- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ნანა ალექსანდრიას თასზე ორი ლიდერია
<p>გიგა ყუფარაძე და ზაურ მამადოვი 5,5-5,5 ქულით გათამაშების ცხრილის სათავეში მოექცნენ <br> ნანა ალექსანდრიას თასის გათამაშების მთავარ ტურნირში 18 ივლისს მე-6 ტურის შეხვედრები გაიმართა.</p><p>მანამდე 4,5-4,5 ქულით ექვსი მოჭადრაკე მეწინავეობდა. ორი მათგანი - დავით მაღალაშვილი და გაიოზ ნიგალიძე - მალევე დაზავდა. სამაგიეროდ, გიგა ყუფარაძემ სომეხი დავით კალაშიანი დაამარცხა, ხოლო აზერბაიჯანელმა ზაურ მამადოვმა ჰოვიკ ჰაირაპეტიანს (სომხეთი) აჯობა და 5,5-5,5, ქულით გათამაშების ცხრილის სათავეში მოექცნენ.</p><p>ლიდერებს 0,5-0,5 ქულით ჩამორჩებიან ნიგალიძე, ჰაირაპეტიანი, დავით ლომსაძე, ირაკლი ბერაძე, მაია ლომინეიშვილი, ზურაბ ჯავახაძე და დავით მაღალაშვილი, რომლებიც მესამე-მერვე ადგილებს ინაწილებენ.</p><p>19 ივლისს ფოთში ორი ტურის პარტიები გაიმართება. მეშვიდეში ინტერესს იწვევს ნიგალიძე - ყუფარაძის, ჰაირაპეტიან - მამადოვის, ლომსაძე - მაღალაშვილის, ბერაძე - ჯავახაძისა და საქართველოს ექს-ჩემპიონების - დავით ზარქუას (4,5) და მაია ლომინეიშვილის ორთაბრძოლები.</p><p>8-წლიან გოგონებში ლიდერობა შეინარჩუნა დიანა ლომაიამ. გუშინ მან თეკლა ვადაქარია დაამარცხა და 6 ქულა მოაგროვა.</p><p>ლიდერს კვალში მიჰყვება ელენე გაბესკირია - ლილე გუმბერიძის ძლევით 5 ქულას მოუყარა თავი და მეორე ადგილზეა.</p><p>4-4 ქულა აქვთ ელენე იოსელიანს, თათევიკ ადამიანს (სომხეთი), ლილე გუმბერიძეს და 6 წლის მარტა ქათამაძეს, რომელმაც შავი ფიგურებით ელენე წოწონავას აჯობა.</p><p>ბიჭებშიც მეექვსე გამარჯვება იზეიმა ნიკოლოზ კაჭარავამ - გორ გრიგორიანს (სომხეთი) მოუგო და გათამაშების ცხრილს ერთპიროვნულად ჩაუდგა სათავეში.</p><p>ასევე უშეღავათო იყო მეწინავეთა ჯგუფის სხვა წევრების პაექრობებიც: დავით გაბუნია - ახმად ახმადზადე (აზერბაიჯანი) 1:0, სურენ აპინიანი (სომხეთი) - თევდორე ნადარეიშვილი 0:1, გიორგი მესხია - უმიდ ასლანოვი (აზერბაიჯანი) 1:0. ამდენად, ერთპიროვნულ ლიდერს თითო ქულით ჩამორჩებიან ნადარეიშვილი, გრიგორიანი, მესხია და გაბუნია.</p><p>10-წლიან გოგონებში პოზიციებს არ თმობს ანასტასია სიდამონიძე, რომელმაც გუშინ თეთრი ფიგურებით თამარ ესაძე დაამარცხა და მთავარი პრიზის მოპოვების რეალური შანსი აქვს, რადგან უახლოეს მდევრებს - შესაბამისად, თამარ ლაგაზაურისა და მანე ჰოვანისიანის (სომხეთი) მძლეველთ - მარიამ ბაბაიანსა (სომხეთი) და ეითაჯ ჰეიდაროვას (აზერბაიჯანი) 1,5-1,5 ქულით უსწრებს (ოთხქულიანები მრავლად არიან).</p><p>შეჯიბრების დამთავრებამდე კი 3 ტური დარჩა. ბიჭებში უდანაკარგო ნიკოლოზ პეტრიაშვილის წინსვლა მათე თოდაშვილმა შეაფერხა - პირველი მარცხი აგემა ერთპიროვნულ ლიდერს და 5,5 ქულით თავად დაწინაურდა. პეტრიაშვილს ქულებით დავით კამკია და ანტონ ნადირაძე გაუთანაბრდნენ - გუშინ მათ ილია ჩხეტიას და ჰაკობ ჰაკობიანს გააჩერებინეს საათი.</p><p>12-წლიან გოგონებში მეწინავეთა მე-6 ტურის პარტიები ასე დამთავრდა: მარიამ ავეტისიანი (სომხეთი) - მარიამ დოლიძე 0,5:0,5, მარიამ გურჯიევი (საქართველო) - ანი ივანიანი (სომხეთი) 0:1, ჰეგინე ამირხანიანი (სომხეთი) - ლიკა იმნაძე 0:1. ექვსი ტურის შემდეგ: ავეტისიანი - 5,5, ივანიანი - 5, იმნაძე - 4, დოლიძე - 3,5 ქულა.</p><p>ბიჭები. კოკა ბუკია - გურამ კოკაია 0,5:0,5, გურამ ჭელიძე - დავით გვენეტაძე 0:1, აშოტ ფარვანიანი - ჰაკობ ჰაკობიანი 1:0, ცოტნე მამულაიშვილი - ნიკოლოზ ცომაია 0:1, არმენაკ ნაზარიანი (სომხეთი) - გიორგი თავზარაშვილი 1:0. 5-5 ქულით გვენეტაძე და კოკაია მეწინავეობენ. შემდეგ მოდიან ბუკია, ცომაია, ნაზარიანი და ფარვანიანი - 4,5-4,5 ქულა.</p><p><strong>ფავორიტები გამოცოცხლდნენ</p><p></strong>ფიდეს ეგიდით მოჭადრაკე ქალთა გრანპრის მე-4 ეტაპის (სომხური ჯერმუკი მასპინძლობს) პირველ ტურში ფავორიტებად მიჩნეულმა მოჭადრაკეებმა დაუგეგმავ ზავებზე მოაწერეს ხელი, რაც მე-2 ტურში გაითვალისწინეს და მონაგარი თითო ქულით გაიმდიდრეს.</p><p>ორგზის მსოფლის ჩემპიონმა ჰოუ იფანმა (ჩინეთი) შავი ფიგურებით 39-ე სვლაზე სძლია მასპინძელ ლილით მკრტიჩიანს. მსოფლიოს ვიცე-ჩემპიონ ჰამფი კონერუს ჩვენებური ნინო ხურციძის დასამარცხებლად 25 სვლა ეყო. დანარჩენი პარტიები ასე დამთავრდა: ცზიუ-ვენძიუნი (ჩინეთი) - ელინა დანიელიანი (სომხეთი) 1:0, ჟაო სიუ (ჩინეთი) ნადეჟდა კოსინცევა (რუსეთი) 0:1, კატერინა ლაგნო (უკრაინა), ეკატერინა კოვალევსკაია (რუსეთი) 1:0, ბათჰუიაგ მონგონთუული (მონგოლეთი) - ლუფეი რუანი (ჩინეთი) 0:1.</p><p>ორი ტურის შემდეგ: კონერუ, ვენძიუნი - 2-2, ჰოუ იფანი, ლაგნო, რუანი - 1,5-1,5, კოვალევსკაია, კოსინცევა - 1-1, დანიელიანი, მონგონთუული, მკრტიჩიანი - 0,5-0,5, ჟაო სიუ, ხურციძე - 0-0 ქულა.</p><p>მე-3 ტურში ითამაშებენ: ნინო ხურციძე - ჟაო სიუ, ელინა დანიელიანი - ჰამფი კონერუ, ჰოუ იფანი - ცზიუ ვენძიუნი, ლუფეი რუანი - ლილით მკრტიჩიანი, ეკატერინა კოვალევსკაია - ბათჰუიაგ მონგონთუული, ნადეჟდა კოსინცევა - კატერინა ლაგნო.</p><p><strong>ჯობავა-ვოიტაშეკის მატჩი რუბინშტეინის იუბილეს ეძღვნება</strong></p><p>წლეულს ზეიმით აღინიშნება სახელოვანი პოლონელი მოჭადრაკის - აკიბი რუბინშტეინის დაბადებიდან 130-ე წლისთავი. საიუბილეო თარიღს ეძღვნება საქართველოს და პოლონეთის უძლიერესი დიდოსტატების - ბაადურ ჯობავას და რადოსლავ ვოიტაშეკის მატჩი, რომელიც 24-28 ივლისს პოზნანში (პოლონეთი) გაიმართება.</p><p>მეტოქეები ერთმანეთს 4 კლასიკურ პარტიასა და 4 სწრაფ ჭადრაკში დაუპირისპირდებიან. განსაკუთრებით საინტერესო იქნება მათი პაექრობა რაპიდში, რადგან სწორედ სწრაფ ჭადრაკში იყო ვოიტაშეკი ევროპის ჩემპიონი 2008 წელს, სამი წლის შემდეგ კი ეს ტიტული ჯობავამ მოიპოვა.</p><p>პოლონელი დიდოსტატი დიდი ხნის შესვენების შემდეგ, რაც გამოწვეული იყო ბორის გელფანდთან მატჩისას მსოფლიოს ჩემპიონის - ვიშვანათან ანანდის სამწვრთნელო შტაბში მუშაობით, კვლავ დაუბრუნდება საშეჯიბრო სარბიელს; თანაც, 2011 წლის მსოფლიოს თასის გათამაშების მე-2 წრეში ჯობავასთან მარცხისთვის რევანშის აღებასაც შეეცდება.</p><p>ამ მატჩამდე ქართველი დიდოსტატი ერთგვარ მოთელვას ამსტერდამში გადის, სადაც პროფესიონალ მოჭადრაკეთა ასოციაციის ინიციატივით მიმდინარეობს საერთაშორისო ტურნირი "ოქროს კლასიკა".</p><p>შეგახსენებთ, რომ მეტოქეებს 40 სვლისთვის 2,5-2,5 საათი ეძლევათ პარტიის შესაძლო გადადებით. განვლილ სამ ტურში ამგვარი უფლებით მხოლოდ ერთხელ ისარგებლეს მოასპარეზეებმა - მესამე ტურის ანა მუზიჩუკი-ბაადურ ჯობავას პარტია 41-ე სვლაზე გადაიდო.</p><p>რადგანაც მეტოქეებს წარმატების მიღწევის არავითარი შანსი არ ჰქონდათ, მშვიდობიანად დაშორდნენ ერთმანეთს. გუშინ ერთდღიანი შესვენების შემდეგ მოჭადრაკეები კვლავ მიუსხდნენ 64-უჯრიან დაფებს.</p><p>ბაადურ ჯობავა, რომელსაც სამი შესაძლებლიდან მხოლოდ 0,5 ქულა აქვს, ისვენებდა. გატა კამსკი და ვასილი ივანჩუკი მე-10 სვლაზე დაზავდნენ.</p><p>ორთაბრძოლის დასრულებიდან ცოტა ხნის შემდეგ კამსკიმ პროფესიონალ მოჭადრაკეთა ასოციაციის საიტითა და საკუთარი "ფეისბუკით" გულშემატკივრებს ბოდიში მოუხადა ასე სწრაფი ყაიმისთვის და იგი წინა დღის ამბებს დაუკავშირა.</p><p>17 ივლისს კი ის მოხდა, რომ ფიდემ გაურკვეველი მიზეზებით ვაჟთა გრანპრის სიიდან გატა კამსკი ამოიღო და მის ნაცვლად აზერბაიჯანელი ვუგარ გაშიმოვი ჩასვა. ამან, ცხადია, უარყოფითად იმოქმედა ამერიკელ მოჭადრაკეზე.</p><p>ამსტერდამის "ოქროს კლასიკის" დანარჩენი ორი პარტია ასე დამთავრდა: ემილ სუტოვსკი - კრიშნან სასიკირანი, ლე ქუანგ ლიემი - ანა მუზიჩუკი - გადაიდო. მათი დამთავრება 21 ივლისსაა დაგეგმილი.</p><p><strong>გუნდები ქართველებითაც გააძლიერეს</p><p></strong>ერთდღიანი შესვენების შემდეგ კონიაში განახლდა მოჭადრაკეთა თურქეთის გუნდური ჩემპიონატი, რომელშიც, მიწვევით, იქაურ გუნდებში საქართველოს 8 წარმომადგენელიც მონაწილეობს.</p><p>მე-8 ტურში "ტარსუს ზეკამ", რომლის ღირსებასაც ოთხი ქართველი იცავს და შვიდი ტურის შემდეგ მე-3 ადგილზე იყო, მოულოდნელად "ქეისანთან" დათმო ორთაბრძოლა - 3,5:6,5. მიხეილ მჭედლიშვილი, მერაბ გაგუნაშვილი და ლუკა პაიჭაძე (ქეთი წაწალაშვილს არ უთამაშია), შესაბამისად, ვლადიმირ მალახოვს, მიხეილ ქობალიას და ევროპის ჩემპიონ ვალენტინა გუნინას დაუზავდნენ.</p><p>კვლავ დამარცხდა "ვარსკვლავებით" დახუნძლული ლევან ფანცულაიას "ისეკი" (სტამბული), ამჯერად "პერა სფორთან". მართალია, ლევანმა სარხან გულიევს მოუგო და ქულა შესძინა კლუბს, მაგრამ ამან "ისეკს" ვერ უშველა.</p><p>ფანცულაიას თანაგუნდელი ევროპის ჩემპიონი ეკატერინა ატალიკი ბელა ხოტენაშვილს დაუზავდა. სოფიკო გურამიშვილის "დენიზლი პამუკალი" ნაზი პაიკიძის "მანიშას" დანებდა - 4,5:5,5.სოფიკო და ანა უშენინა დაზავდნენ. ნაზი ამ ტურში ისვენებდა.</p><p>18 ივლისს მე-9 ტურის შეხვედრებიც გაიმართა. კვლავ დამარცხდა "ტარსუს ზეკა", ამჯერად ანკარის გუნდთან და მედლებისთვის მებრძოლთა რიგებს საგრძნობლად ჩამორჩა. სამაგიეროდ, იყოჩაღა "პერა სფორმა", რომელმაც მონაგარი 2 ქულით გაიმდიდრა და 12 (51) ქულით მე-4 ადგილს ინარჩუნებს.</p><p>პირველ-მესამე ადგილებს "ბეშიქთაში"-17 (61,5), სტამბულის ტექნიკური უნივერსიტეტის გუნდი -16 (58,5) და "ანკარა გაზი" - 13 (52) ინაწილებენ. 9 ტურის შემდეგ ქართველთა მონაგარი ასეთია: გურამიშვილი-7 (9-დან), მჭედლიშვილი-5,5 (9), ხოტენაშვილი-5,5 (9), ფანცულაია-5 (6), პაიკიძე-4,5 (6), პაიჭაძე-4 (5), გაგუნაშვილი-3,5 (8), წაწალაშვილი-2,5 (5).</p><p><strong>ყოველდღიური სპორტული გაზეთი "ლელო"</strong></p>
[PHOTO] სიყვარულს რას გაუგებ - ნიკოლმა იამალს "რეალის" ახალწვეულთან უღალატა
ალექსის სანჩესი კარიერას ლა ლიგაში გააგრძელებს
მიქაუტაძის "ვილიარეალმა" დონეცკის "შახტარის" ფეხბურთელი ინათხოვრა
დიდი 10 | ბათუმი 32:20 გორი
მოგებული პირველი ტაიმის შემდეგ "შავი ლომი" "ბენეტონთან" დამარცხდა
16-წლამდელებმა აზერბაიჯანის ტურნე გამარჯვებით დაასრულეს
ალთუნაშვილი "იბერია 1999-ში" დაბრუნდა
"ნოტინგემში" იუარეს მაგრამ პრემიერლიგაში ახალი ვარიანტი აქვს - მოურინიომ შესაძლოა, "ლიდს იუნაიტედი" ჩაიბაროს
ნიუკასლში ბურგერზე რიგები დგას - "შვედურმა ვირთხამ" დიდი მოწონება დაიმსახურა [PHOTO]
"შავი ლომი" | ორი ცვლილებით "ბენეტონთან"
ფუტსალი ნაკრებმა პლეი-ოფისთვის მზადება დაიწყო
ტრამპის იმედი აქვთ - დააბრუნებენ რუსეთის ნაკრებებსა და კლუბებს საერთაშორისო ტურნირებზე?
[PHOTOS] მეტი ქართველი ლა ლიგაში - მიქაუტაძე პრეზენტაციაზე ვილიას და ბუტრაგენიოს შეადარეს
პსჟ-ს ფეხბურთელი ევროპაში საუკეთესოდ აღიარეს
ლუის ენრიკე პსჟ-ს ჯერ ვერ დაუბრუნდება - კვარაცხელიას დიდი პასუხისმგებლობა დაეკისრება
ფულადი ჯილდო ფეხბურთელებს - რა თანხა მისცეს უკრაინასთან ფრის შემდეგ აზერბაიჯანის ნაკრების წევრებს
"მათი ხასიათი ვიცოდით და სისულელეების კეთებაში ხელი არ შევუშალეთ" - მარკანენმა საქართველოსთან გამარჯვებაზე ისაუბრა
"უნდა გავაცნობიეროთ, რომ დიდი ამბიციები არ უნდა გვქონდეს" - კროოსმა გერმანიის ნაკრების გეგმებზე ისაუბრა
სტივ მანდანდამ ფეხბურთელის კარიერა დაასრულა
"ასეთი რამ, აქამდე არ მინახავს" - ლუკა დონჩიჩი
"ცხადია, ეს ყველამ იცის" - ანრიმ იმ მწვრთნელის ვინაობა დაასახელა, ვინც საფრანგეთის ნაკრებს ჩაიბარებს
"ფენერბაჰჩეს" დომენიკო ტედესკო ჩაიბარებს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა