<p>როგორც იცით, 18 ოქტომბერს თბილისში ევროპის 17-წლამდელთა ჩემპიონატის პირველი შესარჩევი ეტაპის ერთ-ერთი ჯგუფი დაიწყება...</p><p><br> როგორც იცით, 18 ოქტომბერს თბილისში ევროპის 17-წლამდელთა ჩემპიონატის პირველი შესარჩევი ეტაპის ერთ-ერთი ჯგუფი დაიწყება. საქართველოს ნაკრები ელიტრაუნდში გამსვლელ საუკეთესო ორ გუნდში მოხვედრისთვის ეროვნულ სტადიონზე პოლონეთთან, ინგლისსა და შვედეთთან იბრძოლებს.</p><p>იმის მიუხედავად, რომ საკვალიფიკაციო ციკლის დაწყებამდე კვირაზე ნაკლებიღა გვრჩება, ჯერაც კითხვის ნიშნის ქვეშ დგას საქართველოს 17-წლამდელთა ნაკრებში ლუკას ჰუფნაგელის თამაშის საკითხი. "ლელოს" მკითხველმა კარგად იცის, რომ ეს ნიჭიერი ნახევარმცველი მიუნხენის "ბაიერნის" აღზრდილია და დედით ქართველია. ლუკასმა საქართველოს ღირსების დაცვა გადაწყვიტა, მისმა ოჯახმაც ძალიან მოინდომა და ჰუფნაგელმა ჩვენი ნაკრების შემადგენლობაში პალანგის საერთაშირისო ტურნირზე იასპარეზა, სადაც საუკეთესო ნახევარმცველის პრიზი მიიღო.</p><p>თითქოს ყველაფერი მოგვარებული იყო და ოფიციალურ ტურნირებში მის თამაშს წინ არაფერი ედგა, მაგრამ ბოლო დღეებში გაირკვა, რომ ჰუფნაგელისთვის ქართული პასპორტის აღება ფერხდებოდა. გუშინ ამ თემაზე ინფორმაციის გაგება საქართველოს 17-წლამდელთა ნაკრების მთავარი მწვრთნელის, კობა ჟორჟიკაშვილისგან ვცადეთ, მაგრამ ახალი ვერაფერი შევიტყვეთ.</p><p>"ეს საკითხი ჯერ კიდევ არაა დადებითად გადაწყვეტილი, მაგრამ მაინც გვაქვს იმის იმედი, რომ ფორმალობების მოგვარება მოესწრება. ლუკასი გერმანიის მოქალაქეა, მაგრამ ქართული პასპორტი ყოველ მიზეზგარეშე ეკუთვნის, რადგან დედა საქართველოს მოქალაქე ჰყავს. მიკვირს, რატომ გაჭიანურდა ამ საკითხის დადებითად გადაჭრა. ჰუფნაგელი ჩვენი გუნდისთვის ძალიან საჭირო ფეხბურთელია და ვიმედოვნებ, ყველაფერი ჩვენთვის სასიკეთოდ გადაწყდება. უეფაში გუნდის განაცხადის შეტანამდე დრო ჯერ კიდევ გვაქვს და ბუნებრივია, ლუკასისთვის ქართული პასპორტის აღება მანამდე უნდა მოვასწროთ", - გვითხრა ჟორჟიკაშვილმა.</p><p>ამ გაჭიანურებულ ამბავს ნათელი მას შემდეგ მოეფინება, რაც საქართველოს ფეხბურთის ფედერაციის ხელმძღვანელობა ლატვიიდან დაბრუნდება – იქ ქართული ფეხბურთის მესვეურები ლატვია-საქართველოს ეროვნული ნაკრებების მატჩზე დასასწრებად არიან წასულნი და ბუნებრივია, ჰუფნაგელის საკითხის დადებითად გადაწყვეტა მათ აკისრიათ.</p><p>ლუკასი კი საქართველოში სავარაუდოდ, ორიოდე დღეში ჩამოვა და აქ შეიტყობს, როგორ გადაწყდება მისი ამბავი. დაგვეთანხმებით, მეტისმეტად არასასიამოვნოა, როცა ქართული ფეხბურთისთვის ასეთი მნიშვნელოვანი საკითხი ზედ სანაკრებო შეხვედრების წინ წყდება. ღმერთმა, უდავოდ დიდი პერსპექტივის მქონე ტალანტი არ დავკარგოთ...</p><p>საბოლოოდ გამოირიცხა საქართველოს 17-წლამდელთა გერმანიაში მოთამაშე კიდევ ერთი ნიჭიერი ქართველის, "მიუნხენ 1860"-ის აღზრდილი ლუკა ჩხაიძის თამაში. ჰუფნაგელების მსგავსად, ჩხაიძეების ოჯახსაც დიდი სურვილი ჰქონდა, რომ ლუკას საქართველოს სახელით ეთამაშა, მაგრამ იურიდიულად ჩხაიძისთვის საქართველოს მოქალაქეობის მინიჭება ვერ ხერხდება, რადგან მამაც და დედაც გერმანიის მოქალაქეები ჰყავს. შეგახსენებთ, მან საქართველოს 17-წლამდელთა ნაკრების შემადგენლობაში არცთუ დიდი ხნის წინ, სომხეთში გამართულ ამხანაგურ მატჩებში ითამაშა.</p><p><strong>ყოველდღიური სპორტული გაზეთი</p><p>"ლელო"</strong></p>
sasha
მინდა რომ ვცდებოდე მაგრამ ამ ვებ გვერდის მონაცემების მიხედვით ლუკასი 21 წლის არის http://www.fu-pa.de/spieler/lukas-hufnagel-4943.html და ირიცხება TSV Triftern გუნდში
[VIDEO] ერთმანეთზე ლამაზი გოლებით - საქართველოს 21-წლამდელთა ნაკრებმა მალტა გაანადგურა
U21 | მალტა V საქართველო - მატჩისწინა ვარჯიში "სენტენარიზე"
"შეტევაში გვიჭირს, ძალიან - რესურსებში შეზღუდული ვართ" - სვანაძემ მძიმე პრობლემების შესახებ ისაუბრა
ფრე დინამოების დაპირისპირებაში; წყალტუბოელთა მოგება ფოთში
ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა
დავითაშვილის "სენტ-ეტიენმა" შინ მარცხი განიცადა
საქართველო 3:2 ყირგიზეთი
39 დღე გაძლო - "ნოტინგემმა" პოსტეკოღლუ გაათავისუფლა
"აქ ნებისმიერ მწვრთნელს კრიზისამდე ერთი მატჩი აშორებს" - ბრუნო ფერნანდეშმა რუბენ ამორიმი დაიცვა
"ქუთაისმა" რუსთავში იმარჯვა, "ორბმა" ტყიბულში თსუ-ს სძლია
"ალბათ, სეზონის ბოლოს "ბარსელონას" დატოვებს" - ცნობილი გერმანელი ჟურნალისტი ლევანდოვსკის მოამვალზე წერს
რაფაელ ბენიტესი ბერძნულ გუნდს ჩაიბარებს
გვარდიოლამ გაამხილა, როდის იფიქრებს მწვრთნელის კარიერის დასრულებაზე
[VIDEO] მამუკელაშვილის 17 წუთი - "ტორონტო რაპტორსმა" პრესეზონი "ბრუკლინთან" გამარჯვებით დაასრულა
ლიდერი შეიცვალა... "გარეჯმა", "ტორპედომ" და "იბერია 1999"-მა მოიგეს
საქართველოს ნაკრები - ორი მარცხი და ორი ადგილით უკუსვლა რეიტინგში
როგორი შეფასებები მიიღეს პსჟ-ს ფეხბურთელებმა "სტრასბურგთან" მატჩში?
ხვიჩა შეცვლაზე და პსჟ-ს საბრძოლო ფრე "სტრასბურგთან"
"შავი ლომი" | არის რევანში - "ჩიტასი" დამარცხებულია
მიქაუტაძემ შეიძლება "ბეტისთან" ვერ ითამაშოს - ცნობილი გახდა მიზეზი
"სტრასბურგთან" მატჩში პსჟ-ს შემადგენლობა ცნობილია
ფუტსალი | საქართველოს ნაკრები ორ ამხანაგურ მატჩს გამართავს
კანტე ევროპაში ბრუნდება? - ფრანგს სერიოზული მსურველი ჰყავს