- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
თემურ ქეცბაია: ჩვენი მიზანი არწაგებაა - ზღაპრებისა და დაბოლების გარეშე
<p>საქართველოს ეროვნული ნაკრების თავკაცმა ესპანეთთან მატჩის წინ პრესკონფერენცია გამართა <br> 10 სექტემბერს საქართველოს ეროვნული ნაკრების თავკაცმა <strong>თემურ ქეცბაიამ</strong> პრესკონფერენცია გამართა.</p><p>ეს აუცილებელი ღონისძიება "დინამო არენას" საპრესკონფერენციო დარბაზში ჩატარდა ჩვენი ნაკრების ვარჯიშის დაწყების წინ. ქეცბაია პუნქტუალურად გამოცხადდა პრესკონფერენციაზე და კითხვა-პასუხიც დაიწყო...</p><p>- ესპანეთთან მატჩისთვის მზადება ნორმალურად მიდის. სამწუხაროდ, ჯანო ანანიძე გაცივდა, დანარჩენი ფეხბურთელები კი თავს კარგად გრძნობენ და ყველანაირად ეცდებიან, რომ ქართველ გულშემატკივარს კიდევ ერთი საჩუქარი გაუკეთონ.</p><p>კარგად მოგეხსენებათ, რა დონის ნაკრებს უნდა ვეთამაშოთ. ესპანეთი ბოლო ექვსი წელი დომინირებს, ორჯერ ევროპის ჩემპიონი გახდა, ერთხელ მსოფლიოსი. ვფიქრობ, ეს გუნდი ყველა დროის საუკეთესო გუნდია.</p><p>სასიხარულოა, ასეთი გუნდი რომ ჩამოვიდა საქართველოში. ჩვენი გუნდის ფეხბურთელებს ეძლევათ შანსი, გავიდნენ მოედანზე და ყველაფერი დადონ.</p><p>ვიცი, რომ ძალიან ძნელი თამაში გველის, მაგრამ უნდა ვიბრძოლებთ და ერთმანეთს გვერდში დავუდგეთ.</p><p><strong>- რა იქნება თქვენთვის მისაღები შედეგი ამ შეხვედრაში?</strong></p><p>- არწაგება.</p><p><strong>- რამდენად არის გუნდი ფსიქოლოგიურად მზად ასეთ მეტოქესთან სათამაშოდ?</strong></p><p>- ჩვენი გუნდი ფსიქოლოგიურად მზად არის. ამ ეტაპზე ნომერი პირველი ამოცანა ბელორუსთან გამარჯვება იყო და ეს მოვახერხეთ.</p><p>გამომდინარე იქიდან, თუ რა დონის მოწინააღმდეგეს ვეთამაშებით, ესპანეთთან მატჩში ჩვენს ფეხბურთელებს არანაირი კომპლექსი არ უნდა ჰქონდეთ, ფსიქოლოგიური ზეწოლა არ არსებობს და შესაძლოა, ამან დადებითად იმოქმედოს ჩვენს გუნდზე.</p><p><strong>- ესპანეთთან მატჩშიც, ალბათ, ის თავდადებაა საჭირო, რამაც ბელო</strong><strong>რუსთან გამარჯვება მოგვიტანა...</strong></p><p>- გამარჯვება მხოლოდ თავდადებას არ მოუტანია. ზოგმა, სამწუხაროდ, ისე ჩათვალა, რომ თითქოს მხოლოდ თავდადების და ბრძოლის ხარჯზე გავიმარჯვეთ ბელორუსთან. ჩვენ მოედანზე საჩხუბრად არ გავდივართ.</p><p>ბელორუსთან, სადაც საჭირო იყო, ვიბრძოლეთ; სადაც საჭირო იყო, ტექნიკა და ოსტატობაც ვაჩვენეთ.</p><p>ბელორუსის ნაკრები ძალიან თავდაჯერებული იყო, ვიცით, რომ საქართველოს ნაკრებს პრობლემები აქვსო, მაგრამ მოხარული ვარ, რომ ჩვენმა ბიჭებმა საპირისპირო დაამტკიცეს და მნიშვნელოვანი სამი ქულა მოვიპოვეთ.</p><p><strong>- რა შეიძლება, რომ დავუპირისპიროთ ესპანეთის ნაკრებს?</strong></p><p>- მთელი მსოფლიო ცდილობს, რაღაცა დაუპირისპიროს ესპანეთის ნაკრებს, მაგრამ ჯერ ვერაფერს ახერხებს. მჯერა, რომ ჩვენი ფეხბურთელები მაქსიმუმს გააკეთებენ.</p><p>ზღაპრების მოყოლა არ მიყვარს, უმეტესი მწვრთნელები აქ ხალხის დაბოლებაზეა გადასული. არიან ისეთებიც, სულ კბენას და კრიტიკას რომ ცდილობენ. ალბათ, დაკვეთებიც არის.</p><p>მინდა, რომ საქართველოს საკალათბურთო ნაკრებს ევროპის ჩემპიონატზე გასვლა მივულოცო. იმედია, საფეხბურთო ნაკრებიც ოდესღაც მიაღწევს ასეთ წარმატებას.</p><p><strong>- იკერ კასილიასმა პრესკონფერე</strong><strong>ნციაზე ჩვენი ნაკრებიდან ლორია, ანანიძე და ოქრიაშვილი გამოარჩია...</strong></p><p>- კარგია, რომ გამოარჩია. ესპანეთთან მატჩს მთელი მსოფლიო ნახავს, რაც საკმაოდ კარგი შანსია ჩვენი ფეხბურთელებისთვის, უკეთეს კლუბებში, უფრო მაღალ დონზე თამაშის პერსპექტივა ჩნდება. რა თქმა უნდა, პირველ რიგში, გუნდის ინტერესებია გასათვალისწინებელი.</p><p><strong>- ანანიძე ესპანეთთან ვერ ითამაშებს?</strong></p><p>- მინდა იმ ფეხბურთელებმა ითამაშონ, ასი პროცენტით რომ იქნებიან მზად. ანანიძე ორი დღეა, რაც ლოგინში წევს და სასტარტო შემადგენლობაში, ალბათ, ვერ ითამაშებს, შეცვლაზე კი ვნახოთ...</p><p><strong>- ხომ არ არის იმის საშიშროება, რომ თავის გამოჩენის მიზნით ზოგმა ფეხბურთელმა ზედმეტად ინდივიდუალურად ითამაშოს?</strong></p><p>- ინდივიდუალური თამაში კარგია, როცა ეს საჭიროა. პერსონალური საქმის საკეთებლად აქ არავინ არის მოსული, მთავარი გუნდის ინტერესებია. რა თქმა უნდა, ინდივიდუალური თამაშიც გვჭირდება, როგორც ეს ოქრიაშვილმა გააკეთა ბელორუსთან.</p><p><strong>- დაკვეთები ახსენეთ - ჟურნალისტებს გულისხმობდით?</strong></p><p>- როგორც ჩანს, ზოგიერთ ჟურნალისტს არ უხარია, საქართველოს ნაკრები რომ იმარჯვებს. სამწუხაროა, რომ ეს ალბათ დაკვეთით ხდება...</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ:</strong></span></p><p><a href="/fexburti/qarthuli-fekhburthi/erovnuli-nakrebi/38880-saqarthvelos-nakrebis-varjishi-espaneththan-matchis-tsin-video-da-fotogalerea.html" target="_blank">საქართველოს ნაკრების ვარჯიში ესპანეთთან მატჩის წინ [ვიდეო და ფოტოგალერეა]</a></p><p><a href="/fexburti/qarthuli-fekhburthi/erovnuli-nakrebi/38882-gamarjvebisthvis-shemarthuli-visente-del-boske-iker-kasiliasi-da-chavi.html" target="_blank">გამარჯვებისთვის შემართული ვისენტე დელ ბოსკე, იკერ კასილიასი და ჩავი</a></p><p><a href="/fexburti/qarthuli-fekhburthi/erovnuli-nakrebi/38833-thvalsazrisi-manipulacia-saqarthvelo-espanethis-matchis-tsin.html" target="_blank">თვალსაზრისი: მანიპულაცია საქართველო-ესპანეთის მატჩის წინ</a><strong></strong></p>
-
Jigaro
dadu მიშა მესხი თუ გახსოვს სლავა მეტრეველი დაგავიქყდა...დათო ყიფიანსა და ვოვა გუცაევზე ხომ ლაპარაკიც ზედმეტია, მათი არგახსენება ქართული ფეხბურთის უგულველყოფაა საერთოდ. გიოს ნიჭი ქონდაო... კი ბატონო, ასეთი ნიჭიერები არაერთი გვყავს დღესაც, მაგრამ გიო რომ მთელი დღე ერთი და იგივე ფინტს ამუშავებდა ეზოში(კობა ჟორჟიკაშვილი აძლევდა კასეტებს და ისიც დაღამებამდე ეზოში მარტო ამუშავებდა მათ).ფეხბურთელები გვყავს, ახალგაზრდები და ინდივიდუალურად ბევრ ვარსკვლავზე არანაკლები. დიდ ფეხბურთსაც ითამაშებენ, მაგრამ არა ქეცბაიას ხელში... ეს უკანასკნელი მწვრთნელი არაა ხალხო რით ვერ გაიგეთ, გაახილეთ თვალი როდემდე უნდა იძახოთ სადღეგრძელოები თემოს გაუმარჯოსო... მოაშორეთ ეს წურბელა ქართულ ფეხბურთს თუ გიყვართ ფეხბურთი და ყველაფერი გამოსწორდება. როგორც ბელორუსს მოვუგეთ ისევე მოვუგეთ ხორვატიას მაგრამ თამაში მოგეწონათ ხალხო? ისევ იგივე უაზრო თამაში რაც ქეცბაიას მოსვლის შემდეგ გრძელდება. ქეცბაია გაა--ი!!!
-
glaxuna
დადუს სადღაც მართალი ხარ...მაგრამ ქართულ ფეხბურთში ძალიან ახალგაზრდა,ძალიან პერსპექტიული ბიჭები მოდიან და ბოლოსდაბოლოს ხომ უნდა დავიწყოთ ...ყველა ქართველი,საქართველოს ,ჩემპიონატის ფეხბურთელებიდან და განსაკუთრებით მწვრთნელებიდან მკაცრად ...მ ო თ ხ ო ვ ნ ა...ინდივიდუალური,აგრესიული, მუდამ ბურთის ართმევებზე მოედნის მთელ პერიმეტრზე,შეუსვენებლივ და სწრაფ იერიშებზე ორიენტირებული სტილი!!! --- და ,რომ ფეხბურთი არის, არა პასებით ,,სიტუაციის განმუხტვა,,,რაც აქედან მოდის არამყარი ფსიქოლოგიური მდგომარეობა,არამედ...სიტუაციის დ ა ძ ა ბ ვ ა,აგრესიული თამაშით... კარგი იქნება თუ სპორტული ჭურნალისტები ასეთ სტილზე დაიწყებენ წერას და მსჯელობას,და ...მ ო თ ხ ო ვ ნ ა ს (!!!)მწვრთნელებიდან დაწყებული პატარა ფეხბურთელებიდან დამთავრებული!!!
-
dadu
გლახუნა აბსოლუტურად ვეთანხმები შენს აზრს იმაში რომ აგრესიული,ინდივიდულიზმზე დაფუძნებული ფეხბურთი ყველაზე მეტად გვიხდება და ეს არის ჩვენი სტილი მაგრამ ამ სტილზე გადაწყობა დიდ ნაკრებში დაგვიანებული ხომ არ არის? ასე პატარა თაობების გაზრდა უნდა დავიწყოთ და აი შემდგომ შეიძლება ამ სტილზე გადაწყობა. მწვრთნელი კოჭებში უნდა ატყობდეს გიოსნაირ გენიოსებს და უფრო მეტად ინდივიდუალურ თამაშზე აკეთებინებდეს აქცენტს. ქინქისნაირი გენიოსები იბადებიან ამას ვარჯიში ვერ მოიტანს ეს ნიჭია, მაგრამ ის კი აუცილებელია რომ პირველ რიგში ეს ნიჭი დავინახოთ და სასურველი მიმართულებით გავზარდოთ. სხვა სტილით გაზრდილ ფეხბურთელს ვეღარ შეუცვლი იმ მენტალიტეტს. გიო ბავშვობაშიც იგივე სტილს თამაშობდა რითაც მთელი საქართველო და ინგლისი გადარია.
-
glaxuna
დადუ დარწმუნებული ვარ, რომ ცდები...თუ ისე განვითარდა ქართული ფეხბურთი,როგორც გამოვთქვი...ძალიან მალე წამოვა სწორედ მსოფლიო მასშტაბის ფეხბურთელები...ამის შანსი ეხლაც აქვთ...თუნდაც ოქრიაშვილი,კობახიძე... ... ...პირველად შეიძლება წავაგოთ თამაშები,მაგრამ მცირე დროში ,უპირატესად ფსიქოლოგიურად და მერე ფიზიკურად ძალიან ძლიერი ინდივიდუალისტები წამოვლე!!!სწორედ აგრესიული თამაშის სტოლით...მერწმუნე!!!
-
dadu
გლახუნა ქართულ ფეხბურთში ისეთი ინდივიდუალისტები რომელთა ნიჭზეც შეიძლებოდა თამაშის აწყობა მხოლოდ სამი მახსენდება: მიხეილ მესხი, ვიტალი დარასელია და გიორგი ქინქლაძე. ამათგან 2 მკვდარია ერთი აღარ თამაშობს ფეხბურთს. რა ვქნათ ჯერ ჯერობით არ ჩანს ასეთი ინდივიდუალისტები ქართულ ფეხბურთში (ღმერთმა ქნას კიდევ გყვავდეს გიოსნაირი ფეხბურთელები ამაზე უკეთესი რა იქნებოდა)ასე რომ დღევანდელი ჩვენი ხსნა გუნდურობაში სწრაფ პასებში და მოძრაობაშია რის გაკეთებასაც ცდილობენ ფეხბურთელები და ჩემი აზრით ნაკრები სწორედ ვითარდება.
-
damangreveli
ესპანეთში ვცხოვრობ და მეტ ნაკლებათ ვიცი მათი თამაშის სტილი, არ გამიგოთ თითქოს ვინმეს რამეს ვასწავლიდე, გეტყვით, ბიჭებო, ჩემო შვილებო ეთამაშეთ პრესინგით არ მისცეთ ბურთის თავისუფლად დამუშავების საშუალება, და რაღაცა შედეგი იქნება თUარადა დიდი ანგარიშით წაგება გარანტირებულია.
-
რუთა
დღეს "დიდი დღეა, დიდი"... გახსოვთ 1995 წელი, 11 ოქტომბერი? იმ დღესაც თბილისში ორი თამაში გაიმართა საქართველო-ბოსნია (კალათბურთი) და საქართველო-ბულგარეთი (ფეხბურთი), ორივე მოვიგეთ და მეორე დღეს "სარბიელი" გამოვიდა ქართველების "გამარჯვების დღე-სასწაული"-ო ეწერა... დღესაც, როგორც მაშინ ორი მატჩია, რიცხვიც 11, მჯერა, ჩვენი ბიჭების, თავს არ დაზოგავენ, ღირსეულად, ბრძოლით, ჟინით, თავდადებით და ჩვენი ერთგული ქომაგობით რომ გაიმეორებენ "გამარჯვების დღე-სასწაულს"
-
glaxuna
თემურ, იმაზე მეტად აგრესიულები გახადე ბიჭები,ვიდრე შენ იყავ!!! ...ქართული ფეხბურთი გაიღვიძებს მაშინ...როცა ერთხელ და სამუდამოდ უვარყოფთ ე.წ. დაცვით სტილს და სიტუაციის განმუხტვის მცდელობებს პასებით...ეს არ დევს ქართულ ხასიათში და ასეთი თამაშით რაიმე წარმატებაზე საუბარი ზ ე დ მ ე ტ ი ა!!! წინანწარ შეგუებული წაგებულის ფსიქოლოგიიდან თავს ვერასოდეს დაიხსნიან ქართველი ფეხბურთელები!!! .... ქართველი ფეხბურთი უნდა გადაეწყოს მეტად ინდივიდუალური ფეხბურთის თამაშზე,ძალიან აგრესიული სტილით,მუდამ ბურთის ართმევებზე თამაშით მოედნის ყველა წერტილში, ყველა ფეხბურთელისაგან ვალდებულებით,მუდმივი უბურთოდ მოძრაობებით და ფიზიკურად ძლიერ მომზადებით...ასეთი აგრესიული თამაში უნდა დავნერგოთ საქართველოს ჩემპიონატში , ფეხბურთში . ნებისმიერ მოწინააღმდეგეს აგრესიული თამაში უნდა მოვახვიოთ თავს და აქედან ფსიქოლოგიური უპირატესობა მოვიპოვოთ...ვიმეორებ...ბრაზილიის ნაკრების წინააღმდეგაც კი...მხოლოდ და მხოლოდ ასეთი თამაში გახდება ქართული ფეხბურთის სახე,სტილი!!! და მხოლოდ ასეთი თამაშით მივაღწევთ წარმატებებს!!! სხვა შემთხვევაში მუდამ ასე საშუალოზე დაბალი და საშუალო ევროპული დონის ნაკრები გვეყოლება!!! ---- მხოლოდ და მხოლოდ აგრესიული სტილი მოედნის ყველა მონაკვეთზე, ასეთი თამაში აიძულებს ქართველ ფეხბურთელებს იყონ გაცილებით მეტად ძლიერნი ფ ი ზ ი კ უ რ ა დ (!!!) და ფ ს ი ქ ო ლ ო გ ი უ რ ა დ (!!!) წარმატებები!!! ---------
"სანიოლმა ნაკრებში თავისი თავი ამოწურა... გასულ მატჩებში ჩემთვის გაუგებარი რაღაცები ხდებოდა..." - დევდარიანმა ეროვნული გუნდის ბოლო 2 შეხვედრა შეაფასა
საქართველოს ნაკრები - ორი მარცხი და ორი ადგილით უკუსვლა რეიტინგში
საქართველო - ესპანეთი | ინფორმაცია ბილეთების შესახებ
"კვარა" ისევ როტაციაში და ორი მნიშვნელოვანი მატჩი პარალელურად
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"ბარსელონამ" შეიძლება ტერ შტეგენი სხვა კლუბში გაუშვას
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
კატასტროფულმა ზაბარნიმ უნიკალური ანტირეკორდი გაიმეორა