<p>რემი გარდის "ლიონს" რთული მატჩი ელის <br> ლიგა 1-ის მე-7 ტური, ტრადიციულად 28 სექტემბერს, ძალიან საინტერესო მატჩით დაიწყო: "რენმა" "ლილს" უმასპინძლა და ორი ბურთის სხვაობით დაამარცხა.</p><p>ტურის სხვა საინტერესო მატჩებს რაც შეეხება: 29 სექტემბერს გასამართი შეხვედრები საკმაოდ მოსაწყენია, ერთადერთი გამონაკლისი, რა თქმა უნდა, "პარი სენ ჟერმენი"-"სოშოს" მატჩია, ვინაიდან პარიზული გუნდი ახლა უკვე ყველას აინტერესებს.</p><p>"სოშოს" კარგი პერიოდი უდგას, გუნდმა ზედიზედ 4 წაგების შემდეგ, მიჯრით ორი მატჩი მოიგო, თუმცა ყველას კარგად ესმის, რომ სტუმრებს ამ სერიის გაგრძელება ძალიან გაუჭირდებათ.</p><p>ამ გუნდების ბოლო მატჩი ასევე "პარკ დე პრენსზე" გაიმართა და ის შეხვედრა პარიზულმა გუნდმა 6:1 მოიგო.</p><p>"სოშოს" შარშანაც არ ჰქონდა სახარბიელო მდგომარეობა, მაგრამ წინა სეზონის შემდეგ კლუბი აშკარად დასუსტდა - "პეჟოელები" ხომ მარვენ მარტენმა, მოდიბო მაიგამ და დამიან პერკუიმ დატოვეს.</p><p>"პარის სენ-ჟერმენი" პირიქით გაძლიერდა, ასე რომ გასაგებია, თუ ვინ არის აღნიშნულ დაპირისპირებაში აშკარა ფავორიტი.</p><p>პარიზელებს დისკვალიფიცირებული შანტომი და ტრავმირებული ლავეცი არ ეყოლებათ.</p><p>კვირას კი ორი ძალიან საინტერესო მატჩია დაგეგმილი: "ვალანსიენი"-"მარსელი" და "ლიონი"-"ბორდო".</p><p>"ვალანსიენი"-"მარსელი" საფრანგეთის ისტორიაში ყველაზე სკანდალური მატჩი "რიმეიქია". შეგახსენებთ, რომ სწორედ "ვალანსიენთან" გარიგების გამო ჩამოართვეს "ოლიმპიკს" 1993 წელს ჩემპიონის ტიტული, მეორე დივიზიონში გაისტუმრეს, კლუბის პრეზიდენტი ბერნარ ტაპი კი ფეხბურთიდან სამუდამოდ მოკვეთეს.</p><p>თუ "მარსელი" მოიგებს, 7 ოქტომბერს "პარი სენ-ჟერმენთან" გასამართ კლასიკოს 100-პროცენტიანი შედეგით შეხვდება.</p><p>"სტად ჟერლანზე" კი ერთმანეთს ორი დაუმარცხებელი გუნდი შეხვდება. "ლიონი" მეორე ადგილზეა და აუცილებლად უნდა მოიგოს, თუ არ სურს, რომ "პსჟ"-მ გადაასწროს, ხოლო ფრანსის ჟიოს "ბორდო" მეექვსე ადგილზეა და ზედიზედ 4 მატჩი ფრედ აქვს დასრულებული.</p><p>მასპინძლებს, ტრავმის გამო, კვლავ ვერ დაეხმარება "ბორდოს" ყოფილი ლიდერი იოან გურკუფი.</p><p>"პარი სენ-ჟერმენთან", "მარსელთან", "ლიონთან" და "ბორდოსთან" ერთად, დაუმარცხებელი კიდევ ერთი გუნდია - სეზონის მთავარი აღმოჩენა, იოანი მამის, კრისტიან გურკუფის "ლორიანი" სტუმრად "ევიანს" ეთამაშება და შარშან განცდილი ორი მარცხისთვის რევანშის აღებას ეცდება.</p><p><span style="color: #ff0000;"><strong>საფრანგეთი. ლიგა 1. VII ტური</strong></span></p><p>28 სექტემბერი</p><p><em><strong>რენი-ლილი 2:0</strong></em></p><p>გოლები: 1:0 ფერე (64), 2:0 ალესანდრინი (75)</p><p><em></p><p>29 სექტემბერი</em></p><p><em><strong>პსჟ-სოშო 19:30</p><p>აიაჩო-ბრესტი 22:00</p><p>ნანსი-მონპელიე 22:00</p><p>ტრუა-ტულუზი 22:00</p><p>ევიანი-ლორიანი 22:00</p><p>ნიცა-ბასტია 22:00</p><p></strong></em></p><p><em>30 სექტემბერი</em></p><p><em><strong>ვალანსიენი-მარსელი 16:00</p><p>სტ. ეტიენი-რეიმსი 19:00</p><p>ლიონი-ბორდო 23:00</p><p></strong></em></p><p><span style="color: #ff0000;"><strong>სატურნირო ცხრილი</strong></span></p><p><em>ა გ თ მ ფ წ ბ ქ</em></p><p>1. მარსელი 6 6 0 0 9-1 18</p><p>2. ლიონი 6 4 2 0 12-5 14</p><p>3. პსჟ 6 3 3 0 10-3 12</p><p>4. ლორიანი 6 3 3 0 12-7 12</p><p>5. რეიმსი 6 3 1 2 8-5 10</p><p>6. ბორდო 6 2 4 0 7-5 10</p><p>7. ტულუზი 6 2 3 1 7-7 9</p><p>8. ბრესტი 6 3 0 3 7-11 9</p><p>9. ვალანსიენი 6 2 2 2 7-5 8</p><p>10. სენტ ეტიენი 6 2 1 3 10-6 7</p><p>11. ნიცა 6 1 4 1 8-7 7</p><p>12. რენი 7 2 1 4 8-11 7</p><p>13. ლილი 7 1 4 2 8-10 7</p><p>14. აიაჩო 6 2 2 2 5-7 6</p><p>15. სოშო 6 2 0 4 7-10 6</p><p>16. ბასტია 6 2 0 4 7-16 6</p><p>17. მონპელიე 6 1 2 3 7-9 6</p><p>18. ევიანი 6 1 1 4 6-8 4</p><p>19. ნანსი 6 1 1 4 2-8 4</p><p>20. ტრუა 6 0 2 4 6-13 2</p><p><em>შენიშვნა: აიაჩოს -2 ქულა</em></p><p><strong>ბომბარდირები:</strong> 7 - იბრაჰიმოვიჩი (პსჟ); 4 - ა. ტრაორე (ლორიანი), ობამეიანი (სტ. ეტიენი), ბენ იედერი (ტულუზი); 3 - ბარბოსა (ევიანი), მ. ბასტოი (ლიონი), ჟინიაკი (მარსელი), გომისი (ლიონი), დუბაი (სოშო), პიტროიპა (რენი).</p><p><strong>ყოველდღიური სპორტული გაზეთი "ლელო"</strong></p>
2 წელზე მეტი გავიდა - პოგბა მოედანზე დაბრუნებასთან ახლოსაა
ლუის ენრიკემ დონარუმას კრიტიკოსებს მკვლელები უწოდა - კომენტარი ნასრიმ გააკეთა
რას უპირებს ენრიკე ზაბარნის საშინელი მატჩის შემდეგ - კომენტარი ქალთა გუნდის ყოფილმა მცველმაც გააკეთა
"კვარა" ისევ როტაციაში და ორი მნიშვნელოვანი მატჩი პარალელურად
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"ბარსელონამ" შეიძლება ტერ შტეგენი სხვა კლუბში გაუშვას
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
კატასტროფულმა ზაბარნიმ უნიკალური ანტირეკორდი გაიმეორა