<p>ფრანგულმა კლუბებმა ევროთასები მოილიეს და ახლა ისევ ეროვნულ პირველობას უბრუნდებიან <br> ფრანგულმა კლუბებმა ევროთასები მოილიეს და ახლა ისევ ეროვნულ პირველობას უბრუნდებიან, სადაც უკვე მე-10 ტური უნდა გაიმართოს.</p><p>ცენტრალური მატჩი, ტრადიციულად კვირას გაიმართება - "ველოდრომზე" "ოლიმპიკების" დერბი უნდა შედგეს, ლიგა 1-ის ლიდერი პსჟ კი დღეს ნანსიში ჩადის...</p><p>"პარი სენ ჟერმენის" შვედი ლეგიონერი, ზლატან იბრაჰიმოვიჩი ჟურნალისტებმა თვის საუკეთესი ფეხბურთელად დაასახელეს.</p><p>31 წლის ფორვარდმა ხმათა 56 % მოაგროვა და მეორეზე გასული, ასევე პარიზელი, მარკო ვერატი ჩამოიტოვა, რომელმაც 25 % მიიღო. მესამე ადგილი "ლორიანის" ფორვარდმა ალენ ტრაორემ დაიკავა.</p><p>ეს კიდევ ერთი კარგი ამბავია პარიზელებისთვის, რომლებიც ჩემპიონატშიც ლიდერობენ და გარდა ამისა, კარლო ანჩელოტის შეგირდების კარგ განწყობაზე შუა კვირაში გამართულმა ჩემპიონთა ლიგის მატჩმაც იმოქმედა. შეგახსნეებთ, რომ პსჟ-მ ზაგრების "დინამოს" სტუმრად 2:0 მოუგო და 3 ტურის შემდეგ 6 ქულა მოაგროვა.</p><p>ამ ტურში ზლატანს და კომპანიას რთული მატჩი ელით, რადგან "ნანსი" შინ ტრადიციულად კარგად თამაშობს და პსჟ-ს იქ ძალიან დიდი ხანია, კერძოდ 2007 წლის შემდეგ არ მოუგია.</p><p>მაშინ "პარი სენ ჟერმენმა" 3:0 მოიგო, გოლები კი პედრო პაულეტამ, პიერ-ალან ფრომ და მარსელო გალიარდომ გაიტანეს. იქინდა მოყოლებული "ნანსიმ" 3 მატჩი მოიგო და 2 ფრედ ითამაშა. შარშან ამ გუნდების შეხვედრა მასპინძლების გამარჯვებით დასრულდა, 2:1.</p><p>ტურის ცენტრალური მატჩი კი მარსელში გაიმართება. ზედიზედ 6 მოგების შემდეგ "მარსელს" უკვე 3 ტურია არ გაუმარჯვია, თანაც თუ "პარი სენ ჟერმენთან" ფრე ცუდი შედეგი არ იყო, იმავეს ნამდვილად ვერ ვიტყვით "ვალანსიენთან" (1:4) და "ტრუასთან" (0:1) მარცხის შესახებ.</p><p>გარდა ამ მატჩებისა, ელი ბოპის გუნდმა შუა კვირაში მიონხენგლადბახის "ბორუსიასთანაც" წააგო და ახლა ჯგუფში მასთან მე-2-3 ადგილებს იყოფს.</p><p>"ლიონში" საპირისპირო განწყობაა - გუნდმა ბოლო ტურში "ბრესტს" მოუგო, ევროპალიგაზე კი შინ ბილბაოს "ატლეტიკი" დაამარცხა.</p><p>რემი გარდს რამდენიმე ფეხბურთელი აკლია, მათგან ყველაზე გამორჩეულები იოან გურკუფი და მიშელ ბასტოსი არიან. ასევე ვერ ითამაშებს კლემან გრენიე, რომელიც კი გამოჯანმრთელდა, მაგრამ ჯერ სათამაშოდ მზად არ არის.</p><p>"მარსელის" დანაკლისის შესახებ კი უკვე მოგახსენეთ, ანდრე-პიერ ჟინიაკი კიდევ დაახლოებით ერთი თვე ვერ ითამაშებს. მიუხედავად იმისა, რომ ვრცელდებოდა ინფორმაცია მატიო ვალბუენას, ანდრე აიუს და ლოიკ რემის ტრავმების შესახებ, მათ ხუთშაბათს ითამაშეს და "ლიონისთვისაც" მზად არიან.</p><p>2009 წელს "სტად ჟერლანზე" "ლიონმა" და "მარსელმა" ნამდვილი სპექტაკლი დადგეს. 3 წლის წინ გამართული ის მატჩი 5:5 დასრულდა, 81-ე წუთისთვის ანგარიში 2:4 იყო "მარსელის" სასარგებლოდ, 90-ე წუთზე კი უკვე "ლიონი" იგებდა.</p><p>მსგავსი შეხვედრის გამეორების ალბათობა, რა თქმა უნდა, მინიმალურია, მაგრამ ეს ორი გუნდი ყოველთვის საინტერესო თამაშს გვთავაზობს და მოსაწყენად ამჯერადაც ვერ უნდა მოვიცალოთ.</p><p><span style="text-decoration: underline;"><strong>სავარაუდო შემადგენლობები:</p><p></strong></span>მარსელი (4-2-3-1): მანდანდა - აბდალა, ფანი, ნკულუ, მორელი - კაბორე, შეირუ - ამალფიტანო, ვალბუენა, ა. აიუ - რემი.</p><p>ლიონი (4-3-3): ვერკუტრი - რევეიე, ბიშევაცი, ლოვრენი, დაბო - გონალონი, მალბრანკი, ლაკაზეტი - ბრიანი, ლოპესი, გომისი.<span style="color: #ff0000;"><strong></p><p>ლიგა 1. X ტური</strong></span></p><p>27 ოქტომბერი</p><p><em><strong>ლილი-ვალანსიენი 19:00</p><p></strong></em></p><p><em><strong>ნანსი-პსჟ 22:00</p><p></strong></em></p><p><em><strong>სოშო-ევიანი 22:00</p><p></strong></em></p><p><em><strong>მონპელიე-ნიცა 22:00</p><p></strong></em></p><p><em><strong>რეიმსი-ტრუა 22:00</p><p></strong></em></p><p><em><strong>ტულუზი-ბრესტი 22:00</p><p></strong></em></p><p>28 ოქტომბერი</p><p><em><strong>ლორიანი-აიაჩო 17:00</p><p></strong></em></p><p><em><strong>ბასტია-ბორდო 20:00</p><p></strong></em></p><p><em><strong>მარსელი-ლიონი 00:00</p><p></strong></em><span style="color: #ff0000;"><strong></p><p>სატურნირო ცხრილი</strong></span></p><p><em>ა გ თ მ ფ წ ბ ქ</p><p></em>1. პსჟ 9 5 4 0 15-5 19</p><p>2. მარსელი 9 6 1 2 12-8 19</p><p>3. ლიონი 9 5 3 1 14-8 18</p><p>4. ტულუზი 9 4 4 1 15-9 16</p><p>5. ვალანსიენი 9 4 3 2 19-9 15</p><p>6. ბორდო 9 3 6 0 11-7 15</p><p>7. რეიმსი 9 4 2 3 11-7 14</p><p>8. ლორიანი 9 3 5 1 15-15 14</p><p>9. რენი 9 4 1 4 12-12 13</p><p>10. სენტ ეტიენი 9 3 3 3 15-7 12</p><p>11. ლილი 9 2 5 2 11-11 11</p><p>12. ბასტია 9 3 2 4 12-20 11</p><p>13. აიაჩო 9 3 3 3 6-9 10</p><p>14. ბრესტი 9 3 1 5 8-14 10</p><p>15. ნიცა 9 1 6 2 12-13 9</p><p>16. მონპელიე 9 2 2 5 12-14 8</p><p>17. ევიანი 9 2 2 5 10-15 8</p><p>18. სოშო 9 2 1 6 8-14 7</p><p>19. ტრუა 9 1 2 6 9-18 5</p><p>20. ნანსი 9 1 2 6 3-15 5</p><p>* აიაჩოს - 2</p><p><strong>ბომბარდირები</strong>: 9 - იბრაჰიმოვიჩი (პსჟ); 6 - ბენ იედერი (ტულუზი); 5 - ობამეიანი (სენტ ეტიენი), ჟინიაკი (მარსელი), გომისი (ლიონი), ხელიფა (ევიანი).</p><p><strong>ყოველდღიური სპორტული გაზეთი "ლელო"</strong></p>
პსჟ-ს ტრავმის გამო კიდევ ერთი ფეხბურთელი გამოაკლდა
"სიტი" პსჟ-ს კიდევ ერთი ვარსკვლავის გადაბირებას ცდილობს
"ზაბარნის ყველაფერში დავეხმარები" - მარკინიოსმა უკრაინელ მცველს თანადგომა აღუთქვა
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
U17 | საქართველო 3:0 ლიეტუვა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ