<p>საჩხერის "ჩიხურას" 24 წლის ფეხბურთელმა "ზესტაფონთან" შეხვედრაში გოლი თავის ძმას, როინს გაუტანა <br> 11 დეკემბერს ერთობ მნიშვნელოვანი მატჩი იყო ივანწმინდაში: საჩხერის "ჩიხურამ" "ზესტაფონი" ისტუმრა და 3:1 დაამარცხა. საჩხერელებმა ამით ზედა ექვსეულში გაინაღდეს ადგილი.</p><p>"ჩიხურადან" ერთი გოლი <strong>ნიკა კვასხვაძემ</strong> გაიტანა, რომლის ძმა <strong>როინი </strong>"ზესტაფონის" და საქართველოს ნაკრების მეკარეა.</p><p>ნიკა კვასხვაძე <strong>გიორგი დევდარიანის</strong> გაწვრთნილი "თბილისიდან" უნდა გახსოვდეთ, პერსპექტიულ ფეხბურთელად ითვლებოდა.</p><p>ნიკა ახლა 24 წლისაა, უკვე ჩამოყალიბებული სპორტსმენია, თუმცა თუ მის თამაშს დააკვირდებით, ალბათ დაგვეთანხმებით, რომ ეს მისი მაქსიმუმი არ არის და მეტიც შეუძლია - ეს ფეხბურთელი ხომ სწრაფია და ტექნიკაც არ დაეწუნება.</p><p>ნიკასთან საუბარი კი 11 დეკემბერს გამართული მატჩით დავიწყეთ...</p><p><strong>- როგორი თამაში იყო, რა ფაქტორი გამოდგა გადამწყვეტი?</strong></p><p>- სწრაფი გოლი კი მივიღეთ, მაგრამ მოწინააღმდეგეს მალევე ვაჩვენეთ ჩვენი ძალა, პირველივე ტაიმში შემოვაბრუნეთ შეხვედრა.</p><p>მეორე ტაიმში ისეთი თამაში გაჩაღდა, შეიძლებოდა, რომ მატჩი ფრედ დასრულებულიყო, მაგრამ ყველაფერი ჩვენდა სასიკეთოდ წარიმართა.</p><p><strong>- "ზესტაფონს საკუთარი პრობლემები ჰქონდა, ფეხბურთელები გაფიცულები იყვნენ - ამ ყველაფერმაც ალბათ იმოქმედა მატჩის შედეგზე...</strong></p><p>- "ზესტაფონს" ეს ყველაფერი ეტყობოდა, გუნდის რამდენიმე ფეხბურთელს ხომ 5-6 დღე არ ჰქონდა ნავარჯიშები, მაგრამ რომ არა ეს ფაქტორი, ამ შეხვედრას მაინც ჩვენ მოვიგებდით.</p><p><strong>- საკუთარ ძმას როგორი გოლი გაუტანე?</strong></p><p>- მთლად შორიდანაც არ დამირტყამს, დაახლოებით საჯარიმო მოედნის ხაზიდან შევასრულე ძლიერი დარტყმა. უნდა აეღო, მაგრამ, როგორც ჩანს, უვარჯიშებლობა მასაც დაეტყო.</p><p><strong>- "თბილისი", "ზესტაფონი", "გაგრა", "ტორპედო", "სიონი" - ყველაგან ფლანგზე თამაშობდი, "ჩიხურაში" კი გამოკვეთილი თავდამსხმელის უკან მოქმედებ - ახალ ამპლუას როგორ შეეგუე?</p><p></strong>- სიმართლე გითხრათ, ფლანგზე უფრო კომფორტულად ვგრძნობ თავს, მაგრამ "ჩიხურას" მწვრთნელმა ჩემი ადგილი სხვა პოზიციაზე დაინახა.</p><p>ვფიქრობ, რომ ახალ ამპლუას, ასე თუ ისე, ნორმალურად ავუღე ალღო.</p><p><strong>- ამ დროისთვის "ჩიხურა" ცხრილში მეოთხე ადგილზეა. არადა, ბევრს არ ეგონა, თუ თქვენი გუნდი ლიდერებში იქნებოდა. რა არის "ჩიხურას" მოტივაცია მიმდინარე სეზონში?</p><p></strong>- სეზონის წინ ჩვენი მიზანი ექვსეულში მოხვედრა იყო, მაგრამ იმდენი ქულა დავაგროვეთ, გამოჩნდა, რომ სამეულში მოხვედრის რეალური შანსი გვაქვს - ახლა სწორედ ეს არის ჩვენი მოტივაცია და ამ მიზნისთვის ყველაფერს გავაკეთებთ.</p><p><strong>- ამ სეზონში ნათამაშებ</strong><strong> შეხვედრებს თუ გადავხედავთ, ყველაზე კარგი შთაბეჭდილება რომელმა მოწინააღმდეგემ დატოვა?</strong></p><p>- ქუთაისის "ტორპედომ". ეს გუნდი ტექნიკურ, კომბინაციურ ფეხბურთს თამაშობს.</p><p><strong>- სხვა მოწინავე გუნდებსაც რომ გადავხედოთ, რამდენად აქვს "ჩიხურას" იმის რესურსი, რომ მათ ეპაექროს?</strong></p><p>- მადა ჭამაში მოდის. "ზესტაფონთან" ფრეც გვყოფნიდა ექვსეულის გასანაღდებლად, მაგრამ მოსაგებად ვითამაშეთ. ექვსეულის თამაშები რომ დაიწყება, მაშინაც ასე მოხდება - მხოლოდ მოედანზე გასვლა არ იქნება ჩვენი მიზანი, სწორედ კარგ გუნდებს უნდა გავუწიოთ კონკურენცია.</p><p><strong>- "ჩიხურა" საშინაო მატჩებს ივანწმინდაში თამაშობს - რას იტყოდი მანდაურ სიტუაციაზე?</strong></p><p>- ივანწმინდა საჩხერიდან ავტობუსით ხუთი წუთის სავალზეა. სეზონის დაწყების დროს მინდორი კარგ მდგომარეობაში იყო, ახლა ცოტა ხარვეზები აქვს. ჩვენს თამაშზე საშუალოდ ათასი გულშემატკივარი მოდის, ტრიბუნა თითქმის სულ ივსება.</p><p><strong>- "ჩიხურას" გამოუცდელი გუნდი არ ეთქმის, საქართველოს ჩემპიონატში ჭიპმოჭრილი ფეხბურთელები ჰყავს...</strong></p><p>- წინა ხაზში კი უფრო ახალგაზრდა ფეხბურთელები გვყავს - 20 წლის შარაშენიძე, დეკანოიძე, კირკიტაძე...</p><p><strong>- "ჩიხურას" ლიდერად ვინ მიგაჩნია?</strong></p><p>- ჩემი აზრით, ასეთი დიღმელაშვილია.</p><p><strong>- საქართველოს არაერთ გუნდში გითამაშია - როგორ ატყობ, კარიერის საუკეთესო პერიოდი ახლა გაქვს?</strong></p><p>- "ზესტაფონში" პირველი სეზონი რომ ვითამაშე, საუკეთესო ის იყო და ვფიქრობ, ახლაც ასეთივე კარგი პერიოდი მაქვს. "ზესტაფონიდან" "გაგრაში" გამანათხოვრეს, "გაგრა" უმაღლესი ლიგიდან გავარდა; მერე იყო "სიონი" და "ტორპედო".</p><p>სადაც მივედი, ყველგან მწვრთნელი იცვლებოდა, არასტაბილურ სიტუაციაში მიწევდა თამაში და ჩემი საქმეც ვერ აეწყო...</p><p><em>მადა ჭამაში მოდის (იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"></p><p><strong>ასევე იხილეთ:</strong></span></p><p><a href="/fexburti/qarthuli-fekhburthi/chempionati/42867-umaghlesi-liga-qchikhuramq-qzestafonthanq-damajerebeli-gamarjveba-moipova-video.html" target="_blank">უმაღლესი ლიგა: "ჩიხურამ" "ზესტაფონთან" დამაჯერებელი გამარჯვება მოიპოვა [VIDEO]</a></p>
დუდუ
maradona, 15 რატო, 55 ათასი იყოს!:) საჩხერეში მოსახლეობა რამდენია, როგორ გგონია?
maradona
ამდენი ფული მქონდეს და ერთი ათი-თხუთმეტი ათასიანი სტადიონი ვერ ავუშენო გუნდს...აი ფეხბურთის ნაღდი მოყვარული და ფანი რინატ ახმეტოვია...
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
ფრე ქუთაისში... და "თელავის" მოგება "გაგრასთან"
87-ე წუთი... "ტორპედომ" ფოთში მოიგო, "გაგრამ" "გარეჯთან" ქულა გადაარჩინა
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
U17 | საქართველო 3:0 ლიეტუვა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ