<p>საქართველოს ნაკრების მცველი იმედოვნებს, რომ რუსეთში გადასვლას ზამთრის სატრანსფერო პერიოდში შეძლებს <br> აკაკი ხუბუტიამ გასული სეზონის მეორე ნახევარი იჯარით თურქულ "სამსუნსფორში" გაატარა. იყო იმის შესაძლებლობა, რომ ამ კლუბს საქართველოს ნაკრების 26 წლის მცველი შეეძინა, მაგრამ "სამსუნი" თურქეთის სუპერლიგიდან გავარდა და ხუბუტიას რუმინულ "გაზ მეთანში" დაბრუნება მოუწია.</p><p>აკაკი დიდი ხანია, "გაზ მეთანის" დატოვების სურვილს ღიად გამოხატავს:</p><p><em>"აქ უკვე რამდენიმე წელია ვთამაშობ. 22-23 წლის რომ ვიყო, უკმაყოფილო არ ვიქნებოდი. "გაზ მეთანმა" ბევრი რამ შემძინა და ამისთვის მადლიერი ვარ, მაგრამ უკვე დროა, სხვა დონეზე ვითამაშო.</p><p>ვერც სპორტული და ვერც ფინანსური თვალსაზრისით, "გაზ მეთანი" ჩემს მოთხოვნებს ვერ აკმაყოფილებს. თურქეთში თამაშისას დავრწმუნდი, რომ უფრო მაღალი დონის ლიგაში ასპარეზობაც შემიძლია და ძალიან გულდაწყვეტილი ვარ, რუმინეთში რომ მიწევს დარჩენა".</p><p></em></p><p>ხუბუტიას დიდი იმედი ჰქონდა, რომ კარიერას სხვაგან გააგრძელებდა, მაგრამ ჯერჯერობით ამას ვერ მიაღწია. არადა, როგორც გვითხრა, რამდენიმე დღის წინათ ამის რეალური შესაძლებლობა ჰქონდა:</p><p><em>"ჩემი შეძენა რუსული პრემიერლიგის ერთ-ერთ კლუბს სურდა. რუსებსა და "გაზ მეთანს" შორის ყველაფერი შეთანხმებული იყო, მაგრამ ბოლო მომენტში ჩემმა კლუბმა ჩემს გაყიდვაზე უარი თქვა.</p><p>ისეთი გამწარებული ვიყავი, სანაკრებო შეკრებიდან რუმინეთში დაბრუნებას აღარ ვაპირებდი, მაგრამ მერე მივხვდი, რომ ამით ისევ საკუთარ თავს დავაზარალებდი და "გაზ მეთანს" შევუერთდი.</p><p>რუმინეთში კალენდარულ მატჩამდე ერთი დღით ადრე ჩავედი და ამიტომ მწვრთნელმა 18-კაციან განაცხადში არ შემიყვანა.</p><p>"გაზ მეთანში" კონფლიქტურ სიტუაციებს ვერიდები. ამიტომაც ძირითად შემადგენლობას უახლოეს ტურში დავუბრუნდები.</p><p>ძალიან გულდაწყვეტილი ვარ, მაგრამ ახლა ემოციების დრო არ არის. თავი ხელში უნდა ავიყვანო და ბევრი ვიშრომო, რომ აქაურობას თავი დავაღწიო".</p><p></em>საქართველოს ნაკრების მცველი იმედოვნებს, რომ რუსეთში გადასვლას ზამთრის სატრანსფერო პერიოდში შეძლებს. მისი თქმით, იქიდან ორი პრემიერლიგური კლუბის ინტერესი კვლავაც რეალურია, თუმცა მათი დასახელებისგან თავს იკავებს.</p><p>ხუბუტიას ტრანსფერის შანსს კი ის ფაქტი ზრდის, რომ მას "გაზ მეთანთან" კონტრაქტი მომავალი წლის ზაფხულში ეწურება და რუმინულ კლუბს აშკარად ურჩევნია, იგი არა თავისუფალი აგენტის სტატუსით გაუშვას, არამედ გაყიდოს.</p><p>საქართველოს ნაკრების ორ განვლილ ოფიციალურ მატჩში აკაკის მონაწილეობა არ მიუღია, თუმცა მისი შეფასება მაინც საინტერესოა:</p><p><em></p><p>"მართალია, ბელო</em><em>რუსსა და ესპანეთთან გამართულ შეხვედრებს სათადარიგოთა სკამიდან ვადევნე თვალი, მაგრამ ამას გადამწყვეტი მნიშვნელობა არ აქვს.</p><p>ნაკრებში გასაოცარი ერთსულოვნებაა, ეროვნულ გუნდში გამოძახებული თითოეული ფეხბურთელი თავს გუნდისთვის საჭირო კაცად მიიჩნევს და ასეც არის.</p><p>ძალიან ბედნიერი ვარ, ასეთი შეკრული და მეგობრული გუნდის წევრი რომ ვარ.</p><p>ბელო</em><em>რუსთან და ესპანეთთან დავამტკიცეთ, რომ ბრძოლისა და სწორი თამაშის შემთხვევაში მაღალი მიზნებისთვის ბრძოლა შეგვიძლია.</p><p>დარწმუნებული ვარ, საქართველოს ნაკრების პროგრესი მალე კიდევ უფრო თვალსაჩინო გახდება".</em></p><p><em>აკაკი ხუბუტია: რუსულ პრემიერლიგაში გადასვლა ბოლო მომენტში ჩამეშალა (იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong><strong><span style="color: #ff0000;"></p><p>ასევე იხილეთ:</span></strong></p><p><a href="/fexburti/qarthuli-fekhburthi/legionerebi/31911-akaki-khubutia-saqarthvelos-nakrebma-yvela-matchisgan-maqsimumis-migheba-unda-istsavlos.html" target="_blank">აკაკი ხუბუტია: საქართველოს ნაკრებმა ყველა მატჩისგან მაქსიმუმის მიღება უნდა ისწავლოს </a></p><p><a href="/fexburti/qarthuli-fekhburthi/legionerebi/27358-akaki-khubutia-gadarcha-qsamsunsforisq-avtobuss-matarebeli-sheaskda-video.html" target="_blank">აკაკი ხუბუტია გადარჩა - "სამსუნსფორის" ავტობუსს მატარებელი შეასკდა! [+VIDEO]</a></p>
"კვარაცხელია შეიძლება "ლილთან" მატჩის განაცხადში მოხვდეს" - Le Parisien-ი AS-ის საპირისპირო ინფორმაციას ავრცელებს
ლომინაძემ გაიტანა, შეცვალეს და Flashscore-სგან ყველაზე მაღალი შეფასება დაიმსახურა
ლოჩოშვილის "ნიურნბერგმა" დიუსელდორფში გაიმარჯვა
PFL-ის ვარსკვლავური ბრძოლა - ნურმაგომედოვმა ჰიუზი მეორედ დაამარცხა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება
"მამარდას" დებიუტი "ჩელსისთან", "ჟორჟი" "რეალის" წინააღმდეგ და ხვიჩა გოლების ასათვლელად
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
კონფერენს ლიგა: სიგუას ლამაზი სოლო-რეიდი და საგოლე პასი
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
19-წლამდელები ბოსნია და ჰერცეგოვინას დაუპირისპირდებიან - შემადგენლობა
21-წლამდელთა შემადგენლობა ოქტომბრის მატჩებისთვის
კიტეიშვილი და დვალი დაბრუნდნენ - ოქტომბრის მატჩებისთვის საქართველოს ნაკრების შემადგენლობა ცნობილია
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა