- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
8-18 წლის მოჭადრაკეთა ევროპის პირველობა: ათეულში მწირი მონაგარით
<p>ჩეხეთის დედაქალაქ პრაღაში გამართულ პირველობაზე ჩვენებურებმა თითო ვერცხლი და ბრინჯაო მოიპოვეს <br> თითო ვერცხლი და ბრინჯაო - ასეთი მწირი მონაგარით დაასრულეს საქართველოს წარმომადგენლებმა 8-18 წლის მოჭადრაკეთა ევროპის პირველობა, რომელსაც ჩეხეთის დედაქალაქმა პრაღამ უმასპინძლა. შეჯიბრებაში კი 22 ჩვენებური მონაწილეობდა.</p><p>ნიკოლოზ კაჭარავა 8-წლიანებში საქართველოს წლევანდელი ჩემპიონია. იოლად მოიგო თანატოლებში ევროპის თასი და ნანა ალექსანდრიას სახელობის ტურნირი. კონტინენტის პირველობაზეც მთელი შეჯიბრების განმავლობაში მეწინავეთა შორის იყო.</p><p>ბოლო ტურში თურქი ბარის ეკინ ოზენირი დაამარცხა და ცხრა შესაძლებლიდან 7,5 ქულა მოაგროვა. ამდენივე ქულას მოუყარა თავი ერთპიროვნული ლიდერის - დმიტრი ცოის (რუსეთი) მძლეველმა ცვეტან სტოიანოვმა (ბულგარეთი), რომელსაც უკეთესი კოეფიციენტი აღმოაჩნდა და ჩემპიონობაც მას ერგო. კაჭარავა ვერცხლის მედალს დასჯერდა. 7 ქულით მესამე იყო ინგლისელი ჯოშუა ალტმანი. საბა ლომსაძემ 5,5 ქულით მე-18 ადგილი დაიკავა.</p><p>ამ ასაკის გოგონებში ქართველები საგრძნობლად ჩამორჩნენ პრიზიორებს. რუსმა მარია კუტიანინამ ოქროს მედალი 8 ქულით მოიპოვა. დიანა ლომაიას კი 5 ქულით მე-18 ადგილი ერგო. 4 ქულით სალომე ბეიტრიშვილი 38-ე ადგილზე გავიდა.</p><p>10-წლიან ბიჭებში 5,5 ქულით 37-ე იყო ლუკა ობოლაძე, რომელსაც, ასევე, 3 ქულით გაუსწრო რუსმა ჩემპიონმა ანდრეი ესიპენკომ. 5 ქულა ანტონ ნადირაძეს მხოლოდ მე-40, ხოლო დიმიტრი ჯიბუტს 52-ე ადგილისთვის ეყოთ. ამ ასაკში ვერც გოგონებმა იყოჩაღეს: 10. ანასტასია სიდამონიძე (6), 27. თამარ ესაძე (5,5). 7 ქულითა და უკეთესი კოეფიციენტით აქაც ჩვენმა ჩრდილოელმა მეზობელმა - ანასტასია ზოტოვამ გაიმარჯვა.</p><p>12-წლიან ბიჭებში ჩვენებურები 50 საუკეთესოშიც ვერ მოხვდნენ: 64. ირაკლი ახვლედიანი (5 ქულა), 99. კოკა ბუკია (4), 115. ლუკა გოგია (3,5). გოგონებში ერთადერთი წარმომადგენელი გვყავდა - ნატა ჯიბუტი, რომელიც 5,5 ქულით 27-ე ადგილს დაყაბულდა.</p><p>14-წლიანებში ჭადრაკის ქართველ სპეციალისტებს გიორგი სიბაშვილის ეიმედებოდათ, თუმცა პირველობის 141 მონაწილეს შორის რეიტინგით მხოლოდ 34-ე იყო. ბოლო ტურში იგი თეთრი ფიგურებით სომეხ მანუელ პეტროსიანს დაუზავდა და მონაგარში 7 ქულა აღმოაჩნდა. ამდენივე ქულას კიდევ ოთხმა მოჭადრაკემ მოუყარა თავი.</p><p>დამატებითი მაჩვენებლებით სიბაშვილს ბრინჯაოს მედალი ხვდა. მეორე ადგილზე პეტროსიანი გავიდა. 8 ქულით ჩემპიონობა იან-კშიშტოფ დუდამ (პოლონეთი) მოიპოვა.</p><p>ამ ასაკის გოგონებში ქართველთაგან 6 ქულით საუკეთესო იყო ნინო ხომერიკი (მე-14 ადგილი), რომელიც ბოლო ტურში თეთრი ფიგურებით რუს ანასტასია პარამზინასთან დამარცხდა, თორემ ხუთეულში მოხვედრაც შეეძლო. მართალია, ნინო დახუნდარიძემ და თამარ ფაშკურიძემ მე-9 ტურის პარტიები მოიგეს, მაგრამ ეს უფრო კარის გაჯახუნებას ჰგავდა, რადგან 4,5-4,5 ქულით, შესაბამისად, 42-ე და 46-ე ადგილებს დასჯერდნენ.</p><p>16-წლიან ბიჭებში აშკარად უკეთეს შედეგს მოველოდით ირაკლი ბერაძისგან. მან კი 5,5 ქულით 27-ე ადგილი დაიკავა. პოლონელმა ჩემპიონმა კასპერ დროზდოვსკიმ მას 2,5 ქულით გაუსწრო. გოგონებში სამი წარმომადგენელი გვყავდა.</p><p>ნატო იმნაძე ფინიშამდე ტურით ადრე 6,5 ქულით მე-3 ადგილზე იმყოფებოდა და მედლის მოსაპოვებლად ნახევარი ქულაც ჰყოფნიდა, მაგრამ შავი ფიგურებით სწორედ მომავალ ჩემპიონ მარია ტანციურასთან (უკრაინა) წააგო და მე-4 ადგილზე გავიდა. 14. ანა შამათავა (6), 21. დეა გოგიშვილი (5,5).</p><p>18-წლიან ვაჟებში შალვა ნადირაშვილი ცდიდა ძალებს. 9 შესაძლებლიდან 4 ქულით მან დაახლოებით მისი რეიტინგისთვის (2151) შესაფერისი 53-ე ადგილი დაიკავა. მართალია, წოდება ამ ასაკში 7,5 ქულით გაჩემპიონებულ რუს ვადიმ მოისეენკოსაც არა აქვს, სამაგიეროდ, მისი რეიტინგია 2454.</p><p>შვიდ-შვიდი ქულით მეორე-მესამე ადგილებზე საერთაშორისო ოსტატები - ჰოვანეს გაბუზიანი (სომხეთი, 2488) და დანიელ ფორკენი (ესპანეთი, 2440) გავიდნენ. ამ ასაკის გოგონებში, სადაც ჩვენ, სამწუხაროდ, წარმომადგენელი არ გვყავდა, 7,5 ქულით ოქროს მედალი რუსმა დიდოსტატმა ალექსანდრა გორიაჩკინამ დაიმსახურა.</p><p>ევროპის პირველობაში 46 ქვეყნის 1173 გოგონა და ვაჟი მონაწილეობდა. ასეთ წარმომადგენლობით ტურნირში, სადაც ჯილდოები მხოლოდ 17-მა ქვეყანამ გაინაწილა, ქართველთა 2 მედალი თითქოს ურიგო არ უნდა იყოს, მაგრამ დასაფიქრებელი ის არის, რომ წინა წლებთან შედარებით, შედეგი გაუარესდა. თანაც, ჩვენებურთა უმეტესობამ ოცეულს მიღმა დაიკავა ადგილები.</p><p>საბოლოო შედეგები: რუსეთი - 10 (5 ოქრო, 3 ვერცხლი, 2 ბრინჯაო), პოლონეთი - 2 (2, 0, 0), სომხეთი - 3 (1, 2, 0), უკრაინა - 2 (1, 0, 1), ბულგარეთი - 2 (1, 0, 1), ბელარუსი - 1 (1, 0, 0), საბერძნეთი - 1 (1, 0, 0), აზერბაიჯანი - 3 (0, 2, 1), საქართველო - 2 (0, 1, 1), ესპანეთი - 2 (0, 1, 1), ისრაელი - 2 (0, 1, 1), რუმინეთი - 1 (0, 1, 0), ჰოლანდია - 1 (0, 1, 0), საფრანგეთი - 1 (0, 0, 1), ლიტვა - 1 (0, 0, 1), სლოვაკეთი - 1 (0, 0, 1), ინგლისი - 1 (0, 0, 1).</p><p><strong>ყოველდღიური სპორტული გაზეთი "ლელო"</strong></p>
"რეალმა" ესპანეთის ჩემპიონატში საკუთარი რეკორდი გააუმჯობესა
რაშფორდს მიმდინარე სეზონში ტრებლის მოგების სჯერა
ბელინგემმა ვარჯიში დაიწყო - "რეალი" აჩქარებას არ აპირებს
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა