- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
გერმანია. ბუნდესლიგა. XI ტურის შეჯამება და სიმბოლური ნაკრები
<p>ფრანკ რიბერი და დავიდ ალაბა<strong></strong> დაძმობილდნენ და ქვას ქვაზე აღარ ტოვებენ <br> ბუნდესლიგის მე-11 ტური დატვირთული იყო გოლებით, მატჩების წაღმა-უკუღმა ტრიალითა და თვალსასეირო გოლებით.</p><p>შევეცადეთ, საფეხბურთო გერმანიაში გასულ უქმეებზე მომხდარი ამბებიდან ყველაზე საინტერესოები აგვერჩია.</p><p><span style="color: #ff0000;"><strong>აინტრახტისთვის ჯერ ადრეა</strong></span></p><p>გულახდილად ვიტყვით: ფრანკფურტის "აინტრახტზე" რაღაცნაირად გული დაგვწყდა. უფრო სწორად, არმინ ფეეს მართლაც საკმაოდ სიმპათიური გუნდი შეგვეცოდა.</p><p>ეს, განსაკუთრებით, ფრანკფურტელთა კარის დარაჯ კევინ ტრაპზე ითქმის, რომელმაც "ბაიერნთან" აიღო ყველაფერი - ასაღებიც და აუღებელიც, მაგრამ მისი გუნდი რეკორდმაისტერთან მაინც დამარცხდა და მართალია, კევინმა საუკეთესო შეფასებები დაიმსახურა და მის გვარს ტურის ჩვენეულ სიმბოლურშიც შევხვდებით, მაგრამ გუნდი უქულოდ დარჩა და, რაც ყველაზე მნიშვნელოვანია, ყველანი საბოლოოდ დავრწმუნდით, რომ "აინტრახტისთვის" ტურის ცენტრალური მატჩები ჯერ ადრეა...</p><p><span style="color: #ff0000;"><strong>პაულ შარნერის </strong>"<strong>იდეალური</strong>"</span><strong><span style="color: #ff0000;"> დებიუტი</span></p><p></strong>დებიუტიც ასეთი უნდა... ასეთი გულისამრევი! "ჰამბურგის" ხელმძღვანელები, მწვრთნელები, გულშემატკივრები და ფეხბურთელები მოუთმენლად ელოდნენ იმ დღეს, როცა პაულ შარნერი პირველად მოირგებდა ჩრდილოგერმანული კლუბის ფორმას.</p><p>გერმანულ პრესაშიც მუდმივად იმაზე იყო საუბარი, რომ ეს ექსტრავაგანტური ავსტრიელი მცველი ტორსტენ ფინკის გუნდს დაცვაში სტაბილურობას შემატებდა და "ჰამბურგს" ჩემპიონთა ლიგის საგზურისკენ მიმავალ გზაზე დააყენებდა.</p><p>და აი, ეს დღეც დადგა: შარნერი "ფრაიბურგთან" გასვლით მატჩში ძირითად შემადგენლობაში იყო გამწესებული და... 35-ე წუთზე მოედნიდან გააძევეს! მან ორჯერ დაიმსახურა ყვითელი ბარათი - ორივეჯერ წარმოუდგენლად სულელური ფოლის გამო. შესაბამისად, ჰამბურგში შარნერის ეფექტის ლოდინი გრძელდება.</p><p><strong><span style="color: #ff0000;">სრულყოფილი როისი</span></p><p></strong>მეორე წელია, საფეხბურთო გერმანია თითქმის დღენიადაგ ბჭობს იმაზე, თუ რა შეუძლია მარკო როისს. ვფიქრობთ, დროა, საკითხი სხვანაირად დაისვას: რა არ შეუძლია მარკო როისს?</p><p>"რეალთან" წარმოდგენილი ორრაუნდიანი "ჭადრაკის" შემდეგ გერმანული ფეხბურთის უკვე ამოსულმა ვარსკვლავმა შაბათს "აუგსბურგთან" ისეთი სურეალური ჯარიმა გაიტანა, რომ გერმანული პრესა უშედეგოდ აგრძელებს მისი გაკრიტიკების საბაბის ძებნას და საქმეს ისეთი პირი უჩანს, რომ ჩვენს გერმანელ კოლეგებს დიდხანს მოუწევთ ძიება.</p><p>ყველაზე საინტერესო კი ის არის, რომ ამ ყველაფრის ფონზე როისი იმდენად მოკრძალებულ პიროვნებად რჩება, რომ თვით ოტმარ ჰიტცფელდიც კი პირდაღებული მისჩერებია...</p><p><strong><span style="color: #ff0000;">გაუშვი, იფრინოს...</span></p><p></strong>ტურის ყველაზე საინტერესო მოვლენა უდავოდ ვოლფსბურგში მომხდარი ამბავი გახლდათ. არა ის, რომ "მგლებმა" ბოლოს და ბოლოს საკუთარ მოედანზეც მოიგეს და ფელიქს მაგათი კიდევ ერთხელ მოიკითხეს, არამედ ის, რომ დიეგომ ორი მშვენიერი გოლი გაიტანა და "ლევერკუზენთან" ისე დაფარფატებდა, ყველას ძველი, "ბრემენელი მუსიკოსი" დიეგო გაგვახსენდა.</p><p>ამრიგად, ვინც ჯერ კიდევ ფიქრობდა, რომ ბრაზილიელი უქნარაა და მხოლოდ ხელფასის გამო გადის მოედანზე, ახლა მაინც დარწმუნდებოდა, ათვალწუნებულ გამთამაშებელს ფეხბურთის მართლა კარგად, ძველებურად ეფექტურად თამაშიც რომ შეუძლია.</p><p>მთავარია, დიეგოს თავისუფლება მიანიჭო და იფრენს. "ვოლფსბურგის" ხანგრძლივი-დროებითი თავკაცი ლორენც-გიუნტერ კიოსტნერი სწორედ ასე ექცევა და შედეგიც სახეზეა.</p><p><strong><span style="color: #ff0000;">გაიცანით, მაიკ ბართელი</span></p><p></strong>აბა, მაიკი? ბართელი მრჩეველია - დორტმუნდის "ბორუსიას" თავდამსხმელ რობერტ ლევანდოვსკის მრჩეველი და ამ დღეებში იმით მოექცა ყურადღების ცენტრში, რომ თავის კლიენტს მთელ ევროპას ისე სთავაზობდა, თითქოს ლუდის უძველესი ბრენდი იყოს.</p><p>გავრცელდა ჭორები "მანჩესტერ იუნაიტედის", "იუვენტუსის" და მადრიდის "რეალის" ინტერესზე და ყველა სპეკულაციაში ბართელის გვარი და კომენტარები ფიგურირებდა. დორტმუნდში ეს ყველაფერი, რა თქმა უნდა, არ მოეწონათ, რადგან გარდა იმისა, რომ ლევანდოვსკის დაკარგვა არ სურთ, ეჭვობენ, რომ ამგვარი განცხადებებით მაიკს რობერტისთვის ხელფასის მომატება უნდა, საიდანაც, ცხადია, თვითონაც აიღებს პროცენტებს.</p><p>"ბორუსიას" მენეჯერმა მიხაელ ცორკმა თქვა, ყველა აგენტის ყველა სულელურ განცხადებაზე კომენტარის გაკეთება აუცილებელი არ არისო; მთავარმა მწვრთნელმა იურგენ კლოპმა კი დასძინა, ეგ ტიპი ჩემს გუნდში ვერასდროს ითამაშებდაო და მერე რა, რომ ბართელი ფეხბურთელი არ არის - ცხადია, რომ კლოპი ლევანდოვსკის არ გულისხმობდა.</p><p><strong><span style="color: #ff0000;">ალაბა და რიბერი</span></p><p></strong>დავიდ ალაბა გასაოცარ ფეხბურთელად ყალიბდება და ნამდვილად აქვს იმის შანსი, რომ "ბაიერნის" ისტორია დაწეროს. ახალგაზრდა ავსტრიელი ტრავმიანობის შემდეგ მართლაც ბრწყინვალედ დაბრუნდა.</p><p>ფრანკფურტის "აინტრახტი" პირველ რიგში სწორედ მან და ფრანკ რიბერიმ დაჯაბნეს. თანაც, ალაბა რეკორდმაისტერში უკვე ნომერ პირველი პენალტისტია.</p><p>ერთი ეგაა, რომ მატჩის შემდეგ საფეხბურთო გერმანიამ ავსტრიელზე მეტად ისევ რიბერი აქო - ფრანგი, რომელმაც თქვა, "ბაიერნი" ჩემთვის საფრანგეთის ნაკრებზე მნიშვნელოვანიაო.</p><p>მართალია, ამის გამო მოგვიანებით მთელ საფრანგეთს მოუბოდიშა და თქვა, სხვანაირად მინდოდა მეთქვა, მაგრამ ასე გამომივიდა, რის გამოც ძალიან ვწუხვარო, მაგრამ... სიტყვას უკან ვერ წაიღებ, ფრანკ!</p><p><strong>XI ტურის სიმბოლური ნაკრები ლელოს ვერსიით</p><p></strong>(4-1-3-2)</p><p>ტრაპი (2) (აინტრახტი) - ფაგნერი (ვოლფსბურგი), შტრანცლი (ბორუსია /მ/), ვესტერმანი (3) (ჰამბურგი), ალაბა (2) (ბაიერნი) - ნოიშტედტერი (2) (შალკე) - როისი (3) (ბორუსია /დ/), დიეგო (2) (ვოლფსბურგი) რიბერი (4) (ბაიერნი) - აბდელაუ (ჰანოვერი), ლევანდოვსკი (ბორუსია /დ/)</p><p><span style="color: #ff0000;"><strong>XI ტურის გმირი: დიეგო (ვოლფსბურგი)</strong></span></p><p>"საკუთარი თავისგან, პირველ რიგში, მე თვითონ ვითხოვ გოლებს და საგოლე პასებს", - ყველასათვის მოულოდნელად, საკმაოდ თვითკრიტიკული იყო დიეგო "კიკერისთვის" მიცემულ ინტერვიუში და 27 წლის ბრაზილიელმა გამთამაშებელმა კვირას კარიერის ერთ-ერთი საუკეთესო მატჩი ჩაატარა - "ლევერკუზენთან" მოგებულ (3:1) მატჩში რიბას და კუნია განუმეორებელი იყო.</p><p>დიეგომ ჯერ სწრაფი დუბლი შეასრულა და "მგლები" 2:0 დააწინაურა, მერე კი საგოლე იერიშში უმთავრესი როლი შეასრულა: გენიალური პასით შეფერი კარგ პოზიციაზე გაიყვანა, ხოლო ამ უკანასკნელის გადაცემით ბას დოსტმა სხვაობა სამამდე გაზარდა.</p><p>ერთი სიტყვით, "ლევერკუზენთან" შეხვედრაში დიეგო ყველგან იყო და მედგრად იბრძოდა. თამამად შეიძლება ითქვას, რომ "ვოლფსბურგის" ფანებმა მას ძველი წყენა უკვე საბოლოოდ აპატიეს.</p><p><img src="/media/images/new_photo/UCXOURI/2012/SOCCER/NOV1-15/symbol/00 11 symbol germani.jpg" border="0" alt="Sportall.Ge" title="გერმანია. ბუნდესლიგა. XI ტურის შეჯამება და სიმბოლური ნაკრები" width="570" /></p><p><strong><span style="color: #ff0000;">საუკეთესო ფეხბურთელები</span></p><p>XI ტურის შემდეგ, "კიკერის" შეფასებების მიხედვით</strong></p><p><em>ფეხბურთელი კლუბი თამაში საშუალო შეფასება</em></p><p>1. ფრანკ რიბერი ბაიერნი 7 1.71</p><p>2. კევინ ტრაპი აინტრახტი 11 2.05</p><p>3. რენე ადლერი ჰამბურგი 11 2.09</p><p>4. თომას მიულერი ბაიერნი 10 2.22</p><p>5. აარონ ჰანტი ვერდერი 11 2.36</p><p>6. ბასტიან შვაინშტაიგერი ბაიერნი 11 2.45</p><p>7. სებასტიან როდე აინტრახტი 11 2.50</p><p>8. მარიო გიოტცე ბორუსია (დ) 10 2.63</p><p>9. ფაბიან გიფერი ფორტუნა 11 2.64</p><p>10. ტონი კროოსი ბაიერნი 11 2.65</p><p><strong>გოლს პლუს პასის რეიტინგი</p><p></strong><em>ფეხბურთელი კლუბი თამაში გოლი პასი ქულა</em></p><p>1. თომას მიულერი ბაიერნი 10 7 7 14</p><p>2. ჟაბოლჩ ჰუშტი ჰანოვერი 10 3 7 10</p><p>3. შტეფან კისლინგი ლევერკუზენი 11 7 2 9</p><p>4. მარიო მანჯუკიჩი ბაიერნი 10 8 1 9</p><p>5. მარკო როისი ბორუსია (დ) 11 5 4 9</p><p>6. ფრანკ რიბერი ბაიერნი 7 3 6 9</p><p>7. ადამ სალაი მაინცი 11 8 1 9</p><p>8. ხუან არანგო ბორუსია (მ) 11 6 2 8</p><p>9. აარონ ჰანტი ვერდერი 11 6 2 8</p><p>10. რობერტ ლევანდოვსკი ბორუსია (დ) 10 5 3 8</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ:</strong></span></p><p><a href="/fexburti/uckhouri-fekhburthi/germania/41581-germania-bundesliga-xi-turi-meathe-mogeba-da-erthguli-riberi.html" target="_blank">გერმანია. ბუნდესლიგა. XI ტური: მეათე მოგება და ერთგული რიბერი</a></p>
"ბაიერნის" პრეზიდენტმა ჰარი კეინის მომავალზე ისაუბრა
ტერ შტეგენმა ვარჯიში დაიწყო - გერმანელი შესაძლოა, ზამთარში "ბარსელონადან" წავიდეს
გირასი წასვლაზე თანახმაა - ფეხბურთელი ევროპის ტოპ კლუბებს სურთ
"ახლა გუნდებს სჯერათ, რომ ჩვენთან დადებითი შედეგის მიღწევა შეუძლიათ" - სლოტმა "სანდერლენდთან" მატჩი შეაფასა
კიტეიშვილის "შტურმი" სახლში დამარცხდა და ვერ გალიდერდა
ფუტსალის ნაკრები საერთაშორისო ტურნირზე იასპარეზებს
[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა
პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა
[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ
[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ
სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან
"შავი ლომი" ჩელენჯ თასს "მონპელიეთი" იწყებს
[VIDEO] "ბარსელონამ" სახლში "ატლეტიკოს" მოუგო
20 წ. | დიდი სხვაობით "კუდუსთან"
"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს
"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა
მამის ნაკვალევზე - ისაგო სილვამ "ჩელსისთან" კონტრაქტი გააფორმა
"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა
იტალიაში საუკეთესოები აღიარეს - მაკტომინეი, "ნაპოლი", კონტე
რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს
"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა
"ბაიერნის" პრეზიდენტმა ჰარი კეინის მომავალზე ისაუბრა
დიდი დაბრუნება სამწვრთნელო პოსტზე "რეალში"? - ალონსოს მუშაობა შესაძლოა, ძალიან მოკლევადიანი აღმოჩნდეს