<p>ესპანურმა გაზეთმა AS-მა სენსაციური ინფორმაცია გაავრცელა</p><p><br> სენსაციური ინფორმაცია გაავრცელა ესპანურმა გაზეთმა AS-მა. "რედ ბულის" პილოტმა <strong>სებასტიან ფეტელმა</strong> შესაძლოა, დაკარგოს 2012 წლის ტიტული, რომელიც მან გასულ კვირას, სან პაულუს "ინტერლაგუშის" ტრასაზე მოიპოვა.</p><p>ამის მიზეზი შეიძლება გახდეს წესებით აკრძალული გასწრება, რომელიც გერმანელმა ბრაზილიის გრანპრის დროს შეასრულა.</p><p>28 ნოემბერს გამოქვეყნდა იმ მომენტის ვიდეო და ფოტოგამოსახულებები, როცა ფეტელი "ტორო როსოს" ერთ-ერთ ბოლიდს უსწრებს. მასალებში ჩანს, რომ გერმანელმა გასწრება მას შემდეგ შეასრულა, რაც ტრასაზე უკვე ჩართული იყო ყვითელი შუქები, რაც უკრძალავს პილოტებს სხვა ბოლიდების უკან ჩამოტოვებას.</p><p>ამ დარღვევის დადასტურების შემთხვევაში, ფეტელს 20-წამიანი ჯარიმა ელოდება. ამის გამო ის ბრაზილიის გრანპრის საბოლოო ოქმში ორი ადგილით დაქვეითდება და მერვე პოზიციაზე აღმოჩნდება, რაც, შესაბამისად, ოთხი ქულის დაკარგვას გამოიწვევს.</p><p>ასეთ შემთხვევაში, ფეტელს გენერალურ კლასიფიკაციაში 277 ქულა ექნება, <strong>ფერნანდო ალონსოს</strong> კი 278 დარჩება და მსოფლიოს სამგზის ჩემპიონად სწორედ "ფერარის" ესპანელი პილოტი გამოცხადდება.</p><p>"ფერარი" ჯერჯერობით არ აპირებს სარჩელის შეტანას, მაგრამ იტალიურ გუნდს პროტესტის ოფიციალურად გამოხატვისთვის ვადა 2012 წლის 30 ნოემბრამდე აქვს. ასევე, საკუთარი გამოძიების დაწყებას აპირებს ავტოსპორტის საერთაშორისო ფედერაცია.</p><p><strong>* * *</strong></p><p>ამასობაში სებასტიან ფეტელმა ხმაურიანად აღნიშნა მესამედ გაჩემპიონება. წინა ორი ტრიუმფის აღსანიშნავი ზეიმი აბუ დაბის სასტუმრო Yas-ში და იაპონიის ქალაქ იოკაჩის ირლანდიურ პაბში შედგა, ამჯერად კი სან პაულუს ჯერი დადგა.</p><p>საღამო კლუბ "ვილა მიქსში" იყო ორგანიზებული - ეს იყო ყველაზე ხმაურიანი, ყველაზე დიდი და ყველაზე ძვირადღირებული ზეიმი იმათგან, რაც სებასტიან ფეტელს მოუწყვია.</p><p>მცირეხნიანი ვახშმის შემდეგ ფეტელი პუბლიკის წინაშე ღამის პირველ საათზე გამოჩნდა. მასთან ერთად, ჩემპიონობას დაახლოებით 1000 ბრაზილიელი აღნიშნავდა. აქედან 70 პროცენტი ქალები იყვნენ, აგრეთვე "რედ ბულის" მექანიკოსები და ინჟინრები. ისმოდა მხოლოდ ცოცხალი მუსიკა ჯგუფ Os Benditos-ის შესრულებით; ასევე, გამოდიოდა დიჯეი Pete Tha Zouk. რა თქმა უნდა, სასმელი უფასო იყო.</p><p>საღამო დასასრულს უახლოვდებოდა, როცა ღამის ოთხის ნახევარზე ფეტელი თავის მეგობარ ჰანასთან ერთად სასტუმროში გადაბარგდა.</p><p><strong>ყოველდღიური სპორტული გაზეთი "ლელო"</strong></p>
დასრულდა რეგიონული ეტაპები, წინ საქართველოს ჩემპიონატია!
ქართველი ველოსპორტსმენების წარმატება საერთაშორისო ასპარეზზე- 2 ოქროს, 1 ვერცხლის და 2 ბრინჯაოს მედალი
[VIDEO] „საქართველოს ეროვნული ლატარია“ აგრძელებს სპორტის მხარდაჭერას და აქტიურად მონაწილეობს სოციალური ინიციატივების ხელშეწყობაში
ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ
ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა
"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს
ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება
კვერნაძის 74 წუთი და "ფროზინონეს" მორიგი გამარჯვება
ქართველების "მეცი" "ნანტთან" ფრეს დასჯერდა
[VIDEOS] გულიაშვილმა ესპანეთში დუბლი შეასრულა
სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა
პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს
[VIDEO] ლუკა გადრანმა "ბეითარში" სადებიუტო გოლი გაიტანა
[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა
პეპ გვარდიოლამ "ლივერპულთან" პირადი რეკორდი დაამყარა
ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა
ფუტსალის ნაკრები აზერბაიჯანთან ორ ამხანაგურ მატჩს გამართავს
[VIDEO] "ბარსელონა" "რეალს" 7 ქულით გაექცა
U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო
[VIDEO] მორიგი გამარჯვება პირველივე რაუნდში - ღვინიაშვილი MMA-შიც შეუჩერებელია!
18 წ. | 3 ლელო საფრანგეთთან
"მამარდაშვილი მთავარი დამნაშავე არ არის" - ინგლისური მედია
დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა