<p>მოლაპარაკებები უმაღლესი ლიგის მონაწილეთა შორის ამ საკითხთან დაკავშირებით უკვე დაწყებულია <br> "დეილი მეილის" ინფორმაციით, პრემიერლიგის კლუბების მესაკუთრეთა უმრავლესობა, მათ შორის, "ჩელსის" მეპატრონე რომან აბრამოვიჩი, "მანჩესტერ სიტის" შეიხ მანსური და "მანჩესტერ იუნაიტედის" მალკოლმ გლეიზერი, მომხრეა, რომ ლიგამ ხელფასების ზედა ზღვარი დააწესოს, რაც კლუბებს საშუალებას მისცემს, რომ მომავალს შედარებით ოპტიმისტურად უყურონ.</p><p>კულუარული ინფორმაციით, პროექტის მთავარი ლობისტი სწორედ უკანასკნელია. გამოცემის მტკიცებით, მოლაპარაკებები უმაღლესი ლიგის მონაწილეთა შორის ამ საკითხთან დაკავშირებით უკვე დაწყებულია.</p><p>მოსალოდნელია, რომ წინასწარ შეთანხმებაზე ხელის მოწერა 15 ნოემბერს ლონდონში დანიშნულ შეხვედრაზე შედგება. სავარაუდოა, რომ კლუბები ყოველწლიურად სახელფასო ფონდის არა უმეტეს 5%-ით გაზრდაზე შეთანხმდებიან.</p><p>იმისთვის, რომ გადაწყვეტილება მიღებულად ჩაითვალოს, მას 20-დან 14 კლუბი მაინც უნდა დათანხმდეს.</p><p>ჯერჯერობით ერთადერთი, ვინც იდეის წინააღმდეგ ხმა აიმაღლა, "ფულჰემის" მმართველი მოჰამედ ალ-ფაიედია.</p><p>მომდევნო სეზონიდან ძალაში შედის პრემიერლიგასა და საკაბელო მაუწყებლებს შორის დადებული ახალი ხელშეკრულება, რომლის თანახმადაც, კლუბები ბევრად უფრო დიდ შემოსავალს მიიღებენ.</p><p>ფეხბურთელებსა და მათ აგენტებს იმედი ჰქონდათ, რომ მათთვის ეს ვაჭრობის კარგი საგანი იქნებოდა ახალი ხელშეკრულებებისთვის ბრძოლის საქმეში, მაგრამ, როგორც ჩანს, მათ ოცნებებს ასრულება არ უწერია.</p><p>2010/11 წლების სეზონში პრემიერლიგის კლუბების აუდიტორული შემოწმების შემდეგ გაირკვა, რომ მათ მარტო ფეხბურთელთა ხელფასებზე 1.5 მილიარდი ფუნტი გაიღეს, რაც საერთო შემოსავლის 69%-ს შეადგენს (2000/01 წლების სეზონზე ანაზღაურებაზე მხოლოდ 61% იხარჯებოდა).</p><p>კლუბების საერთო ვალმა მიმდინარე პერიოდისთვის 2.4 მილიარდი შეადგინა. პრემიერლიგელებმა სულ სეზონის განმავლობაში 360 მილიონის წაგება ნახეს. აქედან 197 "მანჩესტერ სიტის" ანგარიშზეა, 68 - "ჩელსის" და 49 - "ლივერპულის". 1990 წელს პრემიერლიგაში ფეხბურთელების საშუალო ხელფასი კვირაში 1775 ფუნტი იყო, 2010-ში კი ნიშნულმა 35 ათასს უწია.</p><p><strong>ყოველდღიური სპორტული გაზეთი "ლელო"</strong></p>
ოფიციალურად: შონ დაიჩი პრემიერ ლიგას დაუბრუნდა
ლეგენდარული ინგლისელი ფეხბურთელის ვაჟი 21 წლის ასაკში ტრაგიკულად გარდაიცვალა
ფაბიო ბორინი ინგლისის მე-4 ლიგის კლუბში ჩაირიცხა
შენგელიას 13 ქულა და "ბარსელონას" საშინაო მარცხი "ჟალგირისთან"
"იმედი მაქვს, "ბარსელონაში" დავრჩები" - მარკუს რაშფორდი
შენგელიას 13 ქულა და "ბარსელონას" საშინაო მარცხი "ჟალგირისთან"
კიტეიშვილის "შტურმი" ოთხი გამარჯვების შემდეგ "სელტიკთან" დამარცხდა
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"თოფურია ყალბია. ის ქართველიც კი არ არის, გერმანიაში დაიბადა და გერმანელია" - პიმბლეტმა Marca-ს ეთერიდან თოფურია გამოიწვია
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს