<p>საქართველოს ჩემპიონატი. უმაღლესი ლიგა. XX ტური <br> რუსთავის "მეტალურგი" ("ოლიმპი") უმაღლეს ლიგაში 2006 წელს გამოჩნდა და იმის მერე მხოლოდ ერთადერთხელ მოხდა, გუნდმა სეზონი პირველ სამეულს მიღმა რომ დაამთავრა.</p><p>ეს ფაქტი 2007-08 წლების სეზონში იყო, როცა რუსთაველებმა IV ადგილი დაიკავეს და აი, ახლა რეალური საშიშროებაა, რომ გუნდმა არსებობის ისტორიაში უარესი შედეგი უჩვენოს.</p><p>მოკლედ, ძალიან დიდია იმის ალბათობა, რომ საქართველოს ორგზის ჩემპიონი გუნდი ზედა ექვსეულში ვერ მოხვდეს. თანაც, რუსთაველები მხოლოდ საკუთარ თავზე აღარ არიან დამოკიდებულნი და ახლა უკვე იმის იმედად უნდა იყვნენ, რომ უშუალო კონკურენტმა "ზესტაფონმა" დარჩენილ ორ ურთულეს მატჩში ქულები დაკარგოს.</p><p>მოვლენების ასეთი განვითარება კი იმის მერე გაცხადდა, როცა მართლაც "არანორმალურად" მოტივირებული "მეტალურგი" ამ სეზონის უდავო აღმოჩენად ქცეულ "ჩიხურასთან" მხოლოდ ფრეს დასჯერდა.</p><p>არადა, მასპინძლებს მონდომება ნამდვილად არ დაეწუნებოდათ და სუსხიან და თოვლჭყაპიან ამინდში 90 წუთის განმავლობაში არაერთი იერიშიც განახორციელეს; მაგრამ ერთი შეხედვით უმოტივაციო მეტოქემაც ღირსეულად იბრძოლა და ერთობ მწვავე კონტრშეტევებით მასპინძლები რამდენჯერმე შეაწუხა.</p><p><img src="/media/images/new_photo/UCXOURI/2012/SOCCER/DEC17-31/MMM/geo/0020 metalurgi-chikhura 1-1.jpg" border="0" alt="Sportall.Ge" title="მეტალურგი-ჩიხურა 1:1 - განწყობაც ამინდს ჰგავდა... [VIDEO]" style="float: left; margin: 5px;" />რატომღაც ბევრს ეგონა, რომ ზედა ექვსეულში ადგილგანაღდებული "ჩიხურა" ამ მატჩს "სერიოზულად" არ მიუდგებოდა; თანაც, სტუმრები რუსთავში სერიოზული საკადრო პრობლემებით ჩავიდნენ (სხვადასხვა მიზეზით აკლდათ: <strong>გიორგი სომხიშვილი, ედიკ საჯაია, ნიკა გუშარაშვილი, ლაშა ჭელიძე, ნიკა კვასხვაძე, რევაზ გოცირიძე</strong>), თუმცა, ამ ყველაფრის მიუხედავად, "ჩიხურამ" ბოლომდე "იომა" და, ნებსით თუ უნებლიედ… "ზესტაფონის" საქმეც "გააკეთა"!</p><p>მასპინძლები ოპტიმალური შემადგენლობით გამოვიდნენ. სტუმართა გამოცდილმა თავკაცმა <strong>სოსო ფრუიძემ</strong> კი, საკადრო პრობლემებიდან გამომდინარე, რამდენიმე გადაადგილება მოახდინა და, როგორც უკვე აღვნიშნეთ, თამაში კონტრშეტევებზე ააგო.</p><p>პირველი გოლიც სტუმრებმა გაიტანეს: <strong>დავით ოდიკაძემ</strong> (ერთ-ერთი გამორჩეული გახლდათ ამ შეხვედრაში) მარჯვენა ფლანგიდან "სტანდარტული" შეასრულა, მასპინძელთა საჯარიმოში კი "ჩიხურას" ცენტრალურმა მცველმა <strong>ჯაბა ბერიანიძემ</strong> ყველას დაასწრო და ზუსტი თავურიც "მიაყოლა"!</p><p>ამ გოლის მერე ტერიტორიულ უპირატესობას მასპინძლები დაეუფლნენ და ზედიზედ რამდენიმე უმწვავესი შეტევაც განახორციელეს. აქვე ისიც უნდა აღინიშნოს, რომ ზედიზედ ორჯერ სტუმრები აშკარა გოლს გადაურჩნენ. თუმცა "მეტალურგის" ფეხბურთელებს მონდომება მაინც დაუფასდათ: მორიგი, თითქმის 100-პროცენტიანი მომენტის ვერგამოყენების შემდეგ <strong>რევაზ გეწაძის</strong> კუთხურს <strong>ირაკლი სიხარულიძემ</strong> ეფექტური გაგრძელება მოუძებნა და ზუსტი თავური დარტყმით ანგარიში გაათანაბრა.</p><p>ტაიმის ბოლომდე სტუმრები კიდევ ერთხელ გადარჩნენ, ერთ ეპიზოდში კი <strong>ირაკლი მაისურაძის</strong> შორეული დარტყმა გაჭირვებით მოიგერია <strong>ზურაბ მწყერაშვილმა</strong>.</p><p>თავის მხრივ, "ჩიხურამაც" შექმნა ერთი-ორი სახიფათო მომენტი: ერთ ეპიზოდში <strong>გაგა ჩხეტიანის</strong> თავური დარტყმა <strong>ზურაბ ბათიაშვილმა</strong> მოიგერია, მანამდე კი, სტუმრების აზრით, "მეტალურგის" მცველს საკუთარ საჯარიმოში ბურთი ხელზე მოხვდა, მაგრამ...…</p><p>მეორე ტაიმი პირველზე არანაკლებ საინტერესოდ წარიმართა და ორივე გუნდმა ტემპიანი თამაშიც შემოგვთავაზა. სტუმრები სწრაფად გადადიოდნენ მეტოქის ნახევარზე, სწრაფი გარემარბებიც - <strong>დავით კირკიტაძე</strong> და <strong>ბესიკ დეკანოიძე</strong> ფლანგებზე აქტიურობდნენ და მეურვეებს წინ წასვლის საშუალებას არ აძლევდნენ.</p><p>თუმცა, მასპინძლებს ტაიმის დასაწყისშივე შეეძლოთ, მატჩის სცენარი შეეცვალათ, მაგრამ რეალურზე-რეალური შანსი ვერ გამოიყენეს: შეტევა <strong>გიორგი მიქაბერიძემ</strong> წამოიწყო, მარჯვენა ფლანგზე <strong>ირაკლი სიხარულიძემ</strong> იაქტიურა და ზუსტი პასით <strong>დიმიტრი ტატანაშვილი</strong> მოძებნა; გამოცდილმა ცენტრფორვარდმაც ეფექტური ფინტით მეურვე ჩამოიცილა, მაგრამ კარის წინ მარტოდ დარჩენილმა ბურთი მიზანს ააცილა!</p><p>ამას მოჰყვა <strong>ირაკლი მაისურაძის</strong> ორი შორეული დარტყმა, მაგრამ კვლავაც უშედეგოდ. მატჩის ბოლოსკენ ტემპი არ დაცემულა, მასპინძელთა ახალგაზრდა თავკაცი <strong>გიორგი ყიფიანი</strong> შეცვლებით შეეცადა სიტუაციის შეცვლას, თუმცა "ჩიხურა" თავსაც კარგად იცავდა და ერთ ეპიზოდში <strong>დავით დიღმელაშვილმა</strong> "შეამოწმა" <strong>ზურაბ ბათიაშვილის</strong> ოსტატობა.</p><p>და მაინც, მასპინძლებს შეეძლოთ ასე ნანატრი გოლის გატანა: <strong>ლაშა ჯაფარიძემ</strong> მარჯვენა ფლანგიდან ბურთი მეტოქის საჯარიმოში ჩაჰკიდა, მაგრამ <strong>ირაკლი სიხარულიძის</strong> თავური დარტყმა ამჯერად არაზუსტი აღმოჩნდა.</p><p>აქვე ისიც უნდა ვთქვათ, რომ პირველი ტაიმისგან განსხვავებით, მატჩის მიწურულს უშეცდომოდ თამაშობდა "ჩიხურას" მეკარე <strong>ზურაბ მწყერაშვილი</strong> და საბოლოოდ, სტუმრებმა რუსთავიდან ქულის "წაღება" მოახერხეს.</p><p>აი, "მეტალურგის" მწვრთნელ-ფეხბურთელთა თუ გუნდის ქომაგთა განწყობა როგორი იქნებოდა, ადვილი მისახვედრია…</p><p><p><div id="1744" class="ws_video" style="width: 150px; text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="/media/images/videomanager/videoimages/http:/video.ambebi.ge/files/2012/12-16/chikhura-metalurgi-1-1qtp.jpg" border="0" alt="Sportall.Ge" title="მეტალურგი-ჩიხურა 1:1 - განწყობაც ამინდს ჰგავდა... [VIDEO]" /></p><p><span style="padding: 2px; display: block;">მეტალურგი - ჩიხურა 1:1</span></div></p></p><p><strong>ყოველდღიური სპორტული გაზეთი "ლელო"</strong></p>
ფრე წყალტუბოში: "გარეჯის" თავურები
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"დინამო თბილისი": სამი გოლი, სამი ქულა
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია