<p>ბომბარდირი ორი დინამოელია, ვიტ ჯორჯია ისევ გვაოცებს <br> საქართველოს ჩემპიონატის პირველი ეტაპის დასრულებამდე ოთხი ტური დარჩა, პასუხგაუცემელი კითხვები კი კვლავ მრავლად გვაქვს.</p><p>უპირველესად, ის არის საინტერესო, ვინ გახდება "ზამთრის ჩემპიონი". არანაკლები ყურადღება კი საუკეთესო ექვსეულში მოსახვედრად გაჩაღებული ბრძოლისკენ გვაქვს მიპყრობილი.</p><p>ამ მხრივ, გასულმა ტურმა ვერაფერი გაარკვია და ყველაფერი უახლოეს მატჩებში გადაწყდება.</p><p>უშუალოდ მე-18 ტური კი უაღრესად შინაარსიანი და საინტერესო მოვლენებით დახუნძლული გამოდგა.</p><p><span style="color: #ff0000;"><strong>უთანასწორო მეორე ტაიმი</strong></span></p><p>ტურის ცენტრალური მატჩი "დინამო არენაზე" გაიმართა, სადაც ჩემპიონატის ლიდერმა მესამეადგილოსანს უმასპინძლა.</p><p>შეხვედრის პირველი ტაიმი ძალიან მიმზიდველი სანახავი გამოდგა - "ჩიხურას" სწრაფი გოლი "დინამომ" უმალ გაქვითა. შემდეგ მასპინძლები დაწინაურდნენ და სტუმრებმა წონასწორობა აღადგინეს.</p><p>მოკლედ, პირველ ტაიმში საჩხერელებმა დედაქალაქელებს ტოლი არ დაუდეს და არანაკლებ დრამატული მეორე ნახევრის მოლოდინიც გაგვიჩინეს.</p><p>თუმცა შესვენების შემდეგ თანაბარი ბრძოლა აღარ ყოფილა - "დინამოს" უფრო მაღალმა კლასმა თავისი გაიტანა და <strong>დუშან უჰრინის</strong> გუნდმა ყოჩაღ მეტოქეს უშანსოდ სძლია.</p><p>საქართველოს მრავალგზის ჩემპიონის გამარჯვებაში ლომის წილი ესპანელებმა დაიდეს, რაც ამ სეზონში უკვე ჩვეული მოვლენაა. განსაკუთრებით, რა თქმა უნდა, <strong>ჩისკოს</strong> ჰეთ-თრიქი უნდა გამოვყოთ, რისი წყალობითაც იგი ჩემპიონატის საუკეთესო ბომბარდირთა დავაში თანაგუნდელ <strong>ჯაბა დვალს</strong> გაუტოლდა.</p><p>თითო გოლი <strong>დვალისა</strong> და <strong>მიკელ ალვაროს</strong> ანგარიშზეა. მოედანი უგოლოდ დატოვა <strong>გიორგი მერებაშვილმა</strong>. სამაგიეროდ, მან მოედანი ძალიან შთამბეჭდავი სტატისტიკური მონაგარით, სამი საგოლე პასით დატოვა, რაც, ვფიქრობთ, <strong>ჩისკოს</strong> ჰეთ-თრიქზე არანაკლებ გამოსარჩევი ამბავია.</p><p>ასე მოუგო "დინამომ" მორიგ კონკურენტს და "დილასთან" სამქულიანი უპირატესობა შეინარჩუნა.</p><p>"ჩიხურა" კი ამ მარცხმა არ უნდა გატეხოს - <strong>სოსო ფრუიძის</strong> გუნდმა, მართალია, მესამე ადგილი "ტორპედოს" დაუთმო, მაგრამ მთავარი ბრძოლები წინ არის. ზემოიმერლები კი უდავოდ იმსახურებენ ნეიტრალური ქომაგების დიდ სიმპათიას.</p><p><span style="color: #ff0000;"><strong>გამარჯვება კლასის ხარჯზე</strong></span></p><p>ტურის მეორე ცენტრალური დაპირისპირება რუსთავის "ფოლადზე" გაიმართა, სადაც ერთმანეთს უაღრესად მოტივირებული გუნდები შეხვდნენ - "მეტალურგი" ზეექვსეულში მოსახვედრი ერთ-ერთი უკანასკნელი შანსის გამოსაყენებლად იბრძოდა, "დილას" ამოცანა კი "დინამოსთან" სამქულიანი დისტანციის შენარჩუნება იყო.</p><p>მასპინძლებს ურიგოდ არ უთამაშიათ და საკმაოდაც აქტიურობდნენ, მაგრამ სტუმართა უფრო მაღალმა კლასმა თავისი გაიტანა და სამი ქულა "დილას" ერგო.</p><p>ამ მარცხით "მეტალურგი" საკმაოდ არასახარბიელო მდგომარეობაში რჩება, თუმცა ქვემოქართლელებს ჯერ კიდევ აქვთ დარჩენილი საუკეთესო ექვსეულში მოხვედრის გარკვეული შანსი.</p><p>აღვნიშნოთ, რომ რუსთავში ერთმანეთის პირისპირ მწვრთნელად ისრაელში ჩამოყალიბებული ორი სპეციალისტი, <strong>გიორგი ყიფიანი</strong> და <strong>გიორგი დარასელია</strong> წარსდგა.</p><p><span style="color: #ff0000;"><strong>ფავორიტთა რისხვა</strong></span></p><p>მიმდინარე სეზონში "ვიტ ჯორჯიამ" არაერთი ფავორიტი გაამწარა, გასულ ტურში კი მორიგი ხმაურიანი გამარჯვება მოიპოვა.</p><p>"ზესტაფონს" საუკეთესო დროება აშკარად არ უდგას, მაგრამ "დავით აბაშიძეზე" გამარჯვება მხოლოდ ვეტერინართათვის კი არა, ნებისმიერი გუნდისთვის შესანიშნავი შედეგია.</p><p>ასე რომ, კიდევ ერთხელ მივუძღვნათ საქებარი სიტყვები "ვიტ ჯორჯიას" ახალგაზრდულ შემადგენლობას, რომლისთვისაც ავტორიტეტები ნამდვილად არ არსებობს.</p><p>შეგახსენებთ, წინა ტურში ვიტელებმა მცხეთაში "დინამოს" ქულა აართვეს. "ვიტ ჯორჯიას" თავკაცი <strong>მერაბ კოჭლაშვილი</strong> კი ზედიზედ მეორედ მოხვდა "ლელოს" ტურის სიმბოლურ ნაკრებში.</p><p>"ზესტაფონზე" კი ახალი რა უნდა ვთქვათ - ფეროელების არასტაბილურ ასპარეზობას ბოლო არ უჩანს და მოქმედ ჩემპიონს ჯერაც სათუოდ აქვს ზეექვსეულში შესვლის საკითხი; უფრო მაღალ მიზნებზე საუბარი კი დღეს საერთოდ უსაფუძვლოა.</p><p>"ზესტაფონმა" "მეტალურგის" მარცხით ვერ ისარგებლა. არადა, იმერლებს ახლავე შეეძლოთ საუკეთესო ექვსეულში მოხვედრის ამოცანის სათავისოდ გადაწყვეტა. თუმცა რუსთაველთა მსგავსად, ზესტაფონელებიც ძალიან არადამაჯერებლად გამოიყურებიან და დარჩენილი ოთხი ტური გაარკვევს, რომელი მათგანი მოხვდება ზეექვსეულში.</p><p>ამ ბრძოლაში დღეისთვის ფავორიტად ხუთქულიანი უპირატესობის მქონე "ზესტაფონი" გამოიყურება, მაგრამ ჩემპიონს თავი ქუდში აშკარად არ აქვს.</p><p>აი, ასეთი უსიამოვნო სიურპრიზები მოუტანა მიმდინარე სეზონმა ზესტაფონელ და რუსთაველ გულშემატკივრებს - წინა ჩემპიონატში მათი საყვარელი გუნდები ჩემპიონობისთვის იბრძოდნენ, ახლა კი ამაზე ბევრად მოკრძალებულ ამოცანებს შესჭიდებიან.</p><p><span style="color: #ff0000;"><strong>ფავორიტი მასპინძლების დომინირება</strong></span></p><p>ტურის ექვსი მატჩიდან ორი სტუმრებმა მოიგეს, ოთხიც - მასპინძლებმა. "ზესტაფონის" საშინაო მარცხის გარდა, შეგვიძლია ვთქვათ, რომ სხვა მატჩებში კანონზომიერი შედეგები დაფიქსირდა.</p><p>"ტორპედომ" აუტსაიდერ "კოლხეთთან" საშინაო შეხვედრა მძიმედ დაიწყო და სწრაფი გოლი მიიღო, მაგრამ მდგომარეობის გამოსწორება შეძლო და სამი ქულა მოიპოვა. აღსანიშნავია <strong>ელგუჯა გრიგალაშვილის</strong> შედეგიანი თამაში, რომლის ანგარიშზეც გოლი და საგოლე პასია.</p><p><strong>გია გეგუჩაძის</strong> გუნდისთვის ეს მეტად დროული და საჭირო გამარჯვება იყო. ბოლო დროს "ტორპედომ" გაუთვალისწინებელი ქულები დაკარგა და დღევანდელი გადასახედიდან, ნაკლებად აქვს საჩემპიონო შანსი, მესამე ადგილისთვის ბრძოლა კი სავსებით შესაძლებელია.</p><p>რაც შეეხება "კოლხეთს", ფოთელები ყველა მატჩში თავდადებით იბრძვიან, მაგრამ ეს მათ მონაგარზე არ აისახება. ნული გამარჯვებითა და სამიოდე ქულით ზღვისპირელები უკვე განწირულად შეგვიძლია მივიჩნიოთ. სამშვიდობომდე ხომ დღეისთვის "კოლხეთს" მთელი 14 ქულა აშორებს.</p><p>მძიმე მდგომარეობაშია მეორე ზღვისპირელი უმაღლესლიგელიც. ბათუმის "დინამომ" მარტვილში განცდილი მარცხით კიდევ უფრო გაირთულა საქმე, "მერანმა" კი დაგეგმილი საშინაო სამი ქულა არცთუ რთულად მოიპოვა და კიდევ ერთხელ დაგვანახა, რომ უმაღლეს ლიგაში დარჩენა არ უნდა გაუჭირდეს.</p><p>ზეექვსეულში მოხვედრის ამოცანა საბოლოოდ გადაჭრა "ზუგდიდმა", რომელმაც "სიონთან" გამარჯვებით თითქმის გაინაღდა საუკეთესოთა შორის ადგილი.</p><p>ბოლნისელთათვის კი ეს მარცხი კატასტროფა არ არის, "სიონისგან" ქულების დაგროვებას სხვა ტიპის შეხვედრებში უფრო უნდა ველოდოთ.</p><p><img src="/media/images/new_photo/UCXOURI/2012/SOCCER/DEC1-16/SYMBOL/000 18 symbol team georgia.jpg" border="0" alt="Sportall.Ge" title="საქართველოს ჩემპიონატი. XVIII ტურის მიმოხილვა და სიმბოლური ნაკრები" width="570" /></p><p><span style="color: #ff0000;"><strong>საქართველოს ჩემპიონატი. უმაღლესი ლიგა. XVIII ტური</strong></span></p><p><a href="/fexburti/qarthuli-fekhburthi/chempionati/42493-dinamo-chikhura-52-lidertha-ukhvgoliani-sanakhaoba-video.html" target="_blank">დინამო-ჩიხურა 5:2 - ლიდერთა უხვგოლიანი სანახაობა [VIDEO] </a></p><p><a href="/fexburti/qarthuli-fekhburthi/chempionati/42494-metalurgi-dila-02-ganskhvavebuli-taimebi-video.html" target="_blank">მეტალურგი-დილა 0:2 - განსხვავებული ტაიმები [VIDEO]</a></p><p><a href="/fexburti/qarthuli-fekhburthi/chempionati/42496-torpedo-kolkhethi-21-kolkhuri-siurprizi-ar-gamovida-video.html" target="_blank">ტორპედო-კოლხეთი 2:1 - კოლხური სიურპრიზი არ გამოვიდა [VIDEO]</a></p><p><a href="/fexburti/qarthuli-fekhburthi/chempionati/42498-merani-dinamo-bth-31-gamarjveba-konkurentthan.html" target="_blank">მერანი-დინამო (ბთ) 3:1 - გამარჯვება კონკურენტთან</a></p><p><a href="/fexburti/qarthuli-fekhburthi/chempionati/42501-zestafoni-vit-jorjia-12-video.html" target="_blank">ზესტაფონი-ვიტ ჯორჯია 1:2 [VIDEO]</a></p><p><a href="/fexburti/qarthuli-fekhburthi/chempionati/42502-zugdidi-sioni-20.html" target="_blank">ზუგდიდი-სიონი 2:0</a></p><p><span style="color: #ff0000;"><strong></p><p></strong></span><span style="color: #ff0000;"><strong>სატურნირო ცხრილი</strong></span> <table style="height: 230px; width: 380px;" border="0"> <tbody> <tr style="background-color: #1a6a29;" align="center"> <td><span style="color: #ffffff;"><span style="font-size: small;"><em><strong>ა</strong></em></span></span></td> <td><span style="color: #ffffff;"><span style="font-size: small;"><em><strong> გუნდი</strong></em></span></span></td> <td><span style="color: #ffffff;"><span style="font-size: small;"><em><strong> თ</strong></em></span></span></td> <td><span style="color: #ffffff;"><span style="font-size: small;"><em><strong> მ</strong></em></span></span></td> <td><span style="color: #ffffff;"><span style="font-size: small;"><em><strong> ფ</strong></em></span></span></td> <td><span style="color: #ffffff;"><span style="font-size: small;"><em><strong> წ</strong></em></span></span></td> <td><span style="color: #ffffff;"><span style="font-size: small;"><em><strong> ბ</strong></em></span></span></td> <td><span style="color: #ffffff;"><span style="font-size: small;"><em><strong> ქ</strong></em></span></span></td> </tr> <tr align="center"> <td>1</td> <td><strong>დინამო (თბ)</strong></td> <td>18</td> <td>13</td> <td>4</td> <td>1</td> <td>52-16</td> <td><strong>43</strong></td> </tr> <tr style="background-color: #cacacb;" align="center"> <td>2</td> <td><strong>დილა</strong></td> <td>18</td> <td>13</td> <td>1</td> <td>4</td> <td>30-11</td> <td><strong>40</strong></td> </tr> <tr align="center"> <td>3</td> <td><strong>ტორპედო</strong></td> <td>18</td> <td>11</td> <td>2</td> <td>5</td> <td>34-17</td> <td><strong>35</strong></td> </tr> <tr style="background-color: #cacacb;" align="center"> <td>4</td> <td><strong>ჩიხურა</strong></td> <td>18</td> <td>11</td> <td>2</td> <td>5</td> <td>29-19</td> <td><strong>35</strong></td> </tr> <tr align="center"> <td>5</td> <td><strong>ზუგდიდი</strong></td> <td>18</td> <td>9</td> <td>5</td> <td>4</td> <td>23-14</td> <td><strong>32</strong></td> </tr> <tr style="background-color: #cacacb;" align="center"> <td>6</td> <td><strong>ზესტაფონი</strong></td> <td>18</td> <td>8</td> <td>4</td> <td>6</td> <td>23-16</td> <td><strong>28</strong></td> </tr> <tr align="center"> <td>7</td> <td><strong>მეტალურგი</strong></td> <td>18</td> <td>7</td> <td>2</td> <td>9</td> <td>14-24</td> <td><strong>23</strong></td> </tr> <tr style="background-color: #cacacb;" align="center"> <td>8</td> <td><strong>მერანი</strong></td> <td>18</td> <td>6</td> <td>2</td> <td>10</td> <td>14-27</td> <td><strong>20</strong></td> </tr> <tr align="center"> <td>9</td> <td><strong>ვიტ ჯორჯია</strong></td> <td>18</td> <td>5</td> <td>5</td> <td>8</td> <td>13-24</td> <td><strong>20</strong></td> </tr> <tr style="background-color: #cacacb;" align="center"> <td>10</td> <td><strong>სიონი</strong></td> <td>18</td> <td>4</td> <td>5</td> <td>9</td> <td>13-28</td> <td><strong>17</strong></td> </tr> <tr align="center"> <td>11</td> <td><strong>დინამო (ბთ)</strong></td> <td>18</td> <td>2</td> <td>3</td> <td>13</td> <td>18-41</td> <td><strong>9</strong></td> </tr> <tr style="background-color: #cacacb;" align="center"> <td>12</td> <td><strong>კოლხეთი</strong></td> <td>18</td> <td>0</td> <td>3</td> <td>15</td> <td>9-35</td> <td><strong>3</strong></td> </tr> </tbody> </table></p><p><span style="color: #ff0000;"><strong>ბომბარდირები</strong></span></p><p>ჩისკო (დინამო თბ) 13</p><p>დვალი (დინამო თბ) 13</p><p>ალვარო (დინამო თბ) 10</p><p><span style="color: #ff0000;"><strong>XIX ტური</p><p></strong></span><strong>8 დეკემბერი, შაბათი</strong></p><p>ზუგდიდი-მერანი</p><p>სიონი-დინამო (თბ)</p><p>ჩიხურა-ზესტაფონი</p><p>ვიტ ჯორჯია-მეტალურგი</p><p>დილა-ტორპედო</p><p>კოლხეთი-დინამო (ბთ)</p><p><strong>ყოველდღიური სპორტული გაზეთი "ლელო"</strong></p>
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
ლიდერი ისევ "დილაა"; "ტორპედომ" კი იბერიელებს აჯობა
"გაგრას" ლიუბენოვიჩი ჩაუდგა სათავეში
"კვარა" ისევ როტაციაში და ორი მნიშვნელოვანი მატჩი პარალელურად
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"ბარსელონამ" შეიძლება ტერ შტეგენი სხვა კლუბში გაუშვას
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
კატასტროფულმა ზაბარნიმ უნიკალური ანტირეკორდი გაიმეორა