<p>საქართველოს ჩემპიონატი. პრემიერლიგა. IX ტური <br> ბოლო სამი შეხვედრიდან "ზესტაფონმა" ორი მოიგო და ერთი ფრე ითამაშა. ჩემპიონი თითქოს კალაპოტს უბრუნდება. "სიონში" კი ვერ უნდა იყოს საქმე კარგად. გუნდში იმაზე ჩივიან, რომ ყურადღებას მათ არავინ აქცევს.</p><p>შეხვედრის დასაწყისში "სიონი" მხნედ გამოიყურებოდა, ბოლნისელები მედგრად იბრძოდნენ და ერთი-ორი მწვავე შეტევაც განახორციელეს.</p><p><strong>გიორგი ქუცურუას</strong> ფლანგურ ჯარიმას <strong>თენგიზ ჩიკვილაძემ</strong> შეაგება თავური - დარტყმა არაზუსტი გამოდგა.</p><p>ამის შემდეგ "სიონს" ერთხელაც ჰქონდა საგოლე შანსი, როცა <strong>გიორგი მანწკავამ</strong> დაახლოებით 25 მეტრიდან მეკარისთვის უხერხული ტრაექტორიით დაარტყა და ბურთი "ზესტაფონის" კარის ხარიხამ აისხლიტა.</p><p>თამაში მალევე გათანაბრდა. <strong>რატი წინამძღვრიშვილმა</strong> მკერდით ჩამოიღო ბურთი. დარტყმისას ხელი ერთ-ერთმა მცველმა შეუშალა და "ზესტაფონი" აქედან საგოლე კუთხურს გამორჩა - <strong>თორნიკე აფციაურმა</strong> კარგად ჩააბზრიალა ბურთი მეკარის ბაქანთან და <strong>გიორგი კაჭკაჭიშვილმაც</strong> თავურით გაიტანა.</p><p>"ზესტაფონი" მნიშვნელოვან სათამაშო უპირატესობას ფლობდაო, ვერ ვიტყვით, მაგრამ კლასში სხვაობა უდავოდ იგრძნობოდა.</p><p>ისიც უნდა ითქვას, რომ "სიონს" არ აქვს ისეთი სავარჯიშო პირობები, როგორც "ზესტაფონს".</p><p>მეორე გოლი ფეროელებმა კონტრშეტევაზე შეაგდეს. <strong>წინამძღვრიშვილისა</strong> და <strong>ორბელაძის</strong> ორთაბრძოლა იმით დასრულდა, რომ "სიონის" მცველს ფეხიდან ბუცი გასძვრა და იმ მომენტში თამაშის გაგრძელება ვერ მოახერხა. "სიონის" დაცვა კაცნაკლული დარჩა, რაც ოპერატიულად გამოიყენა "ზესტაფონმა". <strong>აფციაურმა</strong> კარგი გადაცემა გაუჭრა <strong>შოთა ბაბუნაშვილს</strong>, რომელმაც <strong>წინამძღვრიშვილის</strong> მისამართით შეასრულა გადაცემა და <strong>რატიმაც</strong> შანსი ხელიდან არ გაუშვა.</p><p>"სიონი" თამაშის შემომბრუნებელ გუნდს არ ჰგავდა. ბოლნისელები ბრძოლას განაგრძობდნენ, მაგრამ ეს იყო და ეს.</p><p>მეორე ტაიმში გამოსარჩევი მხოლოდ არასასიამოვნო ინციდენტი გამოდგა. <strong>აფციაური</strong> გერმანელმა <strong>პატრიკ მილხრაუმმა</strong> შეცვალა. როცა ზესტაფონელი სათადარიგოთა სკამთან მივიდა, ბოლნისელმა გულშემატკივრებმა მას სიტყვიერი შეურაცხყოფა მიაყენეს. <strong>აფციაურმა</strong> ამას ვერ გაუძლო და ხურდაც დაუბრუნა. ალიაქოთში ისეც კი მოხდა, რომ "ზესტაფონის" კაპიტანმა წყლის ბოთლი ისროლა გულშემატკივრებისკენ.</p><p>უკვე შეცვლილი <strong>აფციაურის</strong> გაძევებაც ამ ყველაფერს მოჰყვა.</p><p>და კიდევ, "ზესტაფონში" დებიუტი ჰქონდა <strong>ილია კერძევაძეს</strong>, რომელიც 16 წლისაა...</p><p><span style="color: #ff0000;"><strong>საქართველოს ჩემპიონატი. პრემიერლიგა. IX ტური</strong></span></p><p>07.10.ბოლნისი. თამაზ სტეფანია. 600 მაყურებელი</p><p><em><strong>სიონი-ზესტაფონი 0:2</strong></em> (<a href="/mtavari/video.html?view=video&video=1491" target="_blank"><span style="color: #ff0000;"><strong>იხილეთ ვიდეო</strong></span></a>)</p><p>გოლები: 0:1 კაჭკაჭიშვილი (24, აფციაურის პასით), 0:2 წინამძღვრიშვილი (35, ბაბუნაშვილის პასით)</p><p><em>სიონი ზესტაფონი</em></p><p>4-2-3-1 4-2-3-1</p><p>ბობღიაშვილი რ. კვასხვაძე</p><p>ორბელაძე ღონღაძე</p><p>ქემოკლიძე კობახიძე</p><p>სვანიძე კაჭკაჭიშვილი</p><p>ჩიკვილაძე თედ. გრიგალაშვილი</p><p>ჯოჯუა მენთეშაშვილი</p><p>მანწკავა შარიქაძე</p><p>ჭედია თორ. გრიგალაშვილი</p><p>ქუცურუა ბაბუნაშვილი</p><p>ფეიქრიშვილი აფციაური</p><p>უგულავა წინამძღვრიშვილი</p><p><em>მწვრთნელები:</em></p><p>ა. ჯელაძე ზ. ზამთარაძე</p><p><em>სიონი</em></p><p>46.ფეიქრიშვილი - ისიანი</p><p>68. ჭედია - უგრეხელიძე</p><p>84. მანწკავა - მ. ოქროპირიძე</p><p>სათადარიგოები: ვ. ლობჟანიძე, გ. ოქროპირიძე, ნემსაძე, ხურციძე</p><p><em>ზესტაფონი</em></p><p>63. აფციაური - მილხრაუმი</p><p>82. წინამძღვრიშვილი - კერძევაძე</p><p>89. ბაბუნაშვილი -გაგოშიძე</p><p>სათადარიგოები: მამალაძე, რაჟამაშვილი, დ. მუჯირი, ელიავა</p><p><em>გაფრთხილება:</em></p><p>ღონღაძე (18), მენთეშაშვილი (33), ბაბუნაშვილი (48), კობახიძე (72)</p><p><em>მსაჯი:</em> გ. ვადაჭკორია</p><p><strong>ყოველდღიური სპორტული გაზეთი "ლელო"</strong></p>
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
ლიდერი ისევ "დილაა"; "ტორპედომ" კი იბერიელებს აჯობა
"გაგრას" ლიუბენოვიჩი ჩაუდგა სათავეში
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა