<p>კლუბები და ქართული ფეხბურთის მმართველი ორგანო მომავალი ეროვნული ჩემპიონატის თითქმის ყველა დეტალზე შეთანხმდნენ <br> 16 ივლისს, სფფ-ში გამართულ მორიგ შეხვედრაზე, კლუბები და ქართული ფეხბურთის მმართველი ორგანო მომავალი ეროვნული ჩემპიონატის თითქმის ყველა დეტალზე შეთანხმდნენ.</p><p>ამჯერად შეხვედრას უმაღლესი ლიგის 12-ივე კლუბის წარმომადგენელი ესწრებოდა. მათ შორის, "ზესტაფონის" პრეზიდენტი ილია კოკაია, "ვიტ ჯორჯიას" პრეზიდენტი გურამ რუხაძე, მარტვილის "მერანის" პრეზიდენტი ფრიდონ ინჯია.</p><p>შეხვედრას, ასევე, ესწრებოდა სპორტისა და ახალგაზრდობის საქმეთა მინისტრი ლადო ვარძელაშვილი და მინისტრის მოადგილე დავით კასრაძე.</p><p>ვინაიდან წინა ორ შეხვედრაზე, ფაქტობრივად, ყველა საკვანძო საკითხზე მოხდა შეთანხმება, ამ ჯერზე კლუბების წარმომადგენლებმა საკითხები შეაჯამეს, კიდევ ერთხელ გაიარეს და დასასრულს, მომავალი ეროვნული ჩემპიონატის კალენდრის კენჭისყრაც ჩაატარეს. თუმცა ამაზე ოდნავ მოგვიანებით.</p><p>მოგეხსენებათ, წინა შეხვედრაზე კლუბების წარმომადგენელთა საბჭომ მოიწონა და დაამტკიცა ეროვნული ჩემპიონატის სახეცვლილი სტრუქტურა. ასევე, გაირკვა ჩემპიონატის დებულებაში დასაფიქსირებელი ყველა შენიშვნა და წინადადება.</p><p>მას შემდეგ, რაც სფფ-ის გენერალური სამდივნო დებულების ტექსტის რედაქტირებას მოახდენს, ივლისის ბოლომდე სფფ-ის აღმასრულებელი კომიტეტი შეიკრიბება და აღნიშნულ დოკუმენტს დაამტკიცებს.</p><p>დღევანდელ შეხვედრაზე კლუბების წარმომადგენლებმა კიდევ ერთხელ შეცვალეს წინა შეხვედრაზე მიღებული გადაწყვეტილება ე.წ. გადათამაშების შესახებ. ასე რომ, საბოლოო გადაწყვეტილებით, უმაღლეს ლიგაში მე-10 ადგილზე გასული გუნდი გადათამაშებას აღარ ითამაშებს პირველი ლიგის მესამე ადგილზე გასულ გუნდთან.</p><p>მნიშვნელოვანი გადაწყვეტილება იქნა მიღებული ჭაბუკთა ლიგის გათამაშებასთან დაკავშირებითაც. ახალი სეზონიდან ჭაბუკთა ლიგის ორივე ასაკის ჩემპიონატებში (1995-96 წწ და 1997-98 წწ დაბადებულები) გუნდების რაოდენობა 16-მდე გაიზარდა.</p><p>ამასთან, 1995-96 წლებში დაბადებულთა ჩემპიონატში თითო გუნდში თამაშს ასევე შეძლებს შვიდი 1994 წელს დაბადებული ფეხბურთელი.</p><p>კლუბის თხოვნით, პირველ ლიგაში თამაშის უფლება მიეცა "დინამო 2"-ს, რომელიც დაკომპლექტებული იქნება 1989 და მომდევნო წლებში დაბადებული ფეხბურთელებით. ხოლო პირველი გუნდიდან კი "დინამო 2"-ში თამაშს შეძლებს ხუთი ფეხბურთელი.</p><p>შეგახსენებთ, რომ ჩემპიონატის მოგების ან მეორე ადგილზე გასვლის შემთხვევაში, "დინამო 2" უმაღლეს ლიგაში არ აინაცვლებს.</p><p>კვლავ მკაცრად დადგა საწევროების გადახდის საკითხი (60 ათასი ლარი). კლუბების საბჭოს ერთსულოვანი გადაწყვეტილებით, ვინც 1 აგვისტომდე საწევროს არ შეიტანს, ავტომატურად დაქვეითდება პირველ ლიგაში.</p><p>აქვე იმასაც გეტყვით, რომ საქართველოს ჩემპიონატის პირველი ლიგის ტექნიკური სპონსორი იქნება კომპანია "Saller"-ი, რომელიც ყველა გუნდის ეკიპირებაზე იზრუნებს.</p><p>ამ ეტაპზე არ კონკრეტდება, თუმცა უმაღლესი ლიგის სასპონსორო ხელშეკრულებებზე მიდის მოლაპარაკებები რამდენიმე სოლიდურ კომპანიასთან.</p><p>რაც შეეხება კენჭისყრის შედეგებს, ახალ ცხრილში გუნდები ასეთი თანმიმდევრობით გადანაწილდნენ:</p><p>1. ზესტაფონი</p><p>2. მეტალურგი</p><p>3. ტორპედო</p><p>4. დინამო ბათუმი</p><p>5. კოლხეთი</p><p>6. დილა</p><p>7. ვიტ ჯორჯია</p><p>8. ჩიხურა</p><p>9. სიონი</p><p>10. ზუგდიდი</p><p>11. დინამო თბილისი</p><p>12. მერანი</p><p>ჩემპიონატის პირველი ტური კი 10-11-12 აგვისტოს გაიმართება. პირველ ტურში ერთმანეთს შეხვდებიან:</p><p>ზესტაფონი - მერანი</p><p>მეტალურგი - დინამო თბილისი</p><p>ტორპედო - ზუგდიდი</p><p>დინამო ბათუმი - სიონი</p><p>კოლხეთი - ჩიხურა</p><p>დილა - ვიტ ჯორჯია</p><p>სფფ-ის საშეჯიბრო კომიტეტი კალენდრის საბოლოო ვარიანტს უახლოეს დღეებში მოამზადებს და მისი სრული ვერსიის ნახვას სფფ-ის ოფიციალურ ვებ-გვერდზე შეძლებთ.</p><p>ჩემპიონატის დაწყებამდე კლუბების წარმომადგენლები კიდევ ერთხელ შეიკრიბებიან. 30 ივლისს, დღის 13:00 საათზე, შეხვედრა კვლავ სფფ-ში გაიმართება.</p><p><strong></p><p>gbf.ge</strong></p><p><span style="color: #ff0000;"><strong>ასევე იხილეთ:</p><p></strong></span><a href="/fexburti/qarthuli-fekhburthi/chempionati/35313-klubebi-shejerdnen-erovnuli-chempionati-10-11-agvistos-daitsyeba.html" target="_blank">კლუბები შეჯერდნენ: ეროვნული ჩემპიონატი 10-11 აგვისტოს დაიწყება</a></p>
VIDEO | ეროვნული ლიგა | გაგრა 1-2 იბერია 1999. "გაგრას" ბოლომდე ბრძოლამ არ უშველა, "იბერიას" შეცვლამ გაუმართლა...
VIDEO | ეროვნული ლიგა | ტორპედო 3-0 მეშახტე. როგორც ძველი არაბიძე...
VIDEO | ეროვნული ლიგა | დინამო (ბთ) 4-1 სპაერი. ნანატრი შოუ ბათუმში
19-წლამდე გოგონათა ნაკრები საკვალიფიკაციო ეტაპის მატჩებისთვის ემზადება
17-წლამდე ვაჟთა ნაკრები სან მარინოში მიემგზავრება
ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ
ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა
"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს
ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება
კვერნაძის 74 წუთი და "ფროზინონეს" მორიგი გამარჯვება
ქართველების "მეცი" "ნანტთან" ფრეს დასჯერდა
კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა
[VIDEOS] გულიაშვილმა ესპანეთში დუბლი შეასრულა
ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო
სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა
პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს
[VIDEO] ლუკა გადრანმა "ბეითარში" სადებიუტო გოლი გაიტანა
[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა
პეპ გვარდიოლამ "ლივერპულთან" პირადი რეკორდი დაამყარა
ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა
ფუტსალის ნაკრები აზერბაიჯანთან ორ ამხანაგურ მატჩს გამართავს
[VIDEO] "ბარსელონა" "რეალს" 7 ქულით გაექცა
დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა