- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
დუდუ დადიანის მემორიალი: "არმია", "ოლიმპი", "ქუთაისი"
<p>საქართველოს ჩემპიონ "არმიაში" ყველაზე ღირებული შენაძენი ქართველია - ვლადიმერ ბოისა <br> სათაურში სამი გუნდის სახელია. "არმიამ" გასულ სეზონში სუპერლიგაში პირველი ადგილი დაიკავა, "ოლიმპმა" - მეორე, ხოლო "ქუთაისმა" - მესამე.</p><p>დუდუ დადიანის მემორიალის გახსნით მატჩებში სამივემ გაიმარჯვა, რაც იმას ნიშნავს, რომ 2011-12 წლების სეზონის შემდეგ ჩემპიონატის ტოპ-სამეულმა პოზიციები შეინარჩუნა და ახალ პირველობაზეც წამყვან პოზიციებზე იქნება.</p><p>საკითხავი მხოლოდ ისაა, სხვა გუნდები თუ მოახერხებენ მათი ჰეგემონიის დამხობას.</p><p>ვინ როგორ ითამაშებს სუპერლიგაში, ამაზე 20 ოქტომბრის შემდეგ ვილაპარაკებთ, ახლა კი დუდუ დადიანის მემორიალზე ვიმსჯელოთ.</p><p><span style="text-decoration: underline;">12 ოქტომბერი, თბილისი. სპორტის სამინისტროს დარბაზი</p><p></span><span style="color: #ff0000;"><strong>B ჯგუფი</strong></span></p><p><em><strong>ოლიმპი-სტუ 88:54</strong></em></p><p>26:12, 20:18, 20:16, 22:8</p><p>ოლიმპი: გულისაბედაშვილი (5ქ), ტომარაძე (13ქ, 5მ), სოკი (14ქ, 5პ), ბერიშვილი (16ქ), მიქელაძე (3ქ, 3პ), თენიეშვილი (8ქ), ფაცაცია (13ქ), ტუტუსი (10ქ, 11მ, 6პ), ლობჟანიძე, ცირეკიძე (2ქ), ა. დვალიშვილი (4ქ, 5მ, 3პ), ჰოგერი (6მ).</p><p>სტუ: ჩაჩიბაია (16ქ, 4პ), თევზაძე (4ქ), ჯანაშია (14ქ, 7მ), კვეტენაძე (4ქ), კორკოტაძე (4ქ), ლ. მინაშვილი (2ქ), მაჩალაძე (2ქ, 6მ), პირველაშვილი (2ქ), დ. დვალიშვილი (4ქ), კუჭავა, ძიძიგური (2ქ, 3ჩ), ქორიძე.</p><p>მსაჯები: კუპატაძე, დ. ბერიშვილი, ვართანოვი.</p><p>B ჯგუფში სამი გუნდია. 12 ოქტომბერს ითამაშეს "ოლიმპმა" და სტუ-მ. ერთი ფავორიტი 13-ში, 11 საათზე ჩაერთვება - შსს სტუ-ს დაუპირისპირდება. ამ ჯგუფის გადამწყვეტი შეხვედრა კი კვირას, 14 ოქტომბერს გაიმართება - "ოლიმპი" "შსს აკადემიას" "დაეჭიდება". ალბათ, ეს მატჩი გადაწყვეტს ერთი ფინალისტის ვინაობას.</p><p>12 ოქტომბერს კი ოლიმპელებმა ტექნიკოსებს დამაჯერებლად სძლიეს - 88:54. სხვაობა დიდია, თუმცა ეს იმას არ ნიშნავს, რომ გუნდების შემადგენლობებზე ლაპარაკისგან თავი შევიკავოთ. დუდუ დადიანის მემორიალის პირველი დღე 2012-13 წლების სეზონის გახსნა იყო. ამიტომ ყველასთვის საინტერესოა, გუნდებში რა შეიცვალა.</p><p>სერიოზული ცვლილებები განხორციელდა სტუ-ში. გუნდში ერთბაშად ცხრა ახალწვეულია: ჩაჩიბაია, ჯანაშია, კვეტენაძე, კორკოტაძე, მინაშვილი, პირველაშვილი, დვალიშვილი, კუჭავა და ქორიძე. თუ შარშანდელ შემადგენლობას გავიხსენებთ, თამამად შეგვიძლია ვთქვათ, რომ წლეულს უკეთესი თუ არა, არანაკლები გუნდია. თუმცა, როგორც ნებისმიერ ახალშეკრებილ გუნდს, სტუ-საც შეთამაშება სჭირდება.</p><p>რაც შეეხება "ოლიმპს", კლუბის ხელმძღვანელობა სწორ გზას ადგას - შარშანდელი სეზონის შემდეგ ოლიმპელთა რიგებში დარჩნენ ის უცხოელები, რომლებმაც მწვრთნელების იმედები გაამართლეს (ნიკოლა ტუტუსი და ივო ჰოგერი). მათ დაემატა ორი ლეგიონერი სტენ სოკი (ესტონეთი) და ლუკა სიელკოჩა (ჩერნოგორია).</p><p>შემადგენლობა შეივსო ახალგაზრდებით, აკაკი დვალიშვილით, კოკა ტომარაძით, ნოდარ თენიეშვილით, ირაკლი მიქელაძეთ. მათ დავუმატოთ შარშანდელი ჩემპიოატის სნაიპერი მიხეილ ბერიშვილი და თამამად შეგვეძლება თქმა, რომ საქმე გვაქვს ჩემპიონატის ერთ-ერთ ფავორიტთან.</p><p>დანარჩენს უშუალოდ თამაშები გვიჩვენებს.</p><p><span style="color: #ff0000;"><strong>A ჯგუფი</strong></span></p><p><em><strong>არმია-თსუ 98:49</strong></em></p><p>19:19, 22:16, 24:6, 33:8</p><p>არმია: გამყრელიძე (7ქ, 4პ), ბაბიაშვილი (7ქ, 5მ), ა. ბოისა (8ქ), ვ. ბოისა (8ქ, 5მ), უგრეხელიძე (4ქ, 3პ), მილეიჯი (22ქ, 3პ, 3ჩ), წივწივაძე (2ქ, 5პ), შელბომი (7ქ, 8მ, 2დ), საყვარელიძე (6ქ, 3პ), შარაბიძე (8ქ, 5მ), ჯგერენაია (9ქ, 9მ), ფარღალავა (10ქ).</p><p>თსუ: ბაქრაძე (10ქ, 4პ), ასელაინი (4ქ, 7მ), მჭედლიშვილი, თავამაიშვილი (2ქ), ტეტელაშვილი (3ქ), ხანიაშვილი (2ქ), კობიძე (6ქ), ჩქარეული (13ქ), ხიზანიშვილი (3ქ), ნოზაძე (6ქ).</p><p>მსაჯები: მაჩალაძე, ბერეკაშვილი, მიქელაძე.</p><p>თუ სხვა გუნდები საქართველოს ჩემპიონატისთვის ემზადებიან, ჩემპიონ "არმიას" ორმაგი პასუხისმგებლობა აქვს - ეროვნული პირველობის პარალელურად ევროჩელენჯი უნდა ითამაშოს.</p><p>ისევე როგორც შარშან, არმიელების მიზანი მეორე ეტაპზე გასვლაა. თუ გუნდის შემადგენლობას გადავხედავთ, ეს მისია შესრულებადია, თუმცა მთავარია, კოტე ტუღუშის გაწვრთნილი გუნდი ევროთამაშებს სათანადოდ მომზადებული და შეთამაშებული შეხვდეს.</p><p>დუდუ დადიანის მემორიალის პირველ ტურში ითამაშა ორმა ლეგიონერმა, შვედმა იოაკიმ შელბომმა და ამერიკელმა კურტის მილეიჯმა. ორს შეხვედრაში მონაწილეობა არ მიუღია, ფეისონსა და უილსონს, რომლებიც საქართველოში ახალი ჩამოსულები არიან.</p><p>ცენტრი შელბომის შესაძლებლობებს შარშანდელი სეზონის შემდეგ კარგად ვიცნობთ, მილეიჯმა კი სადებიუტო შეხვადრაში თვალი მოგვჭრა: 8-დან 7 ორქულიანი, 3-დან 2 სამიანი, 3-დან 2 საჯარიმო ჩააგდო და 22 ქულის მოსაგროვებლად 17 წუთიც ეყო.</p><p>არაერთი ლეგიონერის გვარი ჩამოვთვალეთ, მაგრამ "არმიაში" ყველაზე ღირებული შენაძენი ქართველია - ვლადიმერ ბოისა.</p><p>ჩვენი გაზეთის ხუთშაბათის ნომერში ევროლიგაზე ნათამაშები ჩვენი კალათბურთელების მონაგარი გაგაცანით. ამ ტურნირზე ყველაზე მეტი, 7 სეზონი სწორედ ბოისას აქვს ჩატარებული.</p><p>თავის მხრივ, ვოვასაც სწორედ ისეთი ამბიციური გუნდი სჭირდებოდა, რომელიც საერთაშორისო ასპარეზზე ცდიდა ძალებს, ხოლო თავად გუნდის მნიშვნელოვანი ფიგურა იქნებოდა.</p><p>საკუთარი როლი ექნებათ გუნდში ახალწვეულ უკანახაზელებს ლაშა გამყრელიძეს, ლაშა ფარღალავასა და ბექა წივწივაძეს. 14 წუთში თითქმის ორმაგ დუბლს უწია გიორგი ჯგერენაიამ - 9 ქულა, 9 მოხსნა.</p><p>თსუ-ში მწვრთნელმა გიორგი ჩხაიძემ საინტერესო შემადგენლობა შეკრიბა. ეს ფუჭი სიტყვები რომ არ არის, შეხვედრის პირველ პერიოდშიც დავრწმუნდით. სტუდენტები სწრაფი, გააზრებული თამაშის წყალობით 14:6 დაწინაურდნენ. კარგად გამოიყურებოდა ვახტანგ ჩქარეული, რომელმაც თანაგუნდელთა შორის ყველაზე მეტი, 13 ქულა მოაგროვა.</p><p>მეორე ტაიმში გამოცდილებამ თავისი გაიტანა და "არმიამ" სეზონი მოგებით გახსნა.</p><p><em><strong>ქუთაისი-რუსთავი 65:62</strong></em></p><p>16:17, 16:20, 16:14, 17:11</p><p>ქუთაისი: ფაშაევი (6ქ, 9პ), ბაბუნაშვილი (10ქ), დიდია (2ქ), კვიმსაძე (10მ, 6პ), დ. ბარბაქაძე (8ქ), ლომინაშვილი (7ქ), გ. ბარბაქაძე 17ქ, 10მ), მათიაშვილი (15ქ, 8მ, 2დ).</p><p>რუსთავი: ბოუი (15ქ, 8მ, 5პ), ცეკვავა (6ქ, 7მ, 4პ), აბაიშვილი (5ქ), ჩაჩანიძე (2ქ), ჭოჭუა (11ქ, 6მ), ტუჯანი (8ქ, 11მ, 4ჩ), ათანელიშვილი (4ქ), მაჭავარიანი (2ქ), ხმელიძე (9ქ, 5მ).</p><p>მსაჯები: კუპატაძე, მაჩალაძე, ი. ბერიშვილი.</p><p>როგორც მოსალოდნელი იყო, ყველაზე თანაბარი თამაში "ქუთაისისა" და "რუსთავის" დაპირისპირება იყო.</p><p>ორწლიანი შესვენების შემდეგ რუსთაველებმა ძველი სახე დაიბრუნეს - გადაიყვანეს ქართულ კლუბებში მიმოფანტული რუსთაველი კალათბურთელები და ისეთი გუნდი შეკრიბეს, საპრიზო ადგილებისთვის თამამად რომ იბრძოლებს.</p><p>ქვემოქართლელებს ასევე ორი ლეგიონერი ჰყავთ - მეფარე ნელსონი და უკანახაზელი ბოუი. პირველს არ უთამაშია, ხოლო მეორემ დებიუტი 15 ქულით, 8 მოხსნითა და 5 პასით აღნიშნა. იგი მეტად მონდომებული ჩანდა.</p><p>შარშანდელი სეზონის შემდეგ ყველაზე ნაკლები ცვლილება "ქუთაისში" განხორციელდა - "რუსთავში" გადავიდა გოგა ცეკვავა და "არმიადან" დაემატა ბუბა კვიმსაძე.</p><p>მესამე პერიოდის ბოლოს "რუსთავი" 51:41 დაწინაურდა, რაც ერთი შეხედვით სოლიდური ფორა იყო, თუმცა ეს მხოლოდ ერთი შეხედვით ჩანდა - ქუთათურებმა მეოთხე პერიოდში სამქულიანებიც კარგად სტყორცნეს, სამწამიანი ზონიდანაც არაერთი ქულა მოაგროვეს და საფინალო სირენამდე 14 წამით ადრე 65:62 დაწინაურდნენ.</p><p>ბოლო შეტევა რუსთაველებს დარჩათ, თუმცა მიხეილ ჭოჭუას შორეულმა ტყორცნამ მიზანს ვერ მიაღწია.</p><p><span style="color: #ff0000;"><strong>დუდუ დადიანის მემორიალი</strong></span></p><p><span style="text-decoration: underline;">13 ოქტომბერი</span></p><p>11:00 შსს აკადემია-სტუ</p><p>13:00 რუსთავი-თსუ</p><p>15:00 არმია-ქუთაისი</p><p><strong>ყოველდღიური სპორტული გაზეთი "ლელო"</strong></p>
ფიბა ევროპის თასზე სეზონის პირველი გამარჯვება "ქუთაისმა" ჩეხეთში, "ბრნოსთან" მოიპოვა
ვართანოვი პოლონეთში, თვაური – ბულგარეთში | ფიბა ევროპის თასის მატჩებზე
ისტორიულ ბაქოურ დერბის თვაური იმსაჯებს | ქართველი მსაჯებ-კომისარი ევროტურნირებზე
[VIDEO. ეროვნული ლიგა] ორი გოლი პროტესტის ფონზე! "იბერია 1999" პირველ ადგილს ინარჩუნებს...
ზესტაფონის მარგვეთმა ბათუმში იმარჯვა და სუპერლიგაში გალიდერდა
კალათბურთის განვითარების პროგრამის ახალი სეზონი ქართლ-კახეთიდან დაიწყო
მოლაპარაკებები ჩიხში შევიდა - "რეალი" ვინისიუსის გასაყიდად მზადაა
ახალი ძალა ბორჯღალოსნებს ბუნებიდან - სვანიძის ზეთისხილი საქართველოს რაგბის ოფიციალური სპონსორი გახდა
[VIDEO] მამუკელაშვილის კარგი მატჩი - "ტორონტომ" ზედიზედ მეოთხე შეხვედრა მოიგო
19-წლამდელების შემადგენლობა საკვალიფიკაციო რაუნდის მატჩებისთვის
მიქაუტაძემ შიძლება "ესპანიოლთან" ვერ ითამაშოს
[VIDEO. ეროვნული ლიგა] დაგვიანებული ხომ არ არის? "კოლხეთმა" თბილისში "გაგრა" დაამარცხა....
18 წ. | მზადების დასკვნითი ფაზა
[VIDEO. ეროვნული ლიგა] თბილისის "დინამომ" ლუკა ლაცაბიძის სადებიუტო გოლით გაიმარჯვა
16-წლამდე ვაჟთა ნაკრები მოლდოვას დაუპირისპირდება
დე ლა ფუენტემ თბილისში წამოსასვლელად ესპანეთის ნაკრები დარაზმა
"ბორჯღალოსნები" | ქოქრილმა "არწივებისთვის" 23 შეარჩია
"ვილი საქართველოს ნაკრებისთვის საუკეთესო მწვრთნელია და მომავალშიც იქნება" - სანიოლის და იაშვილის პრესკონფერენცია
საბა ლობჟანიძეს "ატლანტა იუნაიტედი" "ბარსელონას" ყოფილმა თავკაცმა მეორედ ჩაიბარა
"ჯიუტად აგრძელებენ იმას, რაც წარუმატებლობისთვის განწირულია" - გულიტმა "ბარსელონას" შესახებ ისაუბრა
"ძალიან სასიამოვნო გრძობაა, როცა ოცნება ხდება" - იური ტაბატაძე
"დიასი პსჟ-სთან წითელ ბარათს არ იმსახურებდა" - ტონი კროოსი
მბაპეს აღარ შეეცილებიან - "რეალში" პენალტების შემსრულებელი ფრანგი იქნება