- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
იტალიის გრანპრი: ლუის ჰემილტონის მეოცე
<p>მსოფლიოს ჩემპიონატში "მაკლარენის" დომინირების დრო დადგა - ბრიტანულმა საჯინიბომ ბოლო ოთხ რბოლაში მესამედ მოიგო <br> მსოფლიოს ჩემპიონატში "მაკლარენის" დომინირების დრო დადგა - ბრიტანულმა საჯინიბომ ბოლო ოთხ რბოლაში მესამედ მოიგო - ამჯერად პირველი ფინიშთან ლუის ჰემილტონი მივიდა, მაგრამ გენერალურ კლასიფიკაციაში ფერნანდო ალონსოს პოზიციებს არაფერი დაკლებია, პირიქით, ესპანელის უპირატესობა გაიზარდა...</p><p><strong>რბოლის წინ</p><p></strong>პოული ლუის ჰემილტონმა მოიპოვა, მის გვერდით კი თანაგუნდელი ჯენსონ ბატონი იდგა. მეორე რიგიდან აიღეს სტარტი ფელიპე მასამ და მიხაელ შუმახერმა. ბრაზილიელმა სეზონში პირველად გაუსწრო კვალიფიკაციაში თანაგუნდელ ფერნანდო ალონსოს.</p><p>ამ უკანასკნელს შაბათს არ გაუმართლა - პირველ და მეორე სეგმენტებში დომინირების შემდეგ ესპანელს ტექნიკური პრობლემები შეექმნა და მხოლოდ მეათე ადგილი დაიკავა.</p><p>მონცას ტრასა გასწრების საშუალებას იძლევა, მაგრამ ბოლო ხუთი წლის განმავლობაში ოთხჯერ გამარჯვება პოულის მფლობელმა მოიპოვა. ერთადერთი გამონაკლისი იყო 2009 წელი, სადაც ასევე ჰემილტონი იდგა პირველ პოზიციაზე, მაგრამ პირველმა ფინიშის ხაზი რუბენს ბარიკელომ გადაკვეთა.</p><p><strong>რბოლა</p><p></strong>ამჯერად ლუისმა შეინარჩუნა სასტარტო პოზიცია, მასამ კი ბატონს გაუსწრო. ჰემილტონი თავიდანვე დაშორდა ბრაზილიელს ორი-სამი წამით. თავის მხრივ, ფელიპემ ამდენივეთი ჩამოიტოვა ჯენსონი.</p><p>მეოთხე წრეზე მეოთხე ადგილისთვის ბრძოლაში სებასტიან ფეტელმა შუმახერს გაუსწრო, რის შემდეგაც მსოფლიოს შვიდგზის ჩემპიონს ალონსო ავიწროებდა. ამ უკანასკნელმა, თავის მხრივ, მეექვსე ადგილი წაართვა კიმი რაიკონენს. ესპანელმა ორი წრე იკმარა იმისთვის, რომ შუმახერი უკან ჩამოეტოვებინა.</p><p>მე-19 წრეზე ჰემილტონის უპირატესობა მასაზე ექვს წამამდე გაიზარდა. ბრაზილიელი შესამჩნევად კარგავდა ტემპს, რითაც ბატონმა მასთან მიახლოება და გასწრება შეძლო. ამ წრის ბოლოს მასამ ბოქსებს მიაკითხა.</p><p>სინქრონულად გაემართნენ საბურავების შესაცვლელად ფეტელი და ალონსო, 22-ე წრეზე იგივე გააკეთა ბატონმა და ტრასაზე ერთწამიანი უპირატესობით დაბრუნდა იმ მჭიდრო ჯგუფზე, რომელშიც მასა, ფეტელი და ალონსო იყვნენ.</p><p>ერთი წრით გვიან ახალი საბურავები მიიღო ჰემილტონმა. ლიდერობა დროებით სერხიო პერესის ხელში გადავიდა, რომელმაც ხისტი საბურავით აიღო სტარტი და ყველაზე გვიან შევიდა ბოქსებში. ის მერვე პოზიციაზე დაბრუნდა ტრასაზე.</p><p>ძალიან საინტერესო ბრძოლა გამართეს მეხუთე ადგილისთვის ფეტელმა და ალონსომ. ესპანელი გამუდმებით უტევდა და ერთხელ გერმანელმა სახიფათო მანევრით ტრასიდან გადააგდო ჩემპიონატის ლიდერი.</p><p>სტიუარდებმა ფეტელის საქციელში წესის დარღვევა დაინახეს და სება პიტ-ლეინზე საჯარიმო შესვლით დაისაჯა.</p><p>მანამდე კი ბატონის მანქანა უიმედოდ გაჩერდა და მასა მეორე პოზიციაზე გადავიდა. ფეტელი კი ჯარიმის შემდეგ მეცხრე პოზიციაზე დაბრუნდა ტრასაზე - მის წინ თანაგუნდელი მარკ უებერი იყო.</p><p>ფინიშამდე 17 წრით ადრე პერესმა, რომელმაც რბილი საბურავების უპირატესობა მიიღო, მეხუთე ადგილისთვის ბრძოლაში რაიკონენს გაუსწრო. მექსიკელმა კიდევ ერთი საფეხურით წაიწია წინ, როცა 37-ე წრეზე მეორე პიტ-სტოპზე შეუხვია შუმახერმა.</p><p>სერხიომ წინ "სუფთა" ტრასა მიიღო და სწრაფი წრეების დაფიქსირება დაიწყო - პერესი ყოველ წრეზე წამს უგებდა ორივე "ფერარის". ამასობაში ალონსომ და მასამ ადგილები გაცვალეს.</p><p>43-ე წრეზე პერესმა სწორ მონაკვეთზე იოლად აუარა გვერდი მასას და ალონსოს გამოეკიდა. იმ მომენტისთვის ფერნანდო ორი წამით იყო წინ, მაგრამ მექსიკელს მხოლოდ წრე დასჭირდა იმისთვის, რომ დასწეოდა ალონსოს და მოსახვევში უკან ჩამოეტოვებინა ის.</p><p>ამასობაში ტრასის მიღმა გააჩერა ბოლიდი ფეტელმა - გერმანელის ბოლიდზე ძრავა გამოვიდა მწყობრიდან. ფინიშამდე სამი წრით ადრე მანქანა მოუსრიალდა "რედ ბულის" მეორე პილოტს უებერს. ავსტრალიელმა ტემპი დაკარგა და რბოლის დასრულება უაზრობად ჩათვალა, რის გამოც ბოქსებში შეუხვია. პირველად 2010</p><p>წლის შემდეგ "რედ ბულმა" ვერ შეძლო რბოლაში თუნდაც ერთი ქულის მოპოვება.</p><p>წინ მოულოდნელობა არ მოხდა. მართალია, პერესის ტემპი ჰემილტონისაზე მაღალი იყო, მაგრამ ბრიტანელს საკმარისი ჰანდიკაპი ჰქონდა იმისთვის, რომ ფინიშამდე შეენარჩუნებინა პირველი ადგილი. ბრიტანელმა მონცაზე პირველად მოიგო რბოლა, ამ სეზონში მესამე გამარჯვებას მიაღწია, კარიერაში კი მის ანგარიშზე 20 მოგებული ეტაპია.</p><p>სერხიო პერესი ამ სეზონში მესამედ ავიდა პოდიუმზე, მესამე ადგილზე კი ფერნანდო ალონსო გავიდა - ესპანელი მექსიკელს 16 წამით ჩამორჩა. შემდეგ მოდიან მასა და რაიკონენი.</p><p>ორი პიტ-სტოპის ტაქტიკით მოასპარეზე შუმახერმა და როსბერგმა ფინიშთან ახლოს რამდენიმე შთამბეჭდავი გასწრება შემოგვთავაზეს და მეექვსე და მეშვიდე ადგილები დაიკავეს. ქულათა ზონაში შევიდნენ დი რესტა, კობაიაში და სენა.</p><p>საერთო ჩათვლაში ალონსოს უპირატესობა 37 ქულამდე გაიზარდა. მისი ახალი მდევარი ჰემილტონია, ბრიტანელის უკან კი მჭიდრო ჯგუფად მოდიან რაიკონენი, ფეტელი და უებერი. კონსტრუქტორთა თასზე კი დაიძაბა ბრძოლა "რედ ბულსა" და "მაკლარენს" შორის - სხვაობა 29 ქულამდე დავიდა, "ფერარიმ" კი მესამე ადგილისთვის ბრძოლაში "ლოტუსს" გაუსწრო.</p><p>დასრულდა ჩემპიონატის ევროპული ნაწილი. შემდეგი რბოლა ორი კვირის შემდეგ სინგაპურში გაიმართება. ტრადიციულად, ეს იქნება ღამის რბოლა "მარინა ბეის" ტრასაზე.</p><p><strong>იტალიის გრანპრი. XIII ეტაპი</p><p></strong>მონცა (53 წრე, 306.720 კმ)</p><p>1(1). ლუის ჰემილტონი (მაკლარენი, ბრიტანეთი) 1:19.41,221 (1 პიტსტოპი)</p><p>2(13). სერხიო პერესი (ზაუბერი, მექსიკა) +4,356 (1)</p><p>3(10). ფერნანდო ალონსო (ფერარი, იტალია) +20,594 (1)</p><p>4(3). ფელიპე მასა (ფერარი, ბრაზილია) +29,667 (1)</p><p>5(8). კიმი რაიკონენი (ლოტუსი, ფინეთი) +30,881 (1)</p><p>6(5). მიხაელ შუმახერი (მერსედესი, გერმანია) +31,259 (2)</p><p>7(7). ნიკო როსბერგი (მერსედესი, გერმანია) +33,550 (2)</p><p>8(4). პოლ დი რესტა (ფორს ინდია, ბრიტანეთი) +41,057 (1)</p><p>9(9). კამუი კობაიაში (ზაუბერი, იაპონია) +43,898 (1)</p><p>10(14). ბრუნო სენა (უილიამსი, ბრაზილია) +48,144 (1)</p><p>11(12). პასტორ მალდონადო (უილიამსი, ვენესუელა) +48,682 (2)</p><p>12(15). დანიელ რიკარდო (ტორო როსო, ავსტრა) +50,316 (1)</p><p>13(16). ჟერომ დ'ამბროზიო (ლოტუსი, საფრანგეთი) +1.15,861 (1)</p><p>14(18). ჰეიკი კოვალაინენი (კატერჰემი, ფინეთი) 1 წრე (2)</p><p>15(19). ვიტალი პეტროვი (კატერჰემი, რუსეთი) 1 წრე (2)</p><p>16(21). შარლ პიკი (მარუსია, საფრანგეთი) 1 წრე (2)</p><p>17(20). ტიმო გლოკი (მარუსია, გერმანია) 1 წრე (2)</p><p>18(23). პედრო დე ლა როსა (HRT, ესპანეთი) 1 წრე (1)</p><p>19(22). ნარაიან კართიკეიანი (HRT, ინდოეთი) 1 წრე (1)</p><p>20(11). მარკ უებერი (რედ ბული, ავსტრალია) 2 წრე (2)</p><p>21(24). ნიკო ჰიულკენბერგი (ფორს ინდია, გერმანია) 3 წრე (2)</p><p>22(6). სებასტიან ფეტელი (რედ ბული, გერმანია) 6 წრე (2)</p><p>23(2). ჯენსონ ბატონი (მაკლარენი, ბრიტანეთი) 21 წრე</p><p>24(17). ჟან-ერიკ ვერნი (ტორო როსო, საფრანგეთი) 45 წრე</p><p><strong>საერთო ჩათვლა</p><p></strong>1. ფერნანდო ალონსო (ფერარი, იტალია) - 179 (3 მოგება); 2. ლუის ჰემილტონი (მაკლარენი, ბრიტანეთი) - 142 (3); 3. კიმი რაიკონენი (ლოტუსი, ფინეთი) - 141; 4. სებასტიან ფეტელი (რედ ბული, გერმანია) - 140 (1); 5. მარკ უებერი (რედ ბული, ავსტრალია) - 132 (2); 6. ჯენსონ ბატონი (მაკლარენი, ბრიტანეთი) - 101 (2); 7. ნიკო როსბერგი (მერსედესი, გერმანია) - 83 (1); 8. რომენ გროსჟანი (ლოტუსი, საფრანგეთი) - 76; 9. სერხიო პერესი (ზაუბერი, მექსიკა) - 65; 10. ფელიპე მასა (ფერარი, ბრაზილია) - 47; 11. მიხაელ შუმახერი (მერსედესი, გერმანია) - 43; 12. კამუი კობაიაში (ზაუბერი, იაპონია) - 35; 13. პოლ დი რესტა (ფორს ინდია, ბრიტანეთი) - 32; 14. ნიკო ჰიულკენბერგი (ფორს ინდია, გერმანია) - 31; 15. პასტორ მალდონადო (უილიამსი, ვენესუელა) - 29 (1); 16. ბრუნო სენა (უილიამსი, ბრაზილია) - 25; 17. ჟან-ერიკ ვერნი (ტორო როსო, საფრანგეთი) - 8; 18. დანიელ რიკარდო (ტორო როსო, ავსტრა) - 4.</p><p><strong>კონსტრუქტორთა თასი</p><p></strong>1. რედ ბული - 272; 2. მაკლარენი - 243; 3. ფერარი - 226; 4. ლოტუსი - 217; 5. მერსედესი - 126; 6. ზაუბერი - 100; 7. ფორს ინდია - 63; 8. უილიამსი - 54; 9. ტორო როსო - 12.</p><p><strong>ყოველდღიური სპორტული გაზეთი "ლელო"</strong></p>
ისრაელს საერთაშორისო სპორტიდან მოკვეთენ? ოლიმპიური კომიტეტის პასუხი
უარი ბელარუსთან თამაშზე - უკრაინის მამაკაცთა პლაჟის ფეხბურთის ნაკრები მატჩზე არ გამოცხადდება
ამწე კრანის ფასი თბილისში – როგორ ავირჩიოთ ხარისხიანი სერვისი
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"ბარსელონამ" შეიძლება ტერ შტეგენი სხვა კლუბში გაუშვას
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
კატასტროფულმა ზაბარნიმ უნიკალური ანტირეკორდი გაიმეორა
"მისით არ ვინტერესდებით" - "სპორტინგმა" საფონოვთან დაკავშირებული ჭორები უარყო