<p>მარტვილის "მერანში" იმედოვნებენ, რომ ადგილობრივი მუნიციპალიტეტის დახმარებით, მოედნის პრობლემას ზამთარში მოაგვარებენ <br> ძალიან ძნელი იყო, "დინამოსა" და "დილას" მატჩს თავისი მნიშვნელობით ტურის რომელიმე მოვლენა გატოლებოდა, მაგრამ საკმაო რეზონანსი გამოიწვია მარტვილში დაფიქსირებულმა შედეგმაც - "მერანმა" ამბიციური "ტორპედო" 3:0 გაანადგურა (<a href="/fexburti/qarthuli-fekhburthi/chempionati/42190-merani-torpedo-30-martvileltha-pasukhi-droulic-da-damajerebelic-video.html" target="_blank"><span style="color: #ff0000;"><strong>იხილეთ ვრცლად</strong></span></a>).</p><p>შედეგად, "ლელოს" ტურის სიმბოლურ ნაკრებს ორი მწვრთნელი ჰყავს - <strong>დუშან უჰრინი</strong> და <strong>მალხაზ ჟვანია</strong> (<a href="/fexburti/qarthuli-fekhburthi/chempionati/42240-umaghlesi-liga-xvi-turis-mimokhilva-da-simboluri-nakrebi.html" target="_blank"><span style="color: #ff0000;"><strong>იხილეთ ვრცლად</strong></span></a>).</p><p>"დინამოს" ჩეხმა თავკაცმა საკუთარი მოსაზრებები მატჩისშემდგომ პრესკონფერენციაზე დააფიქსირა, მარტვილელთა თავკაცის ინტერვიუს კი დღეს გთავაზობთ.</p><p>- დიდი მადლობა "ლელოს" ამ აღიარებისთვის. ეს ჩემი და ჩემი ფეხბურთელების შრომის დაფასებაა და შევეცდებით, მსგავსი პატივი კიდევ ბევრჯერ დავიმსახუროთ.</p><p><strong>- ფაქტია, რომ "ტორპედოსთან" "მერანმა" სეზონის საუკეთესო თამაში ჩაატარა.</strong></p><p>- ნამდვილად ასეა. მეტიც, ეს ერთ-ერთი საუკეთესო მატჩი იყო "მერანის" ისტორიაში. ბოლო დროს შედეგები არცთუ სახარბიელო გვქონდა და საკუთარ თამაშს ვეძებდით.</p><p>"ტორპედოსთან" დაპირისპირებას მთელი მონდომება და ენერგია შევალიეთ და ძლიერ მეტოქესთან დამსახურებული გამარჯვება მოვიპოვეთ.</p><p>იმედი მაქვს, ამას სხვა წარმატებებიც მოჰყვება და სატურნირო მდგომარეობას კიდევ უფრო გავიუმჯობესებთ.</p><p><strong>- თქვენი გუნდის მიზნებიდან გამომდინარე, ურიგო პოზიცია არც ახლა გიკავიათ.</strong></p><p>- მართალია, მაგრამ ვგრძნობთ, რომ მეტიც შეგვიძლია. თუმცა რეალისტებად ვრჩებით და ვიცით, რომ ჩვენი უმთავრესი მიზანი უმაღლეს ლიგაში ადგილის შენარჩუნებაა. შევეცდებით, ქვედა ექვსეულში რაც შეიძლება მაღალი ადგილი დავიკავოთ.</p><p><strong>- ზამთრის სატრანსფერო პერიოდში "მერანს" კიდევ ხომ არ დატოვებენ წამყვანი ფეხბურთელები?</strong></p><p>- ზაფხულში ისედაც გვარიანად დავსუსტდით და ამაზე მეტად დასუსტება უკვე აღარ შეიძლება. წამყვან ფეხბურთელებს აუცილებლად შევინარჩუნებთ და იმის იმედიც გვაქვს, რომ რამდენიმე ახალწვეულს დავიმატებთ.</p><p>ზამთრის გეგმებზე საუბარი ჯერ ნაადრევია, მაგრამ დიდი იმედი გვაქვს, რომ ამ პერიოდს ნაყოფიერად გამოვიყენებთ.</p><p><strong>- მარტვილის სტადიონთან დაკავშირებით პრეტენზია ბევრ გუნდს აქვს. მოედნის საფარის გაუმჯობესება ხომ არ გაქვთ გეგმაში?</strong></p><p>- მოედანი ჩვენთვისაც უდიდესი პრობლემაა. გვესმის ჩვენი მეტოქეების, მაგრამ არც ჩვენ გვსიამოვნებს უხარისხო საფარზე თამაში, ეს "მერანსაც" ძალიან გვიშლის ხელს, რადგან კომბინაციური და ტექნიკური ფეხბურთის მიმდევრები ვართ.</p><p>ზამთარში ამ პრობლემის გადაჭრაც გვაქვს გეგმაში, მაგრამ ეს მხოლოდ ჩვენზე არ არის დამოკიდებული. კლუბის ბიუჯეტი ამას ვერ გასწვდება და ვიმედოვნებთ, ადგილობრივი მუნიციპალიტეტი გაგვიწევს თანადგომას.</p><p><strong>- რა არის "მერანის" მიზანი პირველ ეტაპზე დარჩენილ მატჩებში?</strong></p><p>- უპირველესად, უშუალო კონკურენტების დამარცხება, რაც საშუალებას მოგვცემს, ზამთრის არდადეგებზე ქულათა კარგი მარაგით გავიდეთ და მთავარი მიზნის შესრულება გაგვიადვილდეს. ბოლნისშიც სამი ქულისთვის მივდივართ და იმედი გვაქვს, "სიონის" დამარცხებას შევძლებთ.</p><p><strong>- "მერანის" გამოკვეთილ ლიდერებად ვის მიიჩნევთ?</strong></p><p>- ამ სეზონში კარგად წარმოაჩინა თავი ჩვენმა მეკარე ჯონი შეროზიამ, რომელიც მატჩიდან მატჩამდე ოსტატდება და "მერანის" ლიდერადაც ყალიბდება. ძველი ფორმა დაიბრუნა გიგა ჟვანიამ და გუნდისთვის კვლავ ძალიან სასარგებლოა. "მერანისთვის" ძალიან დიდი მნიშვნელობა აქვს გივი დიდავას გამოცდილებასაც.</p><p>თავდასხმაში გარკვეული პრობლემები გვქონდა, მაგრამ ბოლო დროს შედეგიანად ათამაშდა საბა ლომია, თუმცა ჯერ არ ვიცით, მოისურვებს თუ არა ზამთარში "ზესტაფონი" მის დაბრუნებას. აუცილებლად გამოვყოფ ჩვენს ახალგაზრდებს, ლევან გეგეჭკორსა და პაპუნა ფონიავას.</p><p>ჩვენი მუშაობის ერთ-ერთ უმთავრეს მიღწევად სწორედ მათი დაოსტატება მიგვაჩნია. გეგეჭკორი საქართველოს 19-წლამდელთა ნაკრების ძირითადი ფეხბურთელია, ფონიავაც ამ გუნდის რეალური კანდიდატია და ორივე მათგანს დიდი ფეხბურთის თამაში შეუძლია.</p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ:</strong></span></p><p><a href="/fexburti/qarthuli-fekhburthi/chempionati/38441-malkhaz-zhvania-tsinastsar-ar-vapirebth-autsaideris-rols-sheveguoth.html" target="_blank">მალხაზ ჟვანია: წინასწარ არ ვაპირებთ, აუტსაიდერის როლს შევეგუოთ </a></p>
ოფიციალურად: "კოლოსმა" ზურაბ რუხაძე წარადგინა
საქართველოს ახალგაზრდული ნაკრების ფეხბურთელი უკრაინულ კლუბში გადავიდა
თემურ ქეცბაიამ შესაძლოა, ქართული გუნდი ჩაიბაროს - მან "ანორთოსისში" დაბრუნებაზე უარი თქვა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!