ერთი თამაშის გრძელი ექო

ოთხი ერის გათამაშებაში არგენტინისა და სამხრეთ აფრიკის ნაკრებების დაპირისპირებაში დაფიქსირებულმა ფრემ მსოფლიოს სარაგბო სამყარო აალაპარაკა ოთხი ერის გათამაშებაში არგენტინისა და სამხრეთ აფრიკის ნაკრებების დაპირისპირებაში დაფიქსირებულმა ფრემ მსოფლიოს სარაგბო სამყარო აალაპარაკა. მატჩის შედეგი იმდენად რეზონანსული იყო, რომ მითქმა-მოთქმა დღემდე არ წყდება.ამჯერად გვინდა შემოგთავაზოთ ამონარიდები არგენტინული პრესიდან, რომლებიც "პუმების" თამაშს, ძირითადად, გმირობად აფასებენ და მიღწეულ შედეგს ისტორიულს უწოდებენ.აი, რას წერს არგენტინის დედაქალაქ ბუენოს აირესში გამომავალი გაზეთი "ლე ნასიონი":"ჩვენს მორაგბეებს ნამდვილ გმირობამდე ცოტა დააკლდათ. "ბოკესთან" ფრე მართლაც ისტორიული მიღწევაა. არასდროს ვყოფილვართ გამარჯვებასთან ასე ახლოს სამხრეთ ნახევარსფეროს ბობოლებთან მატჩში. 64 წუთის განმავლობაში იდეალური თამაშის შემდეგ, პატარა შეცდომამ გამარჯვება დაგვაკარგვინა და მრისხანე სამხრეთ აფრიკა მარცხისგან იხსნა".ბუენოს აირესში გამომავალ კიდევ ერთი გაზეთ "კლარინს" მიაჩნია, რომ ფრე ლოგიკური იყო:"ცხადია, ამ წარმატებას მწარე გემო აქვს, რადგან მოგებაც შეიძლებოდა. ამას არგენტინელები დიდხანს ვერ მოინელებენ, მაგრამ ამასთან ერთად, კარგია, რომ "პუმები" პროგრესირებენ, წინ მიდიან. როგორი საქმეა, ახლახან დაწყებული ტურნირის საწყის ეტაპზევე ასე ღირსეულად ეთამაშო ბობოლა სარაგბო ერის წარმომადგენელს".ქალაქ მენდოსაში გამომავალი გაზეთი "ლოს ანდესი", ცხადია, უფრო ემოციურად აღიქვამს მომხდარს, რადგან თამაში სწორედ ანდების პირას მდებარე ამ ლამაზ ქალაქში გაიმართა."გამარჯვება ხელიდან გავუშვით, თუმცა ზეიმის გამართვა მაინც ღირს. ცხადია, მოგებაც შეიძლებოდა, თუმცა მაინც მიგვაჩნია, რომ მენდოსა ისტორიული მოვლენის მოწმე გახდა. ეს მით უფრო სასიხარულოა, რომ "პუმების" რიგებში ორმა მენდოსელმა ითამაშა. ესენია: ეუსებიო გუინაზი და ხუან პაბლო ორლანდი".ESPN -ის არგენტინული ბიუროს წარმომადგენელს კი დაუკმაყოფილებლობის გრძნობა ჰქონდა:"პუმებმა" შესანიშნავ შედეგს მიაღწიეს სამხრეთ აფრიკის უძლიერეს ნაკრებთან მატჩში, მაგრამ, ამასთან ერთად, უშეცდომოდ ჩატარებული პირველი ტაიმის შემდეგ, შესაძლებელი იყო, რომ არგენტინელ მორაგბეებს თავიანთი ქომაგებისთვის ნამდვილი ზეიმი მოეწყოთ. ეს კიდევ ერთი გაკვეთილი იყო "პუმებისთვის", რომლებიც უდავოდ პროგრესის გზაზე დგანან".ამასობაში კი კრიტიკის ქარცეცხლში მოექცა სამხრეთ აფრიკის ნაკრების მთავარი მწვრთნელი ჰეინკე მეიერი, რომელსაც გუნდში კარდინალური ცვლილებების გატარებასა და ახალი მოთამაშეების მიწვევის აუცილებლობაზე უკიჟინებენ. თუმცა მეიერი "მაგრად დგას" და ნაკრებში სერიოზულ ცვლილებებს არ გეგმავს."მოთამაშეების შეცვლა ყველაზე იოლი საქმეა. ასეთ ვითარებაში ჩემს კარიერაში რამდენჯერმე ვიყავი, მაგრამ ასე არასდროს მოვქცეულვარ. ვიმეორებ, ეს ყველაზე იოლია, მაგრამ ამას გუნდისთვის სარგებელი არ მოაქვს.ჩვენ უკვე დავკარგეთ ბევრი გამოცდილი მორაგბე და ახლა დარჩენილებიც რომ ზედ მივაყოლოთ, არ ივარგებს.ვიცოდი, რომ სამხრეთ აფრიკის ნაკრების მთავარი მწვრთნელის პოსტზე პირველი სეზონი ძალიან მძიმე მექნებოდა, ვინაიდან გუნდის მოთამაშეთა უმრავლესობა გამოუცდელია. ბევრმა მათგანმა პირველად იასპარეზა საკუთარი ქვეყნიდან მოშორებით.არგენტინაში კარგად არ გვითამაშია. ამის დაშვება არაფრით შეიძლებოდა და ამიტომ ძალიან გაწბილებული ვარ. ვფიქრობ, არგენტინის ნაკრებს არასათანადოდ აფასებენ. თითქმის მთელი გუნდი ევროპაში თამაშობს და საკმაოდ გამოცდილნიც არიან." - თქვა სამხრეთ აფრიკის ნაკრების მთავარმა მწვრთნელმა ჰეინკე მეიერმა.გასაკვირი არ არის, რომ ოთხი ერის გათამაშების მეორე ტურის სიმბოლურ ნაკრებში ერთბაშად შვიდი არგენტინელი მოხვდა.ამათგან ექვსი მორკინალია. ესენია: პირველხაზელები როდრიგო რონსერო, ეუსებიო გუინასუ და ხუან ფიგალო; მეორეხაზელი პატრისიო ალბასეტე; მესამეხაზელები ხულიო კაბელო და ხუან მარტინ ფერნანდეს ლობე. აღსანიშნავია, რომ უკანა ხაზში, რომელიც თითქმის მთლიანად ახალზელანდიელებით დაკომპლექტდა, "პუმების" გარემარბი გონსალო კამაჩო შეიყვანეს.სიმბოლური ნაკრები15. იზრაელ დაგი (ახალი ზელანდია), 14. გონსალო კამაჩო (არგენტინა), 13. ბენ სმითი, 12. სონი ბილ ვილიამსი 11. ქორი ჯეინი, 10. დენ კარტერი, 9. აარონ სმითი (ყველა-ახალი ზელანდია). 1. როდრიგო რონსერო, 2. ეუსებიო გუინასუ, 3. ხუან ფიგალო (სამივე-არგენტინა), 4. ებენ ესტებესი (სამხრეთ აფრიკა), 5. პატრისიო ალბასეტე, 6. ხულიო კაბელო, 7. ხუან მარტინ ფერნანდეს ლობე (სამივე-არგენტინა), 8. კირან რიდი (ახალი ზელანდია).ყოველდღიური სპორტული გაზეთი "ლელო"

4 აპრილს გოგონები "შევარდენზე" ითამაშებენ

პირველი ლიგა | "ფოთი" და "დინოზავრი" ბრძოლას აგრძელებენ

"მას შემდეგ, არცერთი ქართველი მორაგბე ანტისადოპინგო წესების დარღვევაში დადანაშაულებული არ არის" - საქართველოს რაგბის კავშირის განცხადება

19-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

17-წლამდე ვაჟთა ნაკრები სან მარინოში მიემგზავრება

ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

კვერნაძის 74 წუთი და "ფროზინონეს" მორიგი გამარჯვება

ქართველების "მეცი" "ნანტთან" ფრეს დასჯერდა

კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა

[VIDEO] გულიაშვილის დუბლს პიკეს გუნდმა ექვსი გოლით უპასუხა

[VIDEOS] გულიაშვილმა ესპანეთში დუბლი შეასრულა

ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

"ის ჩემთვის მსოფლიოში საუკეთესოა" - რონალდინიო

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა