- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ესპანეთი. ლა ლიგა. I ტურის შეჯამება: ეს მხოლოდ დასაწყისია, ვისთვის განათდება გვირაბის ბოლოს?
<p>მსოფლიო ფეხბურთის ორი გრანდის მორიგი დიდი დაპირისპირება იწყება კი არადა, დაიწყო... <br> ლა ლიგის სეზონის გახსნა, ფაქტობრივად, პირველი "ელ კლასიკოს" პრელუდიაა - 23 აგვისტოს, "კამპ ნოუზე" ესპანეთის სუპერთასის პირველ მატჩში, "ბარსელონა" "რეალს" უმასპინძლებს. მოკლედ, მსოფლიო ფეხბურთის ორი გრანდის მორიგი დიდი დაპირისპირება იწყება კი არადა, დაიწყო...</p><p><strong>ბარსა-რეალობა</strong></p><p>...დაიწყო ჟოზე მოურინიოსთვის ცუდად და დებიუტანტ ტიტო ვილანოვასთვის ფეხბედნიერად. ალბათ, მოსალოდნელიც იყო, რომ "ბარსელონა" იოლად გაუმკლავდებოდა ყოჩაღ, მაგრამ სუსტ "რეალ სოსიედადს", ხოლო "რეალს" პრობლემები ელოდა მესამეადგილოსან "ვალენსიასთან" დაპირისპირებაში.</p><p>"ბარსელონამ" 5:1 გაანადგურა მეტოქე "კამპ ნოუზე", ხოლო "რეალმა" "სანტიაგო ბერნაბეუ" თავდახრილმა დატოვა - 1:1. თუ იმას გავითვალისწინებთ, რომ ლა ლიგის ტიტულისთვის ბრძოლა ორი ბედაურის დოღია - "ბარსას" უკვე +2 ქულა აქვს.</p><p><strong>მესი VS რონი</p><p></strong>რომელი უკეთესია? კრიშტიანო რონალდო თუ ლიონელ მესი? ამ კითხვას ყველაზე ხშირად სვამენ. შარშან ჩვენ მათ შორის მინი-ტურნირი "მოვაწყვეთ", თითოეულ ტურში უკეთ მოთამაშეს ქულა ერიცხებოდა, ურთიერთშეხვედრაში უკეთესს კი ქულა უორმაგდებოდა.</p><p>"სეზონი" დაძაბული გამოდგა. საბოლოოდ მესიმ რონალდოს 23:22 მოუგო! წლეულს იმავე პრინციპით ვაგრძელებთ "ტურნირს".</p><p>"რეალ სოსიედადთან" 5:1 დასრულებულ მატჩში ლიონელ მესიმ 90 წუთი ითამაშა. მან კარისკენ 8-ჯერ დაარტყა (4-ჯერ ზუსტად), 2 გოლი გაიტანა. არგენტინელის წინააღმდეგ 2-ჯერ დაარღვიეს წესი, ერთხელ კი თავად დააშავა, ერთხელ თამაშგარე მდგომარეობაში მოხვდა.</p><p>"ვალენსიასთან" 1:1 დასრულებულ მატჩში კრიშტიანო რონალდომ 90 წუთი ითამაშა. მან კარისკენ 5-ჯერ დაარტყა (ყველა ააცილა), პორტუგალიელს 2-ჯერ ეუხეშნენ, ერთხელ კი თავად დაჯარიმდა.</p><p>ვფიქრობთ, დისკუსია ზედმეტია - მესიმ ანგარიში გახსნა 1:0. 23 აგვისტოს მათი უშუალო დაპირისპირებაა, მაგრამ არა ლა ლიგის სტატუსით.</p><p><strong>ტურის სიმბოლური ნაკრები</p><p></strong>"ლელოს" ვერსიით. 3-4-3</p><p>დიეგო ალვეში (ვალენსია) - ვიქტორ რუისი (ვალენსია), მიკელ სან ხოსე (ბილბაო), კარლეს პუიოლი (ბარსელონა) - გარი მედელი (ატლეტიკო), ბენიატ ეჩებარია (ბეტისი), იბაი გომესი (ბილბაო), კრისტიან ტელიო (ბარსელონა) - ტომერ ჰემედი (მალიორკა), ლიონელ მესი (ბარსელონა), ხორხე მოლინა (ბეტისი)</p><p>მე-12 ფეხბურთელი: გონსალო იგუაინი (რეალი).</p><p><strong>ტურის გმირი</p><p></strong>ფაბრის ოლინგა (მალაგა)</p><p>კამერუნელი დებიუტანტი "სელტასთან" მატჩში შეცვლაზე შევიდა და თამაშის მიწურულს გამარჯვების გოლი გაიტანა. ეს ლა ლიგის სეზონის პირველი გოლია. ამასთან, ფაბრისი გახდა ლა ლიგის ისტორიაში ყველაზე ახალგაზრდა გოლეადორი - 16 წლის და 98 დღის. თუმცა ფოტოს მიხედვით ამას ვერაფრით იტყვით...</p><p><strong>ტურის ფრაზები</p><p></strong>ჟოზე მოურინიო: "ადრე თუ გვიან, აუცილებლად დავუბრუნდები ინგლისს", - "რეალის" თავკაცი ვერ ეშვება პრემიერლიგაზე ოცნებას.</p><p>კრიშტიანო რონალდო: "ფორმის პიკზე რომ გავიდე, კიდევ 10 დღე მინდა", - რონალდო ამით გვეუბნება, ვერც "ელ კლასიკოზე" მნახავთ, რა ბიჭი ვარო. ვნახოთ.</p><p>ტიტო ვილანოვა: "მადრიდულ ფრეს ჯერ მნიშვნელობას არ ვანიჭებ", - "ბარსელონას" ახალი თავკაცი.</p><p>მანოლო ხიმენესი: "მერჩივნა, ახლა მე ვუღიმოდე "ვალიადოლის" წარმომადგენლებს, ისევე, როგორც ახლა ისინი მე მიცინიან", - "სარაგოსას" თავკაცი 0:1 მარცხის მერე.</p><p>პეპე მელი: "თანახმა ვარ, ამდენივე შეცდომა დავუშვათ თამაშში, თუ შედეგი იგივე იქნება", - "ბეტისის" თავკაცი სტუმრად "ბილბაოს" 5:3 დამარცხების შემდეგ.</p><p>პაკო ერერა: "ფეხბურთმა არ იცის, რას ნიშნავს სიტყვა სამართლიანობა", - "სელტას" თავკაცი "მალაგასთან" 0:1 მარცხის შემდეგ.</p><p><strong>ესპანური ფეხბურთის სისუსტე - მსაჯები</p><p></strong>დელგადო ფერეირო (რეალი-ვალენსია) - 8 "მარკა" (10-ბალიანი შეფასებით)</p><p>რა დააშავა: მეორე ტაიმში რობერტო სოლდადომ წესების დაცვით გაიტანა გოლი, რომელიც თამაშგარე მდგომარეობის მომიზეზებით არ ჩაითვალა. ერთ ეპიზოდში "რეალს" პენალტი ეკუთვნოდა, როცა ანხელ დი მარია ფერნანდო გაგომ საჯარიმოში წააქცია.</p><p><strong>ტურის მხვერპლ(ნ)ი</p><p></strong>პეპე (რეალი)</p><p>იკერ კასილიასი (რეალი)</p><p>42-ე წუთზე "რეალის" კარიდან მოშორებით საჯარიმო დაინიშნა. ბურთთან "ვალენსიას" არგენტინელი ნახევარმცველი ტინო კოსტა მივიდა, რომლის ჩაწოდებულმაც კინაღამ ტრაგედია გამოიწვია - იკერ კასილიასი კარიდან გამოვარდა, მაგრამ ბურთსაც ასცდა და მის დასარტყმელად ამხტარ ჟონასსაც. სამაგიეროდ, ერთდროულად ორ თანაგუნდელს შეეჯახა ჰაერში, ჩაბი ალონსოს და პეპეს.</p><p>წამიც და "ბერნაბეუ" შიშით გაირინდა - კასილიასი და პეპე ადგილიდან ვერ იძროდნენ.</p><p>საბედნიეროდ, ტრაგედიამ მხოლოდ ახლოს ჩაიარა - კასილიასიც წამოდგა და პეპესაც გადაუხვიეს გატეხილი თავი და თამაშიც გაგრძელდა.</p><p>ერთი ისაა, რომ გუნდის კაპიტანი უახლოესი წუთები სკუნსივით იყურებოდა და ამ ცხოვრებიდან გამოთიშულს ჰგავდა (იკერმა მერე თქვა კიდეც, რომ შეჯახების მერე რა მოხდა, არ ახსოვდა).</p><p>პეპემ თამაში კი გააგრძელა, მაგრამ ტაიმი რომ მორჩა, თავი შეუძლოდ იგრძნო. კიდევ უფრო აერია გონება მას, როცა ექიმმა გასინჯვა დაუწყო. მათ შორის ასეთი დიალოგი წარიმართა:</p><p>ექიმი: პეპე, როგორ ხარ?</p><p>პეპე: მე პაბლო მქვია. სად ვარ და რას ვაკეთებ აქ?</p><p>პორტუგალიელი ეგრევე საავადმყოფოში გააქანეს, სადაც მთელი ღამე თავს ერთგული მეუღლე ადგა.</p><p>პორტუგალიელი მცველი ახლა თავს კარგად გრძნობს, თუმცა "ვალენსიასთან" მატჩი არც მას ახსოვს და ის "ელ კლასიკოზე" ვერ ითამაშებს.</p><p><strong>ტურის 5 საუკეთესო გოლი</p><p></strong>1. ტომერ ჰემედი (მალიორკა) პირველი გოლი "ესპანიოლის" კარში - შემობრუნებით.</p><p>2. არდა თურანი (ატლეტიკო) "ლევანტეს" კარში - შორეული დარტყმით, მარჯვენა ფეხით.</p><p>3. ლიონელ მესი (ბარსელონა) პირველი გოლი "რეალ სოსიედადის" კარში.</p><p>4. კარლეს პუიოლი (ბარსელონა) "რეალ სოსიედადის" კარში - თავით, ჩავის კუთხურის შემდეგ.</p><p>5. ჟონასი (ვალენსია) "რეალის" კარში - თავით, ტინო კოსტას ჩამოწოდების შემდეგ.</p><p><strong>ტურის საუკეთესო პასი</p><p></strong>კრისტიან ტელიოს საგოლე პასი პედროსთვის: ახალგაზრდა ბარსელონელმა ბურთი ჩავისგან მეტოქის საჯარიმოს კუთხეში მიიღო და ჭვინტით საჯარიმოს მეორე მხარეს ეულად მყოფი პედრო მოძებნა. "ბარსელონა" 4:1 დაწინაურდა.</p><p><strong>ტურის სტატისტიკა</p><p></strong>29 გოლი ტურში (2,9 მატჩში). 5 თამაში მოიგეს მასპინძლებმა, 2 ფრედ დასრულდა და 3 სტუმრებმა მოიგეს. მსაჯებმა 48 ყვითელი ბარათი დაარიგეს და არც ერთი წითელი...</p><p>ჰეთ თრიკი: არავინ</p><p>დუბლი: ლიონელ მესი (ბარსელონა), ტომერ ჰემედი (მალიორკა), ხორხე მოლინა (ბეტისი) და მიკელ სან ხოსე (ბილბაო).</p><p>ტურის ყველაზე ახალგაზრდა ფეხბურთელი: ფაბრის ოლინგა (მალაგა, 16 წლის).</p><p>პენალტი ვერ გაიტანეს: რიკიმ (დეპორტივო) და ვიქტორ პერესმა (ვალიადოლიდი)</p><p>ყველაზე მეტი მაყურებელი: 74 000 - "სანტიაგო ბერნაბეუ"</p><p>ყველაზე ნაკლები მაყურებელი: 11 700 - "ონო ესტადი"</p><p>ყველაზე მეტი დარტყმა კარისკენ: 24 - რეალი</p><p>ყველაზე მეტი დარტყმა კარში: 11 - მალიორკა</p><p>ყველაზე მეტი ჯარიმა: 17 - ბეტისი</p><p>ყველაზე მეტი კუთხური: 12 - რეალი</p><p>ყველაზე მეტი თამაშგარე: 7 - ოსასუნა</p><p>ყველაზე მეტი ბურთის ფლობა: 68% - ბარსელონა</p><p><span style="color: #ff0000;"><strong></p><p>ესპანეთი. ლა ლიგა. I ტური</strong></span></p><p><em><strong>სელტა-მალაგა 0:1</p><p></strong></em>საუკეთესო: ვილი კაბალიერო (მალაგა)</p><p><em><strong>სევილია-ხეტაფე 2:1</p><p></strong></em>საუკეთესო: გარი მედელი (სევილია)</p><p><em><strong>მალიორკა-ესპანიოლი 2:1</p><p></strong></em>საუკეთესო: ტომერ ჰემედი (მალიორკა)</p><p><em><strong>ბილბაო-ბეტისი 3:5</p><p></strong></em>საუკეთესო: ხორხე მოლინა (ბეტისი)</p><p><em><strong>რეალი-ვალენსია 1:1</p><p></strong></em>საუკეთესო: დიეგო ალვეში (ვალენსია)</p><p><em><strong>ბარსელონა-სოსიედადი 5:1</p><p></strong></em>საუკეთესო: ლიონელ მესი (ბარსელონა)</p><p><em><strong>ლევანტე-ატლეტიკო 1:1</p><p></strong></em>საუკეთესო: არდა თურანი (ატლეტიკო)</p><p><em><strong>დეპორტივო-ოსასუნა 2:0</p><p></strong></em>საუკეთესო: ნელსონ ოლივეირა (დეპორტივო)</p><p><em><strong>ვალეკანო-გრანადა 1:0</p><p></strong></em>საუკეთესო: რობერტო ტრაშორასი (რაიო ვალეკანო)</p><p><em><strong>სარაგოსა-ვალიადოლიდი 0:1</p><p></strong></em>საუკეთესო: ოსკარი (ვალიადოლიდი)</p><p><strong>ბომბარდირები</p><p></strong>2 - ლიონელ მესი (ბარსელონა), ტომერ ჰემედი (მალიორკა), ხორხე მოლინა (ბეტისი), მიკელ სან ხოსე (ბილბაო).</p><p><strong>ასისტენტები</p><p></strong>2 - კრისტიან ტელიო (ბარსელონა), იბაი გომესი (ბილბაო)</p><p><strong>გოლი+პასი</p><p></strong>2 - ლიონელ მესი (ბარსელონა), ტომერ ჰემედი (მალიორკა), ხორხე მოლინა (ბეტისი), მიკელ სან ხოსე (ბილბაო), პედრო როდრიგესი (ბარსელონა), ბენიატ ეჩებარია (ბეტისი), კრისტიან ტელიო (ბარსელონა), იბაი გომესი (ბილბაო)</p><p><strong>მომდევნო ტური</p><p></strong>25 აგვისტო: რეალ სოსიედადი-სელტა, ბეტისი-რაიო ვალეკანო, ესპანიოლი-სარაგოსა, მალაგა-მალიორკა.</p><p>26 აგვისტო: ხეტაფე-რეალი, ოსასუნა-ბარსელონა, გრანადა-სევილია, ვალენსია-დეპორტივო.</p><p>27 აგვისტო: ვალიადოლიდი-ლევანტე, ატლეტიკო-ბილბაო.</p><p><strong>ყოველდღიური სპორტული გაზეთი "ლელო"</strong></p>
"რეალმა" ესპანეთის ჩემპიონატში საკუთარი რეკორდი გააუმჯობესა
რაშფორდს მიმდინარე სეზონში ტრებლის მოგების სჯერა
ბელინგემმა ვარჯიში დაიწყო - "რეალი" აჩქარებას არ აპირებს
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა