
პეტრე-პავლობის მადლი გფარავდეთ.
ZURABIUSI
მე სიკვდილამდე მჯერა ჩემი გუნდის!!! მინდა ყველა ტორპედოელმა იცოდეს რომ მთელი ქალაქი თქვენთანაა!!!
"ადამიანი, რომელსაც ჩემს ცხოვრებასა და კარიერაზე უდიდესი გავლენა ჰქონდა, აღარ არის" - 64 წლის ასაკში "ვალენსიას" ლეგენდარული მეკარე გარდაიცვალა
"ასე რთულია. გუნდში 9 ახალი ტვინი მყავს" - კონტემ "ნაპოლის" მარცხის მიზეზებზე ისაუბრა
"ასე არ შეიძლება" - "კაირათის" მწვრთნელი მეკარისთვის გადაცემული საჩუქრით უკმაყოფილოა
ოფიციალურად - სპალეტი "იუვენტუსის" მწვრთნელია
WU17 | ბოსნია და ჰერცეგოვინა 2:1 საქართველო
ყველაფერი ოზემპიკზე: გამოყენება, შედეგები და გვერდითი მოვლენები
პედრი თბილისში ვერ ჩამოვა
[VIDEO] წიტაიშვილის კარგი მატჩი და "მეცის" მოულოდნელი გამარჯვება "ლანსთან"
10:9 პენალტების სერიაში - კიტეიშვილის "შტურმი" მეოთხედფინალში გავიდა
[VIDEO] "კვარა" შეცვლაზე - პსჟ-მ "ლორიენთან" დუე და ორი ქულა დაკარგა
[VIDEO] გოგლიჩიძის უიღბლო 90 წუთი - "იუვენტუსმა" 8-მატჩიანი მოუგებელი სერია "უდინეზესთან" დაასრულა
"ლორიენთან" მატჩში პსჟ-ს შემადგენლობა ცნობილია
"კვარაცხელიას მარჯვენა ფლანგზე დაყენება ლუის ენრიკეს პრობლემური სიჯიუტეა" - ფრანგი ჟურნალისტი
"ვალენსიამ" შეიძლება "რეალის" ყოფილი ვარსკვლავი უფასოდ დაიმატოს
უეფა-ს კომიტეტის სხდომას ლევან კობიაშვილმა უხელმძღვანელა
დე ბრუინს ბელგიაში ოპერაცია გაუკეთეს
"რეალს" "ტოტენჰემის" მცველის დამატება სურს
უპირებენ თუ არა გათავისუფლებას სლოტს - ფაბრიციო რომანო "ლივერპულის" მწვრთნელის მომავალზე
"რეალთან" წაგების შემდეგ – "ბარსელონას" უჩვეულო გეგმა ფინანსურ სარგებელამდე
[VIDEO] დიდი შერიგება და სიყვარული - ვინისიუსის და ვირჯინიას ამ კადრებს 10 მილიონზე მეტი მოწონება აქვს
უდიდესი სენსაცია პარიზში - ალკარასმა ნორისთან წააგო
[VIDEO] "გოლდენ სტეიტი" სეზონს მაგრად იწყებს - "უორიორსმა" "კლიპერსი" მარტივად დაამარცხა
შენგელიას 11 ქულა და "ბარსას" მე-4 გამარჯვება ევროლიგაზე