<p>საქართველოს ჩემპიონატი. უმაღლესი ლიგა. XX ტური <br> "ტორპედოსთვის" აქამდე "ვიტ ჯორჯია" ერთ-ერთი ყველაზე უხერხული მეტოქე იყო.</p><p>თავად განსაჯეთ, უმაღლეს ლიგაში დაბრუნების შემდეგ ქუთათურებს საკუთარ მოედანზე მხოლოდ ვეტერინარების დამარცხება ვერ მოეხერხებინათ (2:2, 0:0, 1:1), თუმცა, მიმდინარე ჩემპიონატში სიტუაცია შეიცვალა, <strong>გია გეგუჩაძის</strong> გუნდმა თბილისელები გასვლაზეც დაამარცხეს და შაბათის შეხვედრაშიც საკმაოდ დამაჯერებლად გაიმარჯვეს.</p><p>ტორპედოელებს ორი წამყვანი ფეხბურთელი, <strong>ელგუჯა გრიგალაშვილი</strong> და <strong>გრიგოლ დოლიძე</strong> აკლდათ; სამაგიეროდ, გუნდს დაუბრუნდა ტრავმამოშუშებული <strong>ვახტანგ კვარაცხელია</strong>, რომელმაც წელიწადნახევრიანი იძულებითი პაუზის შემდეგ ქუთაისელთა რიგებში ბოლო 10 წუთი ითამაშა.</p><p>შეხვედრის საწყისი წუთები საკმაოდ დუნე და მოსაწყენი გამოდგა. ბურთი ძირითადად მოედნის ცენტრში ტრიალებდა. შემდეგ სტუმრებმა მცირეოდენი უპირატესობა მოიპოვეს და კარის მისამართითაც პირველად მათ დაარტყეს.</p><p><strong>გურამ გურეშიძე</strong> ბურთიანად საჯარიმოს მისადგომებისკენ დაიძრა და ძლიერადაც გაისროლა, მაგრამ ბურთი კარის ჩარჩოში ვერ მოახვედრა.</p><p>თბილისელებმა შორეულ დარტყმებზე გააკეთეს აქცენტი, <strong>ლაშა კასრაძემ ომარ მიგინეიშვილის</strong> კარის მისამართით სახიფათოდ დაარტა, მაგრამ ხარიხას გადააცილა.</p><p><img src="/media/images/new_photo/UCXOURI/2012/SOCCER/DEC17-31/MMM/geo/0020 torpedo-vit georgia 2-0.jpg" border="0" alt="Sportall.Ge" title="ტორპედო-ვიტ ჯორჯია 2:0 - "ვიტ ჯორჯია" "ტორპედოს" ვეღარ ამწარებს [VIDEO]" style="margin: 5px; float: left;" />ტაიმის შუაწელიდან ქუთაისელებიც გამოცოცხლდნენ და სამი წუთის ინტერვალში ვეტერინარები ორჯერ დაამწუხრეს. ტორპედოელების პირველივე სახიფათო შეტევა შედეგიანი გამოდგა: <strong>ვაჟა ტაბატაძემ</strong> მარცხენა ფრთიდან საჯარიმოში ჩააწოდა, სადაც <strong>ნიკა საბანაძემ</strong> იმარჯვა და ბურთი მკერდით <strong>გიორგი ბერიაშვილისკენ</strong> გადაამისამართა, რომელმაც არ დაახანა და ერთი შეხებით ძალიან ეფექტური გოლი გაიტანა.</p><p>ორიოდე წუთში <strong>ბერიაშვილი</strong> კვლავ მოექცა ყურადღების ცენტრში. იგი მარჯვნიდან ბურთიანად შეიჭრა საჯარიმოში, თუმცა <strong>გურეშიძემ</strong> წესების დარღვევით შეაჩერა და ვიტელების პროტესტის მიუხედავად, <strong>არსენ ნონიკაშვილმა</strong> პენალტი დანიშნა.</p><p>თბილისელთა მთავარი მწვრთნელი <strong>მერაბ კოჭლაშვილი</strong> მატჩის შემდეგ უკმაყოფილებას ვერ მალავდა, თუ ამ ეპიზოდში თერთმეტმეტრიანი იყო, მასეთი ზუსტად სამი მომენტი იყო მეტოქის კართან და არბიტრს არც ერთზე რეაგირება არ მოუხდენიაო...</p><p><strong>ბექა ტუღუშმა</strong> თერთმეტმეტრიანი აუღელვებლად შეასრულა და, როგორც მოგვიანებით გაირკვა, მატჩის საბოლოო ანგარიშიც დააფიქსირა.</p><p>მატჩის მეორე ნახევარი ქუთაისელთა უპირატესობით დაიწყო. თანაგუნდელებმა <strong>გიორგი კუხიანიძე</strong> გაიყვანეს მეკარესთან პირისპირ, მაგრამ მასპინძელთა ფლეიმეიკერმა სუსტად დაარტყა და <strong>ნიკა დაუშვილს</strong> ბურთი პირდაპირ ხელებში მიუვიდა. თავის გამოჩენა შეეძლო <strong>ტუღუშსაც</strong>, მაგრამ ბოლო მომენტში მცველებმა შეუშალეს ხელი.</p><p>თანდათან სტუმრებიც გააქტიურდნენ და ქუთაისელთა საჯარიმოსაც გაუშინაურდნენ. <strong>მერაბ კოჭლაშვილის</strong> გუნდს გოლის გატანის 100-პროცენტიანი შანსიც ჰქონდა: <strong>ირაკლი ღიბრაძის</strong> უძლიერესი დარტყმა <strong>მიგინეიშვილმა</strong> კარის წინ მოიგერია. ბურთი ცარიელ კართან მყოფ <strong>ოთარ ჯავაშვილს</strong> მიუვიდა, რომელსაც ხელს არავინ უშლიდა და ამ ეპიზოდში აცილება უფრო რთული იყო, ვიდრე გატანა, თუმცა <strong>ჯავაშვილმა</strong> ყველასათვის მოულოდნელად სამიოდე მეტრიდან ხარიხას გადააცილა(!).</p><p>დარჩენილ დროში სტუმრები პრესტიჟის გოლის გატანას ცდილობდნენ, მაგრამ დასამახსოვრებელი აღარაფერი მომხდარა. "ტორპედომ" დაგეგმილი გამარჯვება მოიპოვა და მესამე ადგილზე უფრო მყარად დამკვიდრდა.</p><p><p><div id="1742" class="ws_video" style="width: 150px; text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="/media/images/videomanager/videoimages/http:/video.ambebi.ge/files/2012/12-16/torpedo-vit-georgia-2-0qtp.jpg" border="0" alt="Sportall.Ge" title="ტორპედო-ვიტ ჯორჯია 2:0 - "ვიტ ჯორჯია" "ტორპედოს" ვეღარ ამწარებს [VIDEO]" /></p><p><span style="padding: 2px; display: block;">ტორპედო - ვიტ ჯორჯია 2:0</span></div></p></p><p><strong>ყოველდღიური სპორტული გაზეთი "ლელო"</strong></p>
27-ე ტური. ლიდერსა და მდევარს შორის სხვაობა შემცირდა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
პსჟ "ბარსელონას" მცველის ხელში უფასოდ ჩაგდებას შეეცდება
კანავარო უზბეკეთის ნაკრებში კაპაძეს შეცვლის და სოლიდურ თანხასაც გამოიმუშავებს
უარი სუპერლიგას - ''ბარსელონა" გაზრდილი შემოსავლებით კმაყოფილია
სენსაციებით დატვირთული დღე შანხაიში - ტურნირს რამდენიმე ვარსკვლავი ერთიანად გამოეთიშა
ლოჩოშვილის "ნიურნბერგმა" დიუსელდორფში გაიმარჯვა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება
"ჩაკვეტაძე რთულ სიტუაციაშია, მას 7 თვეა არ უთამაშია... ბოლო დროს ხაჭაპურსა და ხინკალს ნაკლებად მივირთმევ" - ვილი სანიოლის პრესკონფერენცია
"ყველა დროის საუკეთესო ვარ და ამას კიდევ ერთხელ დავამტკიცებ" - მერაბ დვალიშვილი
ფოტო უკვე სხვა ფასი ღირს - ცნობილია, რა დაგიჯდებათ იამალის დედასთან ერთად ვახშმობა
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
[VIDEO] თურქი მეკარის ეს სიგიჟე ნახეთ? - ოზერმა "რომასთან" 2 წუთში 3 პენალტი მოიგერია
"პსჟ კი არა, ჩემპიონთა ლიგის ფავორიტი ეს გუნდია" - ლუის ენრიკეს მოულოდნელი არჩევანი
20 წლამდელთა ნაკრებს ვიტო კოლელიშვილი ჩაიბარებს
კონფერენს ლიგა: სიგუას ლამაზი სოლო-რეიდი და საგოლე პასი
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის