<p>ახალი ზელანდიის ნაკრების შუამარბი სონი ბილ ვილიამსი ზე რაგბის გათამაშების დასრულების შემდეგ იაპონიაში აპირებს თამაშს <br> ახალი ზელანდიის ნაკრების შუამარბი სონი ბილ ვილიამსი ზე რაგბის გათამაშების დასრულების შემდეგ იაპონიაში აპირებს თამაშს. მან უკვე გააფორმა მოკლევადიანი კონტრაქტი ამ ქვეყნის ერთ-ერთ გუნდთან.</p><p>ახალზელანდიელმა იაპონიის ჩემპიონატის 12 მატჩში უნდა ითამაშოს, რისთვისაც 970 ათას ევროს მიიღებს.</p><p>ახალი ზელანდიის სპორტულ მედიაში დიდი ხანია ფიგურირებს ვერსია, რომლის მიხედვითაც, სონი ბილ ვილიამსი რაგბის თამაშს აღარ აპირებს და 2013 წლიდან რაგბი-ლიგის გუნდ "სიდნეი რუსტერზში" იასპარეზებს.</p><p>ახალზელანდიელი ქომაგები, სონი ბილი რაოდენ კარგადაც უნდა თამაშობდეს, მისდამი სწორედ ცვალებადი ბუნების გამო არ არიან სიმპათიით განმსჭვალულნი. მორაგბედ მას არასდროს აღიქვამდნენ.</p><p>აკი შარშან ახალ ზელანდიაში მსოფლიოს თასის გათამაშების მსვლელობის დროს, ერთ-ერთ ოჯახში სტუმრობისას, მასპინძლებმა მის ხსენებაზე გრიმასა შეკერეს და მითხრეს - ეგ ხომ მორაგბე არ არის, რაგბი ლიგელიაო.</p><p>ერთი სიტყვით, სონი ბილ ვილიამსი თავისას არ იშლის. თანაც ამტკიცებს, რომ ამას ფულის გამო არ აკეთებს.</p><p>"ადამიანებს ჰგონიათ, რომ ჩემი მენეჯერი სულ იმის მცდელობაშია, როგორმე სარფიანი კონტრაქტი გამიჩარხოს. პირიქით, ის საამისოდ არაფერს აკეთებს. უბრალოდ, თამაშისას ვცდილობ, ყველაფერი გავიღო, კარგად ვითამაშო და მომხიბვლელი წინადადებები თავისით მოდის.</p><p>ბევრ ადამიანს ჩემზე არასწორი წარმოდგენა აქვს. რა ვქნა, ახლა 26 წლის ვარ და აქედანვე უნდა ვიზრუნო, რომ კარიერის დასრულების შემდეგ ცარიელზე არ დავრჩე. ძალიან ბევრი მოთამაშე მინახავს ისეთი, რაგბიდან წასვლის შემდეგ რომ აღარ იცის, რა იღონოს, რით იარსებოს. არ მინდა, მათ რიგებში აღმოვჩნდე.</p><p>ჯერ გადაწყვეტილი არ მაქვს, რაგბიში დავრჩები თუ ისევ რაგბი-ლიგას დავუბრუნდები. ერთი რამ კი გადაჭრით შემიძლია ვთქვა - იაპონიიდან თუ ახალ ზელანდიაში დავბრუნდი, აუცილებლად ისევ ჰემილთონის "ჩიფსის" ღირსებას დავიცავ.</p><p>გამორიცხული არ არის, ევროპას მივაშურო. რაგბი-ლიგიდან რომ წამოვედი, რაგბის პირველი გუნდი, სადაც თამაში მომიწია, ფრანგული "ტულონი" იყო. ამ გუნდის პრეზიდენტი მურად ბურჯელალი დიდი ხანია, ისევ მეპატიჟება. ერთი სიტყვით, თუ კარიერა ევროპაში გავაგრძელე, ეს აუცილებლად "ტულონში" მოხდება.</p><p>ბურჯელალი დიდი ადამიანია. მას ძალიან უყვარს "ტულონი" და ამ გუნდის კეთილდღეობისთვის ყველაფერს აკეთებს. ამიტომ მას უდიდეს პატივს ვცემ და ისევე, როგორც "ჩიფსს", "ტულონსაც" არასდროს ვუღალატებ" - თქვა სონი ბილ ვილიამსმა.</p><p>ახალი ზელანდიის ნაკრების მგეზავმა დენ კარტერმა მწუხარება გამოთქვა სონი ბილის ამ ნაბიჯის გამო:</p><p>"პატივს ვცემ მის გადაწყვეტილებას. მსგავს ვითარებაში მეც გახლდით 2008 წელს, როცა ფრანგულ "პერპინიანთან" მოვაწერე კონტრაქტს ხელი.</p><p>ძალიან ვწუხვარ, რომ იაპონიაში მოკლე ვადით თამაშის შემდეგ ის რაგბი-ლიგაში აპირებს გადასვლას. სონი ბილი ჩვენი ნაკრებისთვის დიდი დანაკლისი იქნება. მას "ოლ ბლექსში" კიდევ ძალიან ბევრი წარმატების მიღწევა შეეძლო".</p><p><strong>ყოველდღიური სპორტული გაზეთი "ლელო"</strong></p>
"შავი ლომი" - სამხრეთ აფრიკაში "ჩიტასთან" ორი ტესტისთვის
გიორგი მაისურაძე - ქალთა რაგბის ახალი მთავარი მწვრთნელი
რუსთავში ბავშვთა რაგბის აკადემიის მშენებლობა დაიწყო
PFL-ის ვარსკვლავური ბრძოლა - ნურმაგომედოვმა ჰიუზი მეორედ დაამარცხა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება
"მამარდას" დებიუტი "ჩელსისთან", "ჟორჟი" "რეალის" წინააღმდეგ და ხვიჩა გოლების ასათვლელად
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
კონფერენს ლიგა: სიგუას ლამაზი სოლო-რეიდი და საგოლე პასი
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
19-წლამდელები ბოსნია და ჰერცეგოვინას დაუპირისპირდებიან - შემადგენლობა
21-წლამდელთა შემადგენლობა ოქტომბრის მატჩებისთვის
კიტეიშვილი და დვალი დაბრუნდნენ - ოქტომბრის მატჩებისთვის საქართველოს ნაკრების შემადგენლობა ცნობილია
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა