- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ბოქსინგ დეი ქართულ ფეხბურთში
<p>გუშინ VII ტურის მიმოხილვა შემოგთავაზეთ, დღეს კი უკვე მომდევნო ტურის წინათქმაა. 10 სექტემბერს დაწყებული ქართული "ბოქსინგ დეი" გრძელდება. ეს უცნაური "საშემოდგომო მარათონი" მხოლოდ ამ კვირის ბოლოს დასრულდება... <br> გუშინ VII ტურის მიმოხილვა შემოგთავაზეთ, დღეს კი უკვე მომდევნო ტურის წინათქმაა. 10 სექტემბერს დაწყებული ქართული "ბოქსინგ დეი" გრძელდება. ეს უცნაური "საშემოდგომო მარათონი" მხოლოდ ამ კვირის ბოლოს დასრულდება.</p><p>უკვე მივეჩვიეთ ყოველ მესამე-მეოთხე დღეს მატჩების ჩატარებას, იმ მატჩების, რომელთაგან ბევრი მართლაც უცნაური შედეგით რომ სრულდება. რა თქმა უნდა, გასაგებია, ყველა მატჩი წინასწარ დაწერილი სცენარით ვერ დამთავრდება და თითო მოულოდნელობა ყველა ტურს დაამშვენებს, მაგრამ ტურის 5 შეხვედრიდან 3 მატჩი სენსაციური შედეგით რომ მთავრდება, უკვე აღარ ვიცით, რას მივაწეროთ ეს "ტენდენცია".</p><p>ოღონდ, ერთ რამეზე ახლავე უნდა შევთანხმდეთ - საქართველოს ჩემპიონატის დონის ამაღლებაზე საუბარი ნამდვილად ზედმეტია. ალბათ, უფრო, გუნდების საერთო დონის გათანაბრების პროცესი მიმდინარეობს. ანუ, ჩემპიონატის დაწყებიდან უკვე მეორე თვეში მართლდება ვარაუდი იმის თაობაზე, რომ წინასგან განსხვავებით ამ სეზონში არც ვადამდელი ჩემპიონ-პრიზიორები გვეყოლება და არც - ვადამდელი აუტსაიდერები! აბა, გაიხსენეთ, ერთი წლის წინ როგორ იყო? ფაქტობრივად, ლამის ყველაფერი წინასწარ იყო გარკვეული და იმ XXI ჩემპიონატსაც, ალბათ, უფრო მოჩვენებითი ინტრიგა ახლდა...</p><p>ამჟამად სიტუაცია საპირისპიროდ შეიცვალა და ნებისმერი ტურის წინ გარკვეული ცვლილებების მოლოდინში ვართ, თან არა - მხოლოდ სატურნირო ცხრილში, უკვე საკადრო ცვლილებებიც დაიწყო. საქმეს ისეთი პირი უჩანს, ეს პროცესი კიდევ უნდა გაგრძელდეს.</p><p>ისე, სეზონში პირველი სამწვრთნელო ცვლილება შარშან ბევრად უფრო ადრე, III ტურის შემდეგ მოხდა, მაგრამ ამ თემაზე (კონკრეტულად კი რამაზ მუმლაძის "ტორპედოდან" წასვლაზე) უახლოეს დღეებში ვისაუბრებთ. მანამდე კი VIII ტურის ანონსს შემოგთავაზებთ და წინდაწინ ვიტყვით, რომ "ტრადიციისამებრ" 5 მატჩიდან, სულ მცირე, 2-3 მართლაც განსაკუთრებულ ინტერესს იწვევს...</p><p><strong>დინამო-ვიტ ჯორჯია</strong></p><p>როცა ერთმანეთს "დინამო" და "ვიტ ჯორჯია" ხვდებიან, ამაზე მეტი ინტრიგა რაღა უნდა იყოს? საქართველოს ჩემპიონატის ისტორიაში "დინამოს" დროდადრო გამოუჩნდებოდა ხოლმე უშუალო კონკურენტი თუ "უხერხული მეტოქე" ("გურია", "გორდა", ბათუმის "დინამო", "სამტრედია", "ლოკომოტივი", "ტორპედო", "ზესტაფონი", "ოლიმპი"), მაგრამ ყველაზე ტიტულოვანი ქართული კლუბისა და "ვიტ ჯორჯიას" დაპირისპირებამ მაინც განსაკუთრებული სახე მიიღო. აბსოლუტურად არანაირი მნიშვნელობა არა აქვს, რა სტადიაზე ხვდებიან ერთმანეთს ეს პრინციპული მეტოქეები - სეზონის სტარტზე, შუაგულსა თუ დასკვნით ეტაპზე. "დინამოსა" და "ვიტ ჯორჯიას" ნებისმიერი დაპირისპირება ამ გუნდების ხელმძღვანელთათვის, მწვრთნელებისა და ფეხბურთელებისათვის მუდამ პრინციპულ ხასიათს ატარებს.</p><p>ერთი მხრივ, მოწინააღმდეგეთა შორის დაძაბულობის ასეთი მაღალი ხარისხი არც უნდა გვიკვირდეს: "დინამოც" და "ვიტ ჯორჯიაც" საქართველოში ერთ-ერთ ყველაზე წარმატებულ კლუბებად მიიჩნევიან და რამდენი შემთხვევა ყოფილა, როცა ჩემპიონობის ბედი სწორედ ამ ორი გუნდის უშუალო პაექრობაში გადაწყვეტილა. სეზონის ფინიშამდე დიდი დროა დარჩენილი, მაგრამ დღევანდელი მატჩიც რომ ორივე გუნდისთვის მნიშვნელოვანია, ბევრი მტკიცება არ სჭირდება. ყველაფერს თავი რომ დავანებოთ, "დინამოსა" და "ვიტ ჯორჯიას" ერთნაირი ქულები აქვთ და კახა კაჭარავას გუნდი ბოლო წლების მარადიულ მეტოქეს მხოლოდ ბურთების უკეთესი სხვაობით უსწრებს.</p><p>პრინციპული მოწინააღმდეგები დღევანდელ დაპირისპირებას არაერთგვაროვან ხასიათზე ხვდებიან: ზედიზედ 3 გამარჯვების შემდეგ "დინამომ" წინა ტურში ბოლნისში მარცხი განიცადა. არადა, ორ ტრავმირებულ ფეხბურთელს (ედნილსონი, რობერტინიო) თუ არ ჩავთვლით, "დინამომ" ოპტიმალური შემადგენლობით იასპარეზა.</p><p>გასაგებია, რომ ასეთი გადატვირთული კალენდრის ფონზე, ყველა მატჩის მოგება, ცოტა არ იყოს, ძნელი საქმეა, მაგრამ თუ გუნდს საჩემპიონო ამბიციები აქვს, უშუალო კონკურენტ(ებ)ს "გაქცევის" საშუალება არ უნდა მისცეს, თორემ მერე ჩამორჩენას ვეღარ აღმოფხვრის.</p><p>ნურც ის ფაქტი დაგვავიწყდება, რომ "ვიტ ჯორჯიასთან" მატჩიდან ოთხ დღეში "დინამოს" არანაკლებ პრინციპული დაპირისპირება ელოდება - სამწლიანი პაუზის შემდეგ ქუთაისს უნდა ესტუმროს! მომდევნო ტურში "ვიტ ჯორჯიასაც" ძლიერი მეტოქე ეყოლება - "ზესტაფონს" მასპინძლობს. მაგრამ "დინამოს" მწვრთნელ-ფეხბურთელებისგან განსხვავებით მერაბ კოჭლაშვილის გუნდს ხომ ყოველგვარი ფსიქოლოგიური წნეხი მოხსნილი აქვს. ახალი რა უნდა ვთქვათ - ყოველი სეზონის წინ "დინამო" ფავორიტია და გამონაკლისი, არც ეს ჩემპიონატია.</p><p>ბოლო წლებში ანალოგიური სტატუსი ჰქონდა "ვიტ ჯორჯიასაც", მაგრამ ამ სეზონის დაწყების წინ "ვეტერინარებში" ისეთი მასშტაბური საკადრო ცვლილებები მოხდა, წესითა და რიგით, გუნდის მიზანი ბევრად უფრო მოკრძალებული უნდა ყოფილიყო. ეს კი არა, იყო ხალხი, ვინც ამტკიცებდა, რომ ამ სეზონში "ვიტ ჯორჯიას" უმაღლეს ლიგაში ადგილის შენარჩუნებისთვის მოუწევდა ბრძოლა! სინამდვილეში კი, ეს ერთიანად გაახალგაზრდავებული გუნდი არავის და არაფერს ეპუება და ლიდერთა შორისაც აბსოლუტურად დამსახურებულად იმყოფება...</p><p>1998 წლიდან მოყოლებული, დღევანდელმა მეტოქეებმა ერთმანეთში 39 მატჩი ჩაატარეს. "დინამოს" უმნიშვნელო უპირატესობა აქვს: 12 მოგება, 16 ფრე და 11 წაგება. იმასაც შეგახსენებთ, რომ ერთი ხანობა პრინციპულ მეტოქეთა დაპირისპირებები საყაიმო ანგარიშით მთავრდებოდა: წლეულს, 21 თებერვალს, "ვიტ ჯორჯიამ" სტუმრად შეძლო "დინამოს" დამარცხება, თორემ მანამდე ჩატარებულ 6 (!) მატჩში ფრე ფიქსირდებოდა! წინა სეზონის IV წრის მატჩში "დინამომ" რევანშის აღება (ჯორჯ აკირემის დუბლის წყალობით) მოახერხა, მაგრამ "ვეტერინარებს" ამაზე გული დიდად არ დასწყდებოდათ. რაც მთავარია, "ვიტ ჯორჯიამ" წინა სეზონის ორივე უმნიშვნელოვანეს დაპირისპირებაში აჯობა თავის ყველაზე პრინციპულ მეტოქეს - ჯერ სუპერთასის მატჩში აჯობეს (დამატებით დროში), მერე - საქართველოს თასის ფინალშიც!</p><p>თუმცა სუპერთასსა და თასის ფინალში გამარჯვებული გუნდის შემადგენლობიდან დღესდღეობით "ვიტ ჯორჯიაში" 2-3 ფეხბურთელიღა შემორჩა. გამოდის, რომ "ვეტერინართა" ახალგაზრდა მოთამაშეების თითქმის აბსოლუტური უმრავლესობა თბილისის "დინამოს" დღეს პირველად დაუპირისპირდება...</p><p><strong>სიონი-ზესტაფონი</strong></p><p>ზედიზედ 3 ტურია, "სიონი" ყურადღების ცენტრშია: ბოლნისურმა გუნდმა ჯერ ზუგდიდიდან წამოიღო ქულა, მერე - ქუთაისიდან, სამიოდე დღის წინ კი პირველი საშინაო გამარჯვებაც მოიპოვა, თან გამარჯვებასაც ხომ გააჩნია - დებიუტანტი მწვრთნელის გიორგი ყიფიანის გუნდმა წინა ტურში თვით თბილისის "დინამო" დაამარცხა (მეოთხედ - 15-წლიანი დაპირისპირების განმავლობაში)! ნუ დაგვავიწყდება, როგორი პრობლემებით შეხვდნენ ბოლნისელები სეზონის დაწყებას - გუნდი ხომ, ფაქტობრივად, ზედ ჩემპიონატის წინ შეიკრიბა და ასეთი მოუმზადებელი ჩაერთო გათამაშებაში...</p><p>ყოველივე ამის გამოც იყო, რომ ბევრის აზრით, "სიონი" მხოლოდ უმაღლეს ლიგაში ადგილის შენარჩუნებისთვის იბრძოლებდა, თუმცა 7 ტურია გასული და იმის გარდა, რომ გუნდი მისთვის მართლაც საპატიო VI ადგილზეა, სხვა ორი შედეგითაც თავს იწონებს. თავად განსაჯეთ - ჩემპიონატში ყველაზე ნაკლები წაგებაც და ყველაზე ნაკლები გაშვებული გოლიც სწორედ "სიონს" აქვს. არადა, ის ერთადერთი მარცხიც, ცოტა არ იყოს, მოულოდნელობად გვეჩვენება - ყიფიანის გუნდმა ბევრად ძლიერ მეტოქეებს დააკარგვინა ქულები და ამავდროულად, არაფრით გამორჩეულ "სპარტაკთან"... წააგო, თან - დიდი ანგარიშით.</p><p>ვნახოთ, როგორ მოახერხებენ "სიონის" მწვრთნელ-ფეხბურთელები ოთხდღიან ინტერვალში ზედიზედ მეორე გრანდის დამწუხრებას. ბოლნისში დღეს ხომ ჩემპიონატის ერთპიროვნული ლიდერი "ზესტაფონი" ჩადის. 10 სექტემბერი იყო, გია გეგუჩაძის გუნდმა ზუგდიდში რომ წააგო, მაგრამ იმის მერე ზედიზედ 3 გამარჯვება მოიპოვა და სრულიად დამსახურებულადაც გალიდერდა.</p><p>იმის გარდა, რომ "ზესტაფონი" ჩემპიონატის ყველაზე შედეგიანი გუნდია, თვალშისაცემია სხვა ფაქტორიც - გრძელი სათადარიგოთა სკამი, რაც მთავარ მწვრთნელს უმტკივნეულო როტაციის საშუალებას აძლევს. სხვადასხვა მატჩში გუნდის ორ-სამ ლიდერს დასვენების საშუალება აქვს, და რაც მთავარია, ყოველივე ამას უარყოფითი შედეგი არ მოაქვს.</p><p>დაბოლოს - კალენდრის მიხედვით, ამ წყვილს შორის I წრის მატჩი ზესტაფონში უნდა ჩატარებულიყო, თუმცა, მოგეხსენებათ, ზესტაფონის სტადიონზე მოედნის საფარის გამოცვლა დაიწყეს და საერთო შეთანხმებით, VIII ტურის მატჩი ბოლნისში ჩატარდება. სამაგიეროდ, მეორე წრის შეხვედრა, კალენდრით გათვალისწინებული ბოლნისის ნაცვლად, ზესტაფონში ჩატარდება.</p><p><strong>ყოველდღიური სპორტული გაზეთი</p><p>"ლელო"</strong></p>
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
ფრე ქუთაისში... და "თელავის" მოგება "გაგრასთან"
87-ე წუთი... "ტორპედომ" ფოთში მოიგო, "გაგრამ" "გარეჯთან" ქულა გადაარჩინა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
ფრე ქუთაისში... და "თელავის" მოგება "გაგრასთან"
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"როცა ის მოედანზე მყავდა, პატარა ბავშვივით ტკბილად მეძინა" - გვარდიოლამ "სიტის" ყოფილი ფეხბურთელი გამოარჩია
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა
[VIDEO] რონალდოს 946-ე გოლი - "ალ ნასრმა" ბენზემას "ალ იტიჰადი" დაამარცხა
"მოურინიო გეი და ჰომოსექსუალია" - სკანდირებდნენ "პორტუს" გულშემატკივრები
Le Parisien: ფლანგებზე კვარაცხელია და ბარკოლა - დღეს "ბარსელონასთან" მატჩის გენერალური რეპეტიციაა
პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე