ანა ტატიშვილის სარეკორდო ნიშნული WTA-ს რეიტინგში

ანამ ნიუ იორკში 280 ქულა დაიმსახურა, საერთო მონაგარი კი 1170 ქულამდე გაზარდა, რამაც ის WTA-ს რეიტინგში 21 საფეხურით დააწინაურა ბოლო დროს 22 წლის ქართველი ჩოგბურთელი ანა ტატიშვილი საერთაშორისო სარბიელზე უფრო მყარად გრძნობს თავს და, შესაბამისად, მონაგარმაც საგრძნობლად იმატა.განსაკუთრებით მან ამერიკის ღია პირველობაზე იყოჩაღა, სადაც სამი წრე წარმატებით განვლო და მერვედფინალში მსოფლიოს პირველ ჩოგანს, ბელორუს ვიქტორია აზარენკასაც მედგარი წინააღმდეგობა გაუწია - ორივე სეტში მეტოქის მოწოდებისას თითო გეიმი მოიგო.ანამ ნიუ იორკში 280 ქულა დაიმსახურა, საერთო მონაგარი კი 1170 ქულამდე გაზარდა, რამაც ის WTA-ს რეიტინგში 21 საფეხურით დააწინაურა და მისთვის სარეკორდო 52-ე საფეხურამდე აღზევდა.ანა ტატიშვილი ამჟამად კანადაშია და კვებეკის "ბელ ჩელენჯში" (საპრიზო ფონდი 220 000 დოლარი) ითამაშებს. ძირითადი ბადის პირველ წრეში იგი ყაზახეთის სახელით მოასპარეზე ბულგარელს - სესილ კარატანჩევას (90-ე) დაუპირისპირდება.წარმატების შემთხვევაში მე-7 ნომრად განთესილ ხორვატ პეტრა მარტიჩსა (76-ე) და საკვალიფიკაციო ეტაპის ერთ-ერთ გამარჯვებულს შორის უძლიერესს შეხვდება.საგულისხმოა, რომ ჩვენებურმა შარშანაც იასპარეზა კვებეკში, მაგრამ პირველსავე წრეში დამარცხდა ფრანგ ჯული კოინთან (7:5, 4:6, 4:6). ამდენად, იქ ქულები არა აქვს დასაცავი და "ბელ ჩელენჯის" თითოეულ წრეში მოპოვებული ქულები საკუთარი სარეკორდო თამასის აწევაში დაეხმარება.აქვე გაუწყებთ, რომ საერთაშორისო რეიტინგის ათასეულში, ტატიშვილის გარდა, კიდევ რვა ჩვენებურია: 298 (293). სოფიო შაფათავა (173 ქულა), 307 (244). მაკა ჩახნაშვილი (165), 388 (395). სოფიო ქვაცაბაია (103), 471 (517). ეკატერინე გორგოძე (67), 611 (613). ნათია გეგია (41), 622 (624). თათია მიქაძე (39), 674 (672). ოქსანა კალაშნიკოვა (32), 957 (964). ანი გოგვაძე (11).ქართველ ჩოგბურთელთაგან ანი გოგვაძემ და თამარ ჭალაგანიძემ ანტალიის ქალთა საერთაშორისო ტურნირის (საპრიზო ფონდი 10 000 დოლარი) საკვალიფიკაციო ეტაპზე მოსინჯეს ძალები. გოგვაძე სტარტზევე დამარცხდა გერმანელ ტერეზა კლეინშტეუბერთან - 3:6, 4:6. ჭალაგანიძემ ორი ბარიერი დაძლია - ჯერ რუმინელ ანდრეა-მარია ნიტესკუს აჯობა - 6:3, 6:2, შემდეგ კი კოლუმბიელი პატრიცია კორტესი დაჯაბნა - 6:2, 6:3.ძირითად ბადეში მოსახვედრად ლიტველ აკვილე პარაზინსკაიტეს დაუპირსპირდება.საფრანგეთში მონ-დე-მარსანის 25 000-იან ტურნირში გამოვა მაკა ჩახნაშვილი. პირველ წრეში მას უკრაინელი მარინა ზანევსკა გაუწევს მეტოქეობას.15-ათასიანი, ისევ თბილისშიგასულ კვირას ლეილა მესხის ჩოგბურთის აკადემიის კორტებზე დამთავრდა ჩოგბურთელ ვაჟთა საერთაშორისო ტურნირი (საპრიზო ფონდი 15 000 დოლარი). მთავარი პრიზი ფრანგმა ლორენ რეკოუდერსმა მოიპოვა. ფინალში მან იტალიელი მატეო მარაი დაამარცხა - 6:1, 7:5.10 სექტემბერს ამავე კორტებზე ვაჟებისთვის, ასევე, 15-ათასიანი საერთაშორისო ტურნირი დაიწყო.საკვალიფიკაციო ეტაპზე შვიდი ჩვენებური ჩაება. მათგან ძირითად ბადეში მხოლოდ ნოდარ ითონიშვილმა გააღწია: ჯერ თანამემამულე დემურ დავითაძეს სძლია - 6:4, 6:1, შემდეგ ერევნელი არშაკ კაზარიანი ჩამოიშორა გზიდან - 6:3, 6:1.შოთა მეფარიძეს სტარტზე ლაშა რამაზაშვილი არ გამოუცხადდა, მეორე წრეში კი რუსეთის სახელით მოასპარეზე თეიმურაზ მეტრეველს დანებდა - 1:6, 2:6. გიორგი რევაზიშვილმა რუსი ეგორ კუპრინი კი დაჯაბნა - 6:0, 6:0, მაგრამ იტალიელ ლორენცო პაპასიდეროს ვერ გასცდა - 0:6, 2:6. თბილისელი კარენ სარქისიანი და დავით კვერნაძე სტარტზევე დამარცხდნენ, შესაბამისად, პოლონელ პატრიკ იანიკსა (0:6, 1:6) და უკრაინელ ოლექსეი აროვინთან (2:6, 3:6).10 სექტემბერს ძირითადი ბადის პირველ წრეში ხუთი შეხვედრა გაიმართა. გიორგი ჯავახიშვილმა უკრაინელ ალექსანდრ კუშაკოვს მოუგო - 7:6, 6:3.პოლონელმა პიოტრ გადომსკიმ უკრაინელ ვლადისლავ მანაფოვს აჯობა - 6:4, 6:1. დანარჩენი სამი შეხვედრა კი ასე დამთავრდა: პეტერ გოლდშტეინერი (ავსტრია) - ლოიჩ პერეტი (კალედონია) - 6:1, 6:3, ორესტ ტერეშჩუკი (უკრაინა) - ილია შატსკი (რუსეთი) - 6:3, 7:5, არკადიუშ კოსილა (პოლონეთი) - იარასლაუ შილა (ბელორუსი) - 7:5, 6:3.ქართველთაგან ძირითად ბადეში, ჯავახიშვილის გარდა, ხუთი ჩოგბურთელი ითამაშებს. ისინი ასე დაწყვილდნენ: ნიკოლოზ ბასილაშვილი - გიორგი ცივაძე, ნოდარ ითონიშვილი - მატეო მარაი (იტალია), ალექსანდრე მეტრეველი - ნიკოლაი იედრუშაკი (პოლონეთი), მიხეილ ხმიადაშვილი - ჰანს პოდლიპნიკ-კასტილო (ჩილე).ყოველდღიური სპორტული გაზეთი "ლელო"

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

[VIDEO] მაგიური დუელი ტურინში - სინერმა ალკარასი დაამარცხა

"რაც არ უნდა მოხდეს ტურინში, მე ამ მომენტით უკვე სასწაულად ბედნიერი ვარ" - იანიკ სინერმა წელს მე-8 ტიტული მოიგო

"ტოტენჰემის" მეკარემ შესაძლოა, კარიერა "ინტერში" გააგრძელოს

"ახლა გუნდებს სჯერათ, რომ ჩვენთან დადებითი შედეგის მიღწევა შეუძლიათ" - სლოტმა "სანდერლენდთან" მატჩი შეაფასა

კიტეიშვილის "შტურმი" სახლში დამარცხდა და ვერ გალიდერდა

ფუტსალის ნაკრები საერთაშორისო ტურნირზე იასპარეზებს

[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა

პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა

[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ

სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან

"შავი ლომი" ჩელენჯ თასს "მონპელიეთი" იწყებს

[VIDEO] "ბარსელონამ" სახლში "ატლეტიკოს" მოუგო

20 წ. | დიდი სხვაობით "კუდუსთან"

"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს

"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა

მამის ნაკვალევზე - ისაგო სილვამ "ჩელსისთან" კონტრაქტი გააფორმა

"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა

იტალიაში საუკეთესოები აღიარეს - მაკტომინეი, "ნაპოლი", კონტე

რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს

"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა

"ბაიერნის" პრეზიდენტმა ჰარი კეინის მომავალზე ისაუბრა