<p>ღონისძიება საკმაოდ კარგად იყო ორგანიზებული, თუმცა მიზეზთა გამო ჩვენები უძლიერესი შემადგენლობით ვერ გამოვიდნენ <br> ამ დღეებში ხელვაჩაურში ჩატარდა XVIII საერთაშორისო ტურნირი მშვილდოსნობაში, რომელიც ფრიად წარმომადგენლობითი გამოდგა - უცხოელთაგან თურქეთის, სომხეთისა და აზერბაიჯანის გუნდები გამოვიდნენ, რომელთაც თბილისის, ქუთაისისა და მასპინძელი ხელვაჩაურის ნაკრებებიც დაემატნენ. საბოლოოდ ქალთა შორის 21, ვაჟებში კი 37 მონაწილე გამოვიდა.</p><p>შეჯიბრებას ხელვაჩაურის რაიონის ახალსოფელმა უმასპინძლა. ამ სოფლის სასპორტო სკოლას საკმაოდ კარგი, კეთილმოწყობილი არენა გააჩნია, სადაც თავის მატჩებს საფეხბურთო კლუბი "კახაბერი" ატარებს, თუმცა ამ დღეებში იქაურობა მშვილდოსნობის ფარებს დაეთმო.</p><p>ადრე აჭარელი მშვილდოსნებისთვის ეს აუცილებელი ინვენტარი დიდი ფუფუნება იყო, ახლა კი სპონსორებისა და იქაური ხელისუფლების დახმარებით ახლები შეიძინეს და ტურნირს ერთბაშად 20 ფარი ემსახურებოდა.</p><p>სპონსორ-ორგანიზატორთა მეცადინეობით, დაწესებული იყო საპრიზო ფონდიც - ჩემპიონმა 150 ევრო მიიღო, ვიცე-ჩემპიონმა - 100, ბრინჯაოსმედალოსანმა - 50.</p><p>მთლიანობაში, ღონისძიება საკმაოდ კარგად იყო ორგანიზებული, თუმცა მიზეზთა გამო ჩვენები უძლიერესი შემადგენლობით ვერ გამოვიდნენ - ასმათ დიასამიძე ისვენებდა, ხათუნა ნარიმანიძე კი ადგილობრივი საკრებულოს დეპუტატია და არჩევნებით იყო დაკავებული.</p><p>არც ნათია ცინცაძეს უასპარეზია, რომელიც შეჯიბრებამდე ერთი კვირით ადრე გათხოვდა. დანაკლისი იყო ვაჟთა შორისაც. სამაგიეროდ, თურქეთის ქალთა ნაკრებს ევროპის ჩემპიონი ნატო ნასარიძე ჩამოუძღვა.</p><p>ქალთა შორის საკვალიფიკაციო ტურნირი ყველაზე უკეთ მსოფლიოს ვიცე-ჩემპიონმა ქრისტინე ესებუამ ჩაატარა და 640 ქულით გაიმარჯვა. დანარჩენთაგან 600-ქულიანი ზღვარი მხოლოდ ერთმა გადალახა, ჩვენთვის საინტერესო მსროლელმა - უკრაინიდან გადმობირებულმა იულია ლობჟანიძემ, რომელმაც 622 ქულა დააგროვა.</p><p>მესამეზეც ჩვენი მსროლელი გავიდა - ლანა ვერულიძემ 595 დააგროვა, ოღონდ ის ორი თუ თბილისს წარმოადგენდა, ეს ხელვაჩაურის სახელით გამოდიოდა. უცხოელთაგან საუკეთესო შედეგი ბაქოელმა სვეტლანა სიმონოვამ აჩვენა - 589.</p><p>პლეი ოფის პირველ წრეში შესარჩევის 9 საუკეთესო ჩუბინი ისვენებდა, ნახევარფინალში კი ლობჟანიძემ ნასარიძეს 103:91 მოუგო, ხოლო ესებუამ და სიმონოვამ შეხვედრა ფრედ დაასრულეს - 126:126, მაგრამ ბაქოელმა სტუმარმა დამატებითი მაჩვენებლებით იმარჯვა და ფინალშიც გავიდა.</p><p>გადამწყვეტ შეხვედრაში ნამუსი ლობჟანიძემ მოგვწმინდა, რომელიც ხანგრძლივი ტრავმების, ოპერაციების, შესვენებისა და მოქალაქეობის მიღების გაჭიანურებული პროცესით გამოწვეული მღელვარების შემდეგ პირველ სერიოზულ ტურნირს ატარებდა.</p><p>მან სტუმარს 104:97 სძლია და მთავარ პრიზსაც დაეუფლა. ოდინდელ მეგობარსა და დღევანდელ თანაგუნდელს არც ესებუა ჩამორჩა, რომელმაც ბრინჯაოსთვის ბრძოლაში ნასარიძეს 128:126 აჯობა.</p><p>ვაჟთა შორის შესარჩევში ყველას თურქმა დინგერ ცევდეტ დემირალმა აჯობა - 643 ქულა. მას 3-3 ქულით ჩამორჩნენ თანაგუნდელი აიდინ გაბატაი და სომეხი ვასილ შაჰნაზარიანი, მეოთხეზე კი ჩვენი გუნდის ლიდერი ლაშა ფხაკაძე გავიდა 126-ით.</p><p>მან ნახევარფინალამდე სამი წრე წარმატებით გაიარა, ფინალის საგზური კი სწორედ საკვალიფიკაციოს გამარჯვებულ დემირალთან ბრძოლაში მოიპოვა - 84:78 აჯობა. მეორე ნახევარფინალში გაბატაიმ შაჰნაზარიანს 110-108 მოუგო.</p><p>სამწუხაროდ, ფინალი თურქის უპირატესობით წარიმართა - გაბატაიმ 84:76 მოიგო და ფხაკაძე ვერცხლს დასჯერდა, ბრინჯაოსთვის შეხვედრაში კი შაჰნაზარიანმა 138:128 მოუგო დემირალს.</p><p>ჩვენი ქალების უპირატესობით დასრულდა გუნდური შეჯიბრებაც - თბილისის გუნდმა, რომელშიც ესებუასა და ლობჟანიძის გარდა, თეონა კუტალაძეც შედიოდა, ფინალში თურქეთს 193:177 მოუგო.</p><p>ბრინჯაოს მედლები სომხებმა ირგუნეს, თუმცა საამისოდ გადამწყვეტ შეხვედრაში დამატებითი დრო დასჭირდათ აზერბაიჯანელთა დასამარცხებლად - ძირითადი დრო ფრედ დასრულდა - 185:185, დამატებითში კი სომხებმა 23:22 იმარჯვეს.</p><p>ვაჟებში გუნდური პირველობა თურქებმა მოიგეს, მეორეზე სომხეთის პირველი გუნდი გავიდა, ბრინჯაო კი თბილისის პირველმა გუნდმა (ფხაკაძე, თენგიზ ლურსმანაშვილი, ირაკლი ქვლივიძე) მოიპოვა.</p><p>დასკვნით შეხვედრაში მათ ხელვაჩაურელები (ტარიელ ქადიძე, დიმიტრი კირიჩენკო, არჩილ ფარსენაძე) დაამარცხეს.</p><p>17 ოქტომბერს თბილისელი და ბათუმელი მშვილდოსნები ერევანს ეწვევიან და იქაურ საერთაშორისო ტურნირში მოსინჯავენ ძალებს.</p><p><strong>ყოველდღიური სპორტული გაზეთი "ლელო"</strong></p>
მშვილდოსნობაში 2023 წლის საქართველოს თასის პირველი ეტაპი გაიმართა - გამოვლინდნენ გამარჯვებულები
თეა წულუკიანი მშვილდოსნობის ფედერაციას შეხვდა
მშვილდოსნობა. მსოფლიოს ჩემპიონატი: დედა-შვილი ერთად იასპარეზებს
"ეს წარმოუდგენელია!" - ენრიკე ზაბარნის არყოფნის მიზეზად, საფონოვის კარში ჩაყენებაზე დასმულ კითხვაზე გაბრაზდა
ლუის ენრიკე: კვარაცხელია განსხვავებულია, სანახაობრივია, უმაღლესი ინტელექტი აქვს
დავითაშვილმა შეუცვლელად ითამაშა - "სენტ-ეტიენი" "დიუნკერკთან“ დამარცხდა
როგორი შეფასებები მიიღეს პსჟ-ს ფეხბურთელებმა "რენთან" მატჩში?
[VIDEO] "კვარამ" "რენს" თქვენი მოწონებული გაუტანა
"რენთან" მატჩში ლუის ენრიკემ პსჟ-ს შემადგენლობა დაასახელა
ბუდუს "ჰაიდენჰაიმმა" ზედიზედ მეორე მატჩი შემოატრიალა
"შავმა ლომმა" "მონპელიე" მხოლოდ პირველ ტაიმში დაჯაბნა
[VIDEO. ეროვნული ლიგა. ბოლო ტური] ტიტული დაცულია! თბილისის "იბერია 1999" ზედიზედ მეორედ გახდა საქართველოს ჩემპიონი!
[VIDEO] ჩაკვეტაძემ ისევ ტრავმა მიიღო და მოედანი ნაადრევად დატოვა
[VIDEO. ეროვნული ლიგა. ბოლო ტური] იონსენი ზედიზედ მეორედ ხდება საუკეთესო ბომბარდირი, პლეი-აუტის ორივე წყვილი ცნობილია...
[VIDEO] მესი, ჩემზე დაქორწინდები? - არგენტინელის პასუხმა ასაკოვანი გულშემატკივარი გაახარა
[VIDEO] მასპინძელი იაპონელი იპონით დაამარცხა! - ილია სულამანიძე ტოკიოს გრანდ სლემის გამარჯვებულია
[VIDEOS] ეთერ ლიპარტელიანმა და გიორგი ჯაბნიაშვილმა ტოკიოს გრანდ სლემზე ბრინჯაოს მედლები მოიპოვეს
კურტუამ მადრიდის "რეალს" შემადგენლობის გაძლიერება მოსთხოვა
"მართალია ერთმანეთი არ მოგვწონს, მაგრამ..." - პიმბლეტმა გეიჯისთან ბრძოლის წინ თოფურიაზე ისაუბრა
"ჭორები "ინტერზე"? "კომოს" გამო ყველას და ყველაფერს შევჭამ" - სესკ ფაბრეგასი
[VIDEO] ბითაძის 20 და მამუკელაშვილის 16 წუთი - ქართველების ტური NBA-ში
დასრულდება 6-წლიანი მშრალი სერია? - სულამანიძე ტოკიოს გრანდ სლემის ფინალშია! ლიპარტელიანი და ჯაბნიაშვილი ბრინჯაოს მედლებისთვის იბრძოლებენ
რომელ სამეულს აარჩევს ენრიკე პარიზელთა შეტევაში - დღის საინტერესო მატჩები