- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
დილა-მერანი 2:1 - მარინ სკენდერმა შეწყვიტა, ნათან ჟუნიორმა დაიწყო
<p>საქართველოს ჩემპიონატი. უმაღლესი ლიგა. XI ტური <br> "დილას" ხორვატი მეკარის, <strong>მარინ სკენდერის</strong> მშრალი სერია, რომელიც შვიდ თამაშს ითვლიდა და აგვისტოდან მოყოლებული გრძელდებოდა, "მერანთან" მატჩში შეწყდა, თუმცა ბურთი მას თამაშიდან არც ამჯერად გაუშვია.</p><p>სკენდერს პენალტით გაუტანა <strong>გივი დიდავამ</strong>, რომელიც თავის მხრივ ასევე რეკორდზე მიდის და მომდევნო შეხვედრაში საქართველოს ჩემპიონატის რეკორდსმენი გახდება ჩატარებული მატჩების რაოდენობით.</p><p>გრძელდება <strong>გიორგი დარასელიას</strong> ხელმძღვანელობით "დილას" მოგებების სერიაც...</p><p>მართალია, მატჩის შემდგომ თვითონ დარასელიამაც აღიარა, რომ ეს არ იყო ისეთი გამარჯვება, როგორსაც მისმა გუნდმა მიაჩვია მაყურებელი, მაგრამ ცხადია, მასპინძლებისთვის უფრო მნიშვნელოვანი სამი ქულის მოპოვება გახლდათ.</p><p>შეხვედრის დაწყების წინ "დილას" ვებ-გვერდზე გამოკითხვის შედეგად გამოვლენილ გასული თვის საუკეთესო ფეხბურთელს <strong>გიორგი კახელიშვილს</strong> ფან-კლუბ "ლომკაცების" წარმომადგენელმა <strong>ბექა ბუხნიკაშვილმა</strong> პრიზი გადასცა. პასუხად გორელთა გუნდის მარჯვენაფლანგელმა ამ თამაშშიც მარჯვედ იმოქმედა და გაამართლა გულშემატკივრის იმედი.</p><p>მე-6 წუთზე სწორედ კახელიშვილის ზუსტად ჩაწოდებულს გამოეხმაურა მასპინძელთა ბრაზილიელი ლეგიონერი <strong>ნათან ჟუნიორი</strong>, საჰაერო ბრძოლა ორ მცველს მოუგო და ზუსტი თავურით გოლი გაიტანა.</p><p>ჟუნიორი გორში პირველად თამაშობდა და საკმაოდ მონდომებულიც იყო. ის არა მხოლოდ გატანილი გოლებით გამოირჩა, მისი თამაშიდანაც ჩანდა, რომ ბრაზილიელი ლეგიონერი შესამჩნევად გააძლიერებს გუნდის შეტევით პოტენციალს.</p><p>აქვე აღვნიშნავთ, რომ "დილაში" კიდევ ერთი ბრაზილიელის, <strong>რამოს დოს სანტოს ლეონარდოს</strong> ხილვაა მოსალოდნელი, რომელიც ამ მატჩს ტრიბუნიდან ადევნებდა თვალს.</p><p>დებიუტშივე დაწინაურებამ მასპინძლებს ნაადრევად დამშვიდების საშუალება მისცა, თუმცა გორელებს თამაშის სადავეები ხელიდან არ გაუშვიათ, აშკარა ტერიტორიულ უპირატესობას ფლობდნენ და მეთოდურად "ამწიფებდნენ" მორიგ გოლს. უნდა აღინიშნოს, რომ მასპინძელთა იერიშები, ძირითადად, ფლანგებზე იშლებოდა და საჯარიმოში ჟუნიორის მისამართით ჩაწოდებებით მთავრდებოდა.</p><p>შეტევის მარჯვენა ფლანგიდან კახელიშვილი, საპირისპირო ფლანგზე კი ჯერ <strong>გურული</strong>, ხოლო პირველი ტაიმის შუაწელიდან მისი ცენტრში შემოწევის შემდეგ <strong>კლიმიაშვილი</strong> ხშირად ამწვავებდნენ თამაშს.</p><p>ჟუნიორი გოლის მერე ერთხელ ისევ თავურით დაემუქრა მეტოქის კარს, მაგრამ ამჯერად <strong>შეროზიამ</strong> არ გაატანინა.</p><p>36-ე წუთზე სტუმართა მცველების მიერ უხეიროდ მოგერიებული ბურთი კლიმიაშვილმა კარისკენ რომ გაგზავნა, კვლავ შეროზიამ მოიგერია კუთხურზე.</p><p>ვინაიდან საპასუხო კონტრშეტევები მარტვილელ ფეხბურთელებს მწვავე არ გამოსდიოდათ, რამდენჯერმე შორეული დარტყმებით სცადეს ხეირის ნახვა. ამ გზით, განსაკუთრებით სახიფათოდ მე-17 წუთზე <strong>ნოდარ ნოზაძე</strong> დაემუქრა სკენდერის კარს, თუმცა ხორვატმა ეფექტური ნახტომით მოიგერია ბურთი.</p><p>ცოტა ხანში <strong>გიორგი რეხვიაშვილისა</strong> და <strong>გიორგი ონიანის</strong> ორთაბრძოლას "დილას" კარის მიმართულებით დანიშნული პენალტი მოჰყვა, რომლის რეალიზება დიდავამ ზუსტად შეასრულა - 1:1.</p><p>როგორც გორელი ფეხბურთელები, ისე ადგილობრივი მაყურებლები უკმაყოფილონი დარჩნენ დანიშნული პენალტით და მომდევნო პერიოდში არბიტრის მიერ მიღებულ მასპინძელთა საწინააღმდეგო ლამის ყოველ გადაწყვეტილებებზე მწვავედ რეაგირებდნენ.</p><p>ყველაზე დიდი ხმაური 57-ე წუთზე "მერანის" კართან შექმნილი არეულობის შედეგად ჟუნიორის მიერ გატანილ მეორე გოლს მოჰყვა, რომელიც თანამსაჯის მიერ თამაშგარედ შეფასდა.</p><p>მთავარი მსაჯი <strong>არსენ ნონიკაშვილი</strong> თავდაპირველად დაეთანხმა მას, თუმცა მასპინძელთა პროტესტისა და კოლეგასთან კონსულტაციის შემდეგ გოლი ჩათვალა - 2:1.</p><p>ანგარიშში ხელახლა დაწინაურებული "დილა" ხასიათზე მოვიდა, უფრო ენერგიულად შეუტია და მართალია, თამაშის სანახაობრივი მხარე არ გაზრდილა, მაგრამ სახიფათო მომენტებმა მარტვილელთა კართან იმატა. თუმცა გოლამდე ორიოდ წუთით ადრე გიორგი კახელიშვილის აშკარად ხელსაყრელი მომენტიც უნდა გამოვყოთ, როდესაც მისი თავური ცარიელ კარს ასცდა.</p><p>ამის შემდეგ <strong>გიგა ბეჭვაიას</strong> შორეული ძლიერი დარტყმა მცირედით აცდა კარის ძელს. ერთხელაც ჟუნიორის მსგავსმა მცდელობამ ჩაიარა ფუჭად.</p><p>ანგარიშში მინიმალური სხვაობის მიუხედავად, "დილას" მოგება ეჭვის ქვეშ აღარ დაუყენებია; მეტიც, 86-ე წუთზე სწრაფი სახიფათო კონტრშეტევისას<strong> გოგიტა გოგუას</strong> რომ მასზე გაცილებით უკეთეს პოზიციაში მყოფი გურულისთვის გაეკეთებინა პასი, ადვილი შესაძლებელი იყო, მესამე გოლიც გვენახა.</p><p><span style="color: #ff0000;"><strong>მატჩის შემდეგ</strong></span></p><p><strong>არჩილ ჩხაბერიძე (მერანი):</strong><em></p><p>"გაცილებით რთულ თამაშს ველოდით, თუმცა 1:1-ზე იმის შესაძლებლობა გაჩნდა, რომ წინაც გავსულიყავით.</p><p>შესამჩნევი დაძაბულობის გამო თამაშის დინამიკა სახარბიელო არ ყოფილა. მეორე გოლის მომენტში კი ჩემთვის გაუგებარია, რატომ არ დაეთანხმა მთავარი მსაჯი თანამსაჯის მიერ ნაჩვენებ თამაშგარეს".</em></p><p><strong>გიორგი დარასელია (დილა):</strong><em></p><p>"ეს იყო პირველი თამაში, როდესაც ჩვენ ვერ მოვიგეთ ისე დამაჯერებლად, როგორც გასულ მატჩებში, თუმცა ჩემმა ფეხბურთელებმა ყველაფერი გააკეთეს მოსაგებად და შედეგიც მიიღეს.</p><p>არბიტრის მოქმედებებზე კი არც არასოდეს გამიკეთებია კომენტარი და არც ახლა ვაპირებ".</em></p><p><span style="color: #ff0000;"><strong>საქართველოს ჩემპიონატი. უმაღლესი ლიგა. XI ტური</strong></span></p><p>27. 10. გორი. თ. ბურჯანაძე. 3000 მაყურებელი</p><p><em><strong>დილა-მერანი 2-1</strong></em></p><p>1:0 ჟუნიორი (6, კახელიშვილის პასით), 1:1 დიდავა (38, პენალტით), 2:1 ჟუნიორი (57)</p><p><em>დილა მერანი</em></p><p>4-2-3-1 4-5-1</p><p>სკენდერი შეროზია</p><p>ალადაშვილი მჭედლიშვილი</p><p>გ. ონიანი იობაშვილი</p><p>თომაშვილი ქარქუზაშვილი</p><p>კვირკველია გელაჭეიშვილი</p><p>ბეჭვაია ბუკია</p><p>გოგუა დიდავა</p><p>კახელიშვილი ნ. ნოზაძე</p><p>კლიმიაშვილი კუჭუხიძე</p><p>ს. გურული ფონიავა</p><p>ჟუნიორი რეხვიაშვილი</p><p><em>მწვრთნელები:</em></p><p>გ. დარასელია - მ. ჟვანია</p><p><em>დილა</em></p><p>68. კახელიშვილი - არზიანი</p><p>75. ალადაშვილი - კაშია</p><p>84. ჟუნიორი - ახალკაცი</p><p>სათადარიგოები: შეყრილაძე, ჯიშკარიანი, გვალია, გორელიშვილი</p><p><em>მერანი</em></p><p>67. ნოზაძე - ს. ლომია</p><p>82. გელაჭეიშვილი - ტორონჯაძე</p><p>სათადარიგოები: ბერია, კიკალიშვილი, გ. ჟვანია, მელიავა, გაბისონია</p><p><em>გაფრთხილება:</em> ონიანი (38), გელაჭეიშვილი (39), კვირკველია (43), იობაშვილი (88), ფონიავა (90)</p><p><em>არბიტრი:</em> ა. ნონიკაშვილი</p><p><strong>ყოველდღიური სპორტული გაზეთი "ლელო"</strong></p>
"იბერია 1999"-მა ბათუმში მოიგო
"დილამ" "ტორპედოს" ანდრონიკაშვილის გოლით მოუგო
"დინამო თბილისისა" და "გარეჯის" მოგებები, "სამგურალი"-"გაგრას" ფრე
"ახლა გუნდებს სჯერათ, რომ ჩვენთან დადებითი შედეგის მიღწევა შეუძლიათ" - სლოტმა "სანდერლენდთან" მატჩი შეაფასა
კიტეიშვილის "შტურმი" სახლში დამარცხდა და ვერ გალიდერდა
ფუტსალის ნაკრები საერთაშორისო ტურნირზე იასპარეზებს
[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა
პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა
[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ
[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ
სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან
"შავი ლომი" ჩელენჯ თასს "მონპელიეთი" იწყებს
[VIDEO] "ბარსელონამ" სახლში "ატლეტიკოს" მოუგო
20 წ. | დიდი სხვაობით "კუდუსთან"
"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს
"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა
მამის ნაკვალევზე - ისაგო სილვამ "ჩელსისთან" კონტრაქტი გააფორმა
"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა
იტალიაში საუკეთესოები აღიარეს - მაკტომინეი, "ნაპოლი", კონტე
რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს
"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა
"ბაიერნის" პრეზიდენტმა ჰარი კეინის მომავალზე ისაუბრა
დიდი დაბრუნება სამწვრთნელო პოსტზე "რეალში"? - ალონსოს მუშაობა შესაძლოა, ძალიან მოკლევადიანი აღმოჩნდეს