<p>საქართველოს XXIV ჩემპიონატი. I ტური <br> საქართველოს სხვა ქალაქების მსგავსად, "ზესტაფონისა" და "მერანის" მატჩის დაწყებამდე გუნდების კაპიტნებმა ქვეყნის ჰიმნის ფონზე დროშა აღმართეს და 24-ე ეროვნული ჩემპიონატის დაწყება აუწყეს გულშემატკივრებს.</p><p>გასული სეზონის დასრულებისთანავე ორივე გუნდში მნიშვნელოვანი ცვლილებები განხორციელდა: "მერანი" წამყვანმა ფეხბურთელებმა დატოვეს, გადახალისდა "ზესტაფონის" შემადგენლობაც.</p><p>მასპინძელთა რიგებში სადებიუტო შეხვედრა ჩაატარა გერმანელმა ლეგიონერმა <strong>პატრიკ მილხრაუმმა</strong>.</p><p>უნდა ვთქვათ ისიც, რომ აღნიშნული შეხვედრა უმაღლეს ლიგაში სადებიუტო იყო მატჩის მთავარი არბიტრი <strong>გოგა კიკაჩეიშვილისთვისაც</strong>, რომელმაც ნორმალურად გაართვა თავი დაკისრებულ მოვალეობას.</p><p>რაც შეეხება უშუალოდ მატჩს, საწყისი წუთები თანაბარ ორთაბრძოლაში წარიმართა და მეტოქეებმა მომენტები გაცვალეს: ჯერ <strong>გიორგი რეხვიაშვილს</strong> უმტყუნა მიზანმა, მოგვიანებით კი <strong>გურამ სამუშიას</strong>.</p><p>ცოტა ხანში ზესტაფონელებს შეეძლოთ ფონს გასვლა: სტუმართა საჯარიმოში არეულობა შეიქმნა, რის შედეგადაც ბურთი <strong>დავით მუჯირს </strong>მიუვიდა. მისი დარტყმული მცირე მანძილით ასცდა კარს.</p><p>აქვე იყო ეპიზოდი, როდესაც იმავე <strong>სამუშიას</strong> გადაცემის შემდეგ <strong>ოთარ კვერნაძე</strong> დარჩა მეკარესთან მარტო, თუმცა <strong>ჯონი შეროზიამ</strong> ითამაშა დამაჯერებლად და თავისიანები გადაარჩინა.</p><p>ამის შემდეგ მარტვილელთა ჯერიც დადგა: პირველ შემთხვევაში <strong>გიგა ამბროლაძემ</strong> დაარტყა სახიფათოდ, თუმცა მეკარემ იყოჩაღა, 26-ე წუთზე კი ანგარიში მაინც გაიხსნა: <strong>ლევან გეგეჭკორის</strong> ფლანგური ჩაწოდება <strong>საბა ლომიამ</strong> ჩინებული თავური დარტყმით გოლად აქცია - 0:1.</p><p>გოლის შემდეგ <strong>მუჯირმა</strong> და <strong>სამუშიამ</strong> სცადეს მდგომარეობის გამოსწორება, თუმცა ვერცერთმა გამოიყენა შანსი. აღსანიშნავია სტუმართა მეკარის კარგი თამაში.</p><p>შესვენების შემდეგ <strong>გია ჭიაბრიშვილმა</strong> მოედანზე <strong>ზაალ ელიავა</strong> შეუშვა, რომელმაც თავისი გუნდის იერიშებს სიმწვავე შეჰმატა: 69-ე წუთზე აქტიურმა <strong>ელიავამ</strong> საჯარიმოს მისადგომებთან გადაცემა გააკეთა. ახლად შემოსულმა <strong>აბაიომო ოვონიკოკომ</strong> მახვილგონივრულად გაატარა ბურთი. თითქოს ყოველივე კარგად იკითხებოდა, მაგრამ "მერანის" ახალგაზრდა მცველები უხეშად შეცდნენ და ფაქტობრივად, მეკარესთან პირისპის დარჩენილმა <strong>თორნიკე გორგიაშვილმა</strong> შანსი ხელიდან არ გაუშვა - 1:1.</p><p>ზუსტად ერთ წუთში თავად <strong>ოვონიკოკოს</strong> მიეცა თავისიანების დაწინაურების შანსი, თუმცა მისი თავური სანტიმეტრებით ასცდა მოწინააღმდეგის კარს.</p><p>ქვეყნის მოქმედმა ჩემპიონებმა კიდევ უფრო გააძლიერეს ზეწოლა. ისინი მოედნის ცენტრის ბატონ-პატრონნი გახდნენ. "მერანის" ფეხბურთელებს თითქოს დაღლა დაეტყოთ, ამას დაემატა გამოუცდელობაც (რამდენიმე ფეხბურთელისთვის ეს მატჩი სადებიუტო იყო უმაღლეს ლიგაში).</p><p>შედეგმაც არ დაახანა: დროის მოკლე პერიოდში იმერლებმა ორჯერ იხეირეს: <strong>დავით მუჯირმა</strong> კარგად დაინახა მარჯვენა ფრთაზე მარტოდმარტო დარჩენილი <strong>თორნიკე აფციაური</strong>, რომელმაც უპირატესობა ორამდე გაზარდა.</p><p>დაახლოებით შვიდ წუთში ჩვენს მიერ ზემოთ ნახსენებმა <strong>პატრიკ მილხრაუმ</strong><strong>მაც</strong> გაიტანა და გუნდს მიმდინარე სეზონში პირველი გამარჯვება დაუფიქსირა.</p><p><span style="color: #ff0000;"><strong>მატჩის შემდეგ</strong></span></p><p><strong>გია ჭიაბრიშვილი</strong> (ზესტაფონი):</p><p><em>"ძალიან კარგად ვართ ფიზიკურად მომზადებულები. ამის დასტურად შეგვიძლია მოვიყვანოთ მეორე ტაიმის მეორე ნახევარი, როდესაც გუნდმა საგრძნობლად მოუმატა თამაშს და სამი ბურთი გაიტანა.</p><p>ისე კი, გვარიანად ვინერვიულე. მარტვილის "მერანი", შეიძლება ითქვას, რომ შეკრული და შეთამაშებული გუნდია, ნებისმიერ მეტოქეს გაუჭირდება მას</em><em>თან თამაში.</p><p>ვფიქრობ, რომ ისინი წელსაც გაგვაოცებენ. ჩვენი მიზანი კი კვლავაც ჩემპიონობაა და ამისათვის დღეიდან ვიწყებთ ბრძოლას"</em>.</p><p><strong>არჩილ ჩხაბერიძე</strong> (მერანი):</p><p><em>"რთული თამაში გამოდგა. პირველი ტაიმი კარგად ჩავატარეთ, ბოლო ოცი წუთი კი ჩაგვივარდა. ამის მიზეზი ისაა, რომ ბიჭებს გამოცდილება აკლიათ.</p><p>ახალ გუნდს ვაშენებთ, აქცენტს ადგილობრივებზე ვაკეთებთ. ბიჭების გარჯით უკმაყოფილო არ ვარ, მათ ყველაფერი გააკეთეს სასურველი შედეგის მისაღწევად."</em></p><p><span style="color: #ff0000;"><strong>საქართველოს XXIV ჩემპიონატი. I ტური</strong></span></p><p>11.08.ზესტაფონი. დ. აბაშიძე. 1800 მაყურებელი</p><p><em><strong>ზესტაფონი-მერანი 3:1</strong></em></p><p>გოლები: 0:1 ს.ლომია (26. გეგეჭკორის პასით), 1:1 გორგიაშვილი (69. ელიავას პასით), 2:1 აფციაური (75. მუჯირის პასით), 3:1 მილხრაუმი (82)</p><p><em>ზესტაფონი (4-5-1) მერანი (4-4-2)</em></p><p>რ. კვასხვაძე შეროზია</p><p>თორ. გრიგალაშვილი გეგეჭკორი</p><p>კაჭკაჭიშვილი იობაშვილი</p><p>თევ. გრიგალაშვილი ქარქუზაშვილი</p><p>მილხრაუმი მელიავა</p><p>ბაბუნაშვილი დიდავა</p><p>გორგიაშვილი ნ. ნოზაძე</p><p>აფციაური ფონიავა</p><p>სამუშია ამბროლაძე</p><p>დ. მუჯირი რეხვიაშვილი</p><p>კვერნაძე ს. ლომია</p><p>მწვრთნელი: მწვრთნელი:</p><p>გ.ჭიაბრიშვილი მ.ჟვანია</p><p><em>ზესტაფონი</em></p><p>46. გ. სამუშია-ელიავა</p><p>65. კვერნაძე-ოვონიკოკო</p><p>83. მუჯირი-რაჟამაშვილი</p><p>სათადარიგოები: მამალაძე, სარდალიშვილი, გუგუჩია, რობაქიძე</p><p><em>მერანი</em></p><p>64. რეხვიაშვილი-ბ. ჩხეტიანი</p><p>77. ნ. ნოზაძე-ბუკია</p><p>83. ამბროლაძე-დარჯანია</p><p>სათადარიგოები: ხარძეიშვილი, მონიავა, მჭედლიშვილი, კიკალიშვილი</p><p>გაფრთხილება: რეხვიაშვილი (55)</p><p>არბიტრი: გ. კიკაჩეიშვილი</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
ოფიციალურად: "კოლოსმა" ზურაბ რუხაძე წარადგინა
საქართველოს ახალგაზრდული ნაკრების ფეხბურთელი უკრაინულ კლუბში გადავიდა
თემურ ქეცბაიამ შესაძლოა, ქართული გუნდი ჩაიბაროს - მან "ანორთოსისში" დაბრუნებაზე უარი თქვა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!