<p>რაიან გიგზმა უეინ რუნის შეუთვალა, რომ მას კანის გასქელება სჭირდება და თან რაც შეიძლება სწრაფად... <br> რაიან გიგზმა უეინ რუნის შეუთვალა, რომ მას კანის გასქელება სჭირდება და თან რაც შეიძლება სწრაფად. ინგლისურად ეს გამოთქმა ყველაფრის ცალ ყურში შეშვებასა და მეორედან გამოშვებას ან, თუ გნებავთ, გულგარეთ დატოვებას ნიშნავს. მოგეხსენებათ, ბოლო დროს რუნი მას-მედიის ისეთი ყურადღების ცენტრში მოხვდა, რომ ნერვიულობით გადაღლილს "მანჩესტერ იუნაიტედის" მწვრთნელმა სერ ალექს ფერგიუსონმა სამკვირიანი დასვენება "გამოუწერა". 36 წლის გიგზმა 24 წლის რუნიზე კერძოდ ასე თქვა:</p><p>"უეინზე ახალგაზრდა რომ ვიყავი, დაახლოებით 17-19 წლის ყველაფერი შესანიშნავად მიდიოდა. შემდეგ, ერთ დღესაც ფორმიდან "ამოვვარდი" და იმწუთას ყველას მოუნდა გაერკვია, ვისთან ერთად ვცხოვრობდი, ვინ იყვნენ ჩემი ოჯახის წევრები და ასე შემდეგ.</p><p>ასეთ წნეხში რამდენჯერმე გამივლია და მინდა გითხრათ, რომ ამაში სასიამოვნო ნამდვილად არაფერია. ერთადერთი გამოსავალია კანი გაისქელო და ეს ძალიან დაგეხმარება".</p><p>რამდენიმე დღის წინ მოგახსენეთ, რომ რუნის წინააღმდეგ ინგლისური ფეხბურთის ყოფილმა დიდმა ვარსკვლავმა და ნაკრების მწვრთნელმა კევინ კიგანმაც გაილაშქრა. ეს მას მერე მოხდა, რაც "მანჩესტერ იუნაიტედმა" "ბოლტონთან" 2:2 ითამაშა. იმ დღეს რუნი ძალიან უსახური იყო. სხვათაშორის, კიგანის ნათქვამში რაციონალური მარცვალი ნამდვილად იყო - "მიკი მაუსმა" თქვა, რომ ადამიანს, რომელიც საკუთარი ქორწილი სურათებს ძვირად ჰყიდის, მას მედიისგან ჩასაფრება არ უნდა უკვირდეს.</p><p>მოგეხსენებათ, გარდა იმისა, რომ ბოლოხანს ფეხბურთს ცუდად თამაშობს, რუნის მეუღლესთან კოლინთანაც არეული ჰქონდა ურთიერთობა და ახლა ამ ურთიერთობის დალაგებს ცდილობს.</p><p>გიგზმა თანაგუნდელის დაცვა კიგანისგანაც სცადა: "რა მნიშვნელობა აქვს მიჰყიდი რომელიმე ჟურნალს შენი ქორწილის ფოტოებს თუ არა? ის ზეწოლა, რომელსაც ფეხბურთელები მინდორზე და მინდორს მიღმა განვიცდით გაცილებით დიდია. უეინს თავისი ფოტოები არავისთვის რომ არ მიეყიდა, პრესა მაინც ჩაუსაფრდებოდა და მის შესახებ სკანდალური ინფორმაციის გამოქვეყნებას შეეცდებოდა".</p><p>თავად რაიან გიგზი ტაბლოიდების გმირი 1990-იან წლებში იყო, როდესაც "მანჩესტერ იუნაიტედის" შემადგენლობაში ბრწყინავდა და თან სასიყვარულო ურთიერთობა ჰქონდა ტელევარსკვლავ დენი ბერთან და სხვა გამოჩენილ ქალებთან. თუმცა, დღეს ვეტერანი ოდინდელი შეყვარებულის თანამეცხედრე და ორი შვილის მამაა და მტკიცებს, რომ მის დროს ვარსკვლავები ისეთი ზეწოლის ქვეშ არ იყვნენ, როგორც დღეს, უეინ რუნის ეპოქაში.</p><p>"დღეს სულ სხვა სიტუაციაა, ყველაფერი შეიცვალა, მასშტაბები გაიზარდა. დღეს ფეხბურთელების ცხოვრებას მარტო სპორტული გვერდები აღარ განიხილავენ. დღეს ყველა ვარსკვლავი ყვითელი პრესის წინა გვერდებზეა გამოჭიმული".</p><p>ადრეც გვითქვამს, რომ ოფიციალურად რუნი კოჭს მკურნალობს, თუმცა ერთ-ერთ კომენტარში ფერგიუსონს წამოცდა, რომ ფეხბურთელი გადამეტებულმა ყურადღებამაც დათრგუნა. გიგზმა კი თანაგუნდელს თანაგრძნობა თავისი წიგნის პრეზენტაციაზე გამოუხატა. გიგზის წიგნს ჰქვია "რაიან გიგზი. ჩემი ცხოვრება. ჩემი ისტორია"</p>
"ყველა მწვრთნელს ვახშამზე დავპატიჟებ" - გვარდიოლას პრემიერ ლიგაში 250 გამარჯვება დაუგროვდა
"ყველა მოთამაშე მის გვერდით ვდგავართ" - მაუნტი ამორიმს გამოექომაგა
თუ "სანდერლენდთან" დამარცხდებიან - "მანჩესტერ იუნაიტედმა" შესაძლოა, ამორიმი დღესვე დაითხოვოს
"სწორედ ეს მჭირდებოდა, ნეაპოლი საცხოვრებლად შესანიშნავი ადგილია" - ჰოილუნდი "პარტენოპეიში" ბედნიერია
ვიერიმ "სან სიროს" დანგრევასა და მის ადგილას ახალი სტადიონის აშენებაზე ისაუბრა
ჯანმრთელობაზე ზრუნვა თუ მარკეტინგული ხრიკი?
"ყველა მწვრთნელს ვახშამზე დავპატიჟებ" - გვარდიოლას პრემიერ ლიგაში 250 გამარჯვება დაუგროვდა
კანავარო ტაშკენტში ჩაფრინდა და მალე უზბეკეთის ნაკრების მწვრთნელად ოფიციალურად გამოაცხადებენ
ჯანლუიჯი ბუფონის 17 წლის შვილს სერია A-ში დებიუტი ჰქონდა
შენგელიას 10 ქულა და "ბარსელონას" მარცხი ვალენსიაში | ბურჯანაძის გუნდმაც წააგო
ქოჩორაშვილი შეცვლაზე და "სპორტინგის" ხელიდან გაშვებული გამარჯვება
პსჟ "ლილთან" ფრეს დასჯერდა - ხვიჩა დღეს ნაკრებს შეუერთდება
"ნაპოლიმ" "ჯენოას" თამაში შემოუტრიალა
[VIDEO] გოჩოლეიშვილის კარგი მატჩი და საგოლე პასი - გარდასახული "ჰამბურგი" წინ მიიწევს
[VIDEO] პირველი მარცხი ჩემპიონატში - "ბარსელონა" "სევილიასთან" 1:4 განადგურდა
სიგუას მორიგი საგოლე პასი და "ლოზანას" მორიგი გამარჯვება
"მაკლარენმა" კონსტრუქტორთა თასი მოიგო - "მარინა ბეიზე" ჯორჯს რასელს ვერავინ დაეწია
[VIDEO] დაბრუნებაც ასეთი უნდა - კიტეიშვილმა ისევ გაიტანა, "შტურმმა" ისევ გაიმარჯვა
გოგლიჩიძემ შეუცვლელად ითამაშა - "უდინეზე" "კალიარის" დაუზავდა
"ყველა მოთამაშე მის გვერდით ვდგავართ" - მაუნტი ამორიმს გამოექომაგა
"პატარა ეშმაკივითაა" - ცნობილი ესპანელი ჟურნალისტი გიორგი მიქაუტაძეზე წერს
ჰარი კეინმა ბუნდესლიგის ყველა დროის რეკორდი დაამყარა
"ერთადერთი პოზიტივი ამ მატჩიდან მამარდაშვილი იყო" - როგორ ეხმაურებიან "ლივერპულის" ფანები ქართველი მეკარის თამაშს?