<p>საქართველოს ჩემპიონატი. უმაღლესი ლიგა. XXI ტური <br> არა კანონზომიერად, არამედ სენსაციურად ფრედ დამთავრებულ ამ მატჩში ყველაფერი იყო, რაც დიდ ფეხბურთს ახასიათებს: უამრავი მწვავე და 100%-იანი საგოლე მომენტები, აურაცხელი კარში დარტყმა, მეკარეთა სეივები, საპენალტო სიტუაციები, ჯარიმები, კუთხურები, გაფრთხილებები... მაგრამ არ იყო მთავარი - გოლი!</p><p>ამ უკანასკნელის გარდა, სხვაგვარი მოლოდინი არც უნდა ჰქონოდა შეხვედრას, რომელიც თითქმის წყვეტდა პლეი-ოფში მესამე ადგილით გასვლის ბედს.</p><p>უფრო კომფორტულად ქუთაისელები გრძნობდნენ თავს, თუნდაც იმიტომ, რომ მეტოქეს ორი ქულით უსწრებდნენ და "ჩიხურა" ძირითადი მეკარის, ტრავმირებული <strong>სომხიშვილის</strong> გარეშე თამაშობდა. თუმცა ეს დანაკლისი საერთოდ არ დასტყობიათ საჩხერელებს, ვინაიდან სათადარიგო <strong>მწყერაშვილმა</strong> მშვენივრად გაართვა თავი მოვალეობას და მოედანზე ერთ-ერთი საუკეთესო იყო.</p><p>არავითარი დაზვერვა, თამაში ორმხრივი შეტევებით დაიწყო. მე-4 წუთზე ჯარიმიდან გათამაშებული ბურთი დიდი გაჭირვებით მოიგერიეს ტორპედოელებმა, რასაც <strong>შარაშენიძისა</strong> და <strong>დიღმელაშვილის</strong> ძლიერი, მაგრამ არაზუსტი დარტყმები მოჰყვა.</p><p>მე-13 წუთზე <strong>კირკიტაძის</strong> ჩაწოდებული თავიდან ააცალა <strong>მიგინეიშვილმა</strong> <strong>კვასხვაძეს</strong>. მალევე მწვავე კონტრშეტევისას <strong>მწყერაშვილთან</strong> პირისპირ გასულმა <strong>საბანაძემ</strong> ვერ აჯობა კარის დარაჯს.</p><p><img src="/media/images/new_photo/UCXOURI/2012/SOCCER/DEC17-31/MMM/geo/0021 chikhura-torpedo 0-0.jpg" border="0" alt="Sportall.Ge" title="ჩიხურა-ტორპედო 0:0 - გაუქმებული პენალტი [VIDEO]" style="float: left; margin: 5px;" />21-ე წუთზე გოლი თითქმის გარდაუვალი იყო, მაგრამ <strong>კვასხვაძის</strong> დარტყმას მეკარისებური ნახტომით მისწვდა <strong>ჭელიძე</strong> და კუთხურზე გადააგდო, 26-ე წუთზე კი <strong>მწყერაშვილმა</strong> აუღო კარგი დარტყმა <strong>ტუღუშს</strong>. 29-ე წუთზე <strong>კვასხვაძის</strong> ყუმბარისებურს <strong>მიგინეიშვილის</strong> ჩვეული რეაქცია მოჰყვა, ხოლო 30-ეზე ისევ <strong>მწყერაშვილმა</strong> გამოიჩინა თავი.</p><p>37-ე წუთზე <strong>დათუნაშვილი</strong> დასწრებაზე იმდენად ძლიერად და უხეშად შეეჯახა საჩხერელთა მეკარეს, რომ ორივე საექიმო შეიქნა და თამაში რამდენიმე წუთით შეჩერდა. საბედნიეროდ და სამწუხაროდ, დამხვდურმა მატჩის გაგრძელება შეძლო, მომხვდურმა კი - ვეღარ.</p><p>უნდა ითქვას, რომ მსაჯი <strong>კრიჭაშვილი</strong> ძალისმიერი თამაშის საშუალებას აძლევდა ორ გუნდს, მაგრამ, სამწუხაროდ, "ხელისმიერისასაც". ასეთი შემთხვევები დაფიქსირდა 22-ე და 41-ე წუთებზე, როცა მსაჯის სასტვენი ქუთაისელთა სასარგებლოდ დუმდა.</p><p><p><div id="1755" class="ws_video" style="width: 150px; text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="/media/images/videomanager/videoimages/http:/video.ambebi.ge/files/2012/12-20/chixura-torpedo-0-01qtp.jpg" border="0" alt="Sportall.Ge" title="ჩიხურა-ტორპედო 0:0 - გაუქმებული პენალტი [VIDEO]" /></p><p><span style="padding: 2px; display: block;">ჩიხურა - ტორპედო 0:0</span></div></p></p><p>დაბეჯითებით ვერ ვიტყვით, რომ არბიტრს აუცილებლად უნდა დაენიშნა პენალტები, მაგრამ მომენტები საეჭვო და საკამათო ნამდვილად იყო, ხოლო ის, რაც 77-ე წუთზე მოხდა (ამაზე - ქვემოთ), სენსაციის სფეროს განეკუთვნება.</p><p>მეორე ტაიმში "ტორპედო" გუნდს აღარ ჰგავდა - თითქმის არ გადმოსულა მოწინააღმდეგის მოედანზე; უმეტესწილად უხეშობით, კუთხურებსა და აუტებზე ბურთის გადაგდებით იყო დაკავებული.</p><p>გაუმართლა კიდეც უამრავჯერ: 46-ე წუთზე ცარიელი კარის წინ მდგომმა <strong>კვასხვაძემ</strong> ფეხი ცუდად წაჰკრა ბურთს. 48-ე წუთზე ანალოგიური მომენტები გაანიავეს <strong>ლომაშვილმა</strong> და <strong>შარაშენიძემ</strong>.</p><p>თამაში კიდევ უფრო გამწვავდა 67-ე წუთიდან, <strong>ჩხეტიანის</strong> შემოსვლის შემდეგ, მაგრამ მანამდეც და მის მერეც მრავალი მომენტიდან ერთიც ვერ აქციეს საჩხერელებმა გოლად.</p><p>და აი, 77-ე წუთიც: საჯარიმოს შიგნით კუთხიდან <strong>ჩხეტიანმა</strong> ზუსტად უპასა მეორე კუთხეში <strong>კვასხვაძეს</strong>, რომელიც <strong>შერგელაშვილმა</strong> მოცელა. <strong>კრიჭაშვილმა</strong> უყოყმანოდ მიანიშნა პენალტის ნიშნულისაკენ, მაგრამ გვერდითმა მსაჯმა გადაწყვეტილება შეაცვლევინა და მაყურებელთან ერთად ხახამშრალი დატოვა გოლის გასატანად გამზადებული <strong>ოდიკაძეც</strong>.</p><p>მერე იყო 41-ე და ბოლო დამატებითი წუთები, როცა ქუთაისელები ჯერ ძელმა იხსნა, შემდეგ - <strong>მიგინეიშვილმა</strong>.</p><p>დადარაჯებულმა მაყურებელმა ჰაერში აისროლა გასახდელიდან გამოსული რამდენიმე ჩიხურელი. მოწონებისა და გამხნევების გამომხატველი ამ ჟესტის ღირსი ჭეშმარიტად იყო მთელი გუნდი.</p><p><strong>ყოველდღიური სპორტული გაზეთი "ლელო"</strong></p>
giorgi
ბევრი გადაგიხადეს ამ სტატიისთვის? თუ ჟურნალისტი ხარ ცოტა ობიექტურად დაერე რასაც წერ
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
ლიდერი ისევ "დილაა"; "ტორპედომ" კი იბერიელებს აჯობა
"გაგრას" ლიუბენოვიჩი ჩაუდგა სათავეში
შენგელიას 13 ქულა და "ბარსელონას" საშინაო მარცხი "ჟალგირისთან"
"იმედი მაქვს, "ბარსელონაში" დავრჩები" - მარკუს რაშფორდი
შენგელიას 13 ქულა და "ბარსელონას" საშინაო მარცხი "ჟალგირისთან"
კიტეიშვილის "შტურმი" ოთხი გამარჯვების შემდეგ "სელტიკთან" დამარცხდა
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"თოფურია ყალბია. ის ქართველიც კი არ არის, გერმანიაში დაიბადა და გერმანელია" - პიმბლეტმა Marca-ს ეთერიდან თოფურია გამოიწვია
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს