<p>ასევე მეორე წრის მატჩები იმართებოდა ცინცინატის ქალთა ტურნირზე <br> ასევე მეორე წრის მატჩები იმართებოდა ცინცინატის ქალთა ტურნირზე.</p><p>პირველი მატჩი ჩაატარა პოლონელმა ფავორიტმა აგნიეშკა რადვანსკამ. მისი მეტოქე შვედი სოფია არვიდსონი იყო. ორივე ჩოგბურთელმა ძალიან ცუდად ითამაშა საკუთარ მოწოდებაზე, რის გამოც რადვანსკას შვიდი ბრეიკი დაუგროვდა, არვიდსონს - ხუთი. პოლონელმა თითო სეტში ერთით მეტი ბრეიკი დააფიქსირა და ამის ხარჯზე საათსა და 23 წუთში 6:4, 6:3 მოიგო.</p><p>როგორც უკვე ვწერდით, რადვანსკას ცინცინატის ტურნირზე ძალიან დიდი მოტივაცია აქვს. თუ ის შეძლებს აქ მთავარი პრიზის მოპოვებას, მაშინ კარიერაში პირველად გახდება ქალთა კლასიფიკაციის ახალი ლიდერი. მერვედფინალში პოლონელის მეტოქე ამერიკელი სლოუნ სტივენსი იქნება.</p><p>წინა კვირას, მონრეალის ტურნირზე გამარჯვების შემდეგ, მოგებით დაიწყო ცინცინატიში გამოსვლა ჩეხმა პეტრა კვიტოვამ. მას პირველივე მატჩში სერიოზული მეტოქე ჰყავდა გერმანელი მონა ბარტელის სახით.</p><p>კვიტოვამ ვერ შეძლო თავიდანვე მატჩში შესვლა და პირველი სეტი დათმო - 3:6, მაგრამ შემდეგ ინიციატივა მის ხელში გადავიდა. მეორე პარტიაში ჩეხმა იოლად მოიგო - 6:2, მესამეში კი მეტოქე გაუძალიანდა და მხოლოდ 5:5-ზე გატეხა კვიტოვამ ბარტელის წინააღმდეგობა - ზედიზედ ორი გეიმი აიღო და ბოლო სეტი მას დარჩა - 7:5.</p><p>პეტრამ ხუთი ბრეიკით დაასრულა შეხვედრა, ბარტელმა - სამით. შეხვედრა ორ საათსა და 8 წუთს გრძელდებოდა. კვიტოვა მერვედფინალში ჩინელ შუაი პენგს შეხვდება.</p><p>ორი მატჩი უარით დასრულდა. მეორე სეტში შეწყვიტეს ბრძოლა დომინიკა ციბულკოვამ და იაროსლავა შვედოვამ. სლოვაკი ისედაც უიმედოდ აგებდა ანდრეა ჰლავაჩკოვასთან, შვედოვამ კი პირველი სეტი მოუგო ურსულა რადვანსკას, მაგრამ 1:4-ზე მიატოვა კორტი.</p><p>ვენუს უილიამსს, რომელმაც პირველ წრეში მარია კირილენკო დაამარცხა, მეორე რაუნდში სერიოზული პრობლემები ჰქონდა შანელ სხეპერსთან მატჩში. ამერიკელმა წააგო პირველი პარტია, მაგრამ შემდეგ ინიციატივა მოიპოვა და სამ სეტში გაიმარჯვა - 2:6, 6:3, 6:2. ვენუსს წინ აქვს შეხვედრა სარა ერანისთან, რომელსაც ცოტა ხნის წინ ოლიმპიურ ტურნირზე მოუგო.</p><p><strong>Western & Southern Open</p><p></strong>ცინცინატი (აშშ). ჰარდი</p><p>საპრიზო ფონდი: 2 168 400 დოლარი</p><p><strong>II წრე</p><p></strong>აგნიეშკა რადვანსკა (პოლ, 1)-სოფია არვიდსონი (შვედ) - 6:4, 6:3; სლოუნ სტივენსი (აშშ)-კამილა ჯორჯი (იტა) 6:2, 6:1; ანასტასია პავლიუჩენკოვა (რუს, 17)-იულია გორგესი (გერ) 6:3, 6:0; შუაი პენგი (ჩინ)-რობერტა ვინჩი (იტა) 6:3, 6:4; ანდრეა ჰლავაჩკოვა (ჩეხ)-დომინიკა ციბულკოვა (სლოვაკ, 11) 7:6, 4:1 უარი; პეტრა კვიტოვა (ჩეხ, 4)-მონა ბარტელი (გერ) 3:6, 6:2, 7:5; სარა ერანი (იტა, 7)-დანიელა ჰანტუხოვა (სლოვაკ) 6:4, 6:4; ურსულა რადვანსკა (პოლ)-იაროსლავა შვედოვა (ყაზ) 4:6, 4:1 უარი; ეკატერინა მაკაროვა (რუს)-ანა ტატიშვილი (საქ) 6:1, 6:2; ვენუს უილიამსი (აშშ)-შანელ სხეპერსი (ს. აფრ) 2:6, 6:3, 6:2; კაროლინ ვოზნიაცკი (დან, 6)-სესილ კარატანჩევა (ყაზ) 6:1, 6:0; ნა ლი (ჩინ, 9)-სორანა კირსტეა (რუმ) 6:3, 4:6, 6:3.</p><p><strong>1/8-ფინალი</p><p></strong>ა. რადვანსკა (1)-სტივენსი; ნა ლი (9)-ლარსონი; სტოსური (3)-მაკაროვა; ერანი (7)-ვ. უილიამსი; ვოზნიაცკი (6)-პავლიუჩენკოვა (17); კვიტოვა (4)-პენგი; კერბერი (5)-ჰლავაჩკოვა; უ. რადვანსკა-ს. უილიამსი (2).</p><p><strong>ყოველდღიური სპორტული გაზეთი "ლელო"</strong></p>
[PHOTO] პირველი ქალი ჩოგბურთელი, რომელმაც მკერდი გაიდიდა - ფრანგმა გოგონამ მიზეზი ახსნა
სენსაციებით დატვირთული დღე შანხაიში - ტურნირს რამდენიმე ვარსკვლავი ერთიანად გამოეთიშა
ბასილაშვილი ჩილიჩთან დამარცხდა და ჯოკოვიჩთან კიდევ ერთხელ დაპირისპირების შანსი დაკარგა
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა