- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
პსჟ-ის მარკშეიდერები - ჩემპიონთა ლიგა. I ტური. სამშაბათის მატჩების მიმოხილვა
<p>გავიცინეთ, გვეყო: "მილანი" კევინ-პრინს ბოატენგის იმედად არ უნდა იყოს! <br> ჩემპიონთა ლიგა, როგორც ყოველთვის, დამაინტრიგებლად დაიწყო და მადა გაგვიხსნა. სამშაბათის ცენტრალურმა მატჩმა (განსაკუთრებით, მეორე ტაიმში) მოლოდინი ასი პროცენტით გაამართლა: ესპანეთისა და ინგლისის ჩემპიონების ჯახის ნახვა ერთ რამედ ღირდა.</p><p>ასევე: გაჭირვებულმა ესპანურმა კლუბმა უმდიდრესი რუსული გრანდი გაანადგურა; "პარი სენ ჟერმენმა" კი მაინც დაამტკიცა, რომ ფულს გოლების გატანა შეუძლია.</p><p><strong><span style="color: #ff0000;">A ჯგუფი</span></p><p><em>პსჟ-დინამო (კ) 4:1</em></strong></p><p>გოლები: 1:0 იბრაჰიმოვიჩი (19-პენ), 2:0 ტიაგო სილვა (30), 3:0 ალექსი (33), 3:1 მიგელ ველოზო (87), 4:1 პასტორე (90)</p><p>ბურთის ფლობა: 53%-47%; დარტყმა: 14-7; კუთხურები: 5-3</p><p><em>მატჩის საუკეთესო ფეხბურთელი: ზლატან იბრაჰიმოვიჩი (პსჟ)</em></p><p>ვინ თქვა ფული გოლებს ვერ გაიტანსო? ვინა თქვა? ერთი-ორი კარგი მარკშეიდერი პსჟ-ს აქამდე არ უნდა ჰყოლოდა? ცისფერი მთებიც და ტიანშანიც ყველგან და ნებისმიერ დროს აქტუალურია!</p><p>პარიზელებმა ზლატან იბრაჰიმოვიჩისა და ტიაგო სილვას სანაცვლოდ 65 მილიონი ევრო გადაიხადეს და ჩემპიონთა ლიგის პირველივე მატჩში ორივემ გაიტანა!</p><p>კარლო ანჩელოტის გუნდმა კიევის "დინამო" 4:1 გაანადგურა და ისედაც იოლ ჯგუფში პირველივე ტურის შემდეგ საუკეთესო სიტუაციაშია.</p><p>უშანსო უკრაინელებისთვის თამაში პირველივე ტაიმში დამთავრდა. "დინამოს" რბევა 25-მილიონიანმა "იბრაკადაბრამ" ზუსტად შესრულებული პენალტით დაიწყო. მალევე 40 მილიონად შეძენილმა სილვამ სხვაობა ორამდე გაზარდა და სამი წუთის შემდეგ ალექსის (წინა სეზონში 5 მილიონად იყიდეს) მოხდენილი დარტყმის წყალობით პარიზელები უკვე 3:0-ს იგებდნენ.</p><p>მატჩის მიწურულს კიეველთა წვალებას წერტილი ხავიერ პასტორემ დაუსვა და აქვე ვთქვათ, რომ პსჟ-ს არგენტინელში 42 მილიონი ევრო აქვს გადახდილი.</p><p>რაც შეეხება მიგელ ველოზოს გოლს - ფაქტია, რომ ეს ხვალ აღარავის ეხსომება...</p><p>კრისტოფ ჟალე (პსჟ):</p><p><em>"დღეს შრომა ბრწყინვალე გამარჯვებით დაგვიფასდა. დამტკიცდა, რომ პსჟ ჩემპიონთა ლიგისთვის მზადაა. მომდევნო და უფრო რთული გამოცდა "პორტუსთან" გასვლით მატჩში გველის"</em>.</p><p>იური სიომინი ("დინამოს" მწვრთნელი): <em></p><p>"საწყის 20 წუთში კარგად ვითამაშეთ. შეხვედრა კი იმიტომ წავაგეთ, რომ მომდევნო ათ წუთში კატასტროფული ფეხბურთი ვაჩვენეთ. იმედი მაქვს, რომ დღეს გამოჩენილი პრობლემების აღმოფხვრა არ გაგვიჭირდება".</em></p><p><em><strong>დინამო (ზ)-პორტუ 0:2</strong></em></p><p>გოლები: 0:1 ლუჩო გონსალესი (41), 0:2 დეფური (90)</p><p>ბურთის ფლობა: 39%-61%; დარტყმა: 6-15; კუთხურები: 7-9</p><p><em>მატჩის საუკეთესო ფეხბურთელი: ლუჩო გონსალესი (პორტუ)</em></p><p>ზაგრების "დინამო" ჩემპიონთა ლიგის წინა გათამაშებაშიც მონაწილეობდა და ჯგუფში 0 ქულითა და 3:22-იანი ბურთების შეფარდებით, რა თქმა უნდა, ბოლო ადგილი დაიკავა და ხორვატებმა ევროპის ელიტურ საკლუბო ლიგაში ასპარეზობა ამჯერადაც უიმედოდ დაიწყეს.</p><p>თავად განსაჯეთ: ზაგრებელებმა ელტონის კარისკენ ბურთი ზუსტად მხოლოდ 2-ჯერ გაგზავნეს. შედარებისთვის: პორტუგალიელთა ზუსტი დარტყმების რაოდენობა 4-ჯერ მეტი იყო! ეს ყველაფერი გასაგებია და იცით, რა არის ახლა ყველაზე საინტერესო? რას ეტყვის "დინამოს" მწვრთნელი ანტე ჩაჩიჩი თავის შეგირდებს პსჟ-სთან მატჩის წინ.</p><p>ანტე ჩაჩიჩი ("დინამოს" მწვრთნელი):</p><p><em>"პირველი ტაიმის მიწურულს გოლის გაშვება საშინელებაა... მაგრამ ვაღიარებ, რომ "პორტუმ" გამარჯვება დაიმსახურა. დღეს ჩვენ გაცილებით ძლიერ გუნდს ვებრძოდით".</p><p></em></p><p>ვიტორ პერეირა ("პორტუს" მწვრთნელი):</p><p><em>"მეორე გოლი უფრო ადრე უნდა გაგვეტანა. კარგია, რომ მთელი მატჩის განმავლობაში ვდომინირებდით და არაერთი მომენტი შევქმენით. მომდევნო შეხვედრებშიც ასეთი ხარისხიანი ფეხბურთი უნდა ვითამაშოთ".</em></p><p><strong><span style="color: #ff0000;">B ჯგუფი</span></p><p><em>ოლიმპიაკოსი-შალკე 1:2</em></strong></p><p>გოლები: 0:1 ჰიოვედესი (41), 1:1 აბდუნი (58), 1:2 ჰუნტელაარი (60)</p><p>ბურთის ფლობა: 47%-53%; დარტყმა: 13-17; კუთხურები: 3-8</p><p><em>მატჩის საუკეთესო ფეხბურთელი: კირიაკოს პაპადოპულოსი (შალკე)</em></p><p>გაინტერესებთ, როგორი ბალანსი ჰქონდათ აქამდე გერმანულ კლუბებს "ოლიმპიაკოსთან"? 2002 წელს "ლევერკუზენი" 2:6 განადგურდა; 2007 წელს "ვერდერი" 0:3 დამარცხდა; 2008 წელს "ჰერტა" 0:4 შერცხვა; წინა სეზონში კი გერმანიის ჩემპიონმა დორტმუნდის "ბორუსიამ" ბერძნულ გრანდთან 1:3 წააგო.</p><p>...და აი, გერმანელთათვის ეს მეტად არასასიამოვნო ტრადიცია "შალკემ" დაარღვია! გელზენკირხენულმა კლუბმა "ოლიმპიაკოსს" მისივე სტილით, არც მაინცდამაინც ლამაზი ფეხბურთით, მაგრამ ინტენსიური შეტევებითა და კარგად დოზირებული აგრესიით მოუგო.</p><p>"შალკეს" გამარჯვება ყველაზე მეტად ბერძენი კირიაკოს პაპადოპულოსის დამსახურებაა, რომელიც 15 წლის იყო, საბერძნეთის საფეხბურთო ელიტაში "ოლიმპიაკოსის" ფორმით რომ გამოჩნდა. სამშაბათს მას ბერძნული პუბლიკა თბილად დახვდა, მაგრამ პაპადოპულოსს თანამემამულეებისთვის არაფერი უჩუქებია - "შალკეს" მცველმა მოედანზე უბრძოლველად ერთი მტკაველიც კი არ დათმო.</p><p>ჰუუბ სტევენსი ("შალკეს" მწვრთნელი):</p><p><em>"თავიდან პრობლემები შეგვექმნა, მაგრამ მერე კონტროლი დავამყარეთ და უფრო უკეთესი ანგარიშითაც უნდა მოგვეგო. საერთო ჯამში, ყველაფრით კმაყოფილი ვარ. ასეთ ჯგუფში ასპარეზობისას</em><em> სტუმრად მოპოვებული სამი ქულით დაწყება ძალიან სასიამოვნოა".</p><p></em></p><p><em><strong>მონპელიე-არსენალი 1:2</strong></em></p><p>გოლები: ბელჰანდა (9-პენ), 1:1 პოდოლსკი (16), 1:2 ჟერვინიო (18)</p><p>ბურთის ფლობა: 43%-57%; დარტყმა: 18-6; კუთხურები: 6-5</p><p><em>მატჩის საუკეთესო ფეხბურთელი: რემი კაბელა (მონპელიე)</em></p><p>თუ ასე გააგრძელებს, "არსენალის" ფანებს ლუკას პოდოლსკი სიგიჟემდე შეუყვარდებათ!</p><p>"ლივერპულთან" და "საუთჰემპტონთან" გატანის შემდეგ პოლდი ლონდონელებს გოლით "მონპელიესთან" ჩემპიონთა ლიგის სასტარტო მატჩშიც შეეწია და მნიშვნელოვანი წვლილი შეიტანა იმაში, რომ "მეთოფეებმა" ევროპის ელიტაში ასპარეზობა საფრანგეთის ჩემპიონთან სტუმრად მოპოვებული სამი ქულით დაიწყეს.</p><p>პოდოლსკის ჩემპიონთა ლიგაში ბოლო გოლი სამწლინახევრის წინ ჰქონდა გატანილი და ამ ბურთით "არსენალი" თამაშში დააბრუნა.</p><p>მანამდე ლონდონელები გაოგნდნენ იმის გამო, რომ ესპანელმა არბიტრმა კარლოს კარვალიომ ვერმაელენზე ჯარიმა დააფიქსირა და "არსენალის" კარში პენალტი დანიშნა, რომლითაც "მონპელიემ" ანგარიში გახსნა. თუმცა გამეორებაზე გამოჩნდა, რომ მსაჯმა სწორი გადაწყვეტილება მიიღო.</p><p>თერთმეტმეტრიანის დანიშვნიდან რამდენიმე წამის შემდეგ ლონდონელებს კიდევ უფრო გაოგნებული გამომეტყველება ჰქონდათ, რადგან ბელჰანდამ "პანენკა" დაარტყა!</p><p>თუმცა, როგორც ვთქვით, "არსენალი" დაბრუნდა: პოდოლსკისას ორ წუთში ჟერვინიოს გოლი მოჰყვა. ფრანგებს მომენტები ჰქონდათ, მაგრამ ვერ გამოიყენეს...</p><p><strong><span style="color: #ff0000;">C ჯგუფი</span></p><p><em>მილანი-ანდერლეხტი 0:0</em></strong></p><p>ბურთის ფლობა: 48%-52%; დარტყმა: 19-12; კუთხურები: 4-3</p><p><em>მატჩის საუკეთესო ფეხბურთელი: კევინ-პრინს ბოატენგი (მილანი)</em></p><p>"მილანმა" იტალიის ჩემპიონატიც მძიმედ დაიწყო (სამი ქულა სამი ტურის შემდეგ) და შესაბამისად, აბსოლუტურად ლოგიკურია ის, რომ ვერც "ანდერლეხტი" დაამარცხა.</p><p>ერთადერთი მილანისტა, რომელზეც რამე უნდა ვთქვათ, კევინ-პრინს ბოატენგია.</p><p>პოზიტიური იყო ის, რომ ამ უკანასკნელმა გამთამაშებლის პოზიციაზე მაგრად იბრძოლა და ბელგიელთა კარისკენ შვიდჯერ დაარტყა; ხოლო რაც შეეხება ნეგატიურს: შეცვლის დროს ზედმეტად გაბრაზდა და ლანძღვა-გინებას მოჰყვა.</p><p>ვფიქრობთ, საჭირო აღარაა დაკონკრეტება, თუ ვის აგინებდა ბოატენგი...</p><p>ამ 0:0-ის შემდეგ იტალიელი ჟურნალისტები "მილანის" ხელმძღვანელების სატრანსფერო პოლიტიკას კიდევ უფრო სასტიკად გააკრიტიკებენ, "ანდერლეხტი" კი "სან სიროზე" მოპოვებული ქულითაც ბედნიერია.</p><p>მასიმილიანო ალეგრი ("მილანის" მწვრთნელი):</p><p><em>"პირველ ტაიმში ჩემმა ბიჭებმა რამდენიმე უპატიებელი შეცდომა დაუშვეს. ფაქტია, რომ ცუდ მდგომარეობაში ვართ. ფანებს უნდათ, რომ "მილანმა" ყველა შეხვედრა მოიგოს, ჩვენ კი თამაში და შედეგები ვერაფრით გამოვასწორეთ".</p><p></em></p><p><em><strong>მალაგა-ზენიტი 3:0</strong></em></p><p>გოლები: 1:0 ისკო (3), 2:0 სავიოლა (13), 3:0 ისკო (76)</p><p>ბურთის ფლობა: 58%-48%; დარტყმა: 16-15; კუთხურები: 5-3</p><p><em>მატჩის საუკეთესო ფეხბურთელი: ისკო (მალაგა)</em></p><p>ეს "მალაგა" გაგვაგიჟებს! თითქმის ორი თვეა, სანახევროდ გაკოტრებული გუნდისგან წარუმატებლობებს ველით, ესენი კი თამაშებს იგებენ - ჩემპიონთა ლიგის ჯგუფურ ეტაპზე მოხვდნენ და პირველ ტურში უმდიდრესი "ზენიტი" 3:0 გაანადგურეს!</p><p>სანკტპეტერბურგელებმა ჰალკსა და ვიტსელში 80 თუ 100 მილიონი გადაიხადეს და ამ ფეხბურთელებს გუშინწინ შოუ 20 წლის ბევრისთვის უცნობმა ბიჭმა მოპარა!</p><p>ისკოს ვგულისხმობთ, რომელიც ევროპის ჩემპიონატამდე ესპანეთის ნაკრების გაფართოებულ სიაში იყო და რომელმაც სამშაბათს ჩემპიონთა ლიგის ისტორიაში ერთ-ერთი ყველაზე სწრაფი გოლი (მე-4 ადგილზეა) გაიტანა.</p><p>ისკოს ორივე გოლი ერთმანეთზე უკეთესი სანახავია და მასთან ერთად, ანდალუსიურ კლუბში ბევრისგან მივიწყებული ხავიერ სავიოლაც გამოირჩა.</p><p>რაც შეეხება ჰალკს: "ზენიტის" ძვირად ღირებულმა ახალწვეულმა თავი მხოლოდ ბურთის ძელზე მორტყმითა და ყვითელი ბარათის "აკიდებით" დაგვამახსოვრა.</p><p>ხავიერ სავიოლა (მალაგა):</p><p><em>"უბედნიერესი ვარ, რადგან ურთულესი მეტოქე დავამარცხეთ. დაცვამ ძალიან კარგად ითამაშა და ჩვენ დავამტკიცეთ, რომ ჩემპიონთა ლიგაში უშანსოდ არ ვართ".</p><p></em></p><p>ლუჩანო სპალეტი ("ზენიტის" მწვრთნელი):</p><p><em>"პირველი 20 წუთი საშინელება იყო და ახლაც არ ვიცი, რატომ დავიწყეთ თამაში ასე ამაზრზენად. ფაქტია, რომ დღეს უპატიებელი შეცდომები დავუშვით და ლოგიკურად გამიჩნდა კითხვა: იქნებ ჩემპიონთა ლიგისთვის მზად არ ვართ?"</em></p><p><strong><span style="color: #ff0000;">D ჯგუფი</span></p><p><em>რეალი-მანჩესტერ სიტი 3:2</em></strong></p><p>გოლები: 0:1 ჯეკო (68), 1:1 მარსელო (76), 1:2 კოლაროვი (86), 2:2 ბენზემა (87), 3:2 რონალდო (90)</p><p>ბურთის ფლობა: 56%-44%; დარტყმა: 30-8; კუთხურები: 7-3</p><p><em>მატჩის საუკეთესო ფეხბურთელი: მარსელო (რეალი)</em></p><p>ჩემპიონთა ლიგაში ეს "რეალისთვის" რიგით მე-100 მატჩი იყო! არცერთ სხვა გუნდს ევროპის ელიტურ საკლუბო ლიგაში ამდენი შეხვედრა არ ჩაუტარებია და თამამად შეიძლება იმის თქმაც, რომ მადრიდელებს ამ თამაშის მოგება ძალიან სჭირდებოდათ.</p><p>უდიდესი დისკუსია იმ კრიტიკის შესახებ, რაც ჟოზე მოურინიომ თავის შეგირდებს მიუძღვნა (გუნდი არ მყავსო), დროებით შეჩერებულია და "სამეფო გუნდმა" წნეხი მნიშვნელოვნად შეიმსუბუქა.</p><p>მართალია, მოგება დამსახურებული იყო, მაგრამ "რეალმა" სამ ქულას მატჩის მიწურულსღა გამოჰკრა ხელი - მანამდე მადრიდელებმა არაერთი მომენტი გაანიავეს და ორჯერ აგებდნენ, მაგრამ შეცვლაზე შესულმა ბენზემამ და აღტყინებულმა რონალდომ (მარტო პორტუგალიელმა "სიტის" კარისკენ ათჯერ დაარტყა) თამაში შეატრიალეს და "სანტიაგო ბერნაბეუზე" ადრენალინის სუნი დააყენეს.</p><p>თუ რამდენად მნიშვნელოვანია ეს გამარჯვება "რეალისთვის", ამაზე ყველაზე უკეთ მოურინიოს ზეიმი მეტყველებდა: ღია ნაცრისფერ კოსტუმში გამოწკეპილი ჟოზე რონალდოს გოლის შემდეგ მუშტების ქნევას მოჰყვა და მინდორზე მუხლებით გასრიალდა.</p><p>ჟოზე მოურინიო ("რეალის" მწვრთნელი):</p><p><em>"ეს უაღრესად მნიშვნელოვანი გამარჯვებაა და ახლა ისევ ვხედავ ჩემს გუნდს. მეტოქემ მაგრად იბრძოლა და შემეცოდებოდა კიდეც, მაგრამ ფაქტია, რომ მოგებას ჩვენ უფრო ვიმსახურებდით".</p><p></em></p><p>რობერტო მანჩინი ("სიტის" მწვრთნელი):</p><p><em>"პირველ ტაიმში ცუდად ვითამაშეთ, მეორე ნახევარში კი გონს მოვეგეთ და როცა "სანტიაგო ბერნაბეუზე" ორჯერ იგებ, დაცვაში უფრო ყურადღებით ყოფნა გმართებს. იმედგაცრუებული ვარ".</em></p><p><em><strong>ბორუსია (დ)-აიაქსი 1:0</strong></em></p><p>გოლი: 1:0 ლევანდოვსკი (87)</p><p>ბურთის ფლობა: 45%-55%; დარტყმა: 20-7; კუთხურები: 6-4</p><p><em>მატჩის საუკეთესო ფეხბურთელი: რომან ვაიდენფელერი (ბორუსია /დ/)</em></p><p>სეზონის წინ დორტმუნდელებმა თქვეს, წელს ჩემპიონთა ლიგაში თავი აღარ უნდა შევირცხვინოთო და სიტყვას საქმე პირველივე ტურში მოაყოლეს. სიკვდილის ჯგუფში გერმანიის ჩემპიონს "აიაქსთან" საშინაო მატჩი აუცილებლად უნდა მოეგო და მოიგო კიდეც.</p><p>ბევრი ბუნდესლიგური კლუბისგან განსხვავებით, რომლებიც დორტმუნდში ჩადიან ხოლმე, "აიაქსი" "ბორუსიას" შემტევ ფეხბურთს არ შეუშინდა და ამსტერდამულმა კლუბმა შეძლო ის, რასაც "ვესტფალენშტადიონზე" ძალიან ბევრი გუნდი ვერ ახერხებს ხოლმე: ბურთის ფლობის მხრივ უპირატესობას ჰოლანდიელები ფლობდნენ!</p><p>თუმცა დე ბურის გუნდი ბოლოს მაინც ხელცარიელი დარჩა, დორტმუნდელებმა კი შვებით ამოისუნთქეს, რადგან მათთვის ამ თამაშის ვერმოგება დაუშვებელი იყო.</p><p>იურგენ კლოპი ("ბორუსიას" მწვრთნელი):</p><p><em>"თავს ძალიან კარგად ვიცავდით და ბოლოს, როგორც იქნა, გოლიც გავიტანეთ. ბოლომდე მჯეროდა, რომ ამას შევძლებდით და "აიაქსს" დორტმუნდში სამ ქულას დავატოვებინებდით".</p><p></em></p><p>სიემ დე იონგი ("აიაქსის" კაპიტანი):</p><p><em>"ბორუსიამ" გოლი 87-ე წუთზე გაგვიტანა, რაც ძალიან საწყენია, მაგრამ წაგება მხოლოდ საკუთარ თავს უნდა დავაბრალოთ, რადგან მომენტები ვერ გამოვიყენეთ და დავისაჯეთ".</p><p><strong>ყოველდღიური სპორტული გაზეთი "ლელო"</strong></em></p>
-
___
"ანდერლეხტი" კი "სან სიროზე" მოპოვებული სამი ქულით ბედნიერია.---?
[VIDEO] "იბერია 1999" "მალმიოსთან" ისევ დამარცხდა და კონფერენს ლიგაზე გადაერთვება
[VIDEO] ორი არდანიშნული პენალტი - "იბერია 1999" სახლში "მალმიოსთან" 1:3 დამარცხდა
"განავალი უნდა შეჭამო და მოინელო" - "ინტერის" მწვრთნელი პსჟ-სთან მარცხზე
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა