<p>ბრაზილია. სერია ა. გამოტოვებული მატჩი. <br> ბრაზილიაში მე-14 ტურის გამოტოვებული მატჩი გაიმართა: “ფლამენგომ” “ატლეტიკო მინეიროს” უმასპინძლა.</p><p>მატჩმა უდიდესი ინტერესი გამოიწვია და “ენჟენაო” თითქმის ბოლომდე გაივსო. ამ შეხვედრას დამატებით ინტრიგას რონალდინიოს დაბრუნება სძენდა - გაუჩო “ფლამენგოდან” მაისში წავიდა, ვინაიდან კლუბი მას ხელფასს ვერ უხდიდა.</p><p>ძალიან დაძაბულ და მძიმე ბრძოლაში გამარჯვება მასპინძლებს დარჩათ და ამით “ფლამ” სამსახური მოსისხლე მტერ “ფლუმინენსეს” გაუწია. ამ მარცხის გამო “ატლეტიკო” უკვე 4 ქულით ჩამორჩება აბელ ბრაგას გუნდს.</p><p>რაც შეეხება “ფლამენგოს”, ზედიზედ ჩატარებული წარმატებული მატჩების გამო გუნდი გასავარდნ ზონას გვარიანად მოშორდა და ახლა უკვე მე-10 ადგილზეა.</p><p>ანგარიში 21-ე წუთზე ვაგნერ ლავმა გახსნა და ჩემპიონატში მე-11 გოლი გაიტანა. მატჩის მეორე ტაიმში, მოსკოვის ცსკას კიდევ ერთმა ყოფილმა ფეხბურთელმა, ჟომ გამოიჩინა თავი და “ატლეტიკოს” ქომაგებს მოგების იმედი გაუჩინა, თუმცა ძალიან მალე, ზუსტად 6 წუთში, ლიედსონმა ზედიზედ მეორე მატჩში გაიტანა გოლი, რომელიც გამარჯვების მომტანი გამოდგა.</p><p>შეხვედრის 73-ე წუთზე სტუმრებს ერთ-ერთი ლიდერი და დაცვის ბურჯი რევერი გაუძევეს, რომელმაც კარიოკელთა მცველ მარკოს გონსალესს თავი ჩაარტყა. 10-კაციანმა “ატლეტიკომ” ვერაფერი გააწყო და უმნიშვნელოვანესი ქულები დაკარგა.</p><p>მატჩის შემდეგ კმაყოფილი იყო ვაგნერ ლავი, რომელმაც გულშემატკივარი შეაქო:</p><p>"დღეს ჩვენ ყველას ვუჩვენეთ, თუ რას ნიშნავს, იყო "ფლამენგო". როდესაც ჩვენ ასეთი მხარდაჭერა გვაქვს, აბსოლუტურად ყველას დამარცხება შეგვიძლია”.</p><p>გეტყვით, რომ ამ სეზონში “ფლამენგოს” თამაშებს საშუალოდ 9 ათასი გულშემატკივარი ესწრება, რაც ძალიან ცოტაა იმ გუნდისთვის, რომელსაც, ბოლო სოციოლოგიური გამოკითხვების მიხედვით, 45 მილიონამდე (!) ადამიანი ქომაგობს.</p><p><span style="color: #ff0000;"><strong>ბრაზილია. სერია ა. გამოტოვებული მატჩი.</strong></span></p><p><strong><em>ფლამენგო-ატლ. მინეირო 2:1</em></p><p></strong>გოლები: 1:0 ვაგნერ ლავი (21), 1:1 ჟო (50), 2:1 ლიედსონი (56).</p><p><span style="color: #ff0000;"><strong>სატურნირო ცხრილი</strong></span></p><p><em>ა გ თ მ ფ წ ბ ქ</em></p><p>1. ფლუმინენსე 26 16 8 2 43-18 56</p><p>2. ატლ. მინეირო 26 15 7 4 40-19 52</p><p>3. გრემიო 26 15 4 7 37-21 49</p><p>4. ვასკო და გამა 26 12 8 6 32-26 44</p><p>5. სან პაულო 26 13 3 10 38-28 42</p><p>6. ბოტაფოგო 26 11 7 8 41-33 40</p><p>7. ინტერნასიონალი 26 10 10 6 33-23 40</p><p>8. კორინთიანსი 26 9 9 8 30-26 36</p><p>9. კრუზეირო 26 10 5 11 32-36 35</p><p>10. ფლამენგო 26 9 7 10 28-36 34</p><p>11. პონტე პრეტა 26 8 10 8 30-32 34</p><p>12. სანტოსი 26 8 9 9 31-35 33</p><p>13. პორტუგეზა 26 8 8 10 28-30 32</p><p>14. ნაუტიკო 26 9 4 13 31-42 31</p><p>15. ბაია 26 7 10 9 27-30 31</p><p>16. კურიტიბა 26 8 4 14 38-46 28</p><p>17. სპორტ რესიფე 26 6 9 11 23-35 27</p><p>18. პალმეირასი 26 6 5 15 25-36 23</p><p>19. ფიგეირენსე 26 5 7 14 29-45 22</p><p>20. ატლ. გოიანიენ. 26 4 8 14 27-46 20</p><p><strong>ბომბარდირები:</strong></p><p>12 -ფრედი (ფლუმინენსე); 11 -ლუიშ ფაბიანო (სან პაულო), ბრუნო მინეირო (პორტუგეზა), ვაგნერ ლავი (ფლამენგო); 9 -ალეკსანდრო (ვასკო და გამა), ალოიზიო (ფიგეირენსე), ველინგტონ პაულისტა (კრუზეირო).</p><p><strong>ყოველდღიური სპორტული გაზეთი "ლელო"</strong></p>
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!