<p>ტურნირში გამარჯვებისთვის ვეღარ იბრძოლებს "ბოკა ხუნიორსი", რომელმაც ხელიდან ძალიან კარგი შანსი გაუშვა და შინ "ნიუელსს" ვერ მოუგო <br> ტორნეო ინისიალის მე-15 ტურმა ზოგ საკითხში სიცხადე შეიტანა. გაირკვა, რომ ტურნირში გამარჯვებისთვის ვეღარ იბრძოლებს "ბოკა ხუნიორსი", რომელმაც ხელიდან ძალიან კარგი შანსი გაუშვა და შინ "ნიუელსს" ვერ მოუგო.</p><p>სამაგიეროდ მოუგებელი სერია "რასინგმა" დაასრულა და გუნდი კვლავ მისდევს "ველესს", რომელმაც მორიგი გამარჯვება მოიპოვა...</p><p>ჩემპიონატის ლიდერი "კილმესს" ეწვია და დებიუტანტს მინიმალური ანგარიშით მოუგო. შეხვედრის ერთადერთი გოლი <strong>ფაკუნდო ფერეირამ</strong> გაიტანა, რომლისთვისაც ეს მე-6 გოლი იყო ბოლო სამ შეხვედრაში.</p><p>სულ ფერეირას უკვე 8 გოლი აქვს გატანილი, რაც არგენტინის ახალგაზრდული ნაკრების ყოფილი ლიდერისთის სარეკორდო მიღწევაა. აქამდე ერთ ჩემპიონატში მისი საუკეთესო შედეგი 6 გოლი იყო.</p><p><strong>რიკარდო გარეკას</strong> გუნდმა ზედიზედ მეხუთე გამარჯვება მოიპოვა და კვლავ სამი ქულით უსწრებს "ლანუსს", რომელსაც "ველესზე" უკეთესი მაჩვენებლი აქვს და ზედიზედ 6 მოგებული მატჩი დაუგროვდა.</p><p>მე-15 ტურში, <strong>გილერმო ბაროს შელოტოს</strong> შეგირდება, საკუთარ მოედანზე სან ხუანის "სან მარტინს" უმასპინძლეს და 2:1 მოიგეს. მასპინძელთა მხრიდან გოლები <strong>დიეგო ვალერიმ</strong> და <strong>სილვიო რომერომ</strong> გაიტანეს.</p><p>4-მატჩიანი მოუგებელი სერია შეწყვიტა "რასინგმა", რომელიც მენდოსას ესტუმრა და იქიდან სამი ქულა წამოიღო. შეხვედრის პირველ ტაიმში უპირატესობას "გოდოი კრუსი" ფლობდა, მაგრამ შესვენების შემდეგ სიტუაცია რადიკალურად შეიცვალა და სტუმრები უკეთ ათამაშდნენ.</p><p>შესანიშნავი მატჩი ჩაატარეს 19 წლის <strong>ადრიან სენტურიონმა</strong> და 18 წლის <strong>ლუსიანო ვიეტომ</strong>. სწორედ ამ ორმა გაითამაშა ის კომბინაცია, რომელსაც შეხვედრის ერთადერთი გოლი მოყვა.</p><p>ტურის ცენტრალური მატჩი კი "ბომბონერაზე" გაიმართა. <strong>ხერარდო მარტინოს</strong> "ნიუელსმა" ისევ არ წააგო და ერთადერთ დაუმარცხებელ გუნდად რჩება, მაგრამ ფრე "ძველი ბიჭებისთვის" იდეალური შედეგი ნამდვილად არ იყო.</p><p>"ბოკა ხუნიორსმა" კი ტურნირის მოგების ყველანაირი შანსი დაკარგა, არადა <strong>ფალსიონის</strong> გუნდს ხელსაყრელი კალენდარი ჰქონდა - მომდევნო ტურში "ბოკა" ლიდერ "ველესს" ხვდება, იმის შემდეგ კი "რასინგს". როგორც ხედავთ, ყველაფერი მათ ხელში იყო და კონკურენტების დამარცხების შემთხვევაში ტორნეო ინისიალის მოგების ძალიან კარგი შანსი ექნებოდათ, მაგრამ...</p><p>ტური სკანდალის გარეშე ვერ დასრულდა. "ინდეპენდიენტეს" და "ბელგრანოს" მატჩი მეორე ტაიმის დასაწყისში შეწყდა და აღარც გაგრძელებულა. პირველი ნახევრის შემდეგ, სტუმრები<strong> ხორხე ველასკესის</strong> გოლის წყალობით მინიმალური ანგარიშით იგებდნენ.</p><p>მეორე ტაიმის დებიუტში, მასპინძელთა ქომაგებმა მოედანზე სამი ასაფეთქებელი ნივთიერება გადააგდეს, რომელთაგანაც ერთი "ბელგრანოს" მეკარე <strong>ხუან კარლოს ოლავეს</strong> სიახლოვეს აფეთქდა (<a href="/fexburti/uckhouri-fekhburthi/samkhreth-amerika/41818-argentinashi-agresiulma-fanebma-motsinaaghmdege-gunds-asafethqeblebi-daushines-video.html" target="_blank"><span style="color: #ff0000;"><strong>იხილეთ ვიდეო</strong></span></a>).</p><p>ამ ფაქტის შემდეგ, მატჩის მთავარმა არბიტრმა <strong>საულ ლავერნიმ</strong> მატჩი შეწყვეტის გადაწყვეტილება მიიღო.</p><p><span style="color: #ff0000;"><strong>არგენტინა. ტორნეო ინისიალი. XV ტური</strong></span></p><p><em><strong>არ. ხუნიორსი-ესტუდიანტესი 2:1</strong></em></p><p>გოლები: 1:0 ბარსოლა (18), 1:1 დ. საპატა (59), 2:1 ლ. ნუნიესი (90).</p><p><em><strong>უნიონი-სან ლორენსო 2:2</strong></em></p><p>გოლები: 0:1 სტრაკვალურსი (10-პენ), 1:1 ფრანსოია (15), 2:1 ბიანკი (45), 2:2 ბორდაგარაი (49).</p><p><em><strong>კილმესი-ველესი 0:1</strong></em></p><p>გოლი: 0:1 ფ. ფერეირა (57).</p><p><em><strong>ოლ ბოისი-კოლონი 1:1</strong></em></p><p>გოლები: 0:1 პრედიგერი (32), 1:1 ხ. როდრიგესი (46).</p><p><em><strong>გოდოი კრუსი-რასინგი 0:1</strong></em></p><p>გოლი: 0:1 ვიეტო (49).</p><p><em><strong>ლანუსი-სან მარტინი 2:1</strong></em></p><p>გოლები: 1:0 დ. ვალერი (33), 2:0 ს. რომერო (41-პენ), 2:1 ალარკონი (41).</p><p><em><strong>ტიგრე-არსენალი 0:1</strong></em></p><p>გოლი: 0:1 ლისანდრო ლოპესი (38)</p><p><em><strong>ბოკა-ნიუელსი 0:0</strong></em></p><p>ატლ. რაფაელა-რივერი 0:0</p><p><strong><em>ინდეპენდიენტე-ბელგრანო (შეწყდა)</em></strong></p><p><span style="color: #ff0000;"><strong>სატურნირო ცხრილი</strong></span></p><p><em>ა გ თ მ ფ წ ბ ქ</em></p><p>1. ველესი 15 10 2 3 24-11 32</p><p>2. ლანუსი 15 9 2 4 21-9 29</p><p>3. ნიუელსი 15 7 8 0 14-6 29</p><p>4. რასინგი 15 7 5 3 17-7 26</p><p>5. ბელგრანო 14 7 5 2 17-9 26</p><p>6. ბოკა ხუნიორსი 15 6 6 3 19-17 24</p><p>7. რივერ პლეიტი 15 5 6 4 23-14 21</p><p>8. ესტუდიანტესი 15 6 3 6 15-15 21</p><p>9. კოლონი 15 4 7 4 19-19 19</p><p>10. გოდოი კრუსი 15 5 4 6 12-17 19</p><p>11. არსენალი 15 5 4 6 12-21 19</p><p>12. ოლ ბოისი 15 4 6 5 16-20 18</p><p>13. არ ხუნიორსი 15 4 6 5 16-21 18</p><p>14. კილმესი 15 3 8 4 15-17 17</p><p>15. ატლ. რაფაელა 15 4 5 6 18-21 17</p><p>16. სან ლორენსო 15 3 7 5 15-18 16</p><p>17. სან მარტინი 15 4 3 8 18-20 15</p><p>18. ინდეპენდიენტე 13 3 5 5 9-13 14</p><p>19. ტიგრე 14 0 7 7 11-23 7</p><p>20. უნიონი 15 0 5 10 13-26 5</p><p><strong>ბომბარდირები</strong></p><p>9 - სკოკო (ნიუელსი); 8 - ფ. ფერეირა (ველეს სარსფილდი); 7 - მარტინუჩიო (კილმესი); 6 - ბორგელიო (ოლ ბოისი).</p><p><span style="color: #ff0000;"><strong>სარელეგაციო ცხრილი</strong></span></p><p><em>თ ქ საშ.</em></p><p>15. ატლ. რაფაელა 53 67 1.264</p><p>16. სან მარტინი 53 63 1.189</p><p>17. სან ლორენსო 91 107 1.176</p><p>18. ინდეპენდიენტე 89 104 1.169</p><p>19. კილმესი 15 17 1.133</p><p>20. უნიონი 53 55 1.038</p><p><strong>ყოველდღიური სპორტული გაზეთი "ლელო"</strong></p>
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
[PHOTO] არდა გიულერის ემოციები ესპანეთთან განადგურების შემდეგ
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!