- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
მეტალურგი-მერანი 1:0 - უხერხული მეტოქე
<p>საქართველოს ჩემპიონატი. პრემიერლიგა. III ტური <br> წინა სეზონში "მერანმა" ყველა ფავორიტს დააკარგვინა ქულები და ერთადერთი მხოლოდ "მეტალურგი" იყო, ოთხივე მატჩი რომ წააგო.</p><p>მარტვილელებმა ვერც ამჯერად გატეხეს ნავსი, თუმცა ეს მხოლოდ და მხოლოდ საკუთარ თავს უნდა დააბრალონ: "მერანმა" ერთიმეორეზე უკეთესი ისეთი მომენტები გააცუდა, საგოლეს რომ ვეძახით ხოლმე.</p><p>განსაკუთრებით, ეს პირველ ტაიმზე ითქმის, როდესაც სტუმრები უპრობლემოდ გადადიოდნენ მეტოქის ნახევარზე, "მეტალურგის" საჯარიმოშიც თავისუფლად მოქმედებდნენ, მაგრამ დამაგვირგვინებელ ფაზაში მართლაც ბავშვური შეცდომები მოსდიოდათ!</p><p>არადა, ერთი შეხედვით, ტერიტორიულ უპირატესობას მასპინძლები ფლობდნენ, მაგრამ, როგორც უკვე აღვნიშნეთ, სახიფათო მომენტებს სტუმრები ქმნიდნენ და "მერანის" ახალწვეულს, <strong>საბა ლომიას</strong> უაღრესად ხელსაყრელი სამი მომენტიდან ერთიც რომ გამოეყენებინა, არავინ იცის, მოვლენები როგორ განვითარდებოდა: 22 წლის ფორვარდს მატჩის დასაწყისშივე შეეძლო გოლის გატანა, როცა სისწრაფეში ორი მეურვე ჩამოიტოვა და ბურთს ახლო კუთხეში, "ცხრიანში" უმიზნებდა, მაგრამ არაზუსტად დაარტყა.</p><p>შემდეგ <strong>გიორგი რეხვიაშვილის</strong> ჩინებული პასი ვერ შეიშნოვა - მეკარესთან პირისპირ დარჩა, თუმცა სუსტად დაარტყა.</p><p>აი, მესამე მომენტი კი მართლაც ისეთი იყო, 100-პროცენტიანი გოლი რომ ეგონა ყველას: საქართველოს ჩემპიონატების ისტორიაში ყველაზე ტიტულიანი ფეხბურთელის, 36 წლის <strong>გივი დიდავას</strong> დიდოსტატური პასის მერე <strong>ლომია</strong> კვლავაც მეკარესთან პირისპირ (თანაც, სრულ "სიმარტოვეში") დარჩა, მაგრამ ამ შემთხვევაშიც ბურთი <strong>ივან ჰოსმანს</strong> "დაუმიზნა"!</p><p>სტუმართა ასეთ აქტიურ თამაშს კი <strong>გიორგი რეხვიაშვილის</strong> ჩინებული ბურთაობა განაპირობებდა: "სიონიდან" გადმოსული ფორვარდი პირველ ტაიმში მართლაც შთამბეჭდავად გამოიყურებოდა და ორიგინალური ფინტებითა თუ "წვრილ-წვრილი აფეთქებებით" მეტოქის მცველებს უამრავი თავსატეხი გაუჩინა.</p><p><strong>რეხვიაშვილი</strong> ფლანგებსაც ხშირად იცვლიდა, ცენტრიდანაც უტევდა, ერთი-ორჯერ საშუალო მანძილიდანაც დაემუქრა მასპინძელთა კარს, - მოკლედ, დასაწყისში უდავოდ გამორჩეული პერსონა გახლდათ.</p><p>რაც შეეხებათ მასპინძლებს, საწყის ტაიმში მეტოქეს ვერაფერი დაუპირისპირეს, თუმცა პირველივე მეტ-ნაკლებად სახიფათო მომენტიდან იხეირეს: <strong>ირაკლი მაისურაძემ</strong> ბურთი მაღალი ტრაექტორიით გაგზავნა მეტოქის საჯარიმოში, სადაც ყველას <strong>დიმიტრი ტატანაშვილმა</strong> დაასწრო და, როგორც სჩვევია, ზუსტი თავური დარტყმით მეკარე უშანსოდ დატოვა.</p><p><strong>ტატანაშვილი</strong> ერთ ეპიზოდშიც კარგად გაისარჯა, მაგრამ მის გარღვევას <strong>ჯონი შეროზიას</strong> უშეცდომო თამაში მოჰყვა.</p><p>ტაიმის ბოლო წუთზე "მეტალურგმა" ორი ჩინებული მომენტი შექმნა: ჯერ იყო და, მართლაც ეფექტური კომბინაცია (<strong>სუხიაშვილი-მაისურაძე-სიხარულიძე-სუხიაშვილი</strong>) ვიხილეთ, როცა მასპინძელთა ახალწვეული <strong>ანზორ სუხიაშვილი</strong> "მოჭრილი" დარტყმით ცდილობდა ყოფილი გუნდის კარში გოლის გატანას, მაგრამ <strong>შეროზიამ</strong> ამ ეპიზოდშიც იყოჩაღა და შემდეგაც, როცა <strong>ალექსანდრე ინწკირველის</strong> თავური დარტყმა მოიგერია.</p><p>ისე, პირველ ტაიმში კიდევ ერთი გოლი ვიხილეთ: სტუმართა სტანდარტულს <strong>გივი ქარქუზაშვილის</strong> ზუსტი თავური დარტყმა მოჰყვა, მაგრამ ასისტენტმა თამაშგარე მდგომარეობა დააფიქსირა...</p><p>შესვენების შემდეგ მოედანზე არსებული ვითარება რადიკალურად შეიცვალა: <strong>კობა ჟორჟიკაშვილმა</strong> ეფექტიანი შეცვლები განახორციელა (აქტიურად ჩაერთო თამაშში <strong>გიორგი მიქაბერიძე</strong>). ამასობაში სტუმრებსაც დაღლა დაეტყოთ და "მეტალურგის" უპირატესობაც აშკარა გახდა.</p><p><strong>დიმიტრი ტატანაშვილს</strong> (ორჯერ), <strong>გიორგი მიქაბერიძესა</strong> და <strong>დენის დობროვოლსკის</strong> გოლის გატანის შანსები ჰქონდათ, მაგრამ "მერანის" 21 წლის მეკარე <strong>ჯონი შეროზია</strong> უშეცდომოდ თამაშობდა.</p><p>ისე, მეორე ტაიმსაც ჰყავდა გამორჩეული ფეხბურთელი: "მეტალურგის" მარცხენა გარემარბმა <strong>ირაკლი მაისურაძემ</strong> საერთოდაც ჩინებული მატჩი ჩაატარა და, ალბათ, გოლსაც იმსახურებდა. 24 წლის <strong>მაისურაძემ</strong> სტუმართა მარჯვენა ფლანგი მართლაც აიკლო, მაგრამ მისი შთამბეჭდავი სოლო-რეიდების შემდეგ ბურთი სტუმართა კარს მცირე მანძილით სცდებოდა.</p><p>აი, ასეთი აშკარა უპირატესობის ფონზე მასპინძლებმა მატჩის ბოლო წუთებზე კინაღამ ქულები დაკარგეს: <strong>გიგა ჟვანიას</strong> საჯარიმო დარტყმა ოსტატური ნახტომით <strong>ჰოსმანმა</strong> მოიგერია, სულ ბოლოს კი სტუმართა კუთხურის შემდეგ ბურთი მცირე მანძილით ასცდა "მეტალურგის" კარს.</p><p><span style="color: #ff0000;"><strong>საქართველოს ჩემპიონატი. პრემიერლიგა. III ტური</strong></span></p><p><em>25. 08. რუსთავი. ფოლადი. 700 მაყურებელი</em></p><p><em><strong>მეტალურგი-მერანი 1:0</strong></em></p><p>გოლი: 1:0 ტატანაშვილი (24, მაისურაძის პასით)</p><p><em>მეტალურგი მერანი </em></p><p>4-2-3-1 4-1-3-2</p><p>ჰოსმანი შეროზია</p><p>ჯაფარიძე მჭედლიშვილი</p><p>მახვილაძე იობაშვილი</p><p>ინწკირველი გ. ჟვანია</p><p>სუხიაშვილი ქარქუზაშვილი</p><p>რაზმაძე დიდავა</p><p>განუგრავა ნ. ნოზაძე</p><p>დობროვოლსკი ფონიავა</p><p>სიხარულიძე ამბროლაძე</p><p>ი. მაისურაძე რეხვიაშვილი</p><p>ტატანაშვილი ს. ლომია</p><p><em></p><p>მწვრთნელები:</em></p><p>კ. ჟორჟიკაშვილი მ. ჟვანია</p><p><em>მეტალურგი</em>:</p><p>46. გავაშელიშვილი - ჯაფარიძე</p><p>46. გ. მიქაბერიძე - სიხარულიძე</p><p>64. ქავთარაძე - განუგრავა</p><p>სათადარიგოები: ბედიაშვილი, დ. ჯანელიძე, ხიდეშელი, გიორგი გურეშიძე</p><p><em>მერანი</em>:</p><p>64. გეგეჭკორი - მჭედლიშვილი</p><p>73. ბ. ჩხეტიანი - რეხვიაშვილი</p><p>80. მელიავა - ფონიავა</p><p>სათადარიგოები: ბერია, კიკალიშვილი, ბუკია, მონიავა</p><p><em>გაფრთხილება:</em> რეხვიაშვილი (60), მიქაბერიძე (83), ჩხეტიანი (86)</p><p><em>არბიტრი:</em> ლ. სილაგავა</p><p><strong>ყოველდღიური სპორტული გაზეთი "ლელო"</strong></p>
კარგი ამბავი - ბათუმის "დინამოს" ახალი მფლობელი ჰყავს
"მომავალ წელს კლუბში მინიმუმ 20 მილიონი ლარის ინვესტირება მოხდება" - ტარიელ ხეჩიკაშვილმა "იბერიას" სამომავლო გეგმებზე ისაუბრა
"იბერია 1999"-მა ბათუმში მოიგო
"რუსეთის მხარდამჭერი ყველა ქვეყანა გარიცხეთ" - შევჩენკოს მოწოდება ოლიმპიურ თამაშებზე
თუ ალონსოს გაათავისუფლებენ - "რეალის" ჩაბარების მთავარი კანდიდატი არვალო არბელოაა
"კორინთიანსმა" "მილანს" ბრაზილიის ნაკრების მეკარე არ მიჰყიდა
20 წ. | ორი ტესტი მოქმედ ჩემპიონ სამხრეთ აფრიკასთან
ზამთრის სერიებისა და წლის ბოლო 3×3 საკალათბურთო ტურნირის გამარჯვებული არგო გახდა
იმედები ვერ გაამართლა - "ატლეტიკო" სორლოტის გაყიდვას ეცდება
"ფერადკანიან ბავშვებს ასწავლიან, რომ ბო*ივით მორჩილი მონები იყვნენ - იან რაიტმა ჯუდ ბელინგემი დაიცვა
"გიორგი რუსეთის ნაკრებში დაბრუნებაზე ოცნებობს, ამხანაგურ მატჩში მაინც..." - ჯიქიას აგენტი
"პსჟ მადრიდის "რეალის" მცველს სარფიან კონტრაქტს შესთავაზებს" - ესპანური გამოცემა
"მიქაუტაძე "ვილიარეალს" წიტაიშვილის შეძენას ურჩევს, საქმეში სხვა კლუბებიც არიან" - რას წერს ფრანგული გამოცემა ქართველზე?
[VIDEO] რონალდოს ლამაზი საგოლე პასი და ფელიქსის ბრწყინვალე გოლი
დეკემბერში პსჟ-ს საუკეთესო ფეხბურთელად საფონოვი დაასახელეს
"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის
ფუტსალი | საქართველოს ნაკრები სომხეთთან დამარცხდა
დამძიმებული ფეხებით - ჩაკვეტაძემ "ლესტერთან" მატჩამდე ისაუბრა
"ჯვაროსნები". სიკვდილის ჯგუფი თუ უკეთესი ვარიანტი? - თებერვალში ერთა ლიგის წილისყრაა
"ფრთებგაშლილი ნერესი ფენომენალური "კვარას" დამამძიმებელი აჩრდილისგან გათავისუფლებას ლამობს" - იტალიური მედია
"რა კრიზისზე საუბრობთ? მათ ხომ კონტე ჰყავთ" - კაპელომ "ნაპოლიზე" ისაუბრა
ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის
ჩაქრნენ ვარსკვლავნი, ზეცა იცლება - პელე 3 წლის წინ მონათესავე სულებს შეუერთდა, იქ ფეხბურთი არის?!