<p>საქართველოს ჩემპიონატი. უმაღლესი ლიგა. XV ტური <br> მიუხედავად გამარჯვებისა, ხმამაღლა უნდა ითქვას, რომ "ჩიხურამ" "მერანი" ვერ "მოათვინიერა".</p><p>მართალია, ტრავმირებული <strong>სომხიშვილის</strong> არყოფნა დიდი დანაკლისი იყო, მაგრამ არა გვგონია, ეს განაპირობებდა საჩხერელთა ზედმეტად ფრთხილ სათამაშო ტაქტიკას, ვინაიდან სათადარიგო მწყერაშვილი საიმედოდ იცავდა კარს მთელი მატჩის განმავლობაში.</p><p>"მერანმა" კი, რახან თავისუფალი სივრცე იხილა, აიწყვიტა და მის ჭენებას მართლაც არ ჰქონდა საზღვარი. ამიტომაც ჩაიარა შეხვედრამ დინამიურად, ორმხრივ საინტერესოდ, თვალსასეიროდ და ერთგვარად სანერვიულოდაც.</p><p>სტუმრებმა თავიდანვე აგრძნობინეს მასპინძლებს, რომ იოლად არაფერს დაუთმობდნენ. დაუთმობდნენ კი არა, რამდენიმე მწვავე მომენტიც შექმნეს, ხოლო მე-10 წუთზე <strong>ნოზაძის</strong> ყუმბარისებურს ამბრაზურასავით გადაეფარა <strong>გუშარაშვილი</strong>.</p><p>15 წუთი დასჭირდა "ჩიხურას" გონს მოსაგებად. <strong>ჩიკვაიძის</strong> ჯარიმამ მილიმეტრებით გადაუქროლა ხარიხას. მალევე <strong>შეროზიამ</strong> აუღო <strong>კვასსხვაძეს</strong> კარგი დარტყმა.</p><p>შემდეგ ისევ "მერანის" იერიშებიანი, ლაღი, თუმცა უშედეგო ნავარდი და, აი, საბედისწერო 32-ე წუთიც: <strong>შარაშენიძის</strong> მახვილგონივრული, გამჭოლი ჩაწოდება, რომლის აღება თუ არა, მოგერიება მაინც არ უნდა გასჭირვებოდა სწორ პოზიციაზე მდგარ მეკარეს, <strong>ქარქუზაშვილის</strong> თავის "გავლით" ბურთი მისი კარის "ცხრიანში" რომ არ ჩაშვებულიყო.</p><p>შემთხვევითმა გოლმა უფრო გაახელა "მერანი", სწრაფად ეკვეთა მოწინააღმდეგის საჯარიმო მოედანს. 37-ე წუთზე 100-პროცენტიანი საგოლე მომენტი გაანიავა <strong>ტორონჯაძემ</strong>, 37-ე წუთზე კი კიდევ უფრო უკეთესი პოზიციიდან დააზარალა გუნდი მეკარესთან პირისპირ გასულმა <strong>ლომიამ</strong>.</p><p>ტაიმის დამთავრებამდე დარჩენილ პერიოდში ისევ მოეგნენ გონს საჩხერელები. 43-ე წუთზე მოხდა ის, რითაც ფეხბურთი ხიბლავს მაყურებელს: <strong>დეკანოიძის</strong> დიდოსტატურად ჩაკიდებულ ბურთს სარაგბო ზედახორა მოჰყვა სტუმართა საჯარიმო მოედანში. ორიოდე მეტრიდან ურტყამდნენ <strong>კირკიტაძე, კვასხვაძე, შარაშენიძე</strong> და ყველა, ვისაც არ დაეზარა. რომ იტყვიან, სისხლის უკანასკნელ წვეთებამდე იბრძოლეს მცველებმა და მეკარემ.</p><p>მეორე ტაიმიც მარტვილელების იერიშებით დაიწყო. პირველივე წუთზე ვერ შეირგო <strong>ოდიკაძის</strong> შეცდომა <strong>ბუკიამ</strong>. სხვადასხვა დროს ვერც <strong>მელიავამ, ნოზაძემ</strong> და <strong>ფონიავამ</strong> შეძლეს საჩხერელთა კარის გასაღების მონახვა. ეტყობოდა, ეს მათი დღე არ იყო.</p><p>საჩხერელებიც არანაკლებ სცოდავდნენ: 68-ე წუთზე მოედანზე ახალშემოსულ <strong>მაისურაძეს</strong> უმტყუნა მიზანმა; 72-ე წუთზე <strong>შეროზიამ</strong> ზედიზედ ორჯერ აუღო მძლავრი თავურები <strong>გუშარაშვილს</strong> და <strong>დეკანოიძეს</strong>;</p><p>მე-40 წუთზე სოლორეიდით რამდენიმე მცველს გაცდენილი <strong>დეკანოიძის</strong> ზედმეტი მცდელობა რომ არა მეკარის მოტყუებისა, საჩხერელები ორგოლიანი სხვაობით გაიმარჯვებდნენ, თუმცა გამარჯვება მინიმალური ანგარიშითაც გამარჯვებაა.</p><p>გამარჯვებულს კი, როგორც წესი, არ ასამართლებენ.</p><p><span style="color: #ff0000;"><strong>საქართველოს ჩემპიონატი. უმაღლესი ლიგა. XV ტური</strong></span></p><p><em><strong>ჩიხურა-მერანი 1:0 </strong></em>(<a href="/mtavari/video.html?view=video&video=1616" target="_blank"><span style="color: #ff0000;"><strong>იხილეთ ვიდეო</strong></span></a>)</p><p>გოლი: 1:0 ქარქუზაშვილი (32, საკუთარ კარში)</p><p><em>ჩიხურა მერანი </em></p><p>მწყერაშვილი შეროზია</p><p>ოდიკაძე გეგეჭკორი</p><p>გუშარაშვილი ჟვანია</p><p>საჯაია ქარქუზაშვილი</p><p>ჩიკვაიძე მელიავა</p><p>დიღმელაშვილი ბუკია</p><p>ლომაშვილი ნოზაძე</p><p>ნ. კვასხვაძე ფონიავა</p><p>კირკიტაძე კუჭუხიძე</p><p>დეკანოიძე ტორონჯაძე</p><p>შარაშენიძე ლომია</p><p><em>მწვრთნელები:</em></p><p>სოსო ფრუიძე მ. ჟვანია</p><p><em>ჩიხურა</em></p><p>67. კირკიტაძე - მაისურაძე</p><p>67. შარაშენიძე - ბაკურაძე</p><p>90. დიღმელაშვილი - ზაბახიძე</p><p>სათადარიგოები: ბერდელიძე, ჭელიძე, ქიმაძე, მუმლაძე</p><p><em>მერანი</em></p><p>67. ლომია-ამბროლაძე</p><p>სათადარიგოები: ბერია, იობაშვილი, კიკალიშვილი, გელაჭეიშვილი, გაბისონია, მჭედლიშვილი</p><p><em>გაფრთხილება:</em> კვასხვაძე (56), კუჭუხიძე (85)</p><p><em>არბიტრი:</em> ბ. ნინუა</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
ფრე ქუთაისში... და "თელავის" მოგება "გაგრასთან"
"შავი ლომი" - სამხრეთ აფრიკაში "ჩიტასთან" ორი ტესტისთვის
ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა
"მილანსა" და "ინტერს" ახალი სტადიონი ექნებათ - 2031 წლიდან კლუბები ლეგენდარულ "სან სიროზე" აღარ ითამაშებენ
შოკირებული იყო და შეხვედრა განაწყენებულმა დატოვა - ამორიმს "მანჩესტერ იუნაიტედის" ხელმძღვანელობამ მოთხოვნა წაუყენა
ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა
"მადლობა უფალს, რომ ეს შანსი მომცა" - თორნიკე შენგელია "ბარსელონაში" დებიუტისთვის ემზადება
კორსანტიას 15-ქულიანი დებიუტი ესპანეთში
Le Parisien: კვარაცხელია პსჟ-ს შეიძლება ბარსელონაში გაჰყვეს
არისაბალაგა შეიძლება ფაბრეგასის გუნდში გადაბარგდეს
პსჟ-ს მეკარე: ძნელია მოტივაციის შენარჩუნება
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
"თუ სხვა რამის გამო გაბრაზდა, არასწორი ადამიანი აირჩია" - დე ბრუინსა და კონტეს შორის დაპირისპირება მწიფდება? [PHOTO]
"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე
დუდუ დადიანის მემორიალზე ნახევარფინალისტები დაწყვილდნენ
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა