- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
საქართველოს ჩემპიონატი: "ლელოს" კვაჭების ბენეფისი
<p>საქართველოს ჩემპიონატის მეორე ტურის შემდეგ სატურნირო ცხრილს სათავეში თბილისის "ლელო" მოექცა <br> საქართველოს ჩემპიონატის მეორე ტურის შემდეგ სატურნირო ცხრილს სათავეში თბილისის "ლელო" მოექცა, რომელმაც "ავჭალის სარაგბო სტადიონზე" დიდი ანგარიშით სძლია თანაქალაქელ "ყოჩებს" 47:22.</p><p>"ყოჩებს" უკვე მეორე სეზონია, ძნელბედობის ჟამი უდგას. გუნდი ბევრმა წამყვანმა მორაგბემ დატოვა. გამოცდილთაგან მხოლოდ სამი: ჯაბა მალაღურაძე, დავით ბელაშვილი და სანდრო ესაკია დარჩნენ. ისინი ახალგაზრდა მორაგბეებთან ერთად ცდილობენ ახალი გუნდის შენებას და მომავალში ოდინდელი დიდების დაბრუნებას.</p><p>აწმყოში კი "ყოჩები" მეტოქეებს ჯერჯერობით კონკურენციას ვერ უწევს. ასე იყო "ლელოსთან" მატჩშიც, რომლის ბედიც, ფაქტობრივად, პირველივე ტაიმში გადაწყდა. ლელოელებმა მატჩის პირველი ნახევარი 23-ქულიანი სხვაობით მოიგეს - 35:12.</p><p>ანგარიში "ლელომ" მატჩის დასაწყისშივე, მე-5 წუთზე გახსნა. "ყოჩებმა" საკუთარი ჩათვლის მოედნიდან ათ მეტრში დერეფანი წააგო.</p><p>"ლელოს" მორკინალებმა ორი მოკლე დარტყმა განახორციელეს. მერე ცხრა ნომერმა გიორგი კაჭარავამ შერკინების კვაჭ დავით ხიდეშელს გაატანა ბურთი, რომელმაც მეტოქის რიგებში სლალომისებური დრიბლინგით გაიარა და ლელოში შეიჭრა. ფულბეკმა ირაკლი ყიასაშვილმა გარდასახა - 7:0.</p><p>აღსანიშნავია, რომ ეს შეხვედრა "ლელოს" შერკინების კვაჭების ბენეფისად იქცა. ხიდეშელმა სულ სამი ლელოს გატანა შეძლო, რასაც მის ნაცვლად შეცვლაზე შესულმა რეზო ბელქანიამ კიდევ ერთი დაამატა.</p><p>"ყოჩებმა" საპასუხო შეტევისას ხუთ წუთში საჯარიმო გამოიმუშავეს, რომელიც მგეზავმა გიგი გაბუნიამ გაიტანა - 3:7. ამის შემდეგ თამაში ისე აეწყო, რამდენჯერაც "ლელო" მეტოქის ჩათვლის მოედანს დალაშქრავდა, იმდენჯერ "ყოჩები" საჯარიმოთი პასუხობდა.</p><p>მეორედ "ლელომ" მოწინააღმდეგის ლელოში მე-14 წუთზე შეაღწია. დერეფნიდან, რომელიც მარჯვენა ფრთაზე, ჩათვლის მოედნიდან 15 მეტრში გაათამაშეს, მაეორეხაზელმა ბექა ნიკოლაიშვილმა შეუტია. წარმოქმნილ რაკში თამაშისას "ყოჩები" დაჯარიმდნენ.</p><p>შერკინების შემკვრელმა (#8) გიორგი ჭყოიძემ დროულად შენიშნა მარჯვენა, მოკლე ფრთაზე დაუცველი სივრცე, რომლისკენაც სწრაფად გაიქცა. კაჭარავამ საჯარიმო უმალ გაათამაშა და ხელსაყრელ პოზიციაში მყოფ ჭყოიძეს გადააწოდა, რომელსაც ლელოს გატანა არ გასჭირვებია. ყიასაშვილმა გარდასახა - 14:3.</p><p>ოთხ წუთში გაბუნიამ საჯარიმოთი უპასუხა - 6:14. მე-20 წუთზე კი "ლელოს" მიერ განხორციელებულ მორიგ იერიშზე ხელს მსოფლიოს ნებისმიერი დონის გუნდი მოაწერდა. ლელოელებმა შეტევა მარჯვენა ფრთაზე, მოედნის საკუთარი ნახევრიდან წამოიწყეს.</p><p>ხელდახელ ბურთაობით მეტოქის 22-მეტრიან ზონაში შეაღწიეს. მერე ბურთი მარცხნივ, გრძელ ფრთაზე გამოათამაშეს და ხიდეშელმა მეორე ლელო მიითვალა. ყიასაშვილმა ესეც გარდასახა - 21:6.</p><p>"ლელოს" უპირატესობა ნელ-ნელა სულ უფრო მკვეთრი გახდა. "ყოჩებმა" საჯარიმოთი კიდევ ერთხელ შეძლეს ანგარიშში სხვაობის შემცირება, მაგრამ ტაიმის დასრულებამდე ლელოელებმა კიდევ ორჯერ შეაღწიეს მეტოქის ჩათვლის მოედანში.</p><p>26-ე წუთზე მოედნის ცენტრში დანიშნული შერკინებიდან ბურთი კაჭარავამ გამოიტანა, თავად შეუტია და ათიოდ მეტრი გაიარა. მერე იქვე მიმყოლ მგეზავ ლაშა ხმალაძეს გაატანა, რომელმაც მეტოქის ხაზი გაჭრა და ჩათვლის მოედანთან მისულმა ისევ კაჭარავას დაუბრუნა. "ლელოს" ცხრა ნომერმა ბურთი კარის ძელთან ახლოს დაამიწა. ყიასაშვილს გარდასახვა არ გასჭირვებია - 28:9.</p><p>პირველი ტაიმის დასრულებას ერთი წუთი აკლდა, როცა მორიგი მრავალფაზიანი შეტევის შემდეგ მოედნის ცენტრთან "ლელოს" მეორეხაზელმა სანდრო ქოიავამ "ყოჩების" ხაზი გაჭრა. ის 22-მეტრიანი ზონის მისადგომებთან შეაჩერეს.</p><p>წარმოქმნილი რაკიდან ბურთი მარჯვნივ, გრძელ ფრთაზე ბოლომდე გაათამაშეს და იქ გარემარბის პოზიციაზე აღმოჩენილმა ხიდეშელმა თავისი მესამე ლელო მიითვალა. ყიასაშვილმა გარდასახვით მონაგარს კიდევ ორი ქულა შესძინა - 35:9. თუმცა "ყოჩები" შესვენებაზე ისე არ წავიდა, რომ კიდევ ერთი საჯარიმო არ გაეტანა.</p><p>გაბუნიამ ისევ ზუსტად დაარტყა და ანგარიშში სხვაობა 23 ქულამდე შეამცირა - 12:35.</p><p>შესვენების შემდეგ ვითარება დიდად არ შეცვლილა. მეორე ტაიმის საწყის 10 წუთში ლელოელებმა მეტოქეს კიდევ ორი ლელო გაუტანეს. ჯერ 44-ე წუთზე "ყოჩების" ჩათვლის მოედანში შეცვლაზე შესულმა შერკინების კვაჭმა რეზო ბელქანიამ შეაღწია.</p><p>მერე, 6 წუთის შემდეგ კი, მორიგი იერიში გარემარბმა ალექსანდრე ნიჟარაძემ დააგვირგვინა. ორი ლელოდან ყიასაშვილმა ერთი გარდასახა - 47:12.</p><p>ძნელი სათქმელია რატომ, მაგრამ ფაქტია, ანგარიშში საგრძნობლად დაწინაურების შემდეგ "ლელოს" თამაშში რაღაც აირია. არ ვიტყოდით, რომ მორაგბეები მოეშვნენ, პირიქით, ბოლომდე თავდადებით იბრძოდნენ, თუმცა ანგარიშის გაზრდა ვერ მოახერხეს. ერთი სიტყვით, მატჩის დასრულებამდე დარჩენილ 30 წუთში მონაგარს ვერაფერი შემატეს.</p><p>"ყოჩებმა" კი მეტოქეს ორი ლელო მაინც გაუტანა. პირველ შემთხვევაში თავი შეცვლაზე შესულმა შერკინების ბურჯმა ჭაბუკა ჭიღლაძემ გამოიჩინა. მატჩის დასრულებამდე ხუთი წუთით ადრე კი ჩათვლის მოედანში მესამეხაზელმა გიორგი წიკლაურმა შეაღწია.</p><p>გარდასახვა ორივეჯერ შეცვლაზე შესულ კახაბერ მახარაშვილს გაუცუდდა - 22:47. "ლელო" მეორე მატჩი მოიგო და ორივეში პრემიალური ქულა მიითვალა.</p><p><em><strong>ყოჩები-ლელო 22:47</strong></em> (<a href="/mtavari/photo.html?view=categories&category=201" target="_blank"><span style="color: #0000ff;"><strong>ფოტორეპორტაჟი</strong></span></a>)</p><p>ყოჩები (15-9) კვარაცხელია, ხულელიძე, გარუჩავა (მახარაშვილი 28), ქუშაშვილი, აბრამალაძე (ხარშილაძე 60), გაბუნია (ხელაძე 60), ჯაფარიძე. (1-8) ესაკია (ჭიღლაძე 50), ცუცქირიძე, შენგელია, ბელაშვილი, ტვილდიანი, აფციაური, წიკლაური, მალაღურაძე.</p><p>2ლ: ჭიღლაძე, წიკლაური. 4ს: გაბუნია.</p><p>ლელო (15-9) ყიასაშვილი, ზაალიშვილი, ცერცვაძე, კოპაძე, ნიჟარაძე, ხმალაძე (ლოლუა 45), კაჭარავა. (1-8) სანიკიძე, ხიდეშელი (ბელქანია 41), ბარბაქაძე (სუჯაშვილი 45), ნიკოლაიშვილი, ქოიავა (ხორბალაძე 65), მძინარიშვილი, სურგულაძე (დარასელია 35), ჭყოიძე (ჟღენტი 41).</p><p>7ლ: ხიდეშელი (3), ბელქანია, ნიჟარაძე, ჭყოიძე, კაჭარავა. 6გ: ყიასაშვილი.</p><p>მსაჯი: დავით ჩერგოლეიშვილი</p><p><strong>ყოველდღიური სპორტული გაზეთი "ლელო"</strong></p>
Crocobet დიდი 10-ის ახალი სეზონის დაწყებამდე დარჩა 4 დღე!
crocobet დიდი 10-ის ფინალი | სამი წლის შემდეგ - "ბათუმი" საქართველოს ჩემპიონია!
დიდი 10 | ბათუმი 33:21 ხარები
მოგებული პირველი ტაიმის შემდეგ "შავი ლომი" "ბენეტონთან" დამარცხდა
16-წლამდელებმა აზერბაიჯანის ტურნე გამარჯვებით დაასრულეს
ალთუნაშვილი "იბერია 1999-ში" დაბრუნდა
"ნოტინგემში" იუარეს მაგრამ პრემიერლიგაში ახალი ვარიანტი აქვს - მოურინიომ შესაძლოა, "ლიდს იუნაიტედი" ჩაიბაროს
ნიუკასლში ბურგერზე რიგები დგას - "შვედურმა ვირთხამ" დიდი მოწონება დაიმსახურა [PHOTO]
"შავი ლომი" | ორი ცვლილებით "ბენეტონთან"
ფუტსალი ნაკრებმა პლეი-ოფისთვის მზადება დაიწყო
ტრამპის იმედი აქვთ - დააბრუნებენ რუსეთის ნაკრებებსა და კლუბებს საერთაშორისო ტურნირებზე?
[PHOTOS] მეტი ქართველი ლა ლიგაში - მიქაუტაძე პრეზენტაციაზე ვილიას და ბუტრაგენიოს შეადარეს
პსჟ-ს ფეხბურთელი ევროპაში საუკეთესოდ აღიარეს
ლუის ენრიკე პსჟ-ს ჯერ ვერ დაუბრუნდება - კვარაცხელიას დიდი პასუხისმგებლობა დაეკისრება
ფულადი ჯილდო ფეხბურთელებს - რა თანხა მისცეს უკრაინასთან ფრის შემდეგ აზერბაიჯანის ნაკრების წევრებს
"მათი ხასიათი ვიცოდით და სისულელეების კეთებაში ხელი არ შევუშალეთ" - მარკანენმა საქართველოსთან გამარჯვებაზე ისაუბრა
"უნდა გავაცნობიეროთ, რომ დიდი ამბიციები არ უნდა გვქონდეს" - კროოსმა გერმანიის ნაკრების გეგმებზე ისაუბრა
სტივ მანდანდამ ფეხბურთელის კარიერა დაასრულა
"ასეთი რამ, აქამდე არ მინახავს" - ლუკა დონჩიჩი
"ცხადია, ეს ყველამ იცის" - ანრიმ იმ მწვრთნელის ვინაობა დაასახელა, ვინც საფრანგეთის ნაკრებს ჩაიბარებს
"ფენერბაჰჩეს" დომენიკო ტედესკო ჩაიბარებს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს