<p>თენგიზ ბურჯანაძის სახელობის სტადიონზე გორისა და აშქელონის ვეტერანმა ფეხბურთელებმა ამხანაგური მატჩი გამართეს <br> გორის თენგიზ ბურჯანაძის სახელობის სტადიონმა 20 ნოემბერს საერთაშორისო ამხანაგურ მატჩს უმასპინძლა. ერთმანეთის პირისპირ გორის და ისრაელის ქალაქ აშქელონის ვეტერან ფეხბურთელთა გუნდები წარსდგნენ.</p><p>შეხვედრამ, როგორც მოსალოდნელი იყო, მეგობრულ ვითარებაში ჩაიარა. მართალია, სტუმრები თავდაპირველად ორი ბურთის სხვაობით მშრალად უგებდნენ გორელებს, საბოლოოდ მასპინძლებმა სამი ბურთის უპირატესობით 6:3 იმარჯვეს.</p><p>მატჩი შიდა ქართლის ფეხბურთის ფედერაციის პრეზიდენტის, <strong>გია რევაზიშვილის</strong> მიერ იყო ორგანიზებული.</p><p><em>"ქართველი და ებრაელი ერის ურთიერთობა, მოგეხსენებათ, მრავალსაუკუნოვანია და ურთიერთკეთილგანწყობა დიდი ხანია, ჩამოგვიყალიბდა. გორელი და ებრაელი ფეხბურთელების ამხანაგური მატჩი კი ჩემი და ისრაელში მცხოვრები ქართველი ებრაელის, ბორის წიწუაშვილის მეგობრობამ წარმოშვა.</p><p>ბორისი ყოფილი ფეხბურთელია. იგი ჩემი მომდევნო თაობის გორის "დილას" შემადგენლ</em><em>ობაში იყო. დიდი ხანია, მსურდა მისი დახმარებით ებრაელი ფეხბურთელების გორში სტუმრობის ორგანიზება მოგვეხდინა და მოხარული ვარ, რომ ეს ამხანაგური შეხვედრა შედგა.</p><p>იმედი მაქვს, ჩვენი კავშირები გაღრმავდება და მომავალში კიდევ სხვა სპორტული ღონისძიებების ორგანიზებაც გახდება შესაძლებელი"</em>, - გვითხრა <strong>გია რევაზიშვილმა</strong>.</p><p>მოგეხსენებათ, დღესდღეობით ისრაელში საომარი მოქმედებები მიმდინარეობს და მშვიდობიან მოქალაქეებს შორისაცაა მსხვერპლი. თამაშის გამართვის დღეს კი ერთ-ერთ ებრაელ ფეხბურთელს უკან დაბრუნებაც მოუწია დაბომბვის შედეგად მამის დაღუპვის გამო. მოედანზე კი ფეხბურთელები შავი სამკლავურებით გავიდნენ.</p><p>მატჩამდე ებრაელ სტუმრებს გორის ციხე და ქალაქის სხვა ისტორიული ადგილებიც დაათვალიერებინეს.</p><p>შეხვედრას ესწრებოდა "დილას" მთავარი მწვრთნელი <strong>გიორგი დარასელია</strong>, რომელიც დიდი ხნის განმავლობაში ისრაელში თამაშობდა და მწვრთნელადაც მუშაობდა. საინტერესოა, რომ ებრაელი ფეხბურთელები დარასელიას დიდი სიხარულით შეხვდნენ და მასთან სამახსოვრო ფოტოც გადაიღეს.</p><p>სტუმრები აშქელონიდან შიდა ქართლში კიდევ ორიოდ დღეს დარჩებიან.</p><p><strong>ყოველდღიური სპორტული გაზეთი "ლელო"</strong></p>
"ასე რთულია. გუნდში 9 ახალი ტვინი მყავს" - კონტემ "ნაპოლის" მარცხის მიზეზებზე ისაუბრა
"ასე არ შეიძლება" - "კაირათის" მწვრთნელი მეკარისთვის გადაცემული საჩუქრით უკმაყოფილოა
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა