<p>7 ნოემბერს, თბილისის დროით 23:30 საათზე, საქართველოს ჩემპიონი ევროჩელენჯის გათამაშებაში ჩაერთვება <br> 7 ნოემბერს, თბილისის დროით 23:30 საათზე, საქართველოს ჩემპიონი ევროჩელენჯის გათამაშებაში ჩაერთვება.</p><p>მატჩი ასე გვიან იმიტომ იმართება, რომ ჩვენი გუნდის მასპინძელი ისრაელის "ჰაპოელია". ეს ქვეყანა კი ევროპული დროით ცხოვრობს (სხვაობა 3 საათია).</p><p><span style="color: #ff0000;"><strong>დღეს</strong></span></p><p>არმიელები ისრაელში მოსაგებად გაემგზავრნენ. შემადგენლობებს თუ გადავხედავთ, ამის შანსი ჩვენს გუნდს ნამდვილად აქვს, თუმცა ბევრი რამ დამოკიდებულია კონკრეტული შეხვედრისთვის მომზადებაზე, შეთამაშებასა და კიდევ უამრავ ფაქტორზე.</p><p>იმედი დავიტოვოთ, რომ "არმია" სადღეისოდ უკეთეს კონდიციებშია. თბილისელთა შემადგენლობა თანაბრადაა დაბალანსებული. მწვრთნელ <strong>კოტე ტუღუშს</strong> ჰყავს ცენტრებიც, კარგი გამთამაშებლებიცა და პერიმეტრიდან მსროლელებიც.</p><p>"ჰაპოელში" კი სხვა სიტუაციაა - ჰოლონელების ყველაზე მაღალი კალათბურთელები 203 სმ-ს არ აღემატებიან.</p><p><em>"მეტოქე აქცენტს სწრაფ კალათბურთზე აკეთებს, თუმცა ჩვენ უფრო მაღალი შემადგენლობა გვყავს და ვეცდებით, ეს უპირატესობა სათანადოდ გამოვიყენოთ,</em> - განაცხადა "არმიის" თავკაცმა <strong>კოტე ტუღუშმა</strong> და დასძინა. - <em>წელს აქცენტს გამოცდილებაზე ვაკეთებთ და ვიმედოვნებთ, რომ შედეგსაც მივიღებთ"</em>.</p><p>ებრაულ საიტ "ვანზე" გამოქვეყნდა "ჰაპოელი"-"არმიას" მატჩის წინათქმა, რომელშიც ჩვენი გუნდის თითოეული კალათბურთელია დახასიათებული და ნათქვამია - "არმია" ჯგუფის ერთ-ერთი საუკეთესო გუნდიაო.</p><p>იქვე ვგებულობთ, რომ "ჰაპოელი" ევროსარბიელზე დიდი ხნის შესვენების შემდეგ დაბრუნდა. ბოლოს 1997 წელს კორაჩის თასზე იასპარეზა.</p><p><span style="color: #ff0000;"><strong>ხვალ</strong></span></p><p>ორიოდე სიტყვა ევროჩელენჯის ფორმატზეც ვთქვათ. 8-ოთხგუნდიანი ჯგუფიდან მომდევნო ეტაპზე ორ-ორი საუკეთესო გავა. H ჯგუფში "არმიას" და "ჰაპოელის" გარდა, ბელგიის "ანტვერპენი" და გერმანიის "ტელეკომი" გამოდიან.</p><p>მეორე ეტაპზე გასული 16 გუნდი 4 ჯგუფად გაიყოფა და მეოთხედფინალის 8 საგზურისთვის იბრძოლებს.</p><p><span style="color: #ff0000;"><strong>გუშინ</strong></span></p><p>"არმია" ევროსარბიელზე მეორედ ასპარეზობს. შარშან მეორე ეტაპამდე ერთი ნაბიჯი დააკლდა - ორი მატჩის ჯამში "ლეიდენს" ვერ აჯობა და ჯგუფში მესამე ადგილი დაიკავა.</p><p>ქართული საკლუბო კალათბურთისთვის ყველაზე გამორჩეული 1961-62 წლები იყო, როცა თბილისის "დინამომ" ჩემპიონთა თასის ფინალში თვით მადრიდის "რეალს" მოუგო. დინამოელებს უფრო ადრეც შეეძლოთ ამავე თასის დაუფლება, მაგრამ ჩემპიონთა თასის ფინალში რიგელებთან დამარცხდნენ.</p><p>1968-69 წლების სეზონში <strong>ზურაბ საკანდელიძის</strong> წინამძღოლობით თბილისელებს მეორე ტიტულის მოგების შანსი ჰქონდათ, მაგრამ საპორტას თასზე ჩეხეთის "პრაღასთან" ფინალში 6 ქულის სხვაობით დამარცხდნენ.</p><p>მას მერე ჩვენებს ევროსარბიელზე ღირებული წარმატებისთვის აღარ მიუღწევიათ. თუმცა იყო გამონათებები, ისეთი, როგორიც "ვითა"-"კიორმენდის" მატჩში...</p><p>ბოლოს ქართველებმა ჯგუფური ეტაპი 2002-03 წლების სეზონში გადალახეს - თბილისის "დინამომ" (<strong>ლევან მოსეშვილი</strong> წვრთნიდა) ჯგუფში აზერბაიჯანის "ნტდ-დევონს" აჯობა და იუჟნის "ხიმიკთან" ერთად მეოთხედფინალში გავიდა, სადაც უკრაინულ "აზოვმაშთან" დამარცხდა.</p><p><span style="color: #ff0000;"><strong>ჰაპოელი (ჰოლონი)</strong></span></p><p><em>N მოთამაშე სმ პოზიცია დაბ. წ. ეროვნება</em></p><p>15 ლოურენს ჰილი 203 ფორვარდი 1987 აშშ</p><p>11 ჯერომ დეისონი 191 უკანახაზელი 1987 აშშ</p><p>7 ზეკ როზენი 185 გამთამაშებელი 1989 აშშ/ისრაელი</p><p>4 ტაილერ სმიტი 201 ფორვარდი 1986 აშშ</p><p>6 ფრენკ ჰასელი 203 ფორვარდი 1988 აშშ</p><p>8 ოფირ ფარჰი 186 გამთამაშებელი 1986 ისრაელი</p><p>12 შლომი ჰარუში 185 უკანახაზელი 1987 ისრაელი</p><p>5 შონ დანიელი 197 ფორვარდი 1989 ისრაელი/აშშ</p><p>10 ელიავ მოსიაშვილი 200 ფორვარდი 1994 ისრაელი</p><p>9 ალექს ჩერნაუშევიჩი 190 უკანახაზელი 1993 ისრაელი</p><p>14 ური ზოჰარი 200 ფორვარდი 1990 ისრაელი</p><p>13 გონენ დავიდი 190 მსროლელი 1994 ისრაელი</p><p><span style="color: #ff0000;"><strong>არმია (თბილისი)</strong></span></p><p><em>N მოთამაშე სმ პოზიცია დაბ. წ. ეროვნება</em></p><p>10 კურტის მილეიჯი 185 უკანახაზელი 1981 აშშ</p><p>32 ლემეინ უილსონი 204 ფორვარდი 1980 აშშ</p><p>14 იოაკიმ შელბომი 213 ცენტრი 1979 შვედეთი</p><p>4 ლაშა გამყრელიძე 183 გამთამაშებელი 1986 საქართველო</p><p>6 ანატოლი ბოისა 192 უკანახაზელი 1983 საქართველო</p><p>7 ვლადიმერ ბოისა 209 ფორვარდი 1981 საქართველო</p><p>21 დავით საყვარელიძე 201 ფორვარდი 1986 საქართველო</p><p>22 მარკუს ფეისონი 196 უკანახაზელი 1978 აშშ/ბელგია</p><p>5 ზვიად ბაბიაშვილი 200 ფორვარდი 1978 საქართველო</p><p>55 ლაშა ფარღალავა 191 უკანახაზელი 1987 საქართველო</p><p>24 გიორგი ჯგერენაია 206 ფორვარდი 1990 საქართველო</p><p>23 გიორგი შარაბიძე 210 ცენტრი 1990 საქართველო</p><p>13 ბექა წივწივაძე 190 უკანახაზელი 1989 საქართველო</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
ისტორიულ ბაქოურ დერბის თვაური იმსაჯებს | ქართველი მსაჯებ-კომისარი ევროტურნირებზე
ვიქტორ სანიკიძე ჩემპიონთა ლიგის საშეჯიბრო კომიტეტის ხელმძღვანელად დაინიშნა
ზედიზედ მეორედ ევროსარბიელზე | "ქუთაისმა" ფიბა ევროპის თასი ჩეხურ "ბრნოსთან" მარცხით გახსნა
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა